ازاي تكوني قوية كفاية انك تخرجي برة سيطرة النرجسي حتى وانتي عايشة معاه في نفس البيت كوثر سند

دكتور كارتر
الحاجة الوحيدة اللي تخليكي تخرجي من تحت سيطرة النرجