صيانة مشكلة حرارة الباترول

[@rashedtamimi50]

السلام عليكم ورحمة الله وبركاته الشهرمبارك الله يتقبل منا ومنك اخبارك بعد ماغيرت اشياء الحراره افدنا أفادك الله

[@waleedalhammad3650]

وعليكم السلام ورحمة وبركاته علينا وعليك يتبارك بالنسبة للحرارة لاشك افضل ولكن انا الان ابحث عن فكرة إلغاء المروحة الميكانيكية واستبدلها بالكهربائية واشوف افضل الورش والناس اللي جربت ولكن وضع موتري الحمد لله مستقر لولا صوت المروحه عالي ومزعج الله ييسر الامور ويختار لنا الصالح

[@f7o7hf]

ترا شي طبيعي كلتش المروحه يشبك حتى بدون مكيف بالحر او انك تضغط عليه يشبك ترا لاندكروزر مايفصل بصيف او بشتا دايم يكون شابك ومزعج موديل 2021 وتحت كله شابك اذا مايشبك تبي ترتفع عندك الحراره ​ @@waleedalhammad3650

[@waleedalhammad3650]

@@f7o7hf بيض الله وجهك على هالمعلومات دايما اقول من محاسن اليوتيوب تجد معلومات من هم مثلك وشرواك سلمت

[@3344good]

الله يجزاك خير .. وانا بعد عندي حراره نفس وضعك بس اللي اعرفه ياوليد انك ماتخلطها لأنها مخلوطه وخالصه لكن بأذن الله امورك للافضل يابعدي .. ومشكور

[@waleedalhammad3650]

واياك يالغالي تسلم شاكر ومقدر مرورك الكريم 🌹

[@fa35ife]

الله يبارك لك... لكن انتبه ثم انتبه تخلط مقطر مع موية نيسان الرديتر لانه جاهز.. الشي الثاني خطا كبير تغير بلف الوكاله ببلف الفتك .. اخيرا كان افضل غيرت الكوع والهوزات الي تروح للقربه وللثروتل

[@waleedalhammad3650]

@@fa35ife اللهم امين الله يبارك بالجميع وتسلم على النصائح المهم ماقصرت 💐

[@naifalzubidi1485]

انا مغيير بلف الفتك ولا احلا ولا قد شفت عليه اي ملاحظات ابد وماء ميستوبيشي الاصلي ومع احترامي لك اريح ونسيت شيء اسمه حراره 👍

[@waleedalhammad3650]

@@fa35ife الله يعافيك على النصيحة والأمور مستقرة ولله الحمد

[@ناصرآلموسى-و6خ]

جعلك ماتشوف شررر يابو خالد

[@waleedalhammad3650]

الشر مايجيك يابو محمد سلمت ويسلم غاليك

[@saadalosimi]

اهم شي الصحة و العافية ولا الدنيا فانية

[@waleedalhammad3650]

احسنت بارك فيك تسلم

[@الوهابي-ك3م]

وش فيك وش دخل الصحه والعافيه الرجال يتكلم على الحراره

[@سلمانالعنزي-ح7ع]

السلام عليكم ورحمة الله وبركاته مراوح الكهرب ليه ماتركب لها حساس ٨٥ افضل

[@waleedalhammad3650]

وعليكم السلام ورحمة الله وبركاته حقيقة ما عندي علم وماقصرت على النصيحة بسال عن الموضوع وربك ييسر

[@محمدبنعبدالعزيز-ج8ق]

يعطيك العافيه لكن كلش المروحه مايخرب ومن الصعب جدا يخرب اظن الكلش اللي غيرته يبغا له بس تنظيف للعدسه اللي تقرأ سرعة المروحه فقط عموما الله يعوض عليك

[@waleedalhammad3650]

تسلم اخوي ما قصرت لكن سرعه الدوران قلت واحتمال تنظيف صادق لكن فضلت اغيره لاني كثير الطلعات وماله داعي تعطل في مكان بعيد والحمد لله الله يعوض علينا والجميع

[@q70rk]

