صيانة مشكلة في قير الباترول وتغيير الزيوت كامله الدفرنسات والدبل وغسيل القير

تغيير زيت الدبل والدفرتسات والقير مع غسيل القير للباترول

[@Taher81]

السعر جدا عالي والله المستعان ، الافضل تشتري الزيوت وتبدلها في البيت راس مالها كم برغي يتبطل ومضخه زيت تكلفتها ٣٠ ريال والامور طيبه واهم شي انه شغل يدك .

[@waleedalhammad3650]

صدقت والإنسان عدو ما يجهل وانا اجهل في بعض الامور والحمدلله على كل حال

[@سلطانالالعود]

الله يجزاك خير كلامك كله من القلب للقلب وواضح ان الورش متعبتك بخصوص الهوز الترهيم شغله سليم لاكن نوعيت الهوز حط هوز هيدورلك ناعم مهو خشن مع قفيز الماني افضل من قفزان الوكاله

[@waleedalhammad3650]

الله يسعدك ويبارك فيك جاري البحث عن ليات خاصه للهدروليك وعجز مني ما عاد رحت لصناعيه تعبت والله من الورش

[@waleedalhammad3650]

باخد بكلامك ونصيحتك

[@سلطانالالعود]

@@waleedalhammad3650 هههه الله يكفيك شر الصناعية

[@waleedalhammad3650]

@@سلطانالالعود اللهم امين واياك اذا بغيت تدعي على احد قله جعلك تروح لصناعيه هههههه

[@Car_87]

باخي زود الزيوت وانتهى الموضوع مايكلف 150 ريال وريح نفسك

[@ahmadalhussainan1967]

الله يبارك لك ويخلف عليك انا قبلك بيوم سويت نفسك بس بدون تغير زيت القير بالجهاز لان الصراحة تكلفته عاليه جداً ولا يسوى لو غيرت الزيت بدون التنظيف كان ضبط معك

[@waleedalhammad3650]

اللهم امين واياك صادق لكن خيره الحمد لله

[@offonn6261]

السلام عليكم اخبارك عساك بخير كيف بعد ما غيرت زيت القير تعطل عليك ولا الأمور طيبة جزاك الله خير

[@waleedalhammad3650]

@@offonn6261 وعليكم السلام ورحمة الله الحمد لله الامور طيبه وعموما انا محافظ على تغيير زيت القير تقريبا مل ٧٠ الف كم او اكثر شوي

[@offonn6261]

السلام عليكم كيف بعد صيانه وتغير زيت القير حسيت فيه فرق وجزاك الله خير

[@waleedalhammad3650]

وعليكم السلام ورحمة الله الحمد لله ابشرك الامور طيبة

[@FAISAL-yh9mq]

الله يجزاك بالخير انا مثلك سويت سواتك الغيت مبرد القير ونفس اللي كنه لي حق سخان دورة المياه كرمتو وشكلي بسوي زيك بمر عليهم هالمركز

[@waleedalhammad3650]

انتبه انتبه انتبه غيره لي هيدروليك والقفزان دبلها وخذ الاصلي

[@FAISAL-yh9mq]

@@waleedalhammad3650 ابشر ابشر ,, الله يهديه ذا اللي في الرابطه ورطنا اقل شي ينبه علينا بالنقطه هذي .. هو اجتهد ونصوح وماسكتن على أفق الصحاري الله يستر عليه,, ومن الان اي شي بسويه تحت عند اي ورشه بقولهم لايركبون الصاجه اللي تحت بعد كم يوم يومين ثلاثه اشيك الامور تمام ركبنا الصاجه ,, ياخوي ماعاد تضمن احد تحس انك تروح للورش عشان يخربون الموتر مايصلحونه الله المستعان,, اسف على الأطاله ,,,, مشكووووور ياوليد 🙋🏻‍♂️💯🌹

[@waleedalhammad3650]

@@FAISAL-yh9mq احسنت في ما ذكرت والحرص واجب اسعدنا وشرفنا مشاركتنا بتجربتك بالتوفيق

[@FAISAL-yh9mq]

@@waleedalhammad3650 بل أنت اللذي أحسنت ,,

[@waleedalhammad3650]

@@FAISAL-yh9mq نصحية من غالي تسلم وماقصرت

[@bolbol2482]

الله ينور عليك يا باشا

[@waleedalhammad3650]

تسلم يابو عمر يا باشا

[@myloveforlife200]

