ايه فايدة النرجسي في حياتي ؟

Рет қаралды 11,509

5 ай бұрын

الانتساب إلى هذه القناة للاستفادة من المزايا:
/ @user-id-kawthers-sanad
حجز الاستشارات : kawtharsanad.com/
رقم واتساب ٠٠٢٠١١٥٠٥٨٦٠٥٢
ايه فايدة النرجسي في حياتك .هو انا ليه ربنا ابتلاني بالنرجسي
انا عملت ايه في حياتي عشان اقع في نرجسي ..
حالة بتقول لي انا عملت ايه في حياتي عشان اشوف كل القذارة دي من النرجسي وكالعادة قلت لها ابتلائك والابتلاء رسول جايب رسالة زي ما الدكتور كريم علي قال الرسول حيمشي لما تفهمي الرسالة وبرضه سألتني طيب ايه الرسالة ؟ قلت لها انتي ادرى انتي لازم تشوفي حياتك فيها ايه الرسالة انتي بس اللي تعرفيها ، بس مكنتش راضية عن اجابتي عليها حسيت ان فيه حاجة انا نفسي مش فاهماها وقدرا بفتح فيديوهات لاحد الصالحين الله يرضا عليه ويرحمه ويرحمنا لقته بيقول ناخد من اهل النقص أساتذة للكمال يعني ايه يعني نتعلم منهم مانكونش ناقصين زيهم
وطبعا الكمال هنا مش اننا نكون كاملين لا اننا نتعلم ازاي مانكونش ناقصين زيهم ، يعني لما تشوفي شخص بخيل وتتأذي منه او تشوفي حد بيتأذى من بخله بتلاقي نفسك مش عايزة تكوني زيه ، لما بنشوف واحد مدخن وطول الوقت بيكح وصدره بايظ كأن لسان حاله بيقول لنا ماتكونوش مثلي والبخيل وكره اهله له برضه بيقول لنا بلسان حاله ماتكونوش مثلي .
تخيلي ان ممكن تكون دي الرسالة تخيلي ان ربنا جايب لك شخص ناقص كل النقص تعيشي معاه وتشوفي كل عيوبه عشان يعلمك ماتكونيش زيه ، وانتي فعلا بتعملي دة وبتتجنبي انك تكوني مثله ، اللي لاحظته على ٩٩٪ وتسعة من عشرة من زوجات النرجسيين انهم كلهم بدأوا يقربوا من ربنا وانهم لجأوا لحفظ القرآن والصلاة وانهم بيتجنبوا انهم يكونوا زي النرجسي ، ساعات بتكوني مش واخدة بالك من الكلام دة لكنه بيحصل معاكي انتي ، حقول لك ازاي ، مرة حالة اشتكت من النرجسي انه بيحاول يسحب منها اولادها فأول سؤال بييجي في بالي هل بتحضنيهم ولا لا ؟ الحالة دي كان ردها ايه وغيرها كتير ردوا نفس الرد ، انا امي مكنتش بتحضنا لكن انا كنت حريصة اني ما اكونش زيها ، امي كانت نرجسية وانا مكنتش فاهمة بس دايما كنت بقول انا ماتعلمتش اني اتحضن بس لازم اتعلم احضن ودربت نفسي من اول ما ولدت اول طفل اني احضن ،
من هنا بتشوفي ان يمكن ربنا باعت لك الناس دي عشان تتعلمي من نقصهم ازاي تكوني احسن ،
خدي بالك مش لازم الكلام دة ينطبق ع الكل ،لان الله له في خلقه شئون واكيد له حكمة مش لازم نفهمها يمكن مطلوب مننا التسليم وبس ولو استسلمنا الرسالة تكون وصلت يعني ايه التسليم يعني نستسلم للنرجسي؟ لا طبعا نستسلم لامر الله وقدره يعني نطور نفسنا ونشتغل ونقاوم الظلم بس نرضى بقدرنا وباللي ربنا اداه لنا مانمشيش نبكي ونولول وليه يارب عملت فيا كدة انا كنت عايزة حياة سوية وزوج يحبني واحبه ، مايمكن مش دة دورك في الحياة مايمكن رسالتك في الحياة اكبر بكتتير من انك تحبي وتتحبي ، مايمكن رسالتك في الحياة انك تنشئي جيل سوي او يطلع من تحت ايدك حفظة قرآن او دكاترة ناجحين يفيدوا البشر او علماء ينفعوا الناس على مر التاريخ ، مش يمكن تكون مهمتك اكبر من انك تعملي اسرة سوية مش يمكن مطلوب منك تنقذي شباب من الالحاد ولا بنات من الانحراف ،مش يمكن ربنا بيجهزك عشان مهمة حتعمليها ولازمك شوية دروس تاخديها عشان تتعلمي الصبر وتتعلمي التعامل وتتعلمي طباع البشر عشان انتي طول الوقت فاكرة ان العالم كله شبهك وقلوبهم شبه قلبك فلازم تفهمي ان فكرتك دي غلط واوعي تقولي زي واحدة من الحالات يعني كان لازم ادفع عمري عشان اتعلم؟ واللي بتقول كدة بتكون بقالها بس عشر سنين وفهمت طيب امال اللي بقالها أربعين سنة تقول ايه ، انتي مادفعتيش عمرك عشان تتعلمي انتي اتعلمتي بسرعة وطلعتي من الصفقة رابحة مية في المية ،ربحتي اولادك وصقلت شخصيتك وقربتي من ربنا واتعلمتي تحمل المسئولية وبقيتي بني ادمة وكبيرة ومسئولة واتعلمتي عن البشر كتير وبقيتي بتميزي الخبيث من الطيب كل دة وتقولي دفعت عمري عشان اتعلم طب ما انتي بتفضلي تتعلمي في المددارس والجامعات عمر برضه اشمعنى دة مش بتعترضي عليه ، صدقيني دروس ربنا اغلى بكتير من دروس البشر وتعليم ربنا اقوى بكتير ونتيجته اعلى بكتير ، انتي بس افهمي الحكمة وافهمي الرسالة وافهمي هو عايزك تتعلمي ايه عشان يخلص الابتلاء ، حقول لكم امثلة للرسايل اللي الحالات فهموها وراح الابتلاء . راح يعني اتطلقت ؟ لا راح يعني بقى موجود بلا وجود او اتطلقت او ربنا هداه ودي الى الان حالتين معايا فقط اللي ربنا هداه لهم واحد كبير في العمر والتاني مش صغير بس مش كبير ودة لسة في مرحلة العلاج وتعديل السلوك بس ع الأقل ربنا كفاها شره ،
طيب حنبدأ بالحالتين دول واحدة منهم توجهت الى تحفيظ القرآن وعملت مؤسسة تحفيظ كبيرة واشتهرت وماشاء الله اصبح لها بصمة في العالم الإسلامي كله ، والتانية لسة صغيرة في العمر وفهمت الرسالة وعرفت مهمتها وبدأت تاخد خطوات في تنفيذها بالدراسة ، اما غيرهم حالات تانية النرجسي موجود لا وجود بيصرف وعايش معاها ومتواصلين بحدود وادب وهي قادرة تسيطر ع الحياة معاه وفي نفس الوقت بدأت تنزل كتب في تطوير الذات وبقى لها برضه بصمة في الحياة بعد مافهمت الرسالة ، غيرها كانت طبيبة ومقعدها في البيت ومحدش مستفيد من علمها ورجعت تاني تساعد النساء لنها طبيبة نسا ومهمتها عظيمة اذا بقت شاطرة في مهنتها عشان تكفي النساء انهم يضطروا للدكاترة الرجال ودي مهمة كان لازم تفهمها من زمان لكن فهمتها بالابتلاء ، كتير كتير حالات فهمت الرسالة ومشي الابتلاء صدقيني حاولي تفهمي رسالة ربنا لكي وتشوفي انتي مفروض يكون دورك ايه في الحياة انتي خليفة ولازم تنفذي الخلافة دي سواء في ابنائك او اللي حواليكي او المجتمع كله
#صحةـنفسية #القوة #الاكتئاب #النرجسي #النرجسية

