像映留痕 - 銅鑼灣的樂與怒

香港從漁港發展成國際大都會，銅鑼灣就是一個縮影。銅鑼灣漁船停泊的避風塘、怡和的午炮、填海後建成的維多利亞公園、利舞台大劇場，以至較後期的衆多日本百貨公司、高級酒店、酒吧、大型圖書館，都體現著東西薈萃的特色。「維園」裏的「城市論壇」、「六四燭光」、途經軒尼詩道的示威遊行，更是言論自由，表達自由的體現。這些一切都是香港人在安居樂業時空，曾經擁有的歡樂時光。
二零一九年卻是一個分水嶺，自此之後，銅鑼灣以至整個香港，留下的就祇有瀰漫著的一片白色恐怖，和真香港人藏在心底裏的憤怒。
配樂: Illumination · Secret Garden - White Stones
• Illumination
本短片片段/照片來源:
Mylovelyplanet
makoto makoto
Periscopefilm
BBC
香江望神州
大雄工作室
Kelly & Walsh
Getty Images
Unus Alladin
昔日香港
歷史時空
端新聞
自由時報
片中還有好些照片取自網上，或是幾手資料，或是未有記錄來源，無法註明出處，若告知啡伯，定必補誌，鳴謝，並請見諒!
請繼續收看以下製作:
像映留痕系列
第一輯 • 像映留痕 - 第一輯
第二輯 • 像映留痕 - 第二輯
第三輯 • 像映留痕 - 第三輯
第四輯 • 像映留痕 - 第四輯
第五輯 • 像映留痕 - 第五輯
第六輯 • 像映留痕 - 第六輯
第七輯 • 像映留痕 - 第七輯
第八輯 • 像映留痕 - 第八輯
第九輯 • 像映留痕 - 第九輯
往事如流水，一去不回，但總會在某時某刻，在腦海裏再度浮現。你我也許認識，也許不相識，往事總會有一些交集的時空和地域，當我們細味這些記憶，當中故事未必一樣，但甜酸苦辣的感受，也許大致相同。 地方的興衰大事，太沉重了，本系列所記的祇是歲月留下的一點點像映，供你在喝一杯咖啡的時間去細味低徊，也許還會給你帶來一絲感喟。
啡伯隨筆系列
• 啡伯隨筆
本系列用散文、詩篇形式隨筆，意之所至，用兩三分鐘時間，對人對事，對生活無所不談。
褪色的明珠系列
第一輯 • 褪色的明珠 - 第一輯
第二輯 • 褪色的明珠 - 第二輯
第三輯 • 褪色的明珠 - 第三輯
第四輯 • 褪色的明珠 - 第四輯
描述香港由五十年代開始，因緣際會，由難民棲身之地，逐漸成了東方之珠，又因九七陰霾，明珠褪色。本系列通過短篇形式，以連續又獨立成章的方式，將種種大小事件留下的痕跡，用聲光作剪影，以史為鑑。
隔世的自由系列
• 隔世的自由
因野心家的嗜權嗜血，歷史永遠在不同地域，重覆著人類的悲慘命運。過去如是，現在如是，將來呢?
本系列用不同時段，不同地域的極權，去闡述殘暴政權滅絶人性的共通點。
上篇: 納綷下的捷克 -「像自由一樣美麗」
中篇: 新疆 -「不能拒絶的幸福」
下篇: 香港 - 「盒子裏的希望」
自由之戰系列
• 自由之戰
本系列用不同體裁去描寫各地人民為自由而戰。
#銅鑼灣
#怡和午炮
#避風塘
#利舞台
#碧麗宮
#Excelsior
#DickensBar
#維多利亞公園
#城市論壇
#六四燭光
#七一遊行
#香港懷舊
#啡伯頻道
#coffeepak
#一杯咖啡
#像映留痕
#啡伯隨筆
#褪色的明珠
#隔世離的自由

[@hicksng8068]

我只感到希虛，無奈，憤怒，成長於一個，過往會生金蛋都市，曾是亞洲小龍的香港，現在就是恐嚇，亂世的都市，回歸前我已投入社會工作，那時只有請人，現在只有減薪、炒人，那個時候才是最好？只有真正經歷著，回歸前後的人才會有真正體會，感謝啡伯帶我回到從前的美好，令我想起一句話：『新』不如『舊』，盼我有生之年，能看著滿手血腥，害怕真相和專改寫歷史的共慘黨，像納稅黨一樣，絕跡整個世上。

[@coffeepak]

自由經濟有週期，會上亦會落，落上亦會上番，九七前都試過經濟唔好。不過，今日係結構改變，而且係人為嘅打殘自由同法治，係番唔到轉頭嘅，除非極權倒台。

[@kwokcheungyu768]

啡伯，各神交粉絲，太古船坞小童向大家問，小時有-兒伴佢父親就是避風塘興記燒鴨，佢叫大偉最后見佢時佢話賣埋架小巴移民喇，不知他在多倫多可好，在此祝各位珍惜身體，祝大家及家人~切順利，多😊謝啡伯

[@coffeepak]

以前嘅太古船塢小童兄，你位朋友有遠見，希望你有機會同佢重聚。啡仔都祝你同家人一切順利!

[@ngthomas6382]

這一集牽動人心, 勾起不少回憶, 令人唏嘘不已.

[@coffeepak]

能勾起你回憶就好。

[@Ant224224]

定會有一日 我們可以一起 在銅鑼灣高高興興再相見 和一起行去煲底

[@kwokcheungyu768]

好，😊啡伯飲㗎啡，我地飲

[@parlakng7235]

@@kwokcheungyu768世事難料，明天明年我們或會和啡伯在銅鑼灣或香港舉杯慶祝。

[@coffeepak]

但願如你所願

[@coffeepak]

@@kwokcheungyu768 就算飲水都冇問題!

