Рет қаралды 10,292
رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/MKKOMJ3C77WMB1
حجز الاستشارات : kawtharsanad.com/ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
النرجسي الوحش اللي بخاف افتح بقي معاه ولا اعترض عليه اتشتم ادام عيني وماردش ولا فتح بقه ومن مين من بنت اخته اللي اصغر من بنتي وهو بيبتسم ابتسامة بلهاء هو واخته وانا وبنتي وقفنا في ذهول ولا قدرنا نفتح بقنا وتجاهلنا الموضوع ولم اجرؤ على الكلام فيه أصلا
ازاي الوحش دة بيقبل الإهانة بالبساطة دي؟
طول عمري بترعب ارد عليه او أقول لا او ارد عليه لما يشتمني ولو أقول له عيب الكلام دة مش ارد اشتمه انا أصلا كنت بخاف افتح بقي وهو بيزعق وهايج وعامل غضب نرجسي كنت ارتعش وابكي في صمت لحد مايخلص زعيق ، وهو يصعد ويصعد في الجبروت والظلم لحد ماوصلني في يوم كنت حضربه حرفيا ولما وقف في وشي زقيته بكل قوتي ومشيت من ادامه وانا بزعق فيه وبقول له كفاية ظلم وجبروت وبقيت ادعي عليه في وشه واتفاجئت بيه بيتكور في نفسه على جنب وكأن حجمه كش وقل ووشه اصفر وخاف زي الطفل اللي خايف من امه ،
ازاي أصلا الوحش دة يقلب قطة كدة وازاي خاف مني وازاي ماقدرش يعمل حاجة وطول الليل رايح جاي على غرفتي يبص عليا كأنه خايف اتسحب بالليل وامشي واسيبه ، انا مش قادرة استوعب الشخص دة ازاي كدة
الحالتين دول وحالات كتير بتحكي اساطير زي دي عن النرجسي وبيسألوني هو ليه وازاي بيكون النقيضين ازاي انا بخاف منه كل الخوف دة سنين طويلة ومجرد ماشخطت فيه خاف يعني الرعب كل السنين دي كان من ولا حاجة ، انا كنت حابسة نفس في سجن معايا مفتاحه ؟
للأسف الشديد جدا دة حقيقي ، انتي في سجن معاكي مفتاحه وانتي من الخوف والتعذيب مش واخدة بالك ان المفتاح معاكي
المهم هو ليه بيقبل الإهانة من ناس وناس لا وامتى بيعدي الإهانة وامتى بيستحملها وامتى بياخد حقه ومش بينسى الإساءة دي ومايعديهاش ؟
اول سبب بيخليه يعدي الاهانات انه محتاج للشخص اللي بيهينه ومايقدرش يقطع صلته بيه ، ممكن زي الحالة الأولى بنت اخته ودي حتنفعه في ايه عيلة ايه أهميتها؟ دي أهميتها في أمها مش فيها هو حريص على علاقته بأخته ليه عشان يرضي امه او ابوه او عشان هو شايف ومقتنع ان اللي بيقاطع اخواته وأهله دة شخص وحش والناس كلها بتشوفه وحش فمهما اهله عملوا فيه هو حيستحمل عشان الناس ماتقولش عليه سيء وملوش خير في اهله ، او ان الشخص اللي بيهينه دة ذو مكانة في المجتمع وهو حيستفيد من مكانته في مصلحة ولا فلوس ولا مركز ولا أي فايدة فحيتحمل ،
طيب كل دة كلام منطقي ومقبول لكن لما الزوج الضعيفة المغلوبة على امرها اللي ملهاش مصدر دخل ولا لها اهل ولا سند تهينه وتبعزق كرامته بيستحملها ليه بقى؟