Пікірлер: 239

@user-ce1fi2xn9p 5 ай бұрын

فعلا انا حبيت شخصيتي الجديدة .. حبيت كيف اصبحت قوية وواعية .. واشعر بالنعم في حياتي .. تعلمت كيف اكون ربة منزل ممتازة لان زوجي كان نرجسي ساعي للكمال .. وتعلمت كيف ارد على الاساءة واتجنب المسيئين .. عرفت ان الشر موجود ولازم احذر منه وابطل سذاجة .. انا فعلا ممتنة لزوجي النرجسي .. مكنتش احب نفسي قبل .. لكن الآن أحب نفسي جدااا لان اصبحت قوية .. الحمدلله الف مرة ❤️👍

@zinebaboujamal4104 5 ай бұрын

هل تطلقتي منه أم لا ؟

@azzahussin2638 5 ай бұрын

فعلا أنا لجأت للمساجد والقرءان والدروس الدينية عشان كنت بدُور فى فلك النرجسي النرجسى إبتلاء من الله عز وجل للصبر عليه ولرفع الدرجات بإذن الله تعالى

@user-dr4xc2sx7b 5 ай бұрын

فعلاً والله لا نجاة من اى أذى نفسي داخلنا إلا بالتقرب من الله هو وحده الذى ينجى الحمدلله 🤲

@Elather_eltayep 5 ай бұрын

اللهم اجعل لأهلنا في غزة وسوريا والسودان ولكل مبتلي من كل هم فرجا ومن كل ضيق مخرجا ومن كل بلاء عافيه عاجلا غير اجلا يارب العالمين

@user-dr4xc2sx7b 5 ай бұрын

فى إعتقادى إن دا أجمل وأروع فيديو لحضرتك يا دكتوره. والله فعلاً كلامك كله صح بالرغم من أنى خسرت ولادى بعد الطلاق والتخلص من النرجسى بس يكفينى أنى فهمت الرساله والحمدلله بحاول فى زيارة أبنائى ليا أعوضهم بالحب وكلمات المدح والنصح والإرشاد لهم حتى لا يكونوا مثل أبوهم يكفينى أنى فهمت الرساله والحمدلله وعرفت ان كل عصبيتى وطبعى الحاد مع اولادى كان بسبب انى اعيش فى ضغط نفسى من أفعال ابوهم النرجسى معايا ويكفينى ان اولادى شعروا بالتغيير فعلاً ولمسوه فى معاملتى معهم وبدأت علاقتنا تتحسن جداً مع انهم مقيمين مع ابوهم ويأتون لزيارتى يومين فى الاسبوع. الحمدلله انى فهمت والحمدلله انه نجانى بعد ٢٥ سنه جواز من نرجسى

@saidaelfallous4913 5 ай бұрын

❤

@haibaouitahra-di3wd 5 ай бұрын

اولادك المفروض ليك شرعا وقانونا مادام لم تتزوجي

@user-dr4xc2sx7b 5 ай бұрын

@@haibaouitahra-di3wd للأسف كان التنازل عن كل حقوقى ثمن الطلاق

@user-ch7sd5be4n 5 ай бұрын

@@user-dr4xc2sx7b ربما من وراء هذا الطلاق واخذ زوجك لأطفالك له حكمة ربنا وقد ياتي خير مثل ام موسي عندما وضعت موسي بالنهر واخذه فرعون فرجع اليها وتربي تحت عين فرعون لكن بنهاية ربي نجي موسي وأخذ فرعون اخذ عزيز مقتدر والله اعلم وربي يعوضك دنيا واخرة .

@user-fl8yq1zi3s 5 ай бұрын

الحضانة ليكي قانونا

@samiasamsouma5874 5 ай бұрын

الحياة غير السوية تطلع ابناء غير سويين و هدا اكبر مخاوفي

@samarsoliman7410 5 ай бұрын

كلام حضرتك صح سألتني صديقة ليا اكثر ابتلاء مني ليه ربنا عمل معانا كده قلت لها سبحان الله علشان لو كنا في راحة كنا ح نركن للراحة ومش ح ندعي ولا نصلي ولا نجتهد في العبادة ولا نسعي للتغير وسبحان الله احنا عندنا نعم كتير ربنا اعطاها لينا ايه يعني لو زوجي نرجسي ناس كتير تتمني يكون عندها الزوج ده بس مايكون عندها ابتلاء في ابناء او صحة وكمان في ناس عندهاابتلاء في اهم حاجة الدين والايمان ربنا يعفينا جميعا

@anadode4677 5 ай бұрын

كلامك لمسني جوه قلبي بجد خاصة كنت لسه بتكلم انا وصاحبتي ولقيت تعليقك قدامي مع اني مخلصه جدا والله