[@coffeepak]

@@parlakng7235 如果光復咗，啡伯一定參加網友約會。

[@florashum6108]

啡伯的製作好用心 多謝分享🙏🏻

[@coffeepak]

謝謝妳的支持🙏🏻

[@williamlai8809]

啡伯老師，我認為到目前為止未見過一個KZbin頻道，比得上你，真的，從各方面比較⋯⋯你的畫面上的各種資訊，各方面的圖片，非常非常之豐富，配上適合的音樂，加上你的旁白，還加埋字幕，你蒐集的資料歷史詳盡，令我佩服👍，我離鄉投奔他方30幾年前，曾經到過大丸買了一個指甲鉗，至今仍在身邊，每當我用指甲鉗時就想起大丸百貨公司！很懷念我的故鄉⋯⋯一個小漁村，現在⋯⋯今非昔比！已經變成一個陌生的地方！啡伯老師，雖然不知你身處何地？但願能夠繼續收看你的與眾不同的頻道⋯⋯謝謝你❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤❤

[@coffeepak]

William 兄，實在太過譽了，人之患在好為人師，啡伯怎麼敢當兄台的老師呢? 啡伯也不敢和其他頻道比高比低，盡量隨自己心中所想所感和大家誠意交流就是了，喜歡與否就祇能隨緣，一切都是緣份。 小小指甲鉗也勾起你的思鄉情赭，William 兄想亦是長情人，希望多來留言交流和各位網友結緣。❤🙏

[@sgwong9746]

同意！我無意中從KZbin 看到他的「花開花落，雲卷雲舒」－片。從此便成了他的追隨者！

[@mariagrace11]

I was born in Hong Kong and have gone back to visit several times. This video certainly brought back a lot of nostalgia and sweet memories for myself, and for my parents who are Hong Kong natives, even though I have lived abroad for many years, my heart will always have a special place for Hong Kong. It is my birth place and it is where I derive much of who I am. Thank you for sharing these beautiful memories and for narrating such a touching tribute to the Hong Kong that we know and love, and will miss forever.

[@coffeepak]

謝謝妳的讚賞，能勾起妳的回憶是啡伯的榮幸。

[@lwchun5927]

我是歐洲啡伯追隨者 及擁躉 熱愛非常 非常熱愛 ，有些節目非常須要廣傳 希望有心人或聽眾人觀眾 有能力有中英文字幕讓好節目不僅局很在華人社會， 泓揚真善美 揭露假醜惡是藝術創作之靈魂 記得布拉格之春的作品廣傳也是有世界各地熱心人的努力傳頌世界每一角落。感謝啡伯頻道努力，港人之光港人希望而努力加油！

[@coffeepak]

啡伯何德何能，竟有兄之厚愛，如此褒獎實令小弟汗顏。短片祇是啡伯閒時排遣有生之年的玩藝，能搏大家同笑，同哭，同感已是啡伯的最大得著了。無論如何，感兄厚愛!

[@sgwong9746]

同意！我從啡伯的「花開花落，雲卷雲舒」－片中開始追隨啡伯。他的片子提材廣濶，觸動心靈，盛載着無限回憶。

[@XnicolasX]

感謝啡伯製作

[@coffeepak]

謝謝支持。

[@tl9787]

又一次 寒天飲冰水 點滴在心頭... 感謝啡伯兄用心製作！

[@coffeepak]

謝謝 TL 兄你嘅支持🙏❤

[@wishfulthinking.ilovemusic5440]

只有土生土長的香港人 才有這種情懷 ...... .

[@coffeepak]

這些一切都是經歷，都是記憶。

[@lisatam2065]

啡伯 感謝你，我細想半世細在銅鑼灣踏過足記，你所說的和甜蜜歡欣我享受過，常懷緬。自由之步我踏過走過。今家人天涯海角，唯獨自走在銅鑼灣街道上，悲傷難過。

[@coffeepak]

別傷感，現代世界已經是地球邨，不比從前，縱然家人分隔異地，網上也可日日見面呢。

[@stevenyeung9045]

童年時最開心就係去大丸百貨 ! 那裏的文具部和玩具部 , 花款之多 , 款色之美 , 留連忘返 ! 雖然無錢買 , 睇下都很開心 !

[@coffeepak]

文具部同玩具部真係可以行好耐架!

[@tangstephanie1161]

多謝啡伯，你的旁白演繹非常細緻和有感情，好像將過往香港昔日嘅風情－－重現腦海，背景音樂非常典雅，無數童年回憶湧現，百般滋味在心頭。感恩🙏🏻🙏🏻👍🏻👍🏻👍🏻👍🏻

[@coffeepak]

謝謝妳的讚賞，能有妳的共鳴就是啡伯的最大得著了。🙏❤

[@TWCY]

Well said & explained Stephanie, support u & 啡伯。👍🏻👍🏻

[@lr1431]

多謝啡伯，又帶我返去從小熟悉嘅銅鑼環，從小到步入中年、生活認識的地方銅鑼灣、小時候第一部超人就係利舞台睇，維園、大丸百貨、三越、松板屋….Sogo、皇后餐廳…百德新街附近、時代廣場附近一帶、真係好多回憶！ 特別碧麗宮戲院那時香港有「東南亞最豪華堂皇戲院」到人生上咗軌道可以喺怡和酒店食下午茶、晚飯真係好多美好回憶。 到孩子年幼常去維多利亞兒童圖書館，今日一去不返，往事只能回味！上年返去感覺熟悉的銅鑼灣已經變得冷清清的銅鑼灣😢 以前坐地鐵都係滿滿人的車廂、行人路😮‍💨

[@coffeepak]

以往的香港，無論是否帶著昔日主觀感情，都令人神往。所呈現的都是中西合壁的本家風味，要土可以很土，要西化也可以很西化，又或者揉合於兩者之間，無意之中散發了一股香港本家風味。今日的香港，被北方外力弄得面目全非，再也不是那回事，往日風味祇留下一絲悵惘。

[@bingno7696]

看完真是百般滋味在心頭，片中所有情景都曾經歷過，勾起無限回憶！對我來說今天的家只剩一個軀殼，人情味不再、食物質素不再、自由不再.........歸屬感也都.............😔

[@coffeepak]

片中都是香港人的共同經歷啊! 2019 後，一切都不一樣了。

[@Monitor2023]

我哋咁嘅年紀 65，只能夠白頭宮女話當年， 懷緬過去，常陶醉， 歡笑面上 總會流淚。 至於最尾的時局政 治部分，就不談也吧。感謝啡伯 🤝🤝

[@coffeepak]

現時環境，很理解的。

[@Monitor2023]

@@coffeepak 啡伯你好 ，你是我的前輩及兄長。 我不是黃 也不是 藍的. 但是我們都是香港人，中國人。 以目前中國取得的各方面成就， 令西方及美國 極力 想壓制中國成長。 就是這點，為著未來的中國發展，未来的中國人民， 我們應該 眾志成城，抵抗外敵，忘記過去，努力面前。🤝🤝

[@coffeepak]

@@Monitor2023 Enochmfg，其實我在序篇也曾說過，抗爭和生活，我寧取生活，我也不希望分黃藍，祇希望以事實論是非。似乎你對中共對外關係有很大的誤解。你知道鄧江胡時代『中國各方面的成就』是怎樣取得的嗎? 是美國和西方世界扶持的 (當然西方世界，特別是美國也得到廉價勞力和中國市場的好處)。美國除了無條件給予中國最惠國待遇，也幫助她入了世貿。但中共一方面以發展中國家身份去拿好處，另一方面又以滲透，賂賄去顛覆國際秩序，到了習時代，甚至提出所謂 『人類命運共同體』企圖以共產極權主導整個世界。這才是真相。

