إزاي من كيلو لحمة نعمل 3 كيلو كفتة رز 🧆 وازاي متفكش معاكوا اطلاقا !

١كيلو لحم احمر من الفخد
كيلو الا ربع رز مصري
حبة بصل وسط
حزمة كزبرة + حزمة شبت
٦ فصوص ثوم
معلقة صغيرة ( ملح / فلفل أسود / كمون)
نصف معلقة كسبرة جافة
______
معلقة كبيرة سمنه بلدي
حبة بصل مفروم
٥ فصوص ثوم مفروم
كوب ونصف عصير طماطم
معلقة كبيرة صلصة
معلقة صغيرة ملح
نصف معلقة صغيرة كمون / كسبرة / سكر
كوب شوربة او ماية
_________
شوية حاجات نأكد عليها
كيلو الا ربع رز مصري … ( لكل كيلو لحم )
( ينقع الأرز ٤ ساعات او نصف ساعه حسب نوع الأرز لو بلدي او معبأ … يصفي جيدا … يجفف علي فوطة لمدة ٣٠ دقيقة فقط …
(في حاله فرم الكفته في الكبه يطحن الأرز جيدا … ينخل … إعادة فرم أي اجزاء خشنة ولازم يكون زي الدقيق الناعم بعد الفرم …
( لو هنستخدم مفرمة لحم لتحضير الكفته لازم تكون مفرمة قويه ونفرم الكفته ٣ مرات ناعم …
( أفضل نتيجة تخلطوا المقادير وتفرموها عند جزارة ثقه ذات مستوي جيد من النظافة ✌🏻…
----------- OFFICIAL ACCOUNTS --------------
FACEBOOK
/ hebaaboelkheirofficial
INSTAGRAM
/ hebaaboelkheirofficial
______________________________________
Contact & Support:
[e-mail]

[@Doaanagah16]

التصوير، المونتاج، الصوت، جمال الوصفات وتبسيطها كل حاجه👌

[@rehamshaladan6928]

حافظتي ع غموضك، لحد كسبتي سحر خاص🌷 ربنا يحفظ لك الصغير❤️❤️🥰

[@fatmagoo5760]

ياهبه بالله عليكي كتري الكواليس حبتين تلاته وتكون من النوع دا بالذات 😂😂😂😂😂😂لايك هنا عشان تشوف ياجماعه

[@user-jt9iq3xo7c]

لا بالعكس لازم تخاف علي ابنها الحسد مذكور ف القرآن ووممكن جدا بدون قصد حد يبص لها بصه لا يحمد عقباها وياريت محدش يزعل ولا يفهم غلط

[@totatota7057]

@@user-jt9iq3xo7c كل الناس مخلفه وعندها اطفال😀😀😀

[@user-jt9iq3xo7c]

@@totatota7057 يا حبيبتي عارفه بس انا جربت 😭

[@sehammohamed1019]

ابني الصغير وانا فتحه الفيديو سمع صوتك بيقول دي هبه ابو الخير شاطره اوي ونضيفه وبتعمل حاجات جميله

[@medoelgezawy3596]

بجد تحفه تحفه تسلم ايدك جربتها واول مره تظبط معايا بجد الله يباركلك الواحده في الغربه نفسها ديما تروح لاكل بلدها وانتي وصلتي المعلومه والنتيجه تحفه انتي شرف لكل ست مصريه ❤️

[@Doaanagah16]

الكواليس جميل وابنك عثول ربنا يبارك لك فيه ويحفظه وتفرحي بيه وهو في اعلا المناصب

[@ranaaboelyousr5334]

كيوت اوي ربنا يحميهولك يارب ❤️ اكيد قمر زيك 🥰

[@maimostafa3184]

ربنا يخليكوا لبعض يارب ❤️

[@lizahelmy187]

جربتها النهاردة طلعت روعة بس مكنش في امكانية لنقع الرز وطحنه فعملت بدقيق الرز ونص قرن فلفل حامي مع كل طريقة الشيف هبه بالظبط بجد تسلم ايديكي ، مفيش حاجة عملتها من وصفاتك الا وطلعت مليون المية ناجحة الحمد لله شكرا كتير

[@user-bz9jj4ec1n]

لو سمحتي اخد نفس كميه الأرز ولا وشكرا

[@lizahelmy187]

@@user-bz9jj4ec1n لا انا اخدت كمية اقل حطيت 320 جرام علي نص كليو لحمة

[@user-bz9jj4ec1n]

