Xocalı, Şuşa, Ağdərə və Ağdam rayonlarında icra edilən yol layihələrinə baxış keçirilib

Azərbaycan Respublikasının Prezidenti İlham Əliyevin tapşırıqlarının icrası ilə əlaqədar olaraq, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov işğaldan azad edilmiş ərazilərdə icra olunan yol infrastrukturu layihələrinin gedişatı ilə yerindəcə tanış olmaq məqsədilə Şuşa, Xocalı, Ağdərə və Ağdam rayonlarında olub.
Qış fəsli və çətin relyefli ərazilər olmasına baxmayaraq dövlət başçısının tapşırıq və sərəncamları əsasında Azərbaycan Avtomobil Yolları Dövlət Agentliyi tərəfindən işğaldan azad edilmiş ərazilərdə yol infrastrukturu layihələrinin icrası fasilə verilmədən davam etdirilir. Bunun üçün ərazilərə kifayət qədər texnika və canlı qüvvə səfərbər olunub.
Səfər çərçivəsində Agentliyin İdarə Heyətinin sədri Saleh Məmmədov Azərbaycan Respublikası Prezidentinin Sərəncamı ilə yenidən qurulan və ümumi uzunluğu 41 km olan Şuşa-Laçın avtomobil yoluna baxış keçirib.
Hazırda Şuşa-Laçın avtomobil yolunda köhnə asfalt-beton örtüyün sökülməsi, yararsız qruntun qazılaraq kənarlaşdırılması, əvəzinə yararlı qruntun tökülməsi ilə torpaq işləri icra olunur. Avtomobil yolu II texniki dərəcəyə uyğun yenidən qurulur.
Daha sonra İdarə Heyətinin sədri Suqovuşan-Kəlbəcər avtomobil yolunun 9-cu km-dən ayrılan və 35.5 km uzunluğa malik Ağdərə-Ağdam, həmçinin Bərdə-Ağdam avtomobil yolunun 40-cı kilometrini Əsgəran qəsəbəsi ilə birləşdirən və uzunluğu 18 km olan avtomobil yollarında aparılan tikinti işlərinin yerinə yetirilməsi ilə tanış olub.
Qeyd edək ki, hər iki avtomobil yolu Azərbaycan Respublikası Prezidentinin Sərəncamı ilə II texniki dərəcəyə uyğun müasir səviyyədə yenidən qurulacaq.
Layihələrin icra vəziyyəti ilə yerindəcə tanış olan Agentliyin İdarə Heyətinin sədrinə məlumat verildi ki, yollar boyu köhnə örtüyün söküntüsü, yararsız qruntun qazılaraq kənarlaşdırılması işləri tərtib olunmuş qrafikə uyğun şəkildə yüksək səviyyədə icra olunur.
Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov sadalanan avtomobil yollarına baxış zamanı yol infrastrukturu layihələrinin “İnşaat Norma və Qaydaları”na uyğun vaxtında və keyfiyyətlə yerinə yetirilib yekunlaşdırılması ilə bağlı tövsiyə və tapşırıqlarını verib.
Xatırladaq ki, Müzəffər Ali Baş Komandanın rəhbərliyi ilə Ordumuz tərəfindən 2023-cü ilin sentyabr ayının 19 və 20-də keçirilən antiterror əməliyyatı nəticəsində ölkəmizin bütün ərazisində suverenliyimizin bərpa edilməsi ilə sözügedən avtomobil yollarının yenidən qurulmasına başlanıldı.
BÜTÜN YOLLAR QARABAĞA APARIR...

[@nasibamamedova2538]

SAG,SALAMAT YOLLARINIZ,AÇIQ OLSUN AMİN ☝️☝️✌️✌️🇦🇿✌️🇦🇿✌️🇦🇿✌️

[@fazilmemmedov2035]

Eşq olsun Azərbaycana ❤️🇦🇿🤗

[@ramcimaxad3286]

Спасибо вам огромное дорогие азербайджанцы самую хорошее время работать зимой почти в Азербайджане зима нет летом жарко тяжело работать самое хорошее время зимой дай Аллах вам здоровья вам всем низкий поклон Шахидом Бойцов желаю здоровья

[@user-qc6kp1kz3p]

Allah şəhidlərimizə rəhmət eləsin

[@user-hk5zu1vo7b]

Allah isinizdə sizə komək olsun. Sərəfli,əziyyətli isdir.

[@user-sm1hr7gy9w]

Аллах сене деймесин илахи амин

[@mamedaslanov9141]

Зангезур Это Азербайджан

[@kamandaribrahimovofficial]

👍👍👍👍

[@mayarustemova55]

XEYİRLİ OLSUN 👍👍👍🇦🇿

[@murademlak]

Eşq olsun !

[@axxa5566]

Saleh müəllim çox yaxşı işləyir vallah.

[@hamletnasirov2374]

Baxırsan əməlli başlı böyük ərazidi.11 rayon bir şəhər.Şərəfsizlər nə boyda ərazini 30 il əllərində saxlayıb.

[@user-qc6kp1kz3p]

❤

[@PALMA0909]

Yaşa Saleh müəllim 👍🙏🙏

[@user-nd5qs2xb4l]

👍👍👍👍👍👍🙌🇦🇿🇦🇿🇦🇿🇦🇿🇦🇿🇦🇿

[@user-by3ep1xz7l]

Онлары.ора.бурахмайын.

[@user-kn6vh7co1l]

❤❤❤❤❤

[@senansenan1644]

ЙАШАСЫН АЗАРБАЙЧАН 🇦🇿🇦🇿🇦🇿🇦🇿🇦🇿🇦🇿🙏🙏🤲✊✊✊❤👍🏻👍🏻👍🏻👍🏻