صيغة عقد اتفاق حق الارتفاق ومعرفة مصير من لم يتقدم فى التصالح

✔إدعم القناة عبر مشاركة الفيديو و تشغيل التنبيهات (🔔) ليصلك كل فيديو فور النشر🕒
"قانون التصالح" "التعديات على الاراضى الزراعية" "الحيز العمرانى" "كردون مبانى" "المخططات الاستراتيجية" "المخطط التفصيلى" "قانون البناء الموحد 119" "قانون البناء الموحد 2008" "التراث المعمارى" "تنظيم البناء" "التخطيط العمرانى" "المنشآت الغير آيله للسقوط" "المنشات الغير ايله للسقوط" "اتحاد الشاغلين" "الاحوزة العمرانية" "تعديلات قانون التصالح" "المبانى المخالفة" "اصدار التراخيص" "خطوط التنظيم" "شهادات الصلاحية" "شهادات صلاحية الاعمال" "استفسارات قانون البناء" "استفسارات قانون التصالح"
مدير عام التخطيط العمرانى
السلام عليكم ورحمة الله وبركاته

كل ما يفيدك وتريد معرفته عن قانون التصالح وقانون البناء الموحد والتعديات على الاراضى الزراعية والمخططات الاستراتيجية والطرق الصحيحة لاصدار رخص البناء وكل مايخص التحطيط العمرانى وكردون المبانى والحيز العمرانى والبناء المخالف والازالات والتراث المعمارى

[@anastareq7921]

أسلوب راق ومحترم جزاك الله كل خير

[@engmanal4824]

تسلم يافندم دا من ذوق حضرتك ربنا يبارك لحضرتك فى الاهل والمال والصحه

[@osamagmal2912]

الله على الراحه النفسيه الله على الهدوء الله على العقل والذكاء الله على الاخلاق والله كلنا حاسين حضرتك مننا

[@engmanal4824]

تسلم يا فندم والف الف شكر دا من كرم وذوق حضرتك

[@Dr_Zakouk]

لو سمحتوا هو التصوير الجوي بيحدد ارتفاع ادوار المنزل ولا وجود المبنى من عدمه فقط

[@engmanal4824]

وجود المبنى

[@hh-xx2eq]

معالي الوزيره شكرا لحضرتك 🌷

[@engmanal4824]

تسلم يا فندم وديما منور القناه

[@thelastkingking4422]

جهد متميز ورقى فى التعامل ربنا يبارك فى جحضرتك ..حتى الناس اللى بانيه قبل 22/7/2017 خايفه يكون مش من ضمن الحيز المضاف او اللى هيتم التصالح عليه لان كل معلوماتنا ان اصلا مفيش حيز جديد ودا واضح من الدولة اللى لحد النهارده لم تظهره يبقا ازاى الناس هتقدم وتدفع وتخسر فلوسها وتخسر بيوتها للاسف الدولة خلت الناس ما تقدمش لظروف كتير جدا مفيش حاجة واضحه فى القانون والحيز مبهم لو فضل الوضع كده محدش هيقدم بردوا ......فين الحيز يا فندم اللى شكله مش موجود يبقا الناس هتتقدم ليه اتمنا الاقى اجابة من حضرتك تطمن الناس لان موضوع الحيز دا مهم لفئة كبيرة والدولة حتى الان لم تقوم به والناس حاسه انه وهم

[@engmanal4824]

السلام عليكم الف شكر على اسلوب حضرتك الراقى والمحترم ان شاء الله هيتم الانتهاء لانه فى المراجعه من للجنه الاحوزه العمرانيه وحضرتك وغيرك تقدم لان التقديم اخره فى 30/9 والباقى سيبه للجان المختصه

[@mohamedsayed5081]

والله حضرتك محترمه ويزيدك ربنا من علمه تنفعى بيه الناس ياست الكل

[@engmanal4824]

تسلم يافندم الف الف شكر دا من ذوق حضرتك

[@user-mt6cm4zc1f]

هل جاء رد الوزارة على الاسوار وكيفية البناءبعد التصالح واحلالهاوالتجديد

[@engmanal4824]

لسه

[@osamasaied23]

اولا شكرا لسرعة الرد لاكن انا مش فاهم معنى شق قانونى لتقديمه لاى جهه حكوميه هل تقصدى لو عاوز مثلا قرض بضمان المنزل ولا حاجه ثانيه

[@engmanal4824]

شق قانونى يعنى بمثابه ترخيص سند رسمى لصحه المنزل

[@user-ru9oj3vz3e]

انا قمت بالبناء فى شهر 11/2019 قمت بناء بدروم والارضى ولم يتم سقف الدور الارضي البدروم موجود فى الرخصة بس مرتفع وارتفاعه حوالى 2.5متر وقمت بعمل تصالح هل هايتحسب بدروم ام دور مع العلم ان المنطقه كلها البدرومات مرتفعه جدا ثانيا /هل لى تصالح ام لا ثالثا/اريدصب سقف الدور الارضي واريد عمل بروز من ناحية الجار وبينى وبينه 5متر ويوجد سور ينفع ام لا برجاء الرد يابشمهندسه

[@engmanal4824]

قدم الطلب وبالنسبه للتاريخ ربنا يسهل البدروم فوق سطح الارض هيتحسب دور

[@aminbeshara7058]

يلزم مراجعة اسعار متر التصالح فى دمنهور. محافظة البحيرة. هل يعقل. منطقة زى ادمون والفكرية. وقباء والتى هى من أرقى الأحياء فى دمنهور. مثل. ارض الحوفى والتى ليس بها صرف وطرق ترابية وكهرباء على الاعمدة. وليست كابلات ارضية و العشوائية فعلا

[@haabeebaaateeff8011]

السلام عليكم اناالجارورثه هل لازم اجمعهم كلهم وده صعب ولااعمل العقد مع اى احدالورثه

[@engmanal4824]

تفويض من الورثه للشخص معين

[@user-ug9xt3it7e]

هل مزرعة المواشي وما يلحق بها من سكن علي ارض زراعية تعتبر من المباني القابلة للتصالح اذا كانت مقامة في مارس ٢٠١٨ وشكرا يا هندسة ...