@@lizahelmy187؛ شكرا يا قلبي

[@lizahelmy187]

@@user-bz9jj4ec1n عفوا ❤

[@bosyrefaat2739]

بالله عليكم ضروري ارفعوا الكومنت طريقه البيتزا الشرقي ضروووووري جدا يا مدام هبه

[@RokaAshraf-ub7hy]

حاضر

[@Doaanagah16]

تسلم ايدك عمري ما جربت وصفه من وصفاتك إلا طلعت تحفه ربنا يبارك

[@User-g8e9e]

الله الله كفتة الرز يعني مصر ريحة بيوت الأمهات والجدات والأيام الحلوة كل عيد وأنت طيبة هبة الجميلة

[@saraehab9344]

اللي بيسرق الكفته يجي هنا 😂♥️

[@user-mi6us8ec3n]

والله العظيم بسرقها واملا طبق كبير وعينه تحت السرير 😂

[@tyseerabdaziz4010]

انا هووون

[@hagershaaban2365]

😂 اهو جييت

[@amiraaelhoseny7254]

أنا علي ماتخلصةالصلصه مش بتلاقي كفتايه تتحط فيها دلوقتي اولادي بيعملوا نفس اللي كنا بتعمله هههههه

[@rehammohamed3963]

😂😂😂😂😂😂

[@misomnya9059]

احلي جزء في الفيديو ما خلف الكواليس ربنا يحميهولك ويباركلك فيه ويحميه من كل شر يا رب 🥰🥰🥰🥰

[@user-qj4iv3vw5z]

تسلم ايدك ماشاءالله لاقوة إلابالله اكلات كلها طيبه وشهيه وتشرف بالعزومات . اليوم طبقت الوصفه وزدت عليها عيش فينو مبلول بالميه وعصريه لحدمابقا عجينه وحطيتو مع العجينه مع بودره البصل وبهار للحمه زياده ودخلتها الثلاجة عشان الفطاراليوم باذن الله

[@lolocat8646]

جربيها باللحمة جملى تحفة

[@user-dm9uc8zu7d]

فعلا اللحمه الجملي في الكفته طعم تاني خالص

[@user-ju8pi5hb1x]

انا بعمل كفته الرز باللحمه الجملي على طول

[@amalrizk7463]

رجعتينا لايام زمان وبيت العيلة بيت العز 🥰ياما كنا بناكل نصف الكفتة محمرة قبل اضافة الصوص وكان بتبقى فرحة للام ان ولادها بياكلوا 😂👍😋ربنا يزيدك فرحة وبركة يا هبة 💥

[@nhadslem7575]

امين يارب العالمين

[@jehangado5078]

احلى حاجه انك بتطورى نفسك غير أن اكلك حلو طبعا برافو هو ده التميز

[@mennaelfarkh2486]

عملتها علي طريقتك و طلعت تحفه تسلم ايدك جزاكي الله خيرا ❤️😍

[@user-re1uj9dl5o]

الارز البادي منقوع مدة اد اة والأرز المعبأ بيتنقع مدة اد اة

[@user-wy8mv3xy7f]

تسلم ايدك وصفاتك رائعه مثل اخلاقك حفظك الله انسانه رقيقة ومخلصه بحب اسمعك جدا

[@suadali8608]

بصراحه شهاده حق كل حاجه عملتها بطريقتك كانت روعه تسلم ايدك بجد وبميزان حسناتك ❤️

[@sarahamza9187]

لحقتي تعمليها الفيديو لسه نازل بقاله ساعتين

[@lubnaelhelaly3754]

انت عارفة اني بعمل لايك على طول و ممكن مفتحش الفديو انتي جميلة و استمري بنفس الطريقة ربنا يحفظك يا حبيبتي

[@user-yz2hz4kj9f]

انتى اول واحده اعمل ليها كومنت وبجد انتى فرقتى معايا وبقول لكل أهلى عليكى انا اصلا لما اجيب سيره المطبخ لازم يكون موجود اسمك فىه ربنا يبارك فيك ويصلح مابين ايديكى

[@ayamohsen9743]

الكواليس كتري منها يا هبه اللهم بارك 😂💞💞💞

[@mariamtaha5888]

ممكن حلقه عن الاكل الصيني زي الوجبات اللي بتتعمل ف مصر نودلز و سويت اند ساور و كدا