@samarsoliman7410 5 ай бұрын

@@anadode4677 ♥️♥️♥️♥️

@Shaimaa_Eldeib 5 ай бұрын

واكيد وجودك في حياتنا سبب يعلمه الله وسر من ربنا لينا ❤❤❤❤

@user-pq4mk6iu1g 5 ай бұрын

صحيح انا اقول لو بس ف الاخرة يرفعنا الله بهذا الابتلاء درجات في الجنة بصبرنا على هذه المصيبة

@user-rr5ww7dd5m 5 ай бұрын

احلي احساس حسيته هو حب ربنا ليا

@rur4044 5 ай бұрын

كل شخص اتى ليعلمك شيئًا، وماذا يعلمنا الشخص الغير الواعي؟ يعلمنا أن لا نكون مثله .

@omarhabib5665 5 ай бұрын

هو اللي قربني من ربنا والله. انا بشكره جدا

@user-xw1pp8pi6c 5 ай бұрын

والله يا دكتوره بفضل الله وحده ثم بفضل حضرتك اول مره أشعر بالحريه علي الرغم اني مستمره معاه، كنت في سجن الخوف منه ودلوقتي بعد التعافي الحمدلله ربنا كافاني شره، ربي إني لما أنزلت الي من خير فقير

@salmaelnaggar4064 5 ай бұрын

فعلا كلام حضرتك صح انا كنت بسال نفسي ازاي واحده كبيره تتجوز واحد زي ده بس لو انا ما كنتش اتجوزت ما كنتش هفهم طبيعه الناس من حواليا ولا كنت اوصل لمستوى الوعي اللي انا فيه دلوقتي

@user-ly7tf8em8q 5 ай бұрын

اتفق جدا

@nahedhassn 5 ай бұрын

فعلا كلام حضرتك صح الحمد لله قربت من ربنا وبقي عندي ثبات انفعالي وبقا عندي ثقه في نفسي وقويه بالعقل بعد ضعف وكنت هشه جدا واي حد بيقول عليا غلبانه ضعيفة بفضل الله ثم حضرتك كنت بتحرج ارد علي اي حد يزعلني بعد سماع فيديو الخوف

@user-nn6nc1up1n 5 ай бұрын

ربنا ينور طريقك عند عبور الصراط المستقيم كما نورتي عقولنا بحبك في الله ❤ألف سلامة على حضرتك شفاك الله وعفاكي طهور بإذن الله

@user-nm4cs8ku9e 5 ай бұрын

حسبنا الله ونعم الوكيل على كل نرجسي

@arwaalkhulaqi2556 5 ай бұрын

نتعلم مانكون زيهم ونتعلم انه كل البشر ناقصون ونرجع له وحده الكامل الصمد الغرض اننا نتعلق بالله الواحد الاحد الفرد الصمد

@user-kt3ls5iu6j 5 ай бұрын

سبحان الله كل شخص مسير لما خلق له . في كل حلقة كأنك تتكلمين عن حالي مع النرجسي ....شكرا جزيلا على الدعم المعنوي وعلى كمية الصدق والامانة في الفديوهات التي تقدمينها لنا شكرا على المجهود الجبار على الصوت الرخيم شكرا على كل شيء❤❤❤

@amirarefaat7319 5 ай бұрын

اكيد احنا مجموعة ربنا بيعدنا لشيء مهم جدا في الحياة

@arwaalkhulaqi2556 5 ай бұрын

نصيحة اتعلموا اسماء الله الحسنى وبعدها عقيدة الايمان بالقضاء والقدر لانكم لو فهمتوا افعال الله صدقوني بترتاحوا لانه كلنا عندنا رسالة نوصلها لغيرنا لكن ارضو وسلموا امركم لله واتعلموا عنه

@user-nj7fu9dm7c 5 ай бұрын

ولما يكون أبوه نرجسي .. يعني أنا عشت ما عائلة كلهم نرجسيين من زوجي لخوات زوجي الستة .. يعني عمري ما شفت يوم حلو والله إلهم أي فائدة غير ضياع العمر

@abeerbayoumy7432 5 ай бұрын

فعلا يا دكتوره ابتلاء النرجسي دي رساله من الله لي والحمد لله عرفت سبب الابتلاء والهدف منه انتي يا دكتوره رسول من الله يرشدنا الي الطريق الصحيح