[@Monitor2023]

@@coffeepak 多謝啡伯 意見 🤝🤝

[@coffeepak]

@@Monitor2023 不用客氣，其實意見和觀點可以不同，亦可以討論，大前提是基於基本事實。中共最落力攪的是 "認知作戰" ，很多時候甚至歪曲事實。

[@fanitachung3775]

往事只能回味! 亦曾喚: 大丸有落! 謝謝分享這真貴記錄片🤗👍

[@coffeepak]

謝謝支持🙏

[@claudiasuen1379]

啡伯，片中提及的地方相信你留下不少足跡，而我唯獨沒有享受銅鑼灣艇上的美食和風光。合法的遊行和集會留著不少汗水和眼淚，所有情景一切存在記憶中。

[@coffeepak]

銅鑼灣艇上的美食其實並不衛生，不過就是有風味。

[@papaul8566]

@@coffeepak 香港仔仲有得回味！

[@nanabanana625]

啡伯，你好，😊好欣賞睇你拍的片同埋你的旁述，我曾經住過銅鑼灣 ，你講的地方我全部都去過，我在利舞臺睇過Cliff Richard 來香港的演唱會，好開心睇完你啲片，有一段好好的回憶。謝謝你！🙏

[@coffeepak]

Nana，謝謝妳的讚賞，不過首先澄清，除了講稿和旁述是自家的，片中絕大部份影片片段、照片、配樂都是從網上搜得的，並非啡伯的藏品。另外能夠勾起妳對利舞臺和其他香港回憶是啡伯的榮幸。謝謝妳!❤🙏

[@vondutch7406]

今天偶然發現這這網站，真有相见恨晚之感。在下今年七十八。估計能编辑好这樣的節目的.，也不會年輕到那裏去。在下雖然不在香港出生，但在香港成长。香港便成我的故鄉。離港卅多年，能重温故鄉的点点滴滴，全賴你們这些有心人。謹送上誠意的祝福。🙏

[@coffeepak]

給你發現也是緣份呢，希望你會喜歡啡伯的製作，若有你的共鳴，更會是啡伯的製作動力。

[@jefftam18]

@@coffeepak 我住九龍，銅鑼灣比較少去，請啡伯做一下九龍的回憶

[@dillsf7342]

拍拖時 dicken bar 反而少去，我地去百德新街那有數十種咖啡揀的鋪多… 還有大丸對面的紅寶石，讀中學時在那裡做了五年 part time. 小學時經常跟大丸的阿差斗法，偷入去嘆冷氣。

[@coffeepak]

銅鑼灣真係好多選擇，亦好多色彩。

[@Ylchan-pn6ex]

感謝啡伯，讓我們緬懷過去，給下一代留下一段歷史，祈望文化能承傳

[@coffeepak]

不用客氣，謝謝你。

[@oviliatam7540]

當年輕時~令我尊敬的香港老百姓~那年代的事情~銅鑼灣晚上打麻雀~食粥(老鼠？😂)聽真實艇女人唱歌~15元粵曲~❤❤❤

[@coffeepak]

那韶光一去不返了。

[@qaz12312373]

多謝師兄講解銅鑼灣，小弟就住喺時代廣場附近三十年，真的百感交集⋯⋯

[@coffeepak]

誰又不感慨呢?

[@cheminglau8505]

多謝啡伯，唎一集勾起我以住香港美好嘅回憶。

[@coffeepak]

回憶不一定全都美好，但就是有著所有甜酸苦辣，充滿人味。

[@stevenyeung9045]

不只是銅鑼灣 , 40年前上環港外線碼頭的大撻地 , 有平民夜總會之稱 , 亦令人回味無窮 !

[@coffeepak]

同油麻地個大撻地互相揮映!

[@alanlam1075]

炒蜆、做褲、地攤。

[@kaikeichow475]

大笪地平民化！有賣武賣藥，西裝賣！我鐘意飲冰凍馬蹄露，冰凍椰汁！回味！回味！

[@calvinkwan4127]

你好啡伯 你這輯新節目銅鑼灣,我習慣叫銅鑼環,你所講述的歷史和上世紀的著名地標 例如古舊的利舞台和我童年時爸媽一起和我去的大丸百貨公司 還有中秋節和農曆年尾行花市去的維多利亞公園 還有很深刻印象的上世紀七十年代避風塘在旦家艇上的炒蟹還有炒蜆和食海鮮我好多時都有去食等等 80年代的碧麗宮,另早前舊的在百德新街有翡翠明珠戲院,看見畫面很多美好的回憶當年和家人一起 在昔日 這多麼美好的城市生活的片段 一一在腦海中浮現萬分感慨！祝啡伯你身體健康❤

[@coffeepak]

Calvin，你所講嘅都係大家嘅共同經歷。你提起翡翠明珠戲院，記憶又番番嚟，戲院係邵氏旗下嘅。其實銅鑼灣好似有超過十間戲院，最輝煌嘅利舞台同碧麗宮都喺呢區，好巴閉。

[@calvinkwan4127]

@@coffeepak 係呀啡伯 你講得啱呀 你講述美國己故歌星Andy Williams 在利舞臺演出。講到全港九執牛耳的高級戲院和劇院都是在銅鑼環當年好多戲院 我除了去利舞臺睇戲 我還會去豪華和新都,百樂戲院睇戲 睇完七點半去波斯富街口桃園麵家嘆番碗雲吞麵 講起又想食 真為食

[@coffeepak]

@@calvinkwan4127 銅鑼灣的確係香港繁華嘅縮影。

[@peterling9071]

Really had a lot of great memories, 😇not anymore 🤐😂thank you coffeepak

[@coffeepak]

Peter 兄，往事如煙。

[@stevenyeung9045]

當年碧麗宮戲院 , 我幫襯過兩次 , 就是看了時光倒流70年兩次 ! 女主角珍茜摩爾 , 真係靚到絕 !

