Рет қаралды 7,060
星光路上丨怕醜仔羅天宇為事業 衝破心理關口破格演出
羅天宇 作客《星光路上》接受主播 潘盈慧 訪問,自細學游水、溜冰同畫畫多才多藝嘅天宇,當年喺澳洲留學,放假返港時就跟咗細佬去學跳舞,點知一跳就覺得好有型,仲專登停學一年專心學習,仲機緣下透過拉丁舞老師而成為《舞動奇蹟》嘅舞蹈員,最後由媽咪幫佢遞表報名參加咗2016年《香港先生選舉》,當年佢參賽諗法係識多啲朋友,一齊受訓,點知最後獲得少年組冠軍。
入行初期,天宇都係演小角色,直至懷疑演員係咪適合自己時,佢就加入時裝處境喜劇《愛回家》,天宇話嗰五年時間喺丹爺劉丹、林漪娸、黎諾懿同徐榮等身上汲取演技嘅節奏,每當聽到觀眾鍾意自己嘅演出又有好大滿足感, 就令到對演員工作興趣越嚟越濃。
天宇話去到30歲嗰年,喺單親家庭成長嘅佢,突然有種孭起頭家嘅感覺,加上媽咪年紀開始大,變成令自己壓力好大,佢話接拍《跳躍生命線》時就好努力操弗同做好每場戲,因為覺得再唔把握好機會就死,佢指當時壓力大到生白頭髮同甩好多頭髮。
直至《香港愛情故事》首次擔正男主角,佢話當刻感覺好真實,佢講笑話可能當時導演林肯想搏一搏,直至最近兩部熱播劇集《婚後事》同《再見‧枕邊人》中,佢嘅破格演繹更令觀眾眼前一亮。提到一場佢喺《再見‧枕邊人》只係着條孖煙囪喺尖沙咀鬧市嘅場口,天宇話當時條街真係好多人,非常尷尬,因為冇嘢可以遮到成身。
#startalk #羅天宇 #潘盈慧 #舞動奇蹟 #香港先生選舉 #愛回家 #跳躍生命線 #香港愛情故事 #婚後事 #再見枕邊人
#TVB #娛樂新聞 #TVB娛樂新聞台
#ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0