اخوي الكفرات هي سبب الثقل ومايمدحونها الافضل ركب بي اف قود رتش وهو غالي والثاني كومهو نقشة حجري رخيص وخفيف ويتحمل من تجربة

[@waleedalhammad3650]

صدقت عموما غيرت الكفرات بجنوطها وبشوف الكفرات اللي توصي بها سلمت يالغالي

[@Fahad.Kuwait]

سؤال ليه زيوت ناقصه هل من الشخص الي قبل اشتغل بسياره ولا شالوضع ؟

[@waleedalhammad3650]

صار فيه تهريب من الهوز اللي طال للمبرد بسبب عدم شد القفيز بشكل صحيح سليم واللي اللي كنت مركب غير مخصص للهدروليك

[@talalrajeh1751]

متى غيرت الزيت اخر مرة قبل ما تصير عليك المشكلة؟

[@waleedalhammad3650]

حقيقة ناسي لكن اللي متأكد منه اني ماطوفت عليه

[@abdulrahmanal-jabr9762]

الله يبارك لك ابو خالد❤️❤️

[@waleedalhammad3650]

تسلم يالغالي

[@fatimamanar6231]

صراحة ماشاء الله الكراج مرتب ومعداتهم ممتازه

[@fatimamanar6231]

ايوه المرابط بتترتخي

[@waleedalhammad3650]

صدقت

[@fatimamanar6231]

الصراحة يستاهلون

[@waleedalhammad3650]

العمل الجيد يفرض نفسه

[@alih5921]

قبل ما تغيّر زيوت الدفرنسات والدبل فك صرة التعباة وشف الزيت إذا كان نظيف لا تغيّره ؛ لأن زيت بلده أفضل من اللي بالسوق، و إذا كان متغيّر ( محترق ) غيّره مع إضافة مانع الاحتكاك . إذا غيرت زيت الدفرنسات والدبل لابد من إضافة ( مانع الإحتكاك ) علبة صغيرة لكل دفرنس و ثالثة للدبل .

[@waleedalhammad3650]

احسنت تسلم على المعلومات

[@khaleedaljanubi6633]

صحيح انا حطوا علبه صغيره مانع التأكل ماده لزجة بس صاحبنا كسبهم الفين مركز صحارا في صناعيه ١٨تخصصه جيوب باترول وفتك نيسان الف ريال غيروا كل الزيوت وطلبتهم تصفيه عشان يتاكدون مافيه صرف با نزين قالوا ننضف المنضم والبوابه والحساس حق فلتر الهواء ب ٢٥٠ريال وقالوا البواجي لا تغيرها باقي حرام خلها قلت خلوها وماشي على موتري ١٠٠الف نزلوا الزين نظف بس انا ابي احافض على الموتر

[@waleedalhammad3650]

الله يبارك لك في حلالك وخير ما سويت

[@abdullahaldossary4890]

في اي منطقه ورشتكم

[@waleedalhammad3650]

@@abdullahaldossary4890 هذا الورشة لا تخصني لا من قريب ولا من بعيد انما اعجبني طريقتهم في العمل وايست دعاية علماً بانه فيه تعليقات يذكرون بان اسعارهم مرتفعة مقارنه بغيرهم وانا هنا ليس لدي خبره في ذلك وعموما مكان الكراج في الرياض وبديهم اكثر من فرع والله اعلم

[@محمدالملا-و9ظ]

للأسف وايد غالي عندنا بالإمارات ٩٠٠ درهم

[@waleedalhammad3650]

دائمآ ارتفاع الاسعار مشكلة كبيرة للمستهلك

[@alzaem509]

صح غالي عندنا فالبلاد

[@waleedalhammad3650]

@@alzaem509 الله يكون في العون

[@khaleedaljanubi6633]

يارجال ماهم فاهمين يبون يسحبون فلوس وعليك وعفاك كلها با الف ريال وما انصحك تغسل ما يحتاج فيه مغناطيس يمسك الرايش المهم يا صا حبي مكسبهم الفين ريال والتهريب يارجال الليات القفيزات يبيلها شد او سوه كبس اكبس اللي وخلاص يارجال مايحتاج عندك مغناطيس يمسك الرايش وربي لعبوا عليك انا عندي بلا تنيوم الف ريال غيرت له في الصناعيه مركز تخصصه فقط جيوب الرياض صناعيه ١٨مركز وسوولي تصفيه تنضيف منظم الهواء ب ٢٥٠ريال بس ولا عاد تغسل القير مايحتاج يا اخي خساره فلوس ع الفاضي

[@waleedalhammad3650]