[@coffeepak]

確係靚絕。

[@pshanny5448]

我睇咗5次😅

[@stevenyeung9045]

@@pshanny5448 破了健力士紀綠🤥

[@sunnylam3852]

Ppl like up pump mom pop pp p

[@kentlee9215]

啡伯好！看你的片特別有感覺！！！ 利舞台沒有看過戲！而出現的港外歌星只有仙姐白雪仙仍健在！碧麗宮第一套看的片是當年三禁片之一的美國舞男，因有李察基爾的正面全裸，所以女觀眾要18歲才可觀看，另外两片是發條橙和巴黎最後探戈！！食街是和邨友遊完虎豹別墅去行。利園山道對我亦有一笑話，那時被公司掉了去銅鑼灣派出遞，因要找利園山道，便買本地圖查看，才知泊車位置便是！😊 見很多留言是唏噓！！！包括我！！！ 祝平安！順利！愉快！

[@coffeepak]

Kent 兄提及的三套電影都很具爭議，除了"巴黎最後探戈"，其餘兩套都看過。兩套電影，特別是"發條橙"直到今日仍很前衞，而導演 Stanley Kubrick 的成就也和 Steven Spielberg 一時無兩，一邪一正雙輝映。

[@kentlee9215]

@@coffeepak 感謝啡伯回覆！巴片男主角是馬龍白蘭度！導演是貝納度貝托魯奇！或因講肛交而成禁片？

[@kentlee9215]

@@coffeepak 感謝啡伯回覆！巴片男主角是馬龍白蘭度！導演是貝納度貝托魯奇！或因講肛交而成禁片？

[@coffeepak]

@@kentlee9215 "因講肛交而成禁片？" ---> 印象中聽説是，不過未看過影片就不好說甚麼了。貝納度貝托魯奇的末代皇帝溥儀從西方角度去看這段歴史，倒很有意思。

[@kentlee9215]

@@coffeepak 感謝回覆！說得對！

[@alanlam1075]

我在西環長大的，完全明白，多謝啡伯 😪

[@coffeepak]

🙏❤

[@singyiutse8386]

碧麗宫及利舞臺被拆卸，有點可惜。由其利舞臺。大丸及其他日本百貨公司，亦被時代巨輪推走。避風塘艇户，我未光顧過。維園亦今非昔比了。只能留下回憶。

[@coffeepak]

一切都祇能留在腦海中了。

[@irenewong433]

Mr Coffeepak，我嚟喇!😊😊😊 今次的話題係銅鑼灣 CWB，真的令我湧現太多回憶，實在太多太多太多了。 尤其是對第一次去到的銅鑼灣印象甚深，至今仍揮不去! 當年我大約3歲，父親帶我去到軒尼詩道與東角道交界處一幢房子(即如今崇光)的樓上睇醫生。依稀記得醫生姓劉，他讓父親扒在牀上，露出半個月光之後，突然，來個迅雷不及掩耳之下，針，已經飛插在父親的屁股上。然後，醫生施施然行過去把針取出。 Mr Coffeepak, 你話啦！咁刺激嘅事情，係唔係好震撼好難忘?!😂😂😂😂😂 當年，我雖然細個，但父親經常教導我們對周圍環境要留意，就算盪失，都會因為記得地方而對自己有幫助。 所以，至今仍然記得當年的東角道盡頭是一個用石塊堆砌的圍牆同一個大鐵閘。今時今日仍在的香港大厦係空地(?) 及後，外公每年生日，都會在樂聲戲院旁的勝斯酒店設宴。又，母親會帶我們去豪華戲院逢星期日早上的看迪士尼卡通電影。及後的維多利亞公園，每年去鶴鳴買鞋，七寶齌廚食素，維園行年宵..…等等等等。這些童年回憶至今歷歷在目! 及後，搬到銅鑼灣居住，因為靠近軒尼詩道，每日每夜不停的電車聲，小巴招客聲，令人煩躁不堪! 不過，附近的電影院食肆之多，百貨公司和交通之方便，又確實在煩躁之青春期的我們帶來減壓。 近期數次的回香，每每路過銅鑼灣，想起的變遷，駱克道尾的利園雲吞麵店，利園山道上的印尼餐廳，皇后餐廳，波斯富街的義順雙皮奶，泉章居，(舊)利舞臺，黄泥涌道上的鞋店同電車站的大榕樹，霎東街的電車廠房同旁邊的街市已經煙沒了，有的只是回憶，年輕時的回憶!

[@coffeepak]

Irene，唔怪得等咁耐，妳先出現，原來妳咁多回憶細節，我要慢慢睇再覆妳!

[@irenewong433]

@@coffeepak 其實係Ewa同我講，但已經夜喇。然後又唔得閒，所以遲咗🤪

[@coffeepak]

Irene，我細個時都好驚打針，但偏偏又因體弱時時感冒發燒，成日要睇醫生，醫生又一定話要打針，呢樣就係童年第一大恐怖事。講起認方向，我可算係弱智，東南西北不分，好冇方向感，就算係去廁所，去完番嚟都可以搵唔番原位，由細到依家都係咁，你叫我認路認街，記地方點去就死得，但係人同事就記得好清楚，就算細節好多時都記得。兒時回憶就真係多到講唔完，如果唔係邊有咁多片製到出嚟呢？妳話係咪呀，Irene?

[@irenewong433]

@@coffeepak Mr. coffeepak, 講到打針，當日情況至今難忘! 至於記地方，因為爸爸會在每次回家後都會抽問，所以印象深刻。 後來在北京工作時，當地人會在你問路時告訴你往哪個方向走多少米等等，從而更多少識得在陌生地方找到目標。 Mr. coffeepak, 可否記得7O年代的花車巡遊亦曾在維多利亞公園作起點？鵝頸橋底的打小人？東角道上的金寶夜總會？豪華戲院旁的夜總會？這些都係銅鑼灣當年特色!

[@kasunlam5735]

香港雖然有過光輝歲月，但現在只有留下無限唏噓

[@coffeepak]

往事如煙

[@castmo]

感謝啡伯

[@coffeepak]

❤🙏

[@hillman2813]

銅鑼灣盛載著我童年、青年、中年的回憶！喜怒哀樂的片段湧上心頭。〈時光倒流七十年〉的確是拖著女朋友，現今太太在碧麗宮看，情境依然清晰。數十年維園燭光，我倆也從未缺席。銅鑼灣也曾是我十多年居住及工作的地方，結婚生子的場景！ 不想回憶，未敢忘記！燭光未冷，仍在數百萬人心中。看走狗橫行到幾時，黑暗盡頭便是光明！啡伯，你字字句句，撫觸心扉！

[@coffeepak]

山兄，銅鑼灣不祇盛載著已逝去的過往美好，也盛載對極權硬派一份厄運的不甘心，真香港人心不會死的!