لان أولا هي مصدر التقدير الأساسي دلوقتي والمصدر الوحيد للوقود وخصوصا لو هما كبروا وهو كمان ملوش اهل او هم في غربة وهو بعيد عن اهله ، دة غير الكارثة الحقيقية اللي جوة النرجسي ، هو أصلا بيعاني من تقدير ذاتي منخفض وشعور دائم بالنقص بالرغم من الصورة المزيفة اللي بيظهرها لك ، والعلم بيقول ان التقدير الذاتي المنخفض دة بيخلي النرجسي اكثر قبولا للاهانات كوسيلة لتأكيد نظرتهم الداخلية لانفسهم ، يعني هو شايف انه قليل وسيء وملوش قيمة فلما يتهان يقول اه انا عارف اني مليش قيمة واستحق الإهانة ولما الوضع بيتفاقم بيتحول لشخص بيستمتع بانه يتهان ويتهزأ وبعضهم يفضل يستفز زوجته لحد ماتشتمه او تضربه وبعدها يهدأ ويبقى مبسوط ويروح يصالحها ومش بعيد يجيب لها هدية كمكافئة ع اللي عملته فيه ودة بيكون غالبا اما مصاب بالمازوخية النفسية ودي غالبا بتكون مرتبطة بشعور عميق بالذنب او رغبة لا شعورية بعقاب النفس ، فبيهدأ لما يتهان ، او انه بيحتاج للاهتمام بكل صوره ولو كان سلبي واهانة هو محتاج يشعر انه موجود ومتشاف ولو بشكل سلبي اذا ماقدرش يحصل عليه بشكل إيجابي يعني الإهانة افضل من انك ماتبقاش شايفني . النوع دة اللي بيستمتع بالاهانة نادر ولكن الأغلبية بيكونوا عايزين وقود سلبي وبياخدوه من انهيارك انتي شخصيا من غير ماتهينيه ولا تيجي ناحيته .
المهم في النهاية اللي عايزة أقوله لكي ان فعلا الأغلبية العظمى من النرجسيين تافهين وهشين وضعفاء لان داخلهم أطفال مشوهين وفاقدين الإحساس بالأمان وعندهم خوف من الهجر والفقد والعزلة والرفض ودي عقد حياتهم ودي هي السبب في الحساسية من النقد اللي بيعانوا منها واللي حواليهم بيعاني معاهم ،
اكيد انا مش عاملة الحلقة عشان أقول لك اشتميه ولا اضربيه لا انا عايزاكي تفهمي ايه اللي جواه ايه نفسيته لانك كل ماعرفتيه من جواه كل ماعرفتي نقط ضعفه وكل ماقدرتي تتعاملي معاه وتتقي شره وتحققي السلام في بيتك لكي ولاولادك .
كمان تفهمي انه بني ادم عادي جدا لا هو وحش مفروض تترعبي منه ولا هو شيطان ماتقدريش عليه اطلاقا هو شخص ضعيف جدا عنده كمية صدمات رهيبة في الطفولة زيك بالظبط وممكن اكتر ومش عارف يتعامل معاها ، وبيدور على اضعف شخص في محيطه او الشخص اللي هو يقدر عليه ويبدأ يفرغ فيه غضبه من العالم ومن اللي اذوه في طفولته وكتير بيكون عنده تكرار قهري للي شافه في طفولته من معاملات بين الاب والام وبينه وبين ابوه وتلاقيه بيكرره مع أولاده ، في النهاية انتي لازم تكوني فاهمة الكلام دة كويس عشان تفهمي انتيب تتعاملي مع مين وماتخافيش منه أصلا ولكن لازم تكوني مستقلة ماديا اذا حتعيشي معاه لانه شخص غير سوي وغير متحكم في نفسه ولا في
ء ..... الباقي في اول تعليق
0:00-0:44 المقدمة
0:44-1:53 قصة عجيبة لحالة
1:53-2:34 تعليقى عن القصة
2:34-3:38 أول سبب يخليه يتقبل الأهانات
3:38-4:29 ثانى سبب (اهانة من شخص ذو مكانة)
4:29-5:37 ثالث سبب (تقدير ذاتى منخفض)
5:37-6:30 رابع سبب (احتياجه للأهتمام)
6:30-7:41 لازم تفهمى أن النرجسى ضعيف
7:41-9:33 أنتى دورك أيه
9:33-10:09 الخاتمة
#صحةـنفسية #القوة #الاكتئاب #النرجسي #النرجسية