[@engmanal4824]

انا شرحتها بالتفصيل الهينطبق على الدواجن هينطبق على المواشى وهنسيب لحضرتك الرابط

[@engmanal4824]

kzbin.info/www/bejne/nXKad3aCht-Fm5o

[@user-ug9xt3it7e]

حضرتك بكلم علي التاريخ مارس ٢٠١٨ وكانت علي ارض زراعية وكاملة المرافق

[@engmanal4824]

@@user-ug9xt3it7e انا فى انتظار الرد الرسمى واول ما يتم موافتنا بيه هنعرضه لكن حضرتك قدم لحين الرد

[@hatemfouad9671]

مساء الخير مباني في منطقة الردود ولكن دور واحد ارضي فقط . هل يعتبر حق ارتفاق

[@engmanal4824]

لو من ناحيه الجار يعتبر حق ارتفاق لو فى الشارع يعتبر تعدى على خط التنظيم

[@ahmedhamada8020]

يااستاذة ما هو لزمة الضوء اللى انت ممشايه على الكتابه اثناء القراءه. حضرتك بكده أنت بتقومى بتغطيه المكتوب ويصعب القراءه.مفيش حد ببعمل كده الا حضرتك.

[@engmanal4824]

السلام عليكم انا بنشاور على الكلام ولكن الضوء بيكون تحت الكلام وليس عليه وان انشاء الله هنحاول نراعى التوضيح

[@engmanal4824]

تسلم يا فندم

[@ahmedshanshoury7281]

ما الحل في حالة رفض مكتب الشهر العقاري توثيق عقد الاتفاق بين مقدم طلب التصالح وصاحب حق الارتفاق والعقد مكتوب وممضي من الطرفين والشهر العقاري بيقول انه معندوش تعليمات بتوثيق النوع ده من العقود ايه الحل

[@user-um4fo2rg4e]

نفس مشكلتي

[@mohamedabouelnaga2759]

شكرا علي مجهود حضرتك يا باشمهندسة .. هل في موعد نهائي لبت اللجان الفنية في الطلبات المقدمة سواء داخل الحيز او خارجه .. والا القانون ساب الموضوع غير محدد بمدد معينة؟!

[@engmanal4824]

تسلم يا فندم القانون افاد بان اللجان تنتهى من عملها لاخر ملف

[@azzaothman676]

لو سمحت احنا فى مدينة برج العرب الجديده و الشهر العقارى يرفض توثيق عقد حقوق الارتفاق بحجة انه ليس لديه تعليمات بهذا الموضوع فما الحل

[@engmanal4824]

ممكن الجهه المسؤله ترسل خطاب للماموريه الشهر العقارى بنص الماده فى القانون

[@azzaothman676]

@@engmanal4824 حصل وارسل جهاز مدينة برج العرب الجديده خطاب الى الشهر العقارى ولكنه رد انهم ليس لديهم تعليمات بهذا الخصوص و الموضوع متوقف و الايام تمر و أخشى ان يضيع حقى فى التصالح لمن ألجأ؟

[@nanmam3207]

ربنا يوفقك يا بشمهندسه ويجعله في ميزان حسناتك

[@engmanal4824]

اللهم امين ولك المثل انا وضحت الصوره لرئيس المدينه ان يتم حساب السور بالمتر الطولى

[@nanmam3207]

@@engmanal4824خلاص هنروح و هنبلغ حضرتك عملت ايه

[@engmanal4824]

@@nanmam3207 تمام

[@user-xo9iu7qv2q]

ربنا يزيدك كمان وكمان من العلم

[@engmanal4824]

اللهم امين وربنا ييسرك امرك

[@yasoosasa606]

يا استاذه لو سمحتي احنا قدمنا ع التصالح ودفعنا الجديه ومعرفنش انها ارض املاك دوله الا واحنا بنقدم ع التصالح ودلوقتي باب التقنين مغلق ورئيس الوزراء قال الازاله الفوريه لاملاك الدوله يعني كده يوم 1/10 العماره ممكن تنزال واحنا قدمنا ع تصالح ارجو الرد يا استاذه لوفيه حاجه نعملها غير التقنيين شق عمرنا كله ف العماره دي لو اتزالت هنكون ف الشارع

[@engmanal4824]

السلام عليكم لا تدرى لعل الله يحدت بعد ذلك امرا كان مفعولا فاستبشروا خيرا

[@user-sr1vg8pu7m]

السلام عليكم هل .لي حق في تحويل شقه سكنيه الي تجاري واتفق مع جاري وسكان العماره علي عقد اتفاق يعتبر ده سند للموافقة اللجنه

[@user-up9wn9if9r]

ماشاء الله ربنا يبارك في حضرتك يامعالي الوزيرة لو سمحتي ياريد حضرتك تطالبي بسرعة نزول الحيز الجديد عشان نعرف موقفنا من الخرايط ولكي جزيل الشكر

[@engmanal4824]

تسلم يافندم عملنا عده استعجالات وانشاء الله فى اقرب وقت

[@essamamer8348]

ياباشمهندسة المبني غير متعدى على خط التنظيم ولكن جميع سكان الشارع بالكامل بنو اسوار خارج خط التنظيم تاركين مسافة الرصيف المسموحة وانا بنيت السور اسوة بكل السكان فماذا سيكون وشكرا لسياتكم

[@engmanal4824]

@@essamamer8348 السلام عليكم انا شرحتها بالتفصيل وهنسيب الرابط لحضرتك

[@engmanal4824]

@@essamamer8348 kzbin.info/www/bejne/aqqpoXpndpWpmsU

[@essamamer8348]