راحت هالمره الحمد لله على كل حال بيض الله وجهك على التوضيح

[@alfaisal1108]

ايش اسم المركز الي تقصده

[@waleedalhammad3650]

@ASA-zk5er اخاف تحسب دعاية هههه الاسم موجود في اول المقطع

[@abuturkitm4037]

اولا جزاك الله خير على الإفادة، لكن وانا أخوك زيوتهم غير مطابقه ، انا صورت الارقام من كتيب الوكالة وغيرت افضل انواع الزيوت إلا الدبل مالقيت بديل للوكاله قيمته ٣٥٠ ريال… للفائدة: ((للباترول بلاتينيوم )): زيت القير لازم يكون matic S 80w90 ،، زيت الدفرنس الخلفي : transmission 75w90 ،،، زيت الدفرنس الأمامي : transmission 80w90.. احفظوها لوقت الحاجه.

[@waleedalhammad3650]

جزاك الله خير يالغالي وانا مثل ما ذكرت لست خبيرا إنما اعجبني طريقته وماقيل لي عاد اذا كان غير صحيح فالعلم عند الله تم حفظ ماذكرت يالغالي تسلم

[@Mohammed-gf1lr]

معى الاسف مو مختصين بالباترول والاسعار غالي جدا ارقام زيت الدفرنش تختلف بالباترول الامامي والخلفي وزيت الدبل ماهو نفس نوعيه الوكاله وزيت القير الله اعلم

[@waleedalhammad3650]

يالله الخيره كلاً وذمته فانا لا اعلم وما يسوقون ان كان غير مناسب فحسبنا الله ونعم الوكيل وما نشرت الا ما اظن الخير

[@EXTRAWALEED]

المشكله عندك في الهوز مقاسه خطأ عشان كذا يهرب القفيز مافيه مشكله ولا تحتاج ٢ لاجل يمسك الهوز غير الهوز على نفس مقاس الوكاله خذ الهوز الصغير الي فكه الورشه وقيسه من داخل في محلات متخصصه لبيع ال ليات تلقى عندهم نفس المقاس وقفيز واحد يكفي ولايحتاج شد كثير

[@waleedalhammad3650]

تسلم وبارك الله فيك احسنت ناخذ بنصيحتك بأذن الله اسعدنا مرورك الكريم

[@doda4pubg897]

اخوي عندي نفس المشكله نفس موترك باترول القير مايلقم بسرعه دي !قالولي توضيب مع ان تعشيقاته تمام وكل شي ضبطت معك بعد ماغيرت الزيت ؟؟؟

[@waleedalhammad3650]

هل انت مواظب على تغيير الزيت اذا كان نعم تأكد من مستوى الزيت يمكن ناقص قبل هل هذا هل انت غيرت الزيت ولا راحت المشكله

[@doda4pubg897]

اي نعم غيرت الزيت لكن للاسف المركز ما عجبني شغلهم ! ومشيت عليه ٣٠ الف ولا زالت المشكله ! القير تغيرراته مع المشي مافيه شي بس اذا حطيت d يتاخر ثانيتين عشان يمسك

[@doda4pubg897]

شريته مستخدم وغيرت زيته كل اسبوع اسحب علبه واضيف علبه

[@waleedalhammad3650]

@@doda4pubg897 لعل ان شاءالله الله بعد ما تغيره كامل تروح المشكله

[@waleedalhammad3650]

@@doda4pubg897 اقترح عليك تتركه على حاله مادام تغييرات ممتازه والراي لك اخوي

[@fatimamanar6231]

يي الله يعينك

[@waleedalhammad3650]

اللهم آمين تسلم

[@asadab45]

السلام عليكم سؤال اخي العزيز :هل جنوط البرايد مع كفرات الويد واي مناسبة على الباترول ،هل هي مريحة في الطرق المسفلتة ،وكيف الصوت؟

[@waleedalhammad3650]

من واقع تجربه اشوف انها ثقيله جدا على السيارة ديكور اكثر منها عمليه

[@asadab45]

@@waleedalhammad3650 شكرا لإفادتك ،اختصرت لي الطريق.

