Խոշոր ավտովթար Վանաձորում. 22-ամյա վարորդը Opel-ով բախվել է բազալտե եզրաքարերին և գլխիվայր շրջվել

Այսօր՝ նոյեմբերի 21-ին, խոշոր ավտովթար է տեղի ունեցել Լոռու մարզում: Ժամը 20:00-ի սահմաններում, Լոռու մարզի բնակիչ, 22-ամյա Գարեգին Ս.-ն, իր վարած Opel մակնիշի ավտոմեքենայով, Վանաձոր քաղաքի Տիգրան Մեծի պողոտայում, դեռևս անհայտ հանգամանքներում, դուրս է եկել ճանապարհի երթևեկելի գոտուց, բախվել բազալտե եզրաքարերին և գլխիվայր շրջվելով, հայտնվել կանաչ գազոնում: Ինչպես հայտնում է ֆոտոլրագրող Գագիկ Շամշյանը, ըստ նախնական տեղեկությունների, վթարի հետևանքով, բարեբախտաբար, տուժածներ չկան: Օպերատիվորեն ժամանել է Արտակարգ իրավիճակների նախարարության Փրկարար ծառայության Լոռու մարզային փրկարարական վարչության Վանաձորի հրշեջ-փրկարարական ջոկատը՝ 1 մարտական հաշվարկով:
Մանրամասները` shamshyan.com/hy/article/2020...