المبنى غير متعدى على خط التنظيم ولكن السور اسوة بجميع سكان الشارع تعدى مع ترك مسافة كافية للرصيف جميع سكان الشارع بالكامل هل فيه تصالح؟ شكرا مهندسة

[@engmanal4824]

ماهو كدا السور متعدى فلا يوجد تصالح عليه

[@user-zc8ut8xo1p]

بعد اذن حضرتك يابشمهندسه تقرير السلامه الانشائيه يكلف كام تقريبا وكذلك الرسم المعماري في حاله التصالح علي شقه واحده وشكرا

[@engmanal4824]

السلام عليكم هى دلوقت مبالغ بسيطه من بعد تعديل القانون حقيقى ماعنديش خلفيه ممكن متابع فاضل يكون عمل التقرير ويقول لحضرتك

[@user-sr1vg8pu7m]

معالي الوزير ه السلام عليكم .عندي س.هل التاريخ العقد يكون .قبل العمل بأحكام القانون. وهل يقدم للجنه .هل هذا العقد يكون .مثابه رخصه مبدايه من الجار.

[@egy8star8]

حضرتك لو محضرين معمولي لنفس العين او البيت بنفس الاسم والمساحة والحدود الاول زراعة ٢٠١٠ والتاني ١١٩ ٢٠١٨ واتقدمو الاتنين في ملف التصالح هياخدو باي واحد فيهم

[@engmanal4824]

السلام عليكم هتقدم المحضر الهيفيد حضرتك

[@NonaAli-lj2nl]

السلام عليكم ياباشمهندسة احنا بانيين خمس ادوار غير الاضى وروف فى السطح عبارة عن غرفتين هل ده يدخل فى شريحة الابراج عند التصالح علما بأنى مش هبنى تانى ياريت بعد اذن حضرتك الافادة فى ذلك علما بانننا مدخلين المرافق ماعدا دورين والروف وهل التكلفة هتكون عالية ذيها ذى العمارات الكبيرة

[@engmanal4824]

وعليكم السلام كل دور بيتحسب على نوع المخالفه والنسبه وهنسيب لحضرتك الرابط

[@engmanal4824]

kzbin.info/www/bejne/sJXZg2iVpt2rapo

[@NonaAli-lj2nl]

@@engmanal4824 جزاكم الله خيرا وربنا يباركلك

[@bdrabdelkader5528]

لو سمحتى يباشمهندسه عندى منزل مكون من خمس ادوار وارضى بواجهه ١٠،٥متر على شارع عرض ٢٠ متر وطول ١٤،٥متر على شارع ٦متر يعنى على ناصيه فى هذه الحاله لو تقدمت بطلب تصالح هيحسبونى على الشارع العشرين متر او على الشارع الستة امتار رغم ان الباب يفتح فى شارع الستة امتار والشارع العشرين به محلات تجاريه افيدينا بارك الله فيكى

[@engmanal4824]

السلام عليكم انا شرحتها بالتفصيل وهنسيب لحضرتك الرابط

[@engmanal4824]

kzbin.info/www/bejne/b6izkICvma98pac

[@fatouhmohamed8666]

السلام عليكم حضرتك باني بموجب رخصه مباني شهر7/2019 وعندي مخالفه اني غيرت عن الرسم الهندسي واعمده فوق السطح هل ينطبق على قانون التصالح ولو تم رفض ايه العمل ياريت المخالفات حتي 7/1/2020وحضرتك اقدم تصالح رجاء الافاده وشكرا

[@engmanal4824]

وعليكم السلام قدم وان شاء الله خير

[@mohamedezzat6936]

لو سمحتى لو البروز زيادة عن الجار٢٠ سنتى لها حق الارتفاق الحجره البرج من ناحيه الجار

[@engmanal4824]

دا بيكون اشتراطات بنائيه وهنسيب لحضرتك الرابط

[@engmanal4824]

kzbin.info/www/bejne/oZbXioONpMx0jbM

[@mohamedgenena4071]

حضرتك أنا فى عمارة ١٢دور بدون ترخيص والمقاول هرب ينفع اتصالح عن شقتى عشان مفيش إجماع بين ملاك العقار

[@engmanal4824]

ينفع ولكن بعد ما تسمع الفيديو وهنسيب الرابط

[@engmanal4824]

kzbin.info/www/bejne/pZWWkIiBaN-mepo

[@abohasan8618]

ربنا المستعان يابشمهندسه

[@engmanal4824]

ونعم بالله

[@user-in7br4lw5o]

بعد صباح الخير ..ارجوا من سيادتكم معرفة فى حالة التصالح عن الشقة الخاصة بى وان السكان البعض منهم يرفض التصالح بحجة ان المرافق موجوده فارجوا معرفة فى حالة التقدم انا ونصف عدد الشقق الموافقين كيفية العمل وشكرا لكم

[@engmanal4824]

صباح الخير بعد التقديم اللجنه الفنيه هتنزل وتعاين وان شاء الله بالقبول

[@engmanal4824]

صباح الخير بعد التقديم اللجنه الفنيه هتنزل وتعاين وان شاء الله بالقبول

[@user-in7br4lw5o]

شكرا لحضرتك للاهتمام بس افيدوني كيفية عمل التصالح بنصف السكان وهل يتم الإبلاغ عن الشركاء لعدم التعاون مع السكان وشكرا لكم

[@engmanal4824]

@@user-in7br4lw5o kzbin.info/www/bejne/pZWWkIiBaN-mepo

[@user-in7br4lw5o]

@@engmanal4824 شكرا لحضرتك للاهتمام كن بسئل صاحب العقار رافض المشاركه في التصالح هل يتم الإبلاغ عنه ومكانة معروف وشكرا لكم

[@rabieotmane1671]