كيف انظف العدسه

[@waleedalhammad3650]

لم افهم قصدك

[@محمدبنعبدالعزيز-ج8ق]

حركة المروحه وبتشوف من الخلف شي اسود على شكل مربع صغير هذا هي العدسة بمنديل نظيف امسحها بشويش وتضبط معك القراءة للمروحه ​@@q70rk

[@waleedalhammad3650]

@user-ws5bj9et7h تسلم وبيض الله وجهك

[@Khaled.b]

مغطي هواء من قدام بماطور الهواء و قطعه ثانيه مكينه ماتنفس كذا . افضل ماتحط شي قدام اللديتر . بلف لا تغيره خله بلاده ولا برمج مروحه اشانها تشتغل نفس رقم بلف جديد

[@waleedalhammad3650]

الله يسعدك تسلم على هالمعلومه في بالي افك الماطور وانا ما اظن ان تأثيرة لها الدرجة

[@v_ij79]

اي مويه رديتر تشتريه خذ بدون تخفيف مخلوط جاهز اضمن

[@waleedalhammad3650]

بيض الله وجهك 💐💐💐

[@365ksa]

جزاك الله خير

[@waleedalhammad3650]

واياك يالغالي

[@مهرة-ت3ظ]

ركب مراوح كهربا بدل حقت وكاله بترتاح

[@waleedalhammad3650]

@@مهرة-ت3ظ مرواح الكهرب اذا تعطلت عليك في البر لا يمكن تحرك الموتر شبر ولا مفكر فيها وسالت عن افضل ورشة واسعارها يعني تقدر تقول جمعت معلومات عنها وهذا اللي خوفني منها

[@asadab45]

سؤال أخي العزيز وليد :هل وجدت حل لصرفية البنزين العالية للباترول؟

[@waleedalhammad3650]

مع الاسف هذي مشكله الباترول الازلية

[@asadab45]

@@waleedalhammad3650 ما أخفيك أني افكر باستبداله بموتر أقل صرفية ومناسب للبر لهذا السبب.

[@waleedalhammad3650]

@@asadab45 والله يابن الحلال فعلاً انها محيره ولكن وش البديل مثل راحة وقوة وايضا سعر من الباترول

[@عبدالرحمن-م6ك6س]

بالعكس مشوف فيه صرفيه ماشاء الله صرفيه طيبه فوق حجم السياره ثاني حاجه واهم شي البركه من الله بكل شي عس الله يبارك فيكم وبحلالكم

[@عبدالرحمن-م6ك6س]

​@@waleedalhammad3650 معوض خير ثاني حاجه فرق معاك الموتر عقب التغير

[@Rakan7ob]

اول خطأ كان في سيارة ماء اخضر غير مناسب وزين انك بدلته ، بالنسبه لحرارة السيارة من الخط الى الخط اللي قبل ال H طبيعي حركته على حسب حرارة الجو والجهد على المكينة واذا في حالة وقوف في زحمه ، انك تخلط الماء الازرق مع ماء مقطر غلط ، لو انك ماخذ ماء المستبيشي نفس المواصفات وارخص سعر العلبه 70 ريال

[@waleedalhammad3650]

كلامك سليم تسلم على التوضيح

[@Rakan7ob]

@@waleedalhammad3650 الله يسلمك

[@waleedalhammad3650]

@@Rakan7ob امين واياك

[@abdulrahmana.8425]

سلام عليكم اخوي انا توصل عندي النص وفوق مع الوقوف الطويل خصوصا بالصيف عندك علم ووين ممكن اصلح المشكله ذي؟

[@waleedalhammad3650]