@user-mj2xi1kh5u 5 ай бұрын

استاذة كوثر الله يبارك فيك حابة اسلوبك انك بتكتبي النقاط جدا ،شكرا وجزاك الله خيرا في ميزان حسناتك، مثل ما قلتي في نساء راح من عمرهم كثير اعمارهم في الستين اكتشفو النرجسيين لما قربو الستين عرفو الحقيقة للاسف وهذه هو الوقت اللي الله كتب لهم انهم يكتشفو النرجسي .الله يعطيهم الاجر في الدنيا والآخرة ويرزقهم جنات الفردوس الأعلى ،ويغفر لهم ذنوبهم وما اقترفو

@sherihanshaaban6559 5 ай бұрын

حبيبتي شكلك تعبانة الف مليون سلامه عليكي والله اني احبك في الله

@luluchannel3999 5 ай бұрын

حلقة جميلة جدا ❤

@alyamamaalkalbani9292 5 ай бұрын

كلام كنت محتاجتنه كلامك صحيح 👍

@user-hs2do4xg7d 5 ай бұрын

رائعة كالعادة كوكو ❤

@user-wq8yc6jd6p 5 ай бұрын

اعداء النجاح هما اللي مضيعين حقوقنا في الحياه ماما

@halamamdouh6950 5 ай бұрын

فيديو الكلام فيه جه فى وقته وكأنه رساله من ربنا ليا ❤

@fatemahbarrak9067 5 ай бұрын

❤الفيديو هذا يفوز رقم ١❤

@mohamedwalidalmanzalawy7085 5 ай бұрын

ربنا يعزك ويرفع قدرك

@maitalaat1848 5 ай бұрын

فيديو راااائع جدااا ❤

@user-ir5fp8bl1x 5 ай бұрын

شفاك الله وعافاك أستاذتنا الكريمة كوثر لا بأس طهور ❤🌹

@user-qt2vc8ry2r 5 ай бұрын

الله عليك ❤❤ كلام يخش القلب ❤

@Elather_eltayep 5 ай бұрын

ربنا يبارك في حضرتك اتعلمت من حضرتك كتير

@user-ft3nl8ri8f 5 ай бұрын

كلامك على حق انا ممتنة له كل ماقلتي ينطبق على بشكرك

@FaridaAbida-es1qv 5 ай бұрын

نورك الله أستاذة كوثر ❤❤❤❤❤❤❤

@Shaimaa_Eldeib 5 ай бұрын

حلقة رائعة ❤❤

@fofozozoo5154 5 ай бұрын

الف سلامه ع حضرتك يا حبيبتي ❤❤❤فهمت ياحبيبي يارب❤

@lamismissa5620 5 ай бұрын

بارك الله فيك ❤

@user-ri5ys8zy2c 5 ай бұрын

للاسف يادكتورة، انا كل عيلتي نرجسيين، امي وابي واخي وزوجي 😢،

@hiamsaeed5353 5 ай бұрын

❤جزاك الله خيرا على كل الذي تقدميه لنا ونستفيد من علمك ❤

@doaanasreldin1135 5 ай бұрын

الله عليكي .. ربنا يرزقك بكل حرف قلتيه سعاده و بركه و توفيق ❤

@nuhamahmood3192 5 ай бұрын

الله اكبر دروس ربنا تحمينا فعلا

@najlaahassan4765 5 ай бұрын

ربنا يحفظك ويستخدمك ولا يستبدلك اللهم آمين والصلاة والسلام على سيدنا محمد صلى الله عليه وسلم... جزاكم الله خيرا ماما كوثر