استاذه منال عندي قطعه ارض وأخي أحد المحضر بتاع الزراعه والتنظيم باسمه ومشينا في استكمال الإجراءات باسمه وبعدين عملنا عقد بيع باسمي ولكن الآن بعد ذلك هوه بيساومني دلوقت رغم أنه فقط اخد المحضر باسمه وانا دفعت ال25/باسمه ولكن قالولي قدم عقد البيع في مجلس في المدينه فما الحل لو سمحتي اقيديني

[@omardosoky5336]

يا بشمهندسة لو سمحتى انا هتصالح على دور مخالف وباقى الادوار تمام بس باقى الادوار مخالفة معمارى و انشائى هيبقا ايه الوضع ... هل مش هيتم التصالح على الدور المخالف الا لما يتم التصالح على باقى الادوار من حيث الانشائى و المعمارى ؟ ... وهل ينفع اتصالح على الدور المخالف بس ؟ واسف جدا على الاطالة وربنا يبارك فى حضراتكم

[@engmanal4824]

السلام عليكم سيتم التصالح على الدور المخالف وكذلك المخالفات الإنشائية والمعمارية لباقة الادوار

[@omardosoky5336]

Eng Manal طيب ينفع أأجل التصالح على مخالفة الانشائى و المعمارى او اتغاضا عنها و اتصالح على الدور بس ؟!

[@user-um4fo2rg4e]

الشهر العقاري في دمنهور مش راضي يوثق عقد الاتفاق ده يا مدام

[@ahmedfawzy31]

بعد إذن حضرتك هو ينفع الواحد يكتب عقد الارتفاق بين ثلاث أطراف في عقد واحد أقصد بين المخالف وبين جاره الأيمن وجاره الأيسر في نفس العقد ام يجب تحرير ٢ عقد منفصلين ؟ ارجو الإجابة وجزاكم الله خيرا

[@user-jd7ob6yw4g]

هو قانون البناء الموحد اتكلم صراحتا عن موقف المتخللات ولا مذكرهاش وشكرا لحضرتك

[@engmanal4824]

ذكرها فى الماده التانيه من اصدار القانون لانها خارج الحيز العمرانى

[@user-jd7ob6yw4g]

@@engmanal4824 يعنى ايه انها خارج الحيز العمرانى يعنى مش هيطلع ليها ترخيص بناء

[@engmanal4824]

@@user-jd7ob6yw4g هيستخرج ترخيص ولكن بعد موافقه الزراعه

[@asdfgh-cf6zs]

استاذتنا الفاضلة لو عندى منزل بلوك مبنى من 2008 وتام المرافق ولم يسجل له محضر نهائيا ومش ناوى ابنى قريب هل الافضل اقدم للتصالح والا لا الرجو من سيادتكم الرد للاهمية

[@engmanal4824]

تسلم يا فندم من الافضل تقدم

[@hamedsharhabil3370]

كيف لنا أن نعرف أن هناك حقوق ارتفاق بين تجريم

[@user-re8zi8sp3o]

ارجوكى يابشمهندسه حددى التصالح فى المخالفات من سنة كام لسنة كام ارجوكى

[@engmanal4824]

والله بعت الفيديو فى المدينه جميع القوانين لغايه 8/4/2019 لو فى القريه قانون 119لسنه2008 لغايه 8/4/2019

[@samerelsamahi4416]

السلام عليكم يا باشمهندس لو سمحت احنا عندنا واحد بتعدي على ثلاث شوارع رئيسيه وتوجه الى الجار عشان خاطر يعمل له عقد اتفاق الجار ما رضاش مش عشان ياخذ منه فلوس ازي حضرتك ما بتقولي لانه فعلا متعدي وكانوا خذ قرار ازاله وراح خلص المشكله من الحكومه من المسؤول وهو داخل الحايز العمراني بالله عليك عاوز تفسير لهذا المشكله وشكرا

[@engmanal4824]

وعليكم السلام حتى تاريخه لم يتم البت فى التعدى على خط التنظيم وفى انتظار الرد الرسمى من للجنة متابعة القانون

[@user-cw4xv9fw5c]

السلام عليكم ينفع نقدم طلب التصالح مع الجار بعد رفض اللجنة للطلب بسبب حقوق الارتفاق .... أو نقدمه قبل نزول اللجنة للمعاينة

[@engmanal4824]

قدمه للجنه الامانه الفنيه علشان تستوفى المستندات

[@user-nx6ir9pm9s]

السلام عليكم يا باشمهندسه انا عندي جارين واحد باني و ساكن والاخر ارض فضاء و معرفوش مين هل يكفي اعمل مع واحد و الاخر لما يبني منزله بعد كده

[@engmanal4824]

وعليكم السلام اللجنه الفنيه هتنزل وهى الهتقرر

[@mmohmaed9795]

السلام عليكم ورحمة الله ليه الازالات شغاله من إمبارح ،وفتره التصالح لسه ما خلصتش؟؟؟ تحياتنا لكي باش مهندسه

[@engmanal4824]

وعليكم السلام ممكن الطلبات التم رفضها او غلى املاك دوله

[@engmanal4824]

تحياتى لشخصكم الكريم

[@yasserahmed7082]

@@engmanal4824 معنى كده إللى هيترفض إزالة

[@user-cs7zf6kn3t]

املاك الدوله

[@engmanal4824]

@@user-cs7zf6kn3t تمام

[@user-jd7ob6yw4g]

اهلا وسهلا بحضرتك يا باشمهندسه بالله عليكى متى موعدنزول الاحوزه الجديده لمحافظة البحيرة

[@engmanal4824]

السلام عليكم فى الانتظار علمه عند ربى

[@engmanal4824]

السلام عليكم فى الانتظار علمه عند ربى

[@emadkora7687]

السلام عليكم اختي الكريمة انا باني في 7/2019في ارض زراعية في الكتلة المتاخمة للحيز العمراني علي بعد 15متر فقط وقدمت علي التصالح ودفعت الجدية والقضايا منظورة في المحكمة واتحكم علي بالغرامة والسجن والمحامي بيقول لايوجد قرار ازالة ولم يطعن علي الحكم لاني خارج البلاد فيها ولو ظهرت الاحوزة الجديدة بيتي اكيد يكون فيها بالله ارجو الرد