[@evawong8374]

啡伯，您好！我今次夠早嘞啩？因為我正在食晚餐，循例手機送飯，突然睇到你的頻道出現，嗱嗱聲㩒入去睇！ 我係九龍友，對香港島唔係太熟，但熱門地方都ok熟嘅！銅鑼灣當然屬熱門地方啦，我以前一年之中都會去好多次的。我自小就跟隨大人講“銅鑼環”，後來好多人改口，我到今也改不到，這是我的執着。同樣叫“環”的仲有土瓜灣，但它沒有改稱土瓜“灣”，仍叫“土瓜環”呢！ 銅鑼“環”的熱門地點，正如啡伯你所講的大丸、松板屋等等，我都有帶兒女去逛過。至於利舞臺劇院，我雖未入過去，但很欣賞它的氣勢。碧麗宮戲院我就係入去睇“時光倒流七十年”的！兩院拆掉非常可惜，好多嘢我覺得新不如舊。新的建築物幾靚都好，好似缺少了靈魂，冷冰冰的，總不及舊的令人讚嘆！維園的燭光晚會，軒尼詩道的遊行，我有幸參加了好幾次（碰啱我在香港）。如今一切已成過去，香港只剩下名字，啡伯頻道最後一句，正是真香港人的寫照！😢

[@fcw1398]

@evawong 晚安 唔見好耐！好嗎？ 不過每當我講嗰個避風塘我仍稱之為 （口語）銅鑼環避風塘！嘅。 仲有，好多時仲係講 去銅鑼環、銅鑼環乜乜乜⋯⋯

[@evawong8374]

​@@fcw1398黄sir, 早晨！好耐冇聯絡，昨晚剛在晚飯看到，所以有空留言。你也好嗎？ 係，我叫咗幾十年銅鑼“環“，係唔會改口叫銅鑼灣的，甚至聽到人哋講，我都覺得怪怪的。連我的童年朋友都改了口，但我就係咁執着！😒

[@fcw1398]

@@evawong8374 早晨Eva 冇法子、雖然1952 年初由香港中環堅道太子臺搬往九龍大坑東又一村一住就差不多卅年然後再搬回港島藍塘道。86年就移民加記。但我地始終係銅鑼（環）時代的人！ 🤭🤭 至於銅鑼（灣）我覺得係有地鐵站才開始這樣稱呼！但始終唔慣！

[@evawong8374]

@@fcw1398 係唔慣，係以後都唔會慣！

[@fcw1398]

@@evawong8374 呢句好真👍👍

[@parlakng7235]

謝謝啡伯，銅鑼灣在我腦中留下感情，小時愛去維園和游泳，疫情前每次回港都有去維園去聽雀鳥聲。謝志鋒黃之鋒也是懷念人物！

[@coffeepak]

銅鑼灣留下的記憶很多，故事也很多，説也說不完。

[@alanchow3537]

七十年代至八十年代初，我在這些地方留下無數足跡，如今祇有一片唏噓，我愛以前的香港😢

[@coffeepak]

一切都已隨風飄散。

[@faichi4929]

以前星期日去京寶茶樓飲茶, 然後上大球場睇波, 再行幾間日資百貨, 真係美麗的回憶.

[@coffeepak]

銅鑼灣嘅回憶真係多到講唔曬。

[@sgwong9746]

好正！好精彩！

[@coffeepak]

謝謝

[@georgelee212]

好大感觸！我就住係景隆街總統戲院附近，睇住怡東酒店起，知道大丸煤氣爆炸，香港百貨電車路有土制菠蘿！曾經是亞洲四小龍，如今變成南深圳，悲從中來!

[@wongandy9994]

你好，你是小弟街坊呀!可能我們也曾見過吧!我亦住在總統戲院對面，即總統商塲上面的中央樓呀😊

[@coffeepak]

希望在明天，勿失鬥志，總有光復一日!

[@georgelee212]

@@wongandy9994 原來真係街坊，我住中央樓隔離既新安大廈！中央樓樓下有間金杯餐廳，星期六、日就可以即場投注外圍狗！😃😃😃

[@wongandy9994]

@@georgelee212 還記得總統戲院對面有間又山堂凉茶舖，附近間昆山麵包舖，中秋節有月餅賣好有氣氛，總統行前d有間士多，對面亦有間士多，隔離係新民文具舖，烟草公司(即現在依利莎伯大厦)

[@georgelee212]

@@wongandy9994 原來真係老街坊，咁你實知道德生中藥、明園馬來餐廳、法國餐廳、三元燒臘、源源茶餐廳同金池舞廳啦！

[@engelberthk]

Your videos are absolute excellent, but with a sad feeling at last, getting sad & more sad, a year after a year

[@coffeepak]

感情自然流露，控制唔到呢。

[@dnd3241]

無限唏噓......此情此景不再, 真的非常懷念 !

[@coffeepak]

也令人憤怒!

[@user-kc8je4wq5e]

旁述得太好，講出真正香港人心聲，我今年六十四歲消極地說一句！「有幸地見証着大時代的變遷」！！！

[@coffeepak]

同佢鬥長命，會見佢地折墮嘅!

[@davidng7595]

「二零一九年卻是一個分水嶺，自此之後，銅鑼灣以至整個香港，留下的就祇有瀰漫著的一片白色恐怖」! 唉,「啡伯」顛倒黑白, 將2019年喺香港發生嘅「黑暴事件」講成「白色恐怖」, 我無言啦 !

[@coffeepak]

如果唔睇前因後果，就話係「黑暴」，無言嗰個係啡伯就真。有興趣 (若冇都冇問題)，可看看盒子裏的希望。

[@StPaul1961]

同齡，同相遇，同感。

[@josephinetse8076]

銅鑼灣;我的青春期所在地啊,太多回憶了。感谢啡伯❤🙏⚘

[@coffeepak]

Josephine，多謝妳長期支持! 銅鑼灣回憶真係講唔曬!

[@irenewong433]

Josephine, 你好! 我的青春期亦係在銅鑼灣呢！

[@evaliu7181]

真香港人必定有同感！

[@coffeepak]

一定有!

[@wong85200]

多謝美好回憶 🙏 You never know the value of the moment until it's becomes a memory

[@coffeepak]

失去了才懂珍惜。

[@williamlai8809]

啡伯老師❤❤❤❤❤❤❤❤❤利舞臺令我難忘的戲院，碧麗宮上演⋯⋯時光倒流70年⋯⋯那套片是我的至愛❤❤❤我也記不清我看了多少次，很喜歡那片的配樂音樂，一切一切都已成追憶！感謝老師你觸動我的❤

[@coffeepak]

時光倒流70年確實勾起了不少香港人的回憶，今時今日也很多香港人渴望時光可以倒流，回想起利舞台，回憶著碧麗宮，誰又能不觸動呢?

[@fcw1398]

本片真係時光倒流70年（代） 👍👍👌👌

[@coffeepak]

70年代正係香港如日初升嘅年代。

[@irenewong433]

同意! Mr Coffeepak 的製作，一直在提醒我哋True Hongkonger💪💪💪

[@fcw1398]

@@irenewong433 絕對贊成、我哋係true Hongkonger 👍👍👍

[@fcw1398]

@@coffeepak 可惜由2010是開始入水繼而沉沒年代🥶

[@yatkui7678]

我細個去過食街1-2次，果度嘅噴水池仔好有特色同依家嘅食街差得遠！好似，學你話齋冇人味！－味抄外國feel！多謝啡伯製作，助我長歷史知識，又說出我心底話！祝好人－生平安💛

[@coffeepak]

阿一，多謝你!