@monaelgawy3965 5 ай бұрын

جزاك الله كل خير من احسن ما سمعت ربنا يزيدك

@tymaaalhariri9649 5 ай бұрын

شكرا أ. كوثر . ❤❤

@azzanawar3230 5 ай бұрын

أنا اكتشفت نفسى وان الله المستعان وربنا علمنى الصبر وتغيرت كثير ا جدا عن زمان

@Soumia359 5 ай бұрын

فيديو رائع ❤

@yaghazyaghaz5296 5 ай бұрын

جزاك الله خير الجزاء

@rawanhewala4750 5 ай бұрын

أحبك في الله يا دكتور كوثر ربنا يحسن ما بين إيديكي ❤

@bbs90sm 5 ай бұрын

كلامك مريح جدا سيدتي❤

@ronarania682 5 ай бұрын

ربنا يباركلك حبيبتى❤

@ronarania682 5 ай бұрын

الف سلامة عليكى حبيبتى باين عندك برد شفاكى الله وعافاكى ❤

@lamiaasadeldeen5322 5 ай бұрын

ماشاء الله الله يزيدك نفع وعلم وفهم

@hanansarhan7457 5 ай бұрын

ربنا يكرمك ويسعد قلبك ويريح بالك يا ملاك ❤

@Monaamer-rp3id 5 ай бұрын

شكرا علي هذة الحلقة الرائعة جزاكي الله عنا كل خير ❤

@ebtisamahmed2013 5 ай бұрын

ربي يسعدك ويحفظك كلامك في الجرح واقوي واكمل اجابه ❤❤❤

@AliAliko-wq3ez 5 ай бұрын

روئيا في قمة الروعة الدكتورة المحترمة كوثر سند!؟.

@amirarefaat7319 5 ай бұрын

جزاك الله خيرا على هذه الكلمات ربنا يجعلها في ميزان حسناتك جيل. جدا جدا كنت محتاجة لها جدا ❤❤

@ganetelward7144 5 ай бұрын

وحقيقي وجودك في حياتي أكبر رساله وداعم ليا جزاكى الله خيرا

@gamilajad5730 5 ай бұрын

الف سلامه عليكي من صوتك باين انك تعبانة كنتى وحشانى جدا كل يوم الصبح ادخل ادور على الفيديو الجديد ❤

@arwaaams1317 5 ай бұрын

بارك الله فيك وجعله في ميزان حسناتك نفعتينا بعلمك وتغيرت شخصيتنا للاحسن بفضل الله وبفضلك

@emankasem1448 5 ай бұрын

الف سلامة عليكى حببتى واضح على صوتك انك تعبانه وشكرا على الفديو الجميل ده

@abeerbayoumy7432 5 ай бұрын

ربنا يخليكي لينا ويبارك فيكي دكتوره كوثر

@randamohamed695 5 ай бұрын

فعلا فيديو يستحق شهادة تقدير.....شكرا لا تكفي سيدتي ...اللهم يزيدك من الفهم والنفع للبشر..تحياتي لشخصك الراقي❤❤❤

@user-zg6if4hn9i 5 ай бұрын

❤❤❤حبيبتي جزاك الله كل خير أنا حاسه إنك تعبانه ألف مليون سلامه عليكي ربنا يتمم شفاكي علي خير يارب

@azzaraafat8587 5 ай бұрын

جزاك الله خيرا دكتور فعلا كل كلامك مظبوط بالملى.

@user-xw1pp8pi6c 5 ай бұрын

السلام عليكم ورحمة الله وبركاته، والله كل كلام حضرتك بييجي لي في وقته، ربنا يجازىكي كل الخير، فعلا كل ده عشناه وربنا استعملنا في نشر الخير، نسأل الله الإخلاص والقبول

@safaaamir4380 5 ай бұрын

لا باس طهور ان شاء الله .. الف سلامه يادكتوره .. ربنا يمتعك بالصحه و العافيه ❤️ .. حلقه رائعه .. شكراً جزيلاً لحضرتك

@HebaMohammed-zn4oj 5 ай бұрын

شفاكى الله وعفاكى ربنا يوفقك ويسعدك ذى مابتسعدينا

@umyoussef4630 5 ай бұрын

كلامك صعب عليا بس انتي صح وريحتيني خلتيني أرضى بحالى الحمدلله على كل حال

@nuhamahmood3192 5 ай бұрын

❤والله العظيم فعلا ميه ميه ابدا ماكنت افهم روحي ربنا يبارك لك في صحتك وعافيتك يارب استاذه كوثر حبيبتي ❤