[@engmanal4824]

وعليكم السلام طالما داخل الكتل المتاخمه اكيد هيكون فى الكتل القريبه لان الكتل القريبه اوسع وهنسيب لحضرتك الرابط

[@engmanal4824]

kzbin.info/www/bejne/Zn21lKeBa9KgoK8

[@mahamostafa4015]

انا عندي بيت من 2006 و روحت ل رئاسة الحي و موظف الامن قالي معلكيش تصالح و روحت ل محامي و قالي نفس الكلام انا مش عارفة اعمل ايه و مش معايا غير ورقة تقديم ع الكهربا هي الي بتثبت اني بانية البيت من 2006 لو سمحتي ممكن تقولي ايه المفروض يتعمل؟!!

[@engmanal4824]

لو فى القريه مش هتقدمى فى التصالح لو فى المدينه حضرتك هتقدمى وهنسيب الرابط

[@engmanal4824]

kzbin.info/www/bejne/ZoWbfnuBiZlobMU

[@ahmedrabie9165]

باشمهندسه ممكن الورقه دى pdf

[@ibrahimbasha3994]

السلام عليكم يا بشمهندسة هو حضرتك جدية التصالح 25 % هى نفس ال 25 % اللى كنا هندفعها بعد الموافقة على التصالح والا هيدفعونا تانى

[@engmanal4824]

وعليكم السلام انا شرحتها بالتفصيل وهنسيب لحضرتك الرابط

[@engmanal4824]

kzbin.info/www/bejne/fJzXY2Z-bdZgsMU

[@ibrahimbasha3994]

@@engmanal4824 شكرا لحضرتك

[@user-ck6vh4hw4t]

منوره القناة يابشمهندسه متي نزول اللجان الي الصعيد ومتي الاحوزه والكتل المضافه علي الاحوزه ل محافظة قنا

[@engmanal4824]

تسلم يافندم اللجان بالفعل بتنزل ولكن الاحوزه العمرانيه لسه ما فيش جديد

[@user-ck6vh4hw4t]

@@engmanal4824 اشكر حضرتك

[@user-dy1jy2rk4u]

لو سمحت لجنة المتغيرات فى الحى بعتلى مخالفه فى 2019/11 لعمدان الدور الثالث وقرار إزالة وبتقول انت بانى دلوقت مع انى بانى البيت كله والعمدان 2012 ومعى محضر الزراعة والحى للدور الاول 2012 ومعى انقضاء الدعوه ووصلات كهرباء ومياه من 2012 فقدمت على التصالح ودفعت الجديه ومش عارف التصالح هيتقبل ولا ايه ولو سمحت حضرتك تنصحنينا بايه

[@engmanal4824]

هتقدم اى سند تاريخه قبل قانون التصالح وان شاء الله هيتقبل

[@user-eo9tt3jt1u]

السلام عليكم يا باشمهندسة انا متابع حضرتك جدا وكلام بجد بيريح وانا عايز اقدم في التصالح بجد وحضرتك بتدينا امل في قبول التصالح . انا عندي مخالفة تعدي على التنظيم 85 سم وكلام حضرتك وشرح حضرتك بيقول اقدم لكن موظفين الوحدة ومجلس المدينة بيقولو هيترفض . انا مش عارف اعمل بصراحة . كل فيديوهات حضرتك انا شوفتها لكن هل اللجنة الفنية عندها تعليمات بشرح حضرتك وهينفذوه ولا كل واحد بينفذ حسب دماغه هو . هل اقدم ولا يا باشمهندسة اسف على الاطالة

[@engmanal4824]

وعليكم السلام الف شكر يا فندم دا قانون وقرارات من وزاره الاسكان وانا عرضت مواد القانون وكذلك القرارات ايه المطلوب تانى للوحده المحليه لو تم الرفض اكتب شكوى

[@user-eo9tt3jt1u]

الف شكر يا باشمهندسة على سرعة الرد . يعني من ضمن المحظورين من التصالح حسب القانون ولا في تفسير يمكن يتم القبول بيه

[@safwatsoft9429]

السلام عليكم ياباشمهندسه لو سمحت يافندم لو مفيش محضر بس فيه متغير وظاهر في التصوير الجوي ينفع نقدم وسمعنا أن اللجان أتلفت وسوف يتم الاعتماد علي المتغيرات وحساب المساحه ومطابقه الرسم الهندسي مع الطبيعه دون نزول لجان هل هذا صحيح ولك جزيل الشكر

[@engmanal4824]

وعليكم السلام الشق الاول ممكن الشق الثانى مين القال اللجان اتلغت اللجان شغاله وبتعان وبتكتب التقرير

[@nabihhammad4715]

مهندسة منال شكرا علي توضيحات سعادتك سؤالين لم احصل علي إجابة عليهم 1. بأني في 2012 أدوار بدون رخصة ما هو دور موضف الدفاع المدني وهل ممكن يطلب مني اعمل سلم هروب 2 .حق الارتفاق انا عمل برج جنب الجار مش بلكونات. ولم اترك مسافة علي اعمل اتفاق مع الجار ولا لا يلزم. شكرا مقدما

[@engmanal4824]

تسلم يافندم دور الحمايه المدنيه هو عضو فى اللجنه وبيتم التصالح وفقا للاشتراطات وبالنسبه للبرج ليس له حق ارتفاق طالما ما فيش فتحات

[@nabihhammad4715]

@@engmanal4824 شكرا جزيلا من أين احصل علي الاشتراطات لمعرفتها

[@ahmedclassik4408]

يا بشمهندسة إذا تكرمتي . كنت سألت حضرتك علي موضوع التصالح في الجراجات وتحويلها لتجاري. ارجوكي الحي إللي أنا تابع ليه معندوش أي أفاده ارجوكي ساعديني ولو بأستفسار لمكتب المحافظ أو نأبه للمنطقة الشرقية. أو ممكن حلقة لموضوع الجراجات . وشكراً مقدماً ليكي وربنا يجعلوا في ميزان حسناتك . أو كما قال الرسول الكريم . كان الله في عون العبد ما دام العبد عون اخيه.

