Рет қаралды 666
ئەی نیشتمانم
هۆنراوە: لەتیف هەڵمەت
ئاواز: دلێر ئیبراهیم - 1977
تیپی مۆسیقای مناڵان سەر بە چالاکی قوتابخانەکان
وتن: ئاڵا عومەر و ئەسعەد قەرەداخی
تۆمارکردن لە ستۆدیۆی تیپی مۆسیقای سلێمانی
ئەی نیشتیمانم ئەی نیشتیمانم
ئەی شوێن و جێگەی باووباپیرانم
ئەی نیشتمانم شارو شاخ ودێم
هەتا هەتایە هەر تۆی شوێن وجێم
لە چیاکانت هەرگیز ناتۆرێم
هەر گۆرانی خۆش بۆ دارو بەردو لوتکەی تۆ دەڵێم
ئەی نیشتیمانم ئەی نیشتیمانم
ئەی شوێن و جێگەی باووباپیرانم
(ڕۆژێ لە رۆژان
بەچکە ماسییەک تۆرا لە سیروان
لە لم و چەوی لێوارەکەیدا
گڕەی تینوێتی هەڵی پڕوکان
مرد نیگای گەشی
هەڵوەری هەردوو گلێنەی ڕەشی
شارە مێروولە بەربوونە لەشی)
ئەی نیشتیمانم ئەی نیشتیمانم
ئەی شوێن و جێگەی باووباپیرانم
ئەی نیشتیمانم ئەی نیشتیمانم
منیش گەرتاوێ لە تۆبترازێم
لە ناخی گڕی ئاوارەییما هەڵدەکڕوزێم
لە ناخی گڕی ئاوارەییما دەسوتێ گیانم
دەمرێ گۆرانی خۆشی زمانم
ئەی نیشتیمانم ئەی نیشتیمانم
ئەی نیشتیمانم ئەی نیشتیمانم
من ڕۆڵەی تۆم و هەرتۆی شوێن و جێم
ئەی نیشتیمانم ئەی نیشتیمانم
جێت ناهێڵم و جیا نابیەوە لێم