[@ARDX2012]

我在銅鑼灣長大, 大部分的兒時回憶都是發生在銅鑼灣,包括數不盡的晚飯後和祖父母,父母親到維園散步,看煙花,大丸百貨逛街,什至包括五六歲時因為頑皮而走失,幸而在大丸百貨門前遇到巡邏警員,結果警察陪我沿著回家的路上重遇急著尋找我的父親,後來工作時第一条領呔也是在大丸百货買的,另外還有牛奶公司的倉庫,可能因為從公園看到從倉庫中經輸送帶把巨大的冰磚送到貨船,覺得很有趣;另外在中學時，在維園和同學踢足球，或是和叔叔在園內壁球埸打壁球，還有在維園小山岡上玩模型坦克；那時銅鑼灣還有皇上皇餐廳，回憶中一位同學因為父母親都要工作，時常要一個人在外吃飯，便有時捱義氣陪他在那裡吃特價午餐；還有和 太太初相識時共渡的第一個年宵，便是和她從維園年宵市場步行回到港𡷊東送她回家;今年初回港時，銅鑼灣繁華依舊，只是每一代人的回憶可能不同，但香港仍然是香港

[@coffeepak]

過去的已經過去，雖仍是人來人往，祇見滿街警察國安，對著普通行人如臨大敵，隨時截查搜身，隨意拘捕。香港仍然是香港?? 不是吧??

[@ARDX2012]

七十年代以來在鬧市中警察向可疑人士查身分證件已是常態，機動部隊亦成立多年,並非今天才有的編制,港產片也有不少以此為題材,你沒有看過嗎？

[@coffeepak]

@@ARDX2012 以前有如此大陣仗大堆頭嗎? 有任何途人都搜身嗎? 有設立搜查帳蓬嗎? 有以言入罪嗎?? 以前截查的是可疑黑社會，現在祇要是年輕人都查! 連記者正常採訪都要留難。可能你離港太久了，接收的都是單一大外宣資訉，難怪的。

[@danny99ho]

@@coffeepak佢 Patrick Ho 識用 港產片 做佐證 應該 係 紅線女 上身喎😁 唔知佢 Patrick Ho 有冇榮譽文學博士 稱號 呢？

[@PPPYYY19]

@@coffeepak 有因必有果

[@superdavid1964ify]

啡伯, 多謝你的Video. 每次看到都好感動. 但每次啡伯都在video 尾聲expressed 你是frustration. 希望今後啡伯可以放鬆開懷，快樂咁生活，畢竟大家年紀都大啦。Peace.

[@coffeepak]

啡伯對香港嘅轉變係痛心同憤慨，製作短片時就係要舒發出嚟，唔想谷住自己。喺現實生活都會放鬆自己，盡量享受生活嘅，好多謝你嘅關心。❤🙏

[@tonytony3895]

Outstanding narrative, excellent vedio and photography. Thank you very much and take care. ❤️🇭🇰

[@coffeepak]

多謝你嘅讚賞同關心，不過，啡伯頻道祇有講稿同旁述係原創，其除影片片段、照片、同埋配樂絕大部份都在係喺網上搜尋嘅，希望你明白。

[@raymondyeung2791]

啡兄請容許我補充多一点回憶吧！還有翡翠，明珠兩大戲院。就在大丸百貨的對面。喜愛飲coffee 的老友記，還記得位於食街的大水壺招牌嗎？我首次品嚐台灣菜，便是位於食街內嘅青葉小館啦…

[@coffeepak]

是的明珠兩大戲院。就在大丸百貨的對面，也在松板屋旁邊，專門上映邵氏電影。八十年代食街裏面各方菜式都有，香港人已經不再是五、六十年代般一窮二白。大水壺招牌? 當然記得!

[@ericchau885]

過往美好嘅會議，我中學時代就住喺大坑，日日都落銅鑼灣。

[@coffeepak]

過往好多香港都住過銅鑼灣，就算未住過都去過，而且留低好多記憶架。

[@parlakng7235]

謝謝啡伯愛港之情。銅鑼灣，香港，九龍，新界，所有這些我所愛的地方只有在腦海中留戀和回憶。好久沒有聽到謝志鋒消息了，他好嗎？香港，這個英殖民地統治的繁華狗地方，無錯，將它打殘打爛後再重新建做一個更光更亮的東方之珠，重新建做一個更好的金融中心？

[@coffeepak]

謝志鋒這幾年已沒有他的消息了，他有加拿大籍，也許他在加國吧 (不知道)。重新建做一個更好的金融中心？憑共產黨? 痴人說夢吧?

[@jefftam18]

@@coffeepak 香港是共賊必須的救生圈，因有美元，可呃美金保命，上海/深圳用垃圾人民幣是沒用的，但香港長遠能保住美元嗎？

[@jefftam18]

@@calvinkwan4127 因香港有美元，就算今日衰樣，樓股 又跌又低成交，還是幫共賊呃唔少美金保命，上海/深圳用垃圾人民幣，佢自己都識印！

[@canman5060]

Bring back lots a fond memory for me in this area.

[@coffeepak]

好多香港人都有你嘅感覺。

[@raymondyeung2791]

當年和女朋友拍拖，常去銅記看電影或午夜場。有時去食潮州菜打冷，或者去波斯富街幫襯一名叫肥婆喳喳嘅中式糖水。當年的我青春歲月，如今我巳係花甲阿叔了。日子仍要過，祝大家健康平安自在。❤❤❤

[@coffeepak]

是的，可以失望，不能絕望，啡伯亦常以此自勉。❤

[@muileechan3813]

記得61年第一次睇日本時裝秀的模特站在電梯上慢慢落來好新奇❤我女兒61年出生所有品都是大丸買的2歲就買左和服佢穿行街好多人讚的🎉🎉🎉🎉

[@coffeepak]

當年大丸就是吸引。

[@hochi1983]

睇到流眼淚🥲

[@coffeepak]

唔好難過，心存希望。

[@QRQR777]

有些影像、照片，標示出6、7十年代的銅鑼灣，會細心地看，似像夢迴中流逝！

[@coffeepak]

影像、照片都是網上搜得的。

[@krakenreleased9863]

All glory is fleeting.

[@coffeepak]

已成過去

[@krakenreleased9863]

@@coffeepak Yes -- TOO SAD TO SAY!

[@user-tl1tm3fm9d]

故園不堪回首月明中，問君能有幾多愁﹗感謝你帶給我的回憶及悲傷！

[@coffeepak]

現在的香港，撫今追昔，誰能不悲傷?

[@TWCY]

Thank you 啡伯, lots of good memories, those were the good old days. 👍👍🙏🙏

[@coffeepak]

🙏🏻❤️

[@tmc6359]

啡伯你好。記得70至90年代香港銅鑼灣，朝氣蓬勃繁榮昌盛，各行各業日進斗金，令人懷念神往。此情只待成追憶，今日不再復甦了。唉！

[@coffeepak]

香港美好也祇能成追憶!

