Why we cannot store water in Jaffna

தற்போதைய நீர் நெருக்கடி மற்றும் அதன் காரணங்கள்
1. மேற்பரப்பு நீரைப்போல, நிலத்தடி நீரைப்பயன்படுத்தவும் கவனமான மதிப்பீடு மற்றும் கட்டுப்பாடுகள் தேவை.
2. நகர்ப்புற, தொழிற்சாலை, சுற்றுலா மற்றும் பிற அபிவிருத்திகள் இந்த மூலத்தை அதிகப்படியாகப் பயன்படுத்துகின்றன.
3.தற்போது, குழாய் கிணறுகளை துவாரம் செய்வதை கட்டுப்படுத்துவதற்கான நடவடிக்கைகள் எதுவும் இல்லை, மற்றும் அவற்றின் தாக்கத்தை கண்காணித்து மதிப்பீடு செய்ய எந்த நடவடிக்கையும் இல்லை.
4. அத்துமீறி துவாரம் செய்யப்பட்ட உழவர் கிணறுகள் காரணமாக நிலத்தடி நீர் உப்புத்தன்மை அதிகமாகிவிட்டது.
5. மேலே குறிக்கப்பட்டுள்ளவைகளை ஆராய்ந்து நீர் வளங்கள் பாதுகாக்கவும், சுத்திகரிக்கவும், பேணவும் கொள்கைகள் நிர்ணயிக்கப்பட வேண்டும்.
யாழ்ப்பாணம் நீர் நெருக்கடியின் தற்போதைய நிலை
யாழ்ப்பாணத்தின் நீர் நெருக்கடி குடிநீர், தேவை மற்றும் கழிவுநீர் அகற்றுதல் ஆகியவற்றிற்காக ஒரே நிலத்தடி நீரை மிக அதிகமாக பயன்படுத்துவதால் ஏற்படுகிறது. தேவை பரவலாக விரிவடைவதும், நகர்ப்புறமயமாக்கலும், பெற்றோலிய கழிவுகளும் நிலத்தடி நீரை மேலும் மாசுபடுத்தியுள்ளன. தற்போதைய பிரச்சினைகள்:
1. உப்பு நீரின் உள்வாங்குதல் அதிகமான வெளிப்படைவிலிருந்து,
2. உரங்கள் மற்றும் பூச்சி நாசினி மூலம் மாசுபடுத்தல்,
3. பெற்றோலிய தயாரிப்புகள் மூலம் மாசுபடுத்தல்,
4. தவறான கழிவுநீர் மேலாண்மை.
யாழ்ப்பாணத்தின் நீர் நெருக்கடி சமூக, அரசியல், பொருளாதார மற்றும் சுற்றுச்சூழல் காரணிகளை உள்ளடக்கிய ஒரு சிக்கலான பிரச்சினையாகும். நிலையான நீர் மேலாண்மையை உறுதி செய்யவும், பிராந்தியத்தின் நீர் தேவைகளை திறம்பட பூர்த்தி செய்யவும், சமூக பங்கேற்பு, மூலோபாய கொள்கை அமலாக்கம் மற்றும் தொழில்நுட்ப மற்றும் பொருளாதார தீர்வுகள் ஒருங்கிணைந்த விரிவான அணுகுமுறையை எடுப்பது அவசியமாகும்.யாழ்ப்பாணத்தின் பாதுகாப்பான குடிநீர் தேவையை பூர்த்தி செய்ய கீழே குறிப்பிட்டவைகளைக் குறிக்கலாம்:
1. சுமார் 60% நீர் தேவையை உள்ளமைந்த மேற்பரப்பு நீர்ப்பாசனத் திட்டங்களிலிருந்து, (50% தற்போதைய இரணைமடு போன்ற திட்டங்களிலிருந்தும், 10% புதிய அல்லது மாற்று பாலி ஆறு போன்ற திட்டங்களிலிருந்தும்).
2. சுமார் 15% நீர் தேவையை கடல்நீர் மாற்று ஒஸ்மோசிஸிலிருந்து (Reverse Osmosis), முக்கியமாக வறட்சிகாலங்களில்மட்டும்.
3. சுமார் 10% நிலத்தடி நீரிலிருந்து.
4. சுமார் 15% நீர் தேவையை யாழ்ப்பாணம் நதி, தொண்டமான் களப்புத் திட்டம், மாற்றியமைக்கப்பட்ட யாழ்ப்பாணத்துக்கு ஆறு, மற்றும் யாழ்ப்பாணக் கால்வாய் கருத்து (ஆஸ்திரேலிய பொறியாளர்களால் விவாதிக்கப்பட்டது).
பரிந்துரை மற்றும் முடிவு
இரணைமடுவில்இருந்து யாழ்ப்பாணத்திற்கு பாதுகாப்பான குடிநீரைப் பெற்றுக்கொள்ளும் அதேவேளையில், கோடைக்காலத்தில் தண்ணீர் பற்றாக்குறை ஏற்படும் போது மருதங்கேணியில்உள்ள கடல் நீர் சுத்திகரிப்பு நிலையத்தின் ஊடாக நீரைப் பெற்றுக்கொள்ள முடியும். ஆகவே நெல் சாகுபடி எந்த வகையிலும்பாதிக்கப்படாது. எங்களுடைய சொந்த வளங்களில் இருந்து சொந்த மக்களுக்கு நாமே தண்ணீரைப் பெற்றுக்கொள்வதால், மகாவலியில் இருந்து தண்ணீர் வர வேண்டிய அவசியமில்லை.