وعليكم السلام ورحمة الله فيه امور ضروري تتأكد منها نبدأ في الاصغر ثم الاكبر وانا غيرتها والحمد لله ماشيه الامور لكن مع الوقفه الطويله توصل الربع فقط وهذا عاد طبع اغلب النياسين المهم اول شيك او غير بكيفك على : - غطيان الرديتر - غير ماء الرديتر وركب الاصلي الازرق - بلف الحرارة ركب اللي يفتح عند 67 اظن ناسي لكن اغلب الورش يعرفونه - نجي للاهم وانا شاك فيها عندك اللي تماتيك المروحه لكن هنا فيه ناس ترميه وتقلب المرواح كهرب يخف الموتر وتزين حرارتها وتروح حنه الباترول اللي خابرها وانا هنا ما الغيت ونما ركب نفس الوكاله وكان ودي اني محولها للكهرب لكن هذا اللي صار وانت بكيفك واسال عنها - ركب مرواح اضافيه وانا سمعت اذا الغيت المروحه مثل ماقلت لك ما يحتاج تركب مراوح اضافيه يعني وفرت قيمه التماتيك والمرواح الاضافيه وهذا سبب ثاني يخليني ارشح انك تلفي التماتيك وللعلم مادريت عن هالموضوع الا مناخر هذا اللي عندي واسال واستخر قبل اي شي

[@abdulrahmana.8425]

@@waleedalhammad3650 باذن الله بروح اطبق كلامك لاهنت بعد وين مكان الورشه اللي رحت لها بالمقطع ؟

[@waleedalhammad3650]

@@abdulrahmana.8425 هذي ورشة رديترات السعودية موجوده بقوقل الله ييسر امورك

[@Azooz-Lx570]

طبيعي حتى اللاند ترتفع حرارته عند الوقوف الطويل في الصيف وانت فض القير وادعس على 3 لين تنزل الحراره لان المروحه كلتش تبرد مع الدعسه

[@waleedalhammad3650]

@@Azooz-Lx570 اظن اللاندكروزر افضل في هالمسالة

[@aalhrbe]

ممكن رقم المحل الي اغير الغطاء عندي ناشف وابي اركب المنيوم

[@waleedalhammad3650]

هذا ورشة اسمها على ما أظن راديترات السعودية سبق وان ذكرت اسمها في احد الردود لكن ياخوي اعذرني ما يحضرني الاسم الان

[@ناصرآلموسى-و6خ]

لكن وش القاسم المشترك بين الحرارة والاقط العلم الأكيد انك مووودير يابو خالد

[@waleedalhammad3650]

😂😂😂😂😂😂😂

[@FAISAL-yh9mq]

🤣🤣🤣 الله يسعدك يابعدي لاوكاتبه بكذا اسم حنا بالشمال نسميه بقل والجنوب اقط والمضير اسمعه دايم من اهل نجد

[@waleedalhammad3650]

@FAISAL-yh9mq واياك يالغالي تسلم وشرفنا وجودك معنا

[@عبدالرحمن-و6ظ9ح]

كلتج المروحه تقريبا كل ٣ سنين يتغير سعره ٩٠٠ ريال برا الوكاله احسن من الموارح التجاريه

[@waleedalhammad3650]

صدقت بس اشوف بعض الشباب يلغي مروحة الوكالة ويركب كهرب اخف وابرد وتروح حنة الموتر وانا ما عندي خلفيه عنها عيوبها او مزايا

[@محمدعلي-ع6ر8ح]

لو تكرمت يا ابو خالد أبي اسم الورشة وموقعها

[@waleedalhammad3650]

هذي في الصناعيه القديمه اكتب في قوقل شركه باب السعودية لصيانه السيارات معروف ب رديترات السعودية

[@ابوخالد-و1ذ9ه]

انت حاشر وجه السياره بالأشياء المرهمه السيارة تخزن حراره وسحب الهوا يكون صعب على المراوح كل شي بلاستيك بيخرب معك بسرعه وراح تتبهذل بالأعطال السريعه بسبب الحراره المحتقنه داخل الكبوت شيل كل شي تمت إضافته في مقدمة السيارة واذا تبي تعدل غير الليات بنوعيه جيده وركب مراوح كهرباء تبريد سريعه فقط

[@waleedalhammad3650]