[@tmc6359]

@@coffeepak 唉！東方之珠，香港地前途無亮，欲哭無淚無語問蒼天？

[@coffeepak]

@@tmc6359 😢

[@pakkwankong8138]

還有🙏 大丸百貨公司 站在門口樓梯 穿著和服的 日本小姐 向遊人說聲 😊 歡迎 !

[@coffeepak]

係呀，呢樣係大丸經典特色，多謝你補充!

[@pakkwankong8138]

尊敬啡前輩 何說補充 🙏🫡 🙏 (因是一個無可取代的印記) 與大家分享

[@pearllovely4074]

以上部份情節只有等大個先有試過。我係九龍人，少過海！好感激製作香港嘅文化歷史短片！❤🙏🙏

[@coffeepak]

九龍人以前過海都比較隆重嘅❤🙏

[@pearllovely4074]

😄🤣

[@chungjos]

睇到眼濕濕

[@canman5060]

Only exist in memory.

[@coffeepak]

一切如夢似幻

[@StPaul1961]

這條片啡伯講述的香港，正是我經歷過的香港。謝謝啡伯！

[@coffeepak]

不用客氣，這也是香港人的共同記憶。

[@hmlai6995]

我在怡和街工作了22年見證了1973至1994的盛世銅鑼灣，當年畢業出來工作我只是16歲，我在那裡結識了兩任妻子，逝去了的事物無論好與壞都令我感到無限唏噓。

[@coffeepak]

銅鑼灣盛載著很多香港人的回憶，當中有你，有我，有他。

[@fcw1398]

早晨啡伯 銅鑼灣避風塘印象深刻、因為由1952年我家卅尺長的小遊艇就開始停泊在此⋯⋯及後至73年我自己的46尺長的遊艇亦停泊在此至86年移民連皇家遊艇會員泊泡亦以100萬讓給別的會員。 避風塘的風月無邊酬酢回味無窮呢！

[@yatkui7678]

黃sir你猛料之人！當年避風塘好有特色，你有冇咩趣聞？

[@coffeepak]

FC 兄，咁樣坐住隻遊艇去欣賞避風塘風情，又有風月無邊嘅酬酢添，唔回味就假咯! 羡慕兼妒忌添呀!🤩😍🥰

[@irenewong433]

黃Sir，1952年係戰後數年，大家仍在博命翻身之際，閣下家庭已擁有遊艇，💰💰💰💰💰💰

[@fcw1398]

@@coffeepak 嗰個年代、下午出海吹風、黃昏駛回避風塘、然後叫隻炒賣艇泊在船傍、看著他們炒蜆、炒蟹、整燒鵝瀨粉、艇仔粥、即整即食、物美價廉、正過大三元、新國民、不奕樂乎！

[@fcw1398]

@@yatkui7678 啊、俗語有話、喺嗰度食、唔好喺嗰度痾！ 通常都係約咗（朋友）或（朋友們）中午後在中環皇后碼頭或九龍尖沙咀公眾假期登上遊艇然後揚長出鯉魚門、出左佛堂門水道然後往東北方向的無人小島去盡情歡樂⋯⋯。不會在避風塘範圍內攪攪震嘅。至於趣聞、多🉐️很呢！不過宜面談！🤣🤣

[@eclifeforgood]

小時後可以花半個小時站看大丸百貨的糖果鏇轉機 (一盤盤五花八門的精美菓子，不停在眼前升升降降)， 可惜爸爸多數只買了比靠耐食便宜的羊糕(羊羹?)😂 還記得大丸旁邊小巷裏的生炒大良栗子嗎? 香噴噴啲味道永不忘記。識搵錢時，便會去 Excelsior 的Talk Of The Town, those were the days ❤

[@coffeepak]

差啲唔記得除咗 Dickens Bar，仲有 Talk of the Town添! 真係 those were the day 咯。

[@hkhk5223]

往事只能回味！

[@coffeepak]

印在腦海裏。

[@hkhk5223]

@coffeepak thank you for your everything to bring me back the good memories !

[@coffeepak]

@@hkhk5223 唔使客氣，多謝你嘅支持！🙏

[@fcw1398]

大丸有落 依家可能仲work 恐怕過一陣子那班左軚北大哥嚟香港楂埋的士小巴時、你話大丸⋯⋯ 司機大哥會問你、大丸？（係乜春）呢！ 🤣🤣🤣

[@yatkui7678]

北大哥話：什麼丸？牛丸吖！肉丸吖！😆🤣

[@coffeepak]

@@yatkui7678 還是睾丸?😅

[@irenewong433]

黄Sir，最近已經有好多車入錯線，泊錯位差啲衝上行人路喇

[@fcw1398]

@@irenewong433 Right! 這就是太多粵港牌師兄傑作！漸催常態化！ 可能導至不久將來港澳駕車要跟6國一體化、全部改曬左軚駕駛、 右上左落行車！🤣🤣👏👏

[@fcw1398]

@@yatkui7678 因為港語大丸用《牠們的普通話講》出的語音大概係（大玩） 佢可能唔知閣下點（玩）法嘛！🤣🤣🤣

[@charlesyu2507]

Thank you so much

[@coffeepak]

🙏

[@connieleung7858]

當年我爸爸帶我們到大新公司買了－部 Dymo機，好時尚，令我童年有着無比的優越感。

[@coffeepak]

Dymo機 當年係高級玩具。

[@paulkscheung-hm2gq]

唏噓到😢喊咗

[@ericc129]

me too

[@ericc129]

然後我先察覺到，原來我真係好愛香港😥

[@fcw1398]

我就喊唔出嘞！ 眼淚早已乾！ 心up !❤️‍🩹

[@coffeepak]

鬥長命!

[@fcw1398]

@@coffeepak 我唔掂喎！已經快81喇！你可能🉐️！🤗

[@kwingkwing9864]

虛空的虛空，凡事都是虛空，已有的事後必再有，已行的事後必再行，萬事萬物都有定期。惡人乃為禍患的日子所造的。

[@coffeepak]

正如宋代王淇 巜春暮游小園》一詩: 一叢梅粉褪殘妝，塗抹新紅上海棠。開到荼靡花事了，絲絲天棘出莓牆。

[@GA139]

Amen!

[@laurencelau1984]

大丸曾經在樓上開設有餐廳，不過只是經營了一段短時期。至於食街某西餐廳的德國咸豬手，就非常美味，80年代價格，廾五元全隻豬手及配菜作為main dish ， 好抵食。

[@canman5060]

Schweinhaxel in Germany is not as good as it is in Hong Kong.