[@Elather_eltayep]

اللهم صل وسلم على سيدنا محمد وعلى ال سيدنا محمد ملء السموات والأرض

[@mawadaahmad5805]

في تطور واضح جدا في التصوير والمونتاج ❤️❤️❤️

[@saraskitchen88]

هيا ماشاءالله من زمان تصويرها حلو اوي والمونتاج

[@user-hs3xm9dq9d]

جربي الصلصة بالتوم بس بتبئي جميلة جدا وملح وفلفل بس

[@enaseldahrawy878]

ايوة فعلا وكانوا زمان بيسموا الصلصة اللي بالتوم الدمعة هههه خلاص معدش حد بيستخدم المصطلح ده

[@wafaaabdelkader9677]

ده حقيقي فعلا ... اصبت

[@user-ju8pi5hb1x]

فعلا بلتوم بتبقا جميله

[@nhadslem7575]

حقيقي بتفكرني بوصفة ماما بتعمل احلى كفتة رز فى العالم ربنا يجزيها عنا كل خير

[@zainabhereba6152]

جميلة جدا وشهية وطيبة كتير ويسلموا ايدياتك وجزاكم الله خيرا كثيرا وجعله في ميزان حسناتكم ورفع الله قدركم بين خلقه وبين عباده الصالحين وزادكم من فضله ونفع الله بكم وبارك الله فيكم ولكم

[@safimoussa87]

الله يعمر بيتك و يسعد قلبك .. بجد كل حاجه بنفذها منك و انا مغمضه و مطمنه انها هتبقي خطيره .. ربنا يفرح قلبك و يجبر بخاطرك ❤️

[@brookhaven4218]

تسلم ايدك ياهوبا دايما بتفتحي نفسي ع الاكل ..انا بعملها كده بس بزود شويه صغيرين فريك ذره بتبقا جميلة برضه..بس هجربها بطريقتك

[@sherifdandy]

فخورين إنك مصريه 🇪🇬🇪🇬🇪🇬أعملى الأكلات التراثيه المصريه اللى بتتنسب لناس تانيه للأسف وبتتسمى بأسامى تانيه مع إنها بتاعتنا

[@KabsaQueen]

والله يا ليت .. لأنو فيه أكلات كثير ضاعت هويتها الأصلية مع كثرة التأليف فيها وبكل بلد مش بمصر فقط .. حتى عندنا بالسعودية بس بما أنو هبة مصرية .. نفسي يكون بقناتها قائمة تشغيل خاصة بالأكلات المصرية

[@joejah8336]

واحنا من السعودية نعشق أكلاتكم

[@sherifdandy]

@@joejah8336 ده من ذوقك والله ونتشرف بيكم🌹

[@randamahmoudmostafa8264]

تسلم إيدك ماما الله يرحمها كانت بتحمر بطاطس مكعبات وتحطها علي الكفته جزاكي الله خيرا كثيرا ❤️

[@nogaelshref]

أحلي شيف واحلي كفته ربنا يباركلك في ابنك وتشوفيه في أعلي المناصب يآرب العالمين ❤️

[@hebanoureldeen2647]

هبة صباح الخير اولا جزاك الله خيرا علي كل الطرق السهلة الجميلة والتكات اللي فعلا بتخلي الحاجه مميزة وصحيحه. ثانيا.. اسلوبك بحترمه جدا مختصر وهادف وسريع ومافيش رغي كتير و زوايا التصوير والاضاءه والادوات جميله بتحببني جدا اني اتفرج علي فيديوهاتك اللي بنصح بيها كتير من معارفي. بارك الله فيك حبيبتي.. ارجوك يا هبة انا فعلا تعبت في عمل الممبار وآراء من حولي تختلف كل مرة عن بهاراته عن نوعه عن ريحته. قلت انت اللي هتجيبي الطريقه الصح. وارجو منك ضروري تنبيه الناس عدم استخدام الممبار الصيني اللي مالي مصر واعملي سيرش عنه والجزارين بتبيعه علي انه ممبار عجل صغير وده مش صحيح.. والله المستعان تسلم ايدك حبيبتي واتمني لك مزيد من التوفيق. 😍

[@user-cg8rk9fe7k]

٠

[@user-vr4ln8wo4f]