@@ابوخالد-و1ذ9ه مرحب ومسهلا اخوي ابو خالد نورتنا شكرا على ملاحظات والنصيحة الطيبه حقيقة جا في بالي هالموضوع ولكن ما أتوقع ان مضيف اشياء لها تاثير قوي كل اللي موجود الونش وعلبة التشغيل الخاصة فيه وماطور هواء ومراوح اضافية هذا اذا تكلمنا عن مقدمة السيارة اما داخل الكبوت مافيه شي ما اخذ حيز اذا تقصد منظم البطارية الاضافيه فهذا حجمه الصغير وما فيه شي اخر واما تغيير المروحة الميكانيكية الى مروحه كهربائيه فهذا الموضوع متخوف منه بسبب ان المروحة الكهربائية ممكن تتعطل معكم بدون مقدمات ومثل ماتشوف روحاتي للبر واجد واخشى ماتتحمل اما الميكانيكية حتى لو تعطل في البر فهي تمشيك حتى تتعطل الى مكان تقدر تحصل مساعدة عكس الكهربائية اذا تعطل فانت ماتقدر تحرك السيارة متر والا تخبط المكينه والله اعلم تحياتي

[@ابوخالد-و1ذ9ه]

@@waleedalhammad3650 شوف ياخوي من واقع تجارب لو تحط شي صغير قدام الرديتر تأكد راح يسبب اعاقه ولو بسيطه لدخول الهواء علاوة على ان هذه القطع اصلا تخزن حراراة خل فيه فراغات داخل الكبوت وقدام الرديتر عشان الهوا يدور وتتخلص المكينه من الحراره المروحة الميكانيكية لاتشيلها ابداً أضف مراوح كهرباء سريعه فقط ووكل الله سبحانه

[@waleedalhammad3650]

@@ابوخالد-و1ذ9ه انا مضيف مرواح كهرب تشتغل مع المكيف وايضا لها فاصل اذا حبيت اشغلها بدون المكيف شاكر جدا لك على ماذكرته يابو خالد

[@ابوخالد-و1ذ9ه]

@@waleedalhammad3650 العفو

[@swaji8638]

المشكله مجاري الماء بالمكينه ضيقه عكس التويوتا مشكله عامه بأغلب سيارات نيسان

[@waleedalhammad3650]

راديتر التايوتا اكبر وهذه ميزه ممتازه عكس ابو الشباب

[@saad-px5jg]

وانا اخوك اذا ما ضبط معك تاكد من طرمبة الماء لان موب معقول عليه مراوح بعد

[@waleedalhammad3650]

سلمت وماقصرت الان ابشرك الامور افضل لكن الوعد الصيف هو اللي يبين اذا رجعت ترتفع ما بقى الا طرمبة الماء مثل ما تفضلت

[@يوسفالعارضي-ث4م]

@@waleedalhammad3650بشر شصار

[@waleedalhammad3650]

@@يوسفالعارضي-ث4م الحمد لله الحال طيب وننتظر الصيف وانا افكر احول للمراوح الكهرب حتى الان ما عزمت الله يكتب لنا الخير

[@يوسفالعارضي-ث4م]

@@waleedalhammad3650 الله يكتبلك الخير انا شريت واحد شهر11 ميلادي والحين بركب مراوح عشان الصيف ومو عارف شالوضع

[@waleedalhammad3650]

@@يوسفالعارضي-ث4م الله يطعمك من خيره ويكفيك شره ويبارك لك في ما اعطاك ودي ما تستعجل على تركيب المراوح اسال وابحث عن تحويل المروحه الميكانيكيه الى كهربائيه انا لقيت ناس تمدح وناس تحذر ولا اعلم ايهما الافضل اما المراوح الاضافية من خلال تجربتي تفيد اكثر المكيف اثناء توقف السارة في الصيف وأذا طولت الوقفه ارتفعت الحراره طبعا بشكل بطيء وتدريجي

[@almdwim]

وين المحل

[@waleedalhammad3650]

في الصناعية القديمه واسك الورشة رديترات السعودية

[@Almohawis.s]