@happiness4all 5 ай бұрын

من أروع الحلقات ربنا يجازيكي ويسعدك يدكتورة بحبك اوي ❤❤❤

@Marwa-kw3ze 5 ай бұрын

بحبك جدا استاذتي الفاضله

@user-sq5hc4fu3o 5 ай бұрын

ربنا يجزيك كل خير استاذة كوثر بحبك في الله ❤صحة وعافية على حضرتك يا استاذة كوثر

@azzaraafat8587 5 ай бұрын

انا كمان اتعلمت من الناس اللى عندهم نقص وبحاول احسن من نفسي

@monaalasmari7826 5 ай бұрын

شكرا لك كلامك جدا جميييل الله يرضى عليك في الدنيا والآخرة

@ommedhaitham12 5 ай бұрын

حبيبتي قلبي ❤ماما كوثر❤ ابدعتي فعلا ماشاء الله🎉 ربما يرزقك الجنة ويشفيك يارب❤

@sososmsm1886 5 ай бұрын

عجبنى عنوان الفيديو قبل ما اتفرج ما فائد النرجسي فى حياتى الاجابه تكفير ذنوب 😂

@LotfiLatif-mu7pu 5 ай бұрын

اذا اعتبرناه تكفير للذنووب فنحن زدنا ذنوب لذنوبنا لاننا في الاول صبرنا ولم نشتكي لاحد ولكن في الاخير فشلنا وتذمرنا وبدانا نتكلم عن الترجسي ونعيب عليه تصرفاته وبدانا نفكر في الهروب منه وهذا ينقص من حسناتنا وربما خسرنا عمر الكفاح والصبر ودخلنا في مرحلة الوقوف في وجهه والتصدي له ومحاولة قهره والتعبير عن عدم الرضا به وعليه لاندري اي مسلك هو الصح

@sososmsm1886 5 ай бұрын

@@LotfiLatif-mu7pu الصبر ولم نشتكي أملا فى الهدايه من الله تعالى وكنا جهلاء بالنوعيه دى من البشر وأنهم مرضي نفسين واذا وجدنا المخرج للخروج من دائره العيش مع النرجسي نبتعد عنه اما اذا لم يوجد مخرج فالتعايش والصبر على الابتلاء فى كل حال الاقتراب من الله تعالى يريح النفس ويبعد الحيره

@LotfiLatif-mu7pu 5 ай бұрын

@@sososmsm1886 ماقلته صحيح كنا. صابرين على امل انه بصبرنا وتحملنا وتمسكنا به سيتغير يفهمنا اننا نود العيش. معه نريد اسرة فيها المودة والرحمة صبرنا سنين وضعينا احلى السنين من عمرنا في العذاب المهين وقلنا لعل يفعل بعد ذلك امرا ولكن..... لم نكن نعرف انه نرجسي وانه نار تحرق الاخضر واليابس وتمتد للاولاد وكان لنا الفخر اننا نصبر ليتربى اولادنا في اسرة فيها أم وأب. ولم يبق لنا غير حسرات الندم ولا نقول اليوموحسبنا الله ونعم الوكيل

@user-lr9rl5ix6t 5 ай бұрын

ماشاء الله تبارك الله الله يحفظك ويسعدك ويوفقك ويرزقك من واسع فضله وكرمه يا استاذه كوثر ..المشكله كل ماتعيشي معاهم سواءا زوج او ام او اخت حالهم بيزيد ...نسال الله السلامه والعافيه يارب والله يجبرنا الجبر الجميل يارب ويرزقنا السكينه يارب

@mamty893 5 ай бұрын

الله ييسرلك الشفاء

@nahedfathy7774 5 ай бұрын

جزاكى الله خيرا اعظم فايده من الحياه مع النرجسي هى التقرب من الله وان مفيش اعظم وأحسن سند وعون الا التقرب من الله عز وجل الحمد لله والشكر لله

@fatimaalzhabi2484 5 ай бұрын

هدا الفيديوا فعلا من اجمل واروع ما سمعت مملوء بالفائدة والارشادات الي بمكانها شكرا لك من القلب ❤

@user-wr1gk2df2e 5 ай бұрын

واااو فيديو قمة في الروعة والمعلومات جزاك الله كل الخير انتي نعمة في حياتنا يعطيك الصحة العافية اختك من الجزاءر❤❤❤

@monadrwish7719 5 ай бұрын

ربنا يجازيكي خيرا يا دكتورة فيدوهاتك فرقت معايا كتيييير وكل ما باضعف اتفرج عليها تاني دومتي بخير