[@engmanal4824]

السلام عليكم حاضر وانا شرحت الجراجات بالتفصيل وهنسيب الرابط

[@engmanal4824]

kzbin.info/www/bejne/any3k2CDqsinnJI

[@m12z78]

السلام عليكم يا باش مهندسة لو سمحتي ... هل اللي يتصالحوا معاه علي اساس سور بالطوب الأبيض وحب بعدين ان يعمل احلال وتجديد بأنه يرخص ويبني هل راح يدفع مقابل تحسين برضو

[@engmanal4824]

وعليكم السلام تم ارسال هذا الاستفسار للجنه متابعه القانون وفى انتظار الرد

[@user-pj3sy5tq1d]

طيب انا معيه ١٠٠ متر فى الحيازه المعمريه وداخل فيه عداد ميه ومبنى وعايز ابنى بالمسلح ومستنى الرخصه من ٤ شهور دلوقتى طيب لو بنيت حالا قبل ما تجى الرخصه هيكون ايه الاجراء

[@engmanal4824]

لازم تستخرج الرخصه لان بناء بدون ترخيص فى ذلك الوقت نيابه عسكريه وخلافه

[@user-pj3sy5tq1d]

@@engmanal4824 حته لو كردون مبانى وسط العمار وفى الحيز طيب الحل انا قاعد انا واولادى لحد من ٤ شهور مستنى الرخصه ومش عايزه تطلع كل لمه اروح للمهندسه تقولى لسه

[@jjff4802]

جضرتك مبنى 2006 وعمل له ازاله صوريه ودفعت تكاليف الإزالة ومعى إيصال يفيد دفع الإزالة وجميع المرافق موجوده ولا نريد تعليق هل محتاج مصالحه وشكرا لحضرتك

[@engmanal4824]

السلام عليكم المخالفه مازالت موجوده هيتم التقديم فى التصالح علشان يكون قانونى لاى جهه حكوميه

[@waleedsalah313]

شكرا علي المعلومات القيمة يا باشمهندسة استفسار بعد اذن حضرتك انا بنيت سنة ٢٠١٨ كتله قريبة من الحيز من عام ١٩٠٤ وبها مرافق و نزلي خبراء عاينو واخدت انقضاء دعوة قضائية طبقا ١١٩ هل اطعن في قرار الإزالة في مجلس الدولة والا انتظر اللجنة الفنية وتنصحيني بايه حضرتك

[@engmanal4824]

تسلم يافندم مالهوش لازمه تضيع وقت وخلاص هتنتظر اللجنه الفنيه دا الاسهل والوقت القصير

[@waleedsalah313]

@@engmanal4824 تمام يا باشمهندسة طيب هل حكم انقضاء الدعوة لكل الأحكام ووجود المبني في كتله سكنية قديمة وتقارير الخبراء اللي نزلو عاينو هيحسن موقف المبني عند نزول اللجنة الفنية للمعاينة ؟ وشكرا لحضرتك

[@engmanal4824]

@@waleedsalah313 طبعا وان شاء الله خير

[@waleedsalah313]

@@engmanal4824 شكرا على وقت وذوق حضرتك معالي الوزيرة

[@engmanal4824]

@@waleedsalah313 تسلم يا فندم

[@morssy69]

السلام عليكم ورحمه الله وبركاته لدينا منزل تم بناءه بترخيص بإسم والدى رحمة الله عليه منذ عام 90 الترخيص كان ينص على ردود عن كل الشارع بمسافه واحدٍ متر وقام والدى ببناء المنزل بمحاذاة كل الشارع علمًا بأن المنزل هو أخر منزل فى الحاره وليس لدينا اى بروز عن الجار فهل أذكر رقم الترخيص علما بانه ليس لدينا اصل الترخيص علمن بانني سوف اتقدم للمصالحة فى مخالفة دورين تم بناء هم عام 2010

[@MohamedGamal-yw5vm]

السلام عليكم ياباشمهندسة اولا نشكر لحضرتك المجهود الرائع علي شرح كل ما سبق والي مزيد من التقدم ان شاء الله .ثانيا عندي سؤال لحضرتك ، انا بنيت بالبلوك علي ارض زراعية قريبه من الحيز العمراني لكن في شهر 10/2017 وبها كهرباء ووالدي ووالدتي ساكنين فيها الي الان ولي جار باني قبل 22/7 بلوك ولكن غير مسكون مجرد سور وغرفه من الداخل وتقدمنا بطلب التصالح ودفعنا الجدية ولكن لا نعرف مصير هذا البيت وللعلم لا يوجد لنا بديل غيره ارجوا من حضرتك توضيح ما سوف يتم معنا ولكم جزيل الشكر

[@engmanal4824]

وعليكم السلام الف شكر دا من ذوق حضرتك ان شاء الله اللجنه الفنيه هتنزل وتعاين وتكون بالموافقه

[@MohamedGamal-yw5vm]

يارب

[@rashaebrahim7152]

السلام عليكم حضرتك انا في شقة دور 13 و ادمت طالب تصالح و نفظت محضار علي صاحب العقار و بعض الملاك رافضين تماما التصالح و ملازمين صاحب العقار بالتصالح و هو حاليا هو هربا في الحاله ده اعمل اي بيقولو صاحب العقار هو المالازم بالتصالح و مفيش غيري ادم في الحاله ده يحصل ايه شكراً جزيلاً ارجو الرد

[@engmanal4824]