[@coffeepak]

當年食街嘅食肆水準唔錯架，環境仲好好添。

[@coffeepak]

@@canman5060 真係?

[@allyip5777]

Great video! I left HK in 1989 and return in 2008… I missed so much of the old HK!!!

[@coffeepak]

謝謝讚賞🙏 一切都不能回頭了。

[@johnhui6391]

多謝啡伯,提及小小菜館,有我80年代的開心回憶,片尾的香港英才,看之更令人神傷

[@coffeepak]

小小菜館小菜很不錯。香港現在還有甚麼地方不令人神傷呢?

[@adriantsing]

衷心感謝啡伯的分享

[@coffeepak]

謝謝支持🙏

[@wayneleung7382]

啡伯晚上好，維園示威(保衛釣魚台)，大约70年代頭，我都唔係記得咁清楚了，當時我10多歲，刘千石，岩建勳都比我大少少，仲有陳卓瑜等等。一轉眼就半個世紀了。

[@coffeepak]

當年嘅保釣係中共借題統戰，打擊台灣國民黨。

[@wayneleung7382]

@@coffeepak 這个我就不知道了，因為搞手都係我寫名個幾个。我只是一个普通示威者。

[@danny99ho]

@@coffeepak 😎啡伯又中😜

[@coffeepak]

@@danny99ho Danny 哥.............

[@dddocdoc]

Those were the days ...... 😢😢

[@coffeepak]

往事並不如煙。

[@dennisshum5189]

好喜歡背景音樂, 謝謝啡伯

[@coffeepak]

Dennis，多謝你嘅讃賞!🙏

[@coffeepak]

簡介有條 link，你可以Click 入去原汁原味收聽。

[@marvinlui9708]

感慨萬千呀啡伯!除左大丸記得東興樓睇黃清元, 青山, 婉曲登台!百德新街同倪匡先生談天翡翠明珠雙輝映, 拍拖去碧麗宮夜總會睇法國藍鐘歌舞團!點點滴滴的我今後日子成為不絕之回憶矣!大家安好喇啡伯!❤❤❤

[@coffeepak]

你嘅銅鑼灣回憶都好多喎! 真係諗番起都如夢似幻。❤❤❤

[@SeeIslandOldMan]

難得再度回到昔日的時光！😂

[@coffeepak]

可以勾起你的回憶就好。

[@tsul-trimshima8710]

多謝您啡伯，您真係好有心，條片做得好靚，尤其尾段傍白加埋襯底音樂令我不覺流下眼淚。我好鍾意你嘅配樂呀。

[@coffeepak]

好多謝你嘅讚賞同支持，心感!

[@kaikeichow475]

香港島首條「食街」是在百德新街，引入很多不同風格食肆，當年很多人到此幫衬！

[@coffeepak]

依家嘅食街已經完全唔係嗰回事。

[@jimmycheung2487]

感謝制作及介紹

[@coffeepak]

謝謝支持🙏

[@candicechan1361]

歷史永不消失，多謝分享❤

[@coffeepak]

能留下的，就留下一點記憶吧。❤🙏

[@kaikok3184]

唏噓！

[@coffeepak]

.............

[@donaldsunpan]

啡伯， 多謝 ！

[@coffeepak]

❤🙏

[@cyleung4915]

英文有句“all good things must end”，中文也有“花無百日香，人無百歲長”，不心甘或不情願也好, 香港似乎也到了該走的時候了。 我父親那一代人目睹了上海的逝去並逃往香港，我們這一代人也正在經歷同樣的事情。 只是這一次可能是最後一次了，因為這一次是中國人最後的邊疆。 人們不願意生育，一兩代之後（20至30年內），試圖推遲進入墳墓的人會比那些堅強地奔向青春的人多得多。 我們在這一集中看到的香港將是一段甜蜜的回憶，但也只是回憶而已。

[@coffeepak]

人有人運，地有地運，梁兄所說有道理，但亦不排除浴火重生，以另一面貌再現光輝。再要艱難，也不能放棄希望。

[@cyleung4915]

@@coffeepak 謝謝鼓勵, 確實是對的，只要有生命就有希望，香港人以吃苦耐勞著稱，大環境並不樂觀，但就像二戰、國共內戰、朝鮮戰爭、越南戰爭、文化大革命引發1967年暴動時期一樣 ，我們的父輩一次又一次找到了在夾縫中生存的方法，希望我們這一代和下一代的香港人能再做一次, 讓香港文化可克承和存下來。

[@Wind308]

香港地運行咗百幾年，香港保護咗一代又一代嘅中國人，更重要，保留咗中國嘅傳統文化，呢個責任終於行到最後。可能中國真係唔值得擁有呢塊福地。

[@Wind308]

仲有銅鑼灣嘅紅寶石酒樓。多謝啡伯好片。

[@jefftam18]

天下無不散之筵席

[@chingsangpoon]

維園的燭光，像蒲公英的種子被風吹起，飄到世界各地，遍地開花。

[@yatkui7678]

講得好！🤜🤛

[@coffeepak]

@@yatkui7678 x 2

[@coffeepak]

拒絕放棄，堅持到底!

[@wongway5687]

記下香港美好的一面，唾棄邪惡的東西，讓未來重建時有所依據！

[@coffeepak]

說得好，忘記過去，就沒有未來，期待香港重光一天！

[@donaldsunpan]

一切煙消雲散 ！

[@coffeepak]

盡皆灰飛煙滅 !

[@johnwong1670]

啡伯,這幾天心中正在想.怎麼不見你為今年64和71發言？ 那知啡伯不但發言,並且把整個銅鑼灣的歷史和盤托出. 8O尾和9O初我常來回澳洲,星港台,一年幾次而在港時多數是住在銅鑼灣栢寧酒店.面對維園,曾目睹當時的抗議. 我自幼便喜歡銅鑼灣,尤其是大丸的玩具部.由地下正門入去,行到中間有幾級樓梯,上去便是玩具部.當然得個睇字,但留下了很多腳毛. 大丸收檔後入過去一次,面目全非,差點哭了. 銅鑼灣街上的行人還是很多.但卻在感覺上变得souless. 64 前後這些日子,巡行是沒有了,但還可看到有很多人是在作軟抵抗在街上遊蕩,亦有些較硬的抵抗.

[@coffeepak]

John 兄，現在香港 6.4 7.1 香港公安都如臨大敵，展現白色恐怖，街上的行人除了無聲抗議的一羣，基本上就如你所說的 souless。

[@jefftam18]

銅鑼灣街上的行人多是大陸人

[@jefftam18]

@@coffeepak 有沒有人拿張白紙，又或開手機燈，睇下可用什麼罪名告你，如告也成國際笑話，不過我想會即被帶走但唔告

[@johnwong1670]

@@jefftam18 越打壓人民的心中越不服.從行人的面色是看到的.