XXI əsrin kolonist Fransası-Yeni Kaledoniya xalqı azadlıq mübarizəsində

Fransa XXI əsrdə kolonial siyasətini davam etdirir. Hələ də dünyada kifayət qədər müstəmləkə ərazilərinə malik olan Fransa Yeni Kaledoniya, Fransız Polineziyası, Fransız Qvianası, Martinika və Qvadelupa kimi dənizaşırı əraziləri, habelə Korsikanı müstəmləkə torpaqları qismində öz nəzarəti altında saxlayır. Son günlər Sakit Okeanda yerləşən Yeni Kaledoniyada vəziyyət yenidən kəskinləşib. Yerli əhalinin müstəqillik təşəbbüsünü qırmağa çalışan Fransa hökuməti hər cür amansızlığa imza atır. Keçən əsrin 80-ci illərindən etibarən Yeni Kaledoniya sakinləri azadlıq mübarizəsi aparır və Fransa müstəmləkəçiliyindən canını qurtarmağa çalışır. Dəfələrlə keçirilən referendumlar Fransadan təyin olunmuş idarəçilər tərəfindən saxtalaşdırılıb və məhz bu yolla Fransa yerli əhaliyə azadlıq verməkdən imtina edib. Yeni Kaledoniya öz müstəqilliyini elan etmək üçün sonuncu dəfə 2020-ci ildə referendum keçirdi. Referendum iştirakçıları müstəqilliyin lehinə səs versələr də Fransa hələ də bu qərarı tanımır. Hətta daha da irəli gedərək mövcud olan konstitusiyaya düzəlişlər edərək yerli əhali olan kanakların müstəqillik arzularını tamamilə boğmağa çalışır. Belə ki, sözgedən düzəlişlərin nəticəsində Yeni Kaledoniyada 10 ildən çox yaşayan fransızlar səsvermə hüququna malik olacaq. Bu da yerli əhalinin diskriminasiyasına gətirib çıxarır. Yeni Kaledoniya Konqresi Fransanı düzəlişi geri götürməyə çağıran bir qətnamə qəbul edib və təklif qəbul edilmədiyi üçün yerli əhali etirazlara başlayıb. Etirazların miqyasının artmasından qorxan Fransa hökuməti Yeni Kaledoniyaya ordu yeritməyə başlayıb. Bu isə yerli əhalini soyqırımı təhlükəsi ilə üz-üzə qoyur. Fransa bu addımını davam edən iğtişaşlar səbəbindən dəniz limanlarını və aeroportları qorumaq adı altında pərdələyir. Artıq azadlıq uğrunda uzun illərdir mübarizə aparan kanaklardan 10 nəfəri qətlə yetirilib, yaralıların sayı 200-ü keçib.
Azərbaycanın Qoşulmama Hərəkatına sədrliyi dövründə müstəmləkə siyasətinə qarşı sərt mövqeyi, insan hüquq və azadlıqlarını dəstəkləməsi, mənfur kolonial siyasətini hələ də yürüdən rəsmi Paris üçün əsaslı zərbə oldu. Bakı Təşəbbüs Qrupu da Fransa tərəfindən etirazçıların həbs olunması və mülki şəxslərə zorakılığın tətbiq olunması ilə bağlı bəyanat yayıb. Fransadan bu hərəkətlərin dayandırılması tələb olunub. Bakı Təşəbbüs Qrupu kanak dostlarımızla həmrəyliyimizin olduğunu, Azərbaycanın həmişə onların yanında olacağını bildirib.
Dünyaya demokratiya dərsi verməyə çalışan Fransanın öz müstəmləkəsində saxladığı, hər zaman əzib, sömürdüyü dövlətlər artıq haqq savaşı üçün ayaqlanmağa başlayıblar. Unutmaq olmaz ki, bəşəriyyət tarixində mövcud olan ən qanlı soyqırımların müəlliflərindən biri Fransadır. Haqq-ədalətdən danışacaq ən sonuncu dövlət Fransadır.

[@user-bi2nl8ww9j]

Azərbaycan hər zaman haqq və ədalətin tərəfindədir! Yei Kaledoniya xalqının azad yaşamağa haqları var!

[@metlebmikayilov1365]

Fransa XXI əsrdə hələdə müstəmləkəçilik siyasətini davam etdirir. Zənnimcə bu mübarizənin soni Yenikelodoniyanın müstəqqilliyi ilə bitəcək

[@user-ew4xu3hh9o]

Fransa təkcə müstəmləkəçilik siyasəti ilə deyil eyni zaman da Cənubi Qafqaz da Azərbaycan - Ermənistan arasında gərginliyin pik həddinə çatmasının başlıca amilidir, Yeni - Kaledoniya hər bir dövlətin haqqı olan azadlığını istəyir Fransa isə onlara qarş bir qul kimi davranıb Avropada özünü sülhün keşiçcisi adlandırır bu nə qədər düzgündür?

[@yunusibrahimov7939]

fransa elə bilir ki, orta əsrlərdir və necə istəyir o cür hərəkət edə bilər, amma artıq o vaxtlar deyil, fransa 21ci əsrdə Yeni Kaledoniyanı qula çevirə bilməz