وعليكم السلام انا شرحتها بالتفصيل وهنسيب الرابط

[@engmanal4824]

kzbin.info/www/bejne/oGXOk2x9gK-BbLc

[@sayadsamy9864]

السلام عليكم ورحمة الله وبركاته لو سمحت حضرتك لو الجار رفض الموافقة على التصالح معايا يترفض طلب التصالح وهو مفيش لجنة تفضل بيني وبينه لانه جارصعب جداً وجزاك الله خيراً

[@engmanal4824]

وعليكم السلام هنبعت هذا الاستفسار للجنه متابعه القانون وفى حاله الرد هنقوله

[@user-sr8lu6eg3s]

السلام عليكم يا بشمهندسه أنا باني فى 2012 ومعيش اعمل تصالح الوقت لو معملتش ممكن يهدمو البيت

[@engmanal4824]

وعليكم السلام هيطبق احكام القانون 119لسنه 2008

[@safaamohammed7750]

انا عندى شقة دور مخالف فى عقار مرخص مبانى 2011 هل لازم اقدم على تصالح ؟

[@engmanal4824]

السلام عليكم ان شاء الله تقدم علشان يكون معاك شق قانونى

[@As-jq7mr]

ربنا يريح قلبك عندي بيت تم الازله بتاريخ ٢٧ ٦ ٢٠٢٠ انا بنيت بتاريخ ٢٢ ٢ ٢٠٢٠ عندي قضية حكمة ٢ سنتين ١٠٠٠٠٠ الف غرامة ودفعة ٢٠٠٠٠ الف في مدينة نصر تابعة لقوات المسلحة اقدم ولا ان مالش تصالح ارجوك تسعديني انا وعيالي معندناش غير البيت دة والله عله ما اقول وكيل يا رب خير ٥عيال غير امهم ونا حلاق اللي جاي رايح

[@engmanal4824]

اللهم امين هتقدم يافندم لا تدرى لعل الله يحدث بعد ذلك امرا كان مفعولا وانشاء الله خير

[@engmanal4824]

kzbin.info/www/bejne/p2SYf42Dhatjd8k

[@hanyelsayd9135]

مهندستنا المحترمه عندي مخالفه بدروم بدون ترخيص بعد تاريخ الثصالح مع وجود رخصه سؤالي هل لو تم ردم البدروم لانه مستواة من علي الشارع متر هل سيتم اذاله المحضر لانه تم انهاء المخالفه

[@engmanal4824]

السلام عليكم المخالفة هى مخالفة الرسومات الهندسية للترخيص بإقامة البدروم...وتم عمل محاضر مخالفة قرار إزالة...لان المخالفة حدثت بالفعل.... قانون التصالح حدد المخالفات التى تمت قبل تاريخ ٩/ ٤/ ٢٠١٩ هى التى يجوز التصالح عليها

[@hanyelsayd9135]

@@engmanal4824 وايه الحل بالنسبه للبدروم يامهندسه انا اسف علي الازعاج بطلب النصيحه اكمل في القضيه ولا اردم البدروم وانا اقمت البدروم مطابق للشروط حوائط خرسانيه ياريت الافادة وانا اسف مرة ثانيه للازعاج

[@engmanal4824]

@@hanyelsayd9135 مافيش اسف اسال يافندم براحتك بإقامة البدروم بالمخالفة للترخيص تم تحرير محاضر مخالفة...هذه المحاضر تم إحالتها للمحكمة ....عند ردم البدروم وإثبات ذلك لايعفى ذلك عن وقوع المخالفة وبالتالى المحكمة وشأنها تقرر الحكم المناسب ولها أخذه فى الاعتبار إزالة المخالف بردم البدروم

[@hanyelsayd9135]

@@engmanal4824 يعني لو ما اخذتش المحكمه ممكن قرار بالازاله وانا بنيت دورين معناة يتم ازاله الببيت بالكامل وانا صراحه مكنتش اعرف ان البدروم لازم يوضع بالرخصه دة مش حرام

[@hanyelsayd9135]

حضرتك الرخصه في البدروم كانت تكلفتها شئ بسيط بس وجودي في الغربه فترة كبيرة مكنتش اعرف القوانين والله يسامحهم موظفي المجلس كانو بيعدو عليا كل يوم بحكم موقع البيت كانو يعرفوني اعمل تعديل ودفعت فلوس لمهندس تبعهم لاستخراج شهادة اشراف صراحه حرام هدم بيت كامل من اجل عدم وجود الرخصه في البدروم

[@emammahmoud3634]

السلام عليكم يا باشمهندسه شكرا مقدما انا بنيت قبل ٢٠٠٨قطعه ارض في مدينه القاهره الجديده بدروم ارضي اول وتانى وعاوز احول ٧٠ متر من الدور الأرضي من سكني الي اداري عاوز اعرف قانون التصالح يسمح لي والخطوات والاوراق المطلوبه وكم مبلغ جديه التصالح

[@engmanal4824]

وعليكم السلام التصالح على المخالفه الموجوده ولكن حضرتك عايز لسه تحول من الى ودا وفقا لقانون البناء الموحد وليس التصالح

[@osamasaied23]

حضرتك انا بانى منزل من عام١٩٩٠ وبه مرافق اعمل ايه المنزل مكون من خمسة ادوار ولكى لا يوجد ترخيص فى المنطقه

[@engmanal4824]

@@osamasaied23 لو فى المدينه هتقدم علشان يكون مع حضرتك شق قانونى تقدمه لاى جهه حكوميه لو فى القريه لا داعى للتقديم فى التصالح

[@user-ig7xd2ek7z]

هل ال عمل تصالح ودفع الجديه ايه موقفه من النيابه العسكريه

[@engmanal4824]

هتقدم النموذج رقم 3 لارجاء اى احكام لخين البت

[@user-pj9ot9os9r]

