Yeni və gözəl bir qəzəl, buyurun dinləyin.

Bismillah.
Həmdəm mənə ol yari-vəfadar ola ey kaş.
Aləm mənə əğyar, o isə, yar ola ey kaş.
Hər kim, mənə divanə deyib, tə'n edir Allah,
Məndən də, betər dərdə giriftar ola ey kaş.
Vardırmı bu aləmdə könül sirrimə məhrəm?
Qəmdən yorulan qəlbimə qəmxar ola ey kaş.
Hər dəf'ə mənim qismətimə qəm payı düşdü,
Bir dəf'ə də, qəm sahibi əğyar ola ey kaş.
Yoxluqlar içində, yox olub, itmişəm ey yar.
Bir xoş nəfəsindən, bu fəna var ola ey kaş.
Eşqin gücü İbrahimi yandırmadı odda,
Qəlbimdə də, eşq atəşi, gülzar ola ey kaş.
Hər beytimi bir dürrə bərabər yazıram mən,
Gövhər tanıyan bircə xiridar ola ey kaş.
Mehman qədəmiylə gətirər ruzini, Adil.
Bir gün qonağın Heydəri-Kərrar ola ey kaş.
#Müəllif : Adil Əkbər.

[@huseynallahverdi871]

👏👏👏✍👍super.

[@adilakbar114]

Təşəkkür edirəm.

[@hsn8816]

Ehsən sənə Qardaş