[@nasir9629]

اذا تبي خفه واصلي لاتبعد عن لينزو ندمت انا على ميثود اغلا و اثقل

[@waleedalhammad3650]

@@nasir9629 فاتت لعل في الامر خيره

[@talalrajeh1751]

زيت الدفرنس نظيف بس كانه خفيف

[@waleedalhammad3650]

الا اعلم مدى جودته ويمدحونه وانا مع صاحب الاختصاص

[@fatimamanar6231]

وين ذا الكراج هنا بدبي

[@waleedalhammad3650]

في الرياض

[@MrABoMaN3]

للامانه شغل مركز غير دقيق لزوجه دفرنش خلفي يتخلف عن الامامي . هو حاط لزوجه ثقيله جدا افضل طالعه ع كلتوج موتر نفس هل الامور لزوجه مناسبه، نقطه ثانيه فتح مسمار يقول كله ناقص مبين تاليف

[@waleedalhammad3650]

@@MrABoMaN3 افضل شي الوحد يغير في الوكاله

[@Eng.1]

كيف ورشة و يشد ليات المبرد بالقفيز ؟ حتى الميكانيكي اللي غير الزيت عنده المفترض ينصحك و يلزم عليك تودي الليات لمحل مكبس الهيدروليك واضح انهم مالين من الشغله ولا عندهم حس بالمسؤولية و حب لعملهم ! زيت القير مخاطره تغيره كامل خصوصاً انه ناقص اولاً و ثانياً قديم ممكن يطق او يكون فيه تفليت بالنمر ! الطريقة الموفرة و الصحيحة تودي السيارة لافضل ورشة بمنطقتك يفحصها فحص كامل ويعطيك تقرير عليها بعدها تروح لورشة ثانية بشرط تكون جيدة يفضل يكون الفني هندي خله يعمل لك الصيانة بعض القطع ممكن ما تحتاج تبدلها ( فحص الفلبينيين كله تغيير اي شيء بطريقة راح يحسبه عليك عكس الهندي يحدد اللي تحتاجة فقط ) عندنا ورشة شهيرة بالصيانة و شعارها 40 عام خدمة في عالم الصيانة كل شيء عندهم تبديل مافيه حرفية او ابداع طلب مني شغل يد 4600 ريال عطيته حق الفحص 115 ريال فقط ورحت قسم بالله بعد ما اخذت التقرير عملتها 800 ريال مع صيانة اخرى لم يذكرها بفحصه ! السيارات يجي معها كاتلوج و حنا نتصدد عنه ولا نلتزم فيه للاسف واحد من العيال يقول حاطين كُتب و مخسرين انفسهم لو حطو لي ميدالية اوفر و احسن 😂

[@waleedalhammad3650]

كلامك سليم ١٠٠٪؜ مع الاسف الورشة اللي ركبو الليات اول مره ورشة متخصص في صيانه الباترول بجميع موديلاته لكن انت قلتها مافيه حرفيه وامانه والادهى وامر يجيك واحد بنشر مقطع يسوق وينصح بهم عموما الحمد لله ومثل ما تفضلت نهمل كتيب الصيانه والا كان الامور افضل شكرا على مشورتك وماقصرت

[@Naser-1411]

😂😂😂😂😂😂

[@abufahadsaudiarabia8023]

اذا انه يضمن الجربكس مايضرب يستاهل غير كذا خساير بدون فايده

[@waleedalhammad3650]

خراب القير ماله علاقه مباشره بزيت يمكن من احد الاسباب ولكن اذا نوعية الزيت ماركة معروفة بإذن الله الأمور طيبة

[@عبوديالفيصل-س9غ]

زيت الكير كم لتر

[@waleedalhammad3650]

مع الاسف ناسي بالضبط

[@ZaedAlktep]

اخوي المشكله بالبطيخه حقت القير

[@ZaedAlktep]

بسبب قصر الزيت

[@waleedalhammad3650]

لا اعلم والله

[@عزيزالرميح]

سعر مبالغ فيه جدا جدا. بالنسبه لتبديل زي ت فقط.

[@waleedalhammad3650]

مع الاسف صحيح ولكن ربما تكلفه المنتج ونوعيته هي السبب

[@1501-d4b]

هذا المركز جدا ممتاز كشغل و أنا مجربهم وعادة اجيب الزيوت معي واعطيهم شغل اليد فقط ومع ذلك غالي بالنسبة للدبل والدفرنسات الدعوة مسمار تحت للتفريغ ومسمار فوق للتعبئة وانا اسويه بالبيت وتقدر تمر اي بنشر ماراح ياخذ اكثر من ١٠٠ ريال عليه أما القير فأنا غيرت الزيت مع الوجه مع تنظيف الفتر وماكلف ٤٠٠ مع شغل اليد بالإضافة إلى أنه كافة الزيوت اللي غيرها مهب اصلية وغير مخصصة للباترول حتى اللزوجة مركب لزوجة عالية

