Young Farmer Making Organic Jaggery Earns Massive Profit | Bagalkot

Young Farmer Making Organic Jaggery Earns Massive Profit | Bagalkot | Vijay Karnataka

Рет қаралды 20,102

Күн бұрын

ಹೀಗೆ ಆಲೆಮನೆಯಲ್ಲಿ ಬೆಲ್ಲ ತಯಾರಿಸುತ್ತಿರುವ ಇವರು ಮಹಾಲಿಂಗಪ್ಪ ಹಿಟ್ನಾಳ್‌ ಅಂತಾ. ಬಾಗಲಕೋಟೆ ಜಿಲ್ಲೆಯ ಮುಧೋಳ ತಾಲೂಕಿನ ಸಂಗಾನಟ್ಟಿಯ ಯುವ ರೈತ. ಸಾವಯವ ಬೆಲ್ಲವನ್ನು ತಯಾರಿಸಿ, ಭರ್ಜರಿ ಆದಾಯ ಗಳಿಸುವ ಮೂಲಕ ಮಾದರಿಯಾಗಿದ್ದಾರೆ.
ಹೌದು, ಮುಧೋಳ ತಾಲೂಕಿನ ಸಂಗಾನಟ್ಟಿ ಗ್ರಾಮದ ತಮ್ಮ ಒಂದು ಎಕರೆ ಜಮೀನಿನಲ್ಲಿ ಮಹಾಲಿಂಗಪ್ಪ ಹಿಟ್ನಾಳ್‌ ಆಲೆಮನೆ ನಿರ್ಮಿಸಿಕೊಂಡು ಸಾವಯವ ಬೆಲ್ಲ ತಯಾರಿಸುತ್ತಿದ್ದಾರೆ. ಪೇಡೆ ಮಾದರಿಯಲ್ಲಿ 5 ಗ್ರಾಂ ಹಾಗೂ 10 ಗ್ರಾಂ‌ ಬೆಲ್ಲವನ್ನು ತಯಾರಿಸಿ ಮಾರಾಟ ಮಾಡುತ್ತಿದ್ದಾರೆ. ಕವಾ ಹಾಗೂ ಬೆಲ್ಲದ ಪೇಡೆ ಮಾಡಿರುವುದು ದೇಶದಲ್ಲಿ ಇದೇ ಮೊದಲು.
ಇದರ‌ ಜೊತೆಗೆ ಶುಂಠಿ, ಏಲಕ್ಕಿ, ಲವಂಗ ಸೇರಿ ವಿವಿಧ 14 ಬಗೆಯ ಸಾವಯವ ಬೆಲ್ಲವನ್ನು ತಯಾರಿಸಿ ರಾಜ್ಯದ ವಿವಿಧ ಪ್ರದೇಶ ಹಾಗೂ ಹೊರರಾಜ್ಯಗಳಿಗೂ ಮಾರಾಟ ಮಾಡುತ್ತಿದ್ದಾರೆ. 50 ರೂಪಾಯಿಯಿಂದ 550 ರೂಪಾಯಿಗಳವರೆಗೆ ದರ ನಿಗದಿ ಮಾಡಿ, ಆಯಾ ದರಕ್ಕೆ ತಕ್ಕಂತೆ ಗುಣಮಟ್ಟ ಹಾಗೂ ಸಾವಯವ ಬೆಲ್ಲವನ್ನು ನೀಡುತ್ತಾರೆ. ಕೊರೊನಾ ಸಮಯದಲ್ಲಿ ಶುಂಠಿಯ ಬೆಲ್ಲವನ್ನು ಮಾಡಿ ಮಾರಾಟ ಮಾಡಿ ಗಮನ ಸೆಳೆದಿದ್ದರು.
ಇವರು ತಯಾರಿಸುವ ಸಾವಯವ ಬೆಲ್ಲವು ಆರೋಗ್ಯಕರ ಬೆಳವಣಿಗೆ ಅನುಕೂಲಕರವಾಗಲಿದೆ. ಆದ್ದರಿಂದ ಉತ್ಪಾದನೆಗಿಂತ ಬೇಡಿಕೆ ಹೆಚ್ಚಾಗಿದೆ. ಆದರೆ, ಒಂದೇ ಆಲೆಮನೆಯಿಂದ ಬೇಡಿಕೆಗೆ ತಕ್ಕಂತೆ ಪೂರೈಕೆ ಮಾಡಲು ಆಗುತ್ತಿಲ್ಲ. ಈ ಹಿನ್ನೆಲೆ ಮಹಾಲಿಂಗಪ್ಪ ಹಿಟ್ನಾಳ್‌ ರೈತರು ಸಾವಯವ ಬೆಲ್ಲ ತಯಾರಿಸುವ ಆಲೆಮನೆ ನಿರ್ಮಾಣ ಮಾಡಿಕೊಳ್ಳುವಂತೆ ಮನವಿ ಮಾಡಿಕೊಳ್ಳುತ್ತಾರೆ.
ರೈತರು ಬೆಳದ ಕಬ್ಬನ್ನು ನೇರವಾಗಿ ನುರಿಸಿ, ಬೃಹತ್ ಕಡಾಯಿಯಲ್ಲಿ ಕಬ್ಬಿನ ರಸವನ್ನು ಕಾಯಿಸಿ, ಗುಣಮಟ್ಟದ ಬೆಲ್ಲ ತಯಾರಿಸುತ್ತಾರೆ. ಬೆಲ್ಲ ತಯಾರಿಕೆ ಪ್ರಕ್ರಿಯೆ 24 ಗಂಟೆಗಳ ಕಾಲ ಇರುತ್ತೆ. ಸ್ಥಳೀಯರಿಗೆ ಉದ್ಯೋಗ ಅವಕಾಶ ನೀಡುವ ಜೊತೆಗೆ ರೈತರಿಗೆ ಕಬ್ಬು ಸಕ್ಕರೆ ಕಾರ್ಖಾನೆಗೆ ಕೂಡುವ ಬದಲು ಸ್ವತಃ ಆಲೆಮನೆ ನಿರ್ಮಾಣ ಮಾಡಿ, ಗುಣಮಟ್ಟದ ಬೆಲ್ಲ ತಯಾರಿಸದರೆ ಸಾಕಷ್ಟು ಲಾಭ ಆಗಬಹುದು ಎಂದು ರೈತರಿಗೆ ಮಾಹಿತಿ ನೀಡುತ್ತಾರೆ.
#Bagalkot #OrganicJaggery #Agriculture #YoungFarmer
Our Website : Vijaykarnataka...
Facebook: / vijaykarnataka
Twitter: / vijaykarnataka