صدقي صاحب الدبي المراوح اللي انت مركب الكهربائية 10 انش لو ركبت 13 انش مع 4 كتاوت سرعتين مكيف وحساس وموية امريكية بيور بدون اي اضافة ستكون سعيد

[@waleedalhammad3650]

بيض الله وجهك على النصيحة ماقصرت

[@raydkx3265]

ي رجال اي مشكله ازليه الحراره ف النيسان من عرفناه ع ربع من المصنع وانت واهتمامك ف صيانة نظام التبريد لا يستخدم الواحد موية حنفيه وتعتدم الطبات وتصدي بها و تسوي ترسبات ويصيح من الحراره

[@waleedalhammad3650]

👍🏻👍🏻👍🏻

[@swaji8638]

نعم على الربع من عرفناه لكن لا جا الجد ودخل زحمه الحراره بعز الصيف يخور وترتفع ويبدى المكيف مايرد وسأل اي واحد مجرب الباترول ماعاد القديم حبيب

[@waleedalhammad3650]

من هنا جت فكرة ترهيم المراوح وايضاً فكرة إلغاء المروحة الميكانيكية وتركيب كهربائية ولو ان همد تحفظ على الثانية ولكن الفكرة لها مدة تدور في راسي ولكن مشكلة اذا تعطل فجاة وارتفعت الحرارة بدون ما تدري تضرب الماكينة

[@بوخليفةالهاشمي]

كل اللي سويته انت بالسيارة انا عملته بسيارتي لكن بالنهاية الحل مع مراوح اضافية spal ايطالية

[@waleedalhammad3650]

احسنت

[@Mmsh3l]

لو تشيل التماتيك مع المروحة وتركب مراوح في الرديتر افضل وتنوم الحرارة الان فيه ناس تخصصهم مراوح حتي السيارة تخف شوي

[@waleedalhammad3650]

الله يسعدك اعتقد والله اعلم ان هذا اللي بسويه لكن بصبر شوي بما ان الوضع سالك والامور تمام الحمد الله فهذا شي جيد او مثل ما يقولون اخر الطب الكي

[@365ksa]

امورك في السليم وطبيعي في الصيف وانا بعد نفس مشكلتك بالضبط موجه للصناعية بس قلت افر اليوتوب اول اعرف المشاكل وافدتنا جزاك الله خير

[@waleedalhammad3650]

@365ksa يالله يوفقك اخوي وييسر امورك

[@Riyan-es6bw]

بعد مرور 5 اشهر من نزلت هذا الفيديو والحين لنا شهور داخلين بالصيف كيف تشوف الحراره حاليا ؟ هل واجهتك مشاكل مع الصيف ؟

[@waleedalhammad3650]

اشوف الحراره مقبوله فوق الخط الثاني بشوي وقت الظهر عموما الحمد لله افضل من الاول

[@abdullahalsdaani8746]

انا اواجه مثل هذه المشكله لكن ترتفع الحراره شوي ويقولون الكلج سليم ​@@waleedalhammad3650

[@فارسعبدالله-ص6ط]

اي موتر تدخل فيه بر يطلب

[@waleedalhammad3650]

صدقت

[@ابوسالم-ن8ث]

كم رقم كود اخوي كلتش مروحه

[@waleedalhammad3650]

والله مدري

[@ابوسالم-ن8ث]

@@waleedalhammad3650 يقولون كلتش جديد افضل من قديم

[@waleedalhammad3650]

@@ابوسالم-ن8ث مدري عن هالمعلومه ممكن

[@ابوسالم-ن8ث]

@@waleedalhammad3650 بعطيك رقم كود210825X23A

[@ابوسالم-ن8ث]

@@waleedalhammad3650 واذا ثرموستات اي رقم اخذ 82 وله 76 حق باترول

[@عايضالاحبابي-خ2ذ]

هذي مب مشكله هذي صيانه كل السيارات يبيلها صيانه

[@waleedalhammad3650]

صدقت

[@ابوابراهيم-ظ4ث4ك]

ودق تسمع بالمهندس. ولا تشوفه

[@waleedalhammad3650]

الله يطرح البركه يرجال