[@waleedalhammad3650]

احسنت شكرا على الافاده

[@سلطانالالعود]

الحين هو غير لك زيت القير موتر كرفت

[@waleedalhammad3650]

ماعاد اذكر يالغالي فيني طبع ما ادقق اذا خلصت من امر معين

[@helan-uranium]

السلام عليكم ورحمه الله وبركاته حسب خبرتي ما في سيارتك شيء والزيوت كلها نظيفه و اذا كان فيه نقص لابد ان تظهر عندك في الكمبيوتر لمبه تبين نقص زيت القير والمبلغ غير معقول جدا زياده زيت الدفرنس والجير والدبل لا تتجاوز 30 ريال كيف صارت 3,000 لا حول ولا قوه الا بالله

[@waleedalhammad3650]

وعليكم السلام ورحمة الله حياك الله اخوي يحتاج الموضوع تفصيل واسع لعلي اعيد طرحه بمشاركات الجميع في وقت اوسع ان سمحت لي الظروف شاكر توضيحك وشكر لمرورك الكريم

[@khalidalajmi5070]

انا اغيره بحدود ٨٠٠ ريال زيت قير و فلتر و وجه عند باترول سنتر حرام ٣٠٠٠

[@waleedalhammad3650]

هذا السعر كامل طال عمرك زيت قير وزيت دبل وزيت دفرنس اناني وزيت دفرنس خلفي

[@waleedalhammad3650]

عموما ومع هذا كله الشوف السعر غالي من وجهة نظري ولكن احيانا نطبق المثل اللي يقول عط الخباز خبزه لو اكل نصه

[@khalidalajmi5070]

@@waleedalhammad3650 احسنت و زين ما سويت ، و محلات الزيوت الي مثل كذا اسعارهم دائما غالية اذا حولك باترول سنتر لا تتعداهم اسعارهم زينة و شغلتهم الباترول، و تهريب الزيت علاجه كبس الاهواز يكبسون الوصلات لك وانسي التهريب

[@ادمنوح-ن9غ]

يا ساتر ٣٠٠٠ تغير زيوت

[@waleedalhammad3650]

هذا ما صار يالغالي مع غسيل القير

[@blindlove21]

السلام عليكم فين موقعه بعد اذنك !!! حاولت ادوره ما حصلت موقع كراج

[@waleedalhammad3650]

اكتب في قوقل كراج - طريق الامام علي ابن طالب

[@waleedalhammad3650]

على فكره لهم اكثر من فرع

[@maah7026]

مع الاسف جميع الزيوت غير مطابقة لموصفات السيا،ة

[@waleedalhammad3650]

مع الاسف لست خبير ومن غشنا فليس منا الله يصلح الحال

[@talalrajeh1751]

من فين جبت هذه المعلمة افصح ابن؟

[@waleedalhammad3650]

@@talalrajeh1751 اي معلومه تقصد

[@Abdulaziz-gp6fq]

بالعكس كلها مطابقه ومن افضل الماركات بس انت شكلك شفتهم يستخدمون زيت القير الفورد type M وهي صحيح غير مطابقه للسياره ولكنهم فقط أستخدموها لغسيل الرايش او البراده من القير فقط لاغير وبعدها عبو الزيت المطابق !!!!

[@سعدالعيد-ل9ز]

3000 على زيوت مكلف جدا والبدائل كثيره

[@waleedalhammad3650]

صدقت ولكن ربما النوع مختلف وعلى فكره غسيل القير هو اللي كلف اكثر وانا اكتشفت انها ماله داعي لكن بعد ما بدو في الغسيل يعني العامل نصحني بشي ليس ضروري مع الاسف ولكن اقول خيره والخيره فيما اختارها الله ومثل ما تفضلت البدائل كثيره واكملها واقول الدنيا دروس

[@سعدالعيد-ل9ز]

@@waleedalhammad3650 الله يبارك لك اخي الكريم 🌹🌹

[@waleedalhammad3650]

@@سعدالعيد-ل9ز اللهم امين واياك

[@ابوفيصل-ف8ح2ل]

هذا كراج مرن صحيح ؟ ايش تنصحني في بديل شغل نظيف وسعر معقول ٣٠٠٠ كثير جدا ابي اغير زيت القير والدبل والدفرنس

[@waleedalhammad3650]

@@ابوفيصل-ف8ح2ل اذا تبي رائيي اسال عن ورشة متخصصة في النيسان ورح لهم لان الشغله ماتبي شي والمبالغه فيها مكلف