السلام عليكم لو سمحت سوال موقف الأحواز بي ططلع على اي اساس التصوير الجوي وله والقريب من الحيز وله طاوافر الشروط خارجي الحيز ،،،علي شان الحي قال باقي الموافق الأحواز

[@engmanal4824]

وعليكم السلام هنسيب لحضرتك الرابط

[@engmanal4824]

kzbin.info/www/bejne/Zn21lKeBa9KgoK8

[@user-bu5yx3fx8f]

صاحب العقار قدم علي تصالح لنصف العماره فقط وعند سؤاله قال انا مقدم علي استكمال هل في كده ولو مقدمش اعمل ايه شكرا مقدما

[@engmanal4824]

السلام عليكم انا شرحتها بالتفصيل وهنسيب لحضرتك الرابط

[@engmanal4824]

kzbin.info/www/bejne/gKG5fnqOn7OYhck

[@user-lp7wo5tv6p]

هل يمكن دخول الغرامات اللى اندفعت فى المحكمة فى جدية التصالح

[@engmanal4824]

لا لان للحنه تلقى الطلبات ما لهاش دور فى ذلك

[@bedy920]

لو سمحت .. ماهى الردود ؟؟؟؟ وما علاقتها بالمخططات وخط التنظيم

[@engmanal4824]

السلام عليكم انا شرحتها بالتفصيل وهنسيب لحضرتك الرابط

[@engmanal4824]

kzbin.info/www/bejne/eHmapIaveNefZ8k

[@gemyyoussef9113]

مشترية شقة في عمارة بدون رخصة من ٢٠٠٩ وبها غاز وكهرباء وميه مقايسات وعدادات . وصاحب العمارة مانعرفش فين . وانا عامعاش مش قادرة ادفع تصالح وكل الملاك رافضين يتصالحوا . ما العواقب على ذلك

[@engmanal4824]

السلام عليكم هنسيب لحضرتك الرابط هيتم التصالح لو على الشقه الواحده ازاى وبالنسبه للعواقب انا قولتها فى الفبديو

[@engmanal4824]

kzbin.info/www/bejne/gKG5fnqOn7OYhck

[@gemyyoussef9113]

انا فى الدور السابع والاخير والكل رافض للتصالح الحل ايه

[@user-du4wu2sc9f]

اناعندي العماره كلها مخالفه ومكونه من سبع ادوارواناعملت تصالح علي دولارين فقط علشان معنديش المبلغ هل في مشكله وهل اللجنه لم تاتي ممكن تحسب كله عادي مفيش مشكله الرجاء الرد وشكرا

[@engmanal4824]

السلام عليكم انا شرحتها بالتفصيل وهنسيب لحضرتك الرابط

[@engmanal4824]

kzbin.info/www/bejne/gKG5fnqOn7OYhck

[@essamohamed305]

ممكن لو تفضلتى نعرف ماذا تم فى التصالح الفردى للراغبين وموقف الغير الراغبين وهل يتحمل راغبى التصالح قيمة التصالح للباقى فى العقار الواحد .. وحسب ما قال المتحدث الرسمى لمجلس الوزراء بالأمس الاثنين ٣١ أغسطس على الراغبين التقدم للتصالح والدولة ستتصرف مع الباقى

[@engmanal4824]

السلام عليكم هو نصى تشريعى فى اللائحه التنفيذيه المعدله بيقول امكانيه ازاله المخالفات الاخرى بالمبنى فى حاله الموافقه على التصالح واذا قال المتحدث ذلك بيكون لازم تعديل التشريع

[@user-zc8ut8xo1p]

حضرتك ازاي هيتم تعديل تشريعي بعد انتهاء مده القانون فلا فائده من التعديل

[@essamohamed305]

@@engmanal4824 تحياتى لحضرتك .. المتحدث الرسمى لرئاسة مجلس الوزراء (مستشار) نادر سعد فكيف يقول ذلك وهو يعلم أن كلامه يعتبر بمثابة قرار ينفذ وصادر عن رئاسة الوزراء وهل لا يعلم أنه يجب تعديل تشريعى ولا كلام وخلاص فك مجالس وهل جدية التصالح صدر لها تعديل تشريعى تم قرار بقانون .. بارك الله فى حضرتك

[@engmanal4824]

@@essamohamed305 تسلم يا فندم انا نتمنى طالما فى مصلحه المواطن ولو تم ارسال هذا الكلام رسمى للمحافظات هيتم تعميمه والتعامل بموجبه زى الجديه طالما فى تعليمات مكتوبه وواضحه وان شاء الله خير

[@essamohamed305]

@@engmanal4824 kzbin.info/www/bejne/nn-yZKimaKmNqJo المداخلة كاملة الموضوع فى الدقيقة ١٤.٣٠ مع خالص شكرى وبالتوفيق

[@aliabdelmonem2768]

مفيش اخبار بشمهندسه عن 22/7/2017

[@engmanal4824]

السلام عليكم لسه مافيش جديد

[@montaserhalawiyeaa1552]

داعم ومتابع للقناه

[@engmanal4824]

تسلم يا فندم وديما منور القناه

[@bedy920]

هل الخبر اللى فى اللينك دة صحيح يا فندم www.elbalad.news/4474724

[@engmanal4824]

يقصد الخارج الكتله القريبه من الحيز والوارد نصها فى القانون التصالح

[@user-jp1vz1fs4n]

مساء الخير يابشمهندسه مفيش أخبار عن المتخللات عشان نعمل رخصه بقي ونبني

[@engmanal4824]

مساء الخير ما فيش غير خطاب وزاره الاسكان حتى الان

[@user-jp1vz1fs4n]

@@engmanal4824 ياعني ان شاءلله هنعمل رخصه يافندم ولا مش هنبنها خالص وشكرا

[@engmanal4824]

@@user-jp1vz1fs4n ان شاء الله

[@user-jq7uh9yx4i]

السلام عليكم الحيز امتى

[@engmanal4824]

وعليكم السلام لسه ما فيش جديد