ماشاء الله تسلم ايدك يا هوبا بصراحة اول مرة اشوف طريقة كفتة اللحمة وتعجبنى رغم أن ماعمريش عملتها لأن بعمل كفتة الجمبرى انت عارفة البورسعيدية بس والله حاسة أن طريقتك جميلة .ربنا يباركلك يابنتى واهل بيتك يارب 👍👍👍💕

[@mazenali5416]

نصيحه لو بتحبى النعناع ضيفي نصف ملعقه صغيره منه وربع ملعقه بيكربونات الصوديوم لكل كيلو وتسلم ايدك بالف هنا على قلبك ♥️

[@nrmeenrezk1702]

ماشاء الله كل حاجه بتعمليهاحلوة التصوير رائع جدااااا متميزة فعلا

[@souicikarima5149]

انا كجزائرية لا أعرفها وفرحت بهذه الوصفة راهي تشهي

[@ahmedkhayri7919]

جربيها النتيجه جميله جدا بس متكتريش وحتتاكل بعد التحمير

[@anwarallam4657]

اسمها كفته رز واحنا بنعملها في العيد الصغير

[@dodokholif5987]

تسلم أيدك يا حبيبتي بس تعرفى احنا عندنا فى الأفراح وسبوع البيبى باكلها مع كسكسى بتبقى تحفة جربوها يا جماعة واللى يعرف كدا يخبط ليك 😍

[@esraaebrahim5552]

فعلا بابا كان يحبها كده اوي

[@dodokholif5987]

@@esraaebrahim5552 الله يرحمه ويسكنه فسيح جناته يارب العالمين

[@user-hv8el1jl6z]

ماشاء الله تسلم ايدك حببتى بجد روعه 👍👍❤

[@user-mu5zc3jd4u]

صححي التعليق

[@user-li1hp4vl8d]

احنا فخورين بيكى جدا انتى قدوه لكل ست

[@suzanhady5715]

بغض النظر عن الوصفة الجميلة بس انتى محترفه تصويرك جميل ادواتك كله حاجة شيك وتفتح النفس .. بالتوفيق دايما ومن افضل لأفضل ان شاء الله .... ...

[@user-ib2mj3cz7s]

انتى بجد عندك كميه من القبول والاحترافيه مشااء الله انتى جميله وصفاتك اجمل ،

[@zizirehan3024]

أنا بحب الكفته من غير الصوص شكلها جميل وطعمها اكيد اجمل يسلمو الايادي

[@aminasabiu2828]

ما شاء الله ربنا يزيدك خبرة يارب و يدخلنا الجنة جميعا

[@naghamsaed251]

تسلم ايدك بجد اسلوب راقى جدا جدا ومبسط أنا متباعكى من زمان وكل شىء بتقديمه حلو وشيك حتى الأدوات اللى بتستخدمها رائعه جدا ربنا يوفقك فى كل جديد

[@mohamedmokhtar6276]

تسلم ايدك حبيبتي جربتها حلوه جدا اخدت مني وقت طويل شويه علشان توصل للقوام المناسب بس تستاهل التعب بصراحه شكرا كتير بس احنا طماعين شويه عايزين وصفات اكتر

[@najlaali5252]

عمالتها بجد تحفةةةةةة انتي قمررررررر بحبك في الله وربنا يزيدك من علمه وفضلة

[@user-dh1wv7bc8k]

الله يررررحمك يا امى احلى كفتىة كامت من ايدها دعواتكم لامى بالرحمة والاموات المسلمين جميعا

[@user-mg6yu7od8m]

هبه ابو الخير واخدة خط ماشيه عليه ودة اللى عجبنى فيها مش بدخل اسرتها ولا اى شئ خليكى كدة ربنا يحسن مابين ايديكى

[@nohaameinamein3682]

والله كانك حاسه اني بدورعليها على صفحتك تسلم ايدك يا احلى هبهوبه فى الدنيا كلها 🌹

[@user-pq9mo9lb9v]

تسلم يدك وربنا يحفظك لاولادك يا رب كل سنه وانت طيبه يا هبه انا كان نفسي في الرقاق باللحمه المفرومه يا ريت تعمليه

[@user-pl4de3cy1h]

بسم الله ماشاء الله تبارك الله اللهم صل وسلم على نبينا محمد وعلى آله وصحبه أجمعين عدد ما كان وعدد مايكون وعدد الحركات والسكون 💕

[@shefoachraf9046]

انا باعمل لك اللايك اساسا من قبل ما اتفرج على الفيديو علشان متأكده من النتيجه ربنا يوفقك

