Рет қаралды 2,629
للتواصل والاستفسارات :
الحسابات الرسمية
Official WhatsApp :
api.whatsapp.c...
-
كلمات الشاعر
عثمان المليح
ath.almle7
زان ليل الشاعر اللي كنّ جرة قافه
جرّة صفوف السواط بساحة المغترّه
يوفي المكيال في قافه وفي ميقافه
مايخلّي من بحر الابداع كبر الذرّه
وان سرى ليلٍ دجاء ../ متراميات اطرافه
والقريحة حلقّت في اجواء الخيال الحرّه
يرتفع واليا ارتفع شاف النجوم اخلافه
مايشوف الشمس قدمه جمرةٍ محمرّه
ومايدور فالبحر درّه ولا بـ أسيافه
القمر على مدار الكون كنّه درّه
يقدر يساوي حضيض الضلع في مشرافه
والبحور يصرّها في ../ صرةٍ منصرّه
يسبح بكون الخيال ويستبيح أعرافه
وان وعى ماعنده الا سبحةٍ مفترّه
ياقصيدي كل مادارت هواجيس الطواري
عطني اللي كنّها خدّ الهنوف الغشمريّة
اللي اليا فرّعت فيها ../ بني عمّي تماري
شيخةٍ تغتاظ شيخات البيوت النخبوية
ماتعودت أعتذر وقت اللزوم الاضطراري
والله ان العذْر عن مدح الكفو ظلْم وخطيّه
خل عنك الواحد اللي كل مامر ../ الْه طاري
كنّ ما في ونعم حرف من الحروف الابجدية
ندّر الامداح تزهى اللي ( على الناموس ضاري )
مثل ابو مبارك صليب الراس محمود السجيّه
بالتواضع والوفى والمرجلة .. ( ماله مجاري )
شامخٍ بين النشاما مثل ،، ( برج الفيصلية )
ألطف مْع اللي يخطْرونه من أنسام الذواري
وأغلظ من السيف في وقت الامور المفصليّة
كيف ياحمود الجميلي دونك احط اعتذاري
وانت من روس السميّان ومعك حقٍ عليّه
بـ أسمك أرحب عدد ماغنّت أسراب القماري
مرحبا ترحيبةٍ ../ تنساق سوق الشاذليّه
مرحبا ماهلّت المزنه وفاضنّ الخباري
وارتوت منها تجاعيد الفجوج الجرهدية
وفي لزوم محمد حمود احتزم واشب ناري
واعسف بيوت القصيد اللي معانيها قويه
وافهق ظروفي وازهّب بندّقي وازن عياري
عقّب اللي يعتذر ويغيب عن لازم خويّه
والك هاجوسي يايوسف بـ اجزل الابيات ساري
والله اني في لزومك ماني بحاجة وصيّه
جعل من ينشي الخيال ويروي فجوج الصحاري
يجعل الفرحة عليكم طيلة الدنيا مديّة
والحفل بـ أسم الجميل يزيد عزي وافتخاري
( الاسم له قابليّة ) ( والفعل له قابليّة )
ربعي اللي يوم وجه الأمن بالأرض متوراي
مزبن اللي مونسٍ من قسوة الأيام كيّه
دون حق اللي زبنهم ../ بالبنادق والشباري
تودع الطامع حياض الموت وسهوم المنيّه
كل ما حمْي الوطيس وثارت خشوم السواري
تنطح الاعدا وتقلعها مثل مقلع طميّة
ومن يبا يطمس كلام الحق ../ بالنهج النزاري
مثل من يبغى يحط الوسم في ،،، زور المطيّه
افخروا يـ اخوان سلمى ستر لابسة الخزاري
يابني عمي سنام الطيب مقباس الحميه