@sprachentandem 5 ай бұрын

العلام الصح مكلف جدا ❤ فيديوهات حضرتك بتلحقني كل مرة بشوفها بحس انك بتكلميني

@rashasioufi439 5 ай бұрын

ماشاء الله...مليون لايك👍👍👍👍

@hkamallo4423 5 ай бұрын

جزاكِ الله كل خير يا دكتورة أشكرك من كل قلبي و الله فعلاً في داخل المحنة منحة لا تقدر بثمن مثل اللؤلؤ اللي مدفون في قاع المحيط تتعبي و تجاهدي لحد ما تلاقي الكنز اللي ربنا أراد إنك توصليله نسأل الله أن يثبت قلوبنا على الإيمان و يرزقنا الرضا بما قسم و يعيننا على أنفسنا و على الشيطان و أكرر شكري ليك لأن كلامك فيه طبطبة و راحة نفسية غير عادية أحب أسمعلك باستمرار لما أكون متضايقة

@Elsaberaa-nr6yy 5 ай бұрын

ده احسن واروع فيديو سمعته ربنا يبارك في حضرتك يا دكتورة وربنا يوفقنا الي ما فيه خيراً لنا ولابنائنا وللامة الإسلامية يارب العالمين 🌹 ربي إني مسني الضر وانت ارحم الراحمين ،انما اشكو بأسي وحزني الي الله. اروع دكتورة بالعالم ربي يحفظك ويسعدك يارب العالمين 🌹.

@MARWAHFAEZ 5 ай бұрын

ياالله ربي يسعدك ويجزاك بالخير يادكتوره كوثر حقيقي هدي رسالة الله لي في داالوقت المبارك والله اني كلما قلتي كلمه وانا ادعي لك واقول اي والله فهمت الرساله عسى الله يسعدك ويفتح عليك فتوح العارفين ويكرمك بخيري الدنيا والاخره ويجزاك عنا كل خير 💖

@dodomagr6604 5 ай бұрын

فيديو رائع جدا وموفق جزاك الله خير انا فعلا قابلت ناس كتير وحشة بصفات مختلفة وده عاملى صدمة فى الاول وبعد كده سألت ربنا يعلمنى وبقيت اهدى الحمدلله بس بعانى مع زوجى والفيديو جه فى وقته ربنا يجعله فى ميزان حسناتك

@fatmashafik2586 5 ай бұрын

اجمل فيديو

@user-vx7jo8qr3z 5 ай бұрын

انت اروع انسانه ساعدتنا كلنا علي فهم النرجسي كتب الله أجرك وشكرا لك سعيك ويجعله ماتعملينا لنساء المسلمين في ميزان حسناتك

@user-vx7jo8qr3z 5 ай бұрын

سمعت اغلب فيديوهاتك بس ذا الفيديو هو الأروع وانا محضوظه اني سمعته❤❤❤

@SalsalGhxx 5 ай бұрын

ليش ضحية النرجسى أحيانا بتشوف حجم الضرر والذل لي هي فيه مع النرجسي وتقول خلاص راح اخرج من هاذ الالم وانفصل واحيانا اخرى بتتناسى كلشي وكأنها بتعمل ضباب على الأذى والقهر لي بتعيشه يعني كل مرة بتفكير وحتى الأحاسيس و المشاعر يتغيرو ليش ؟؟؟؟؟ من فضلك استاذتي الفاضلة ابحثي في الموضوع واعملينا فيديو

@SouadSouad-me4sx 5 ай бұрын

نفس حالي بالضبط

@fikraalamatni2021 5 ай бұрын

لأنه النرجسي بيعطيك الفتات من فترة للثانية وكونك متعاطفه ومشتاقة للحب بتقبلي بالقليل وبتنسي الإساءة وهكذا ذواليك وتستمر حياتك مع دورة الحياة النرجسية

@user-rv8lq1wp7u 4 ай бұрын

الله تعالى أراد لنا أن نزكي أنفسنا دائما بدون كلل ... فابتلانا بنرجسي ذو نفس طويل .... لابيعرف يتركنا ولا بنعرف نتركه .... رضيت يارب بما رضيته لي لأنك أعلم مني بنفسي الكسولة التي يمكن أن لا تتربى الا بمثل هذا الابتلاء وهذا الجحيم الدنيوي اللي لولاه لممكن أكون من أهل الجحيم الأبدي والعياذ بالله .... لا يكلف الله نفسا إلا وسعها.... اللهم لك الحمد أنت رب السموات والأرض ومن فيهن