[@RA-lt9fh]

تحفه ياهبه اول مره اعملها وعجبت الكل تسلم ايدك اشطر شيف ع اليوتيوب😍♥️

[@ahmeddesouky-eino]

واللة انتي سبب اللي مطلقش مراتي اقوالها تتفرج عليكي علشان تعمل الاكل شكرا يا بنت عمي

[@maymohamed4223]

حجاتك تجنن لسه عامله المحشي بطريقتك تححححفه تسلم ايدك بجد

[@user-fv8oz6fh1u]

مبروك يا هبة 2 مليون مشترك اللهم آتنا في الدنيا حسنة وفي الآخرة حسنة وقنا عذاب النار

[@user-ei3ld4zw4z]

تسلم ايدك يا قمر ❤️💐 وفكره الكواليس جميله جدا

[@user-li1hp4vl8d]

من قبل ما اشوف الطريقه تسلم ايديك يا قمر كنت محتاجه الطريقه قوى ربنا يجعله ف ميزان حسناتك

[@mamasahar274]

احلى لايك علشان هبه ماشاء الله اللهم بارك شكلها جميل جدا أنا عملتها وطلعت جميلة بس حطيت الكفتة المحمره والصلصة ساخنة جدا علشان ما ت تقطع وطلعت الحمدلله تحفة وربنا يجعله في ميزان حسناتك

[@neblabalblnnn123nebla2]

ماشاء لله فكرتني باامي الله يرحمها ويغفر لها حلوه جدا تسلم ايدك يااارب 💞💞

[@user-xy4dg3zd9i]

ربنا يبارك انتى لذيذة ياهبة ربنا يديم عليكى نعمه ....شرحتى ووفيتى

[@azzahassan6184]

لا اله الا الله وحدة لا شريك له له الملك وله الحمد وهو على كل شيء قدير

[@rababwael3502]

بسم الله مشاء الله تسلم ايدك ي هوبه ي جميله رووووعه بجد ومبدعه طول عمرك ربنا يحفظك من كل شر ويبارك فيكي يااارب

[@BigLifeDoaa]

تسلمي.. لما بتتفرم ناعم بتلزق في السنان ومضغها بيكون أصعب.. احنا بنفرمها مخرزة شوية وبنضيف كربونات وبنسويها أما زي الفيديو أو نشكلها دائري ونسلقها ونحمرها زي البانيه بالبيض والبقسماط وبدون صلصة وبنسميها كبيبة

[@ahmedmostafa1402]

أنا بحبها جدا جدا بس هحبها أكثر علشان انتى عملاتيها ❤❤❤❤❤❤❤❤❤❤❤❤❤❤

[@mahmoud39]

يعني لو نص كيلو لحمه يحتاج كوب رز مطحون و نص ربطة شبت و نص ربطة خُضرة وبصلة و 3فصوص ثوم ؟

[@omhassansamir7498]

كل حاجه بتعمليها بتعجبني جدا جدا....من افضل الشيفات

[@user-cc4fm6zp6o]

تسلم ايدك اول مره اعمل كفته حلوه كده حقيقي والله تحفه

[@user-bb2zk6sk6z]

ربنا يكرمك وصفاتك كلها ممتازه جدا 👍 توووووحفه 👌 ماشاء الله عليكى 😍🤍💐💐🤍🌹🌹

[@monaali1855]

اللهم بارك يارب ربنا يجعله ذرية صالحه مباركه يارب

[@Amal-sheikh]

انا عملتها من غير لحمة بمكون ميخطرش علي بالك توحفة

[@nolenl1503]

دائما مبدعة ماشاءالله عليك تسلم يدك يا افضل شيف بالعالم الله يجزاك خير ويعطيك الصحة والعافية على كل ما تقدمينها لنا بالتوفيق لك ماشاءالله عليك رووعه 😍😍❤️👍

[@sarakamal1182]

فين البطاطس كدا بنلعب في الثوابت😂 تسلم ايدك كل وصفاتك تحفة

[@midoGamover2012]

الفيديو جميل جدا جدا تسلمي وتسلم وصفتك ركزت معاها وحفظتها صم وطبقتها جميله جميله حقيقي حقيقي جدا جميله 👀👀✅

[@modynader7374]

بصى يا هبة والدتى رحمة الله عليها بتحط شوية نعناع ناشف بتكون جميلة

[@MonaHussein-pz4vv]

الله يرحمها ويغفر لها وامي كمان الله يرحمها فعلاً أكلات زمااان

[@user-rt5ho6lm6q]

هو دا الكلام الجامد تسلم ايدك كل سنة وانتى طيبة وبخير ياقمر

[@dodololy6843]

بسم لله ماشاء الله تبارك الرحمن على بنوتك بحبك اوووووي بتابعك من ألمانيا

[@sarahmahran4904]

ابنك عسل اللهم بارك ربنا يحفظهولك عاوزين نسمعة تاني ابقي تعملي كواليس في كل فيديو☺️☺️

[@user-ml2ob9ps4s]

تسلم إيدك .جربت لك وصفات كتيرة وطلعت حلوة اوي

[@user-vi4xi9to2s]

عملتها ورووووعه واول مرة تظبط معايا فى البيت عشان انا عايشة برا مصر وصعب افرم عند الجزار بجد تسلم ايدك تحفه تحفه

[@user-yz2hz4kj9f]

متحرمناش من الكواليس دي فى كل فيديو اللهم بارك

[@nisrinepaloma5256]

شكرا كثير على وصفاتك الحلوة ممكن نستعمل دقيق الأرز مع اللحم المفروم عوض الأرز المطحون؟

[@user-fp3xh6gs1t]

ايوه بعملها دايما بدقيق الارز

[@nisrinepaloma5256]

@@user-fp3xh6gs1t شكرا كثير على الرد

[@user-fp3xh6gs1t]

@@nisrinepaloma5256 عفوا ياقمر

[@user-bz9jj4ec1n]

بيكون نفس المقدار الرز المطحون

[@janatalfrdws]

تسلم ايدك ممكن سؤال لو انا هاستخدم دقيق الرز اللي بيتباع فالسوبر ماركت احط كمية اد ايه علي كيلو اللحمه؟؟

[@yamenwesam3534]

الله عليكى نفسى اعملها فى البيت فعلا

[@AmalJSJ]

بموت ف طبخج ووتقديمج للوصفه.. تحياتي من الامارات

[@salmaauon5275]

ماشاء لله عليكي يا هبه والله انا بحبك

[@zinabkamal3337]

تسلم ايدك أنسانه محترمه ومحتواكي محترم كل سنه وانتي واسرتك طيبين وبالف خير وصحه وسعادة

[@enasfrawk]

يارب فرج همي وهم كل مهموم ياالله 🤲🤲

[@user-jt9iq3xo7c]

ياااارب وانا كمان اللهم آمين

[@afnanebrahim2326]

تسلم ايدك عملتها بنفس الخطوات وطلعت ما شاء الله اجمل مما كنت اتخيل تحفه تحفه 🌻🌻

[@dodymohamed7307]

انتي رهيبه بجد ربنا يسعدك حبيبتي ويقويكي ويجعل تعبك ف ميزان حسناتك

[@batotaana6942]

السلام عليكم ورحمة الله وبركاته جزاك الله خير ممكن اعرف منين المطحنه دي حضرتك جيباها مطحنه الرز الصغيره دي

[@obayalnaggar2167]

لو انا هفرم اللكفته عند الجزار اعمل خطوه الرز دي انقعه وكده.. ولا عادي بلاش؟

[@samiaaly258]

تسلم ايدك الجميله ياهبه ياجميله الله يحفظك من كل شر الكفته ممتازه❤

[@seham333sadek2]

الأحسن لما نعمل كمية كفتة كبيرة اننا نصبعها كلها و نقسمها على اطباق حسب استهلاك الوجبة الواحدة و نحفظها فى الفريزر و لما نحتاجها نطلع طبق و نحمر الكفتة فى الزيت مباشرة بدون ما نتركها تفك .

[@dohamustafa3921]

اللهم صلِّ وسلم وبارك على سيدنا محمد وعلى آله وصحبه اجمعين وسلم تسليما كثيرا عدد خلقه ورضا نفسه وزنه عرشه ومداد كلماته وعدد ما ذكره الذاكرون وغفل عن ذكره الغافلون 💖

[@hagerabohabib8521]

كنت مستنيه الوصفه دى منك من زمان 👏👏👏👏👏 كده اعملها وانا مطمنه ❤️❤️❤️❤️

[@user-hz8kk1wt8j]

كما توقعت قليل من التأخير ثم ابداع

[@amenayousif1960]

تسلم ايدك اسهل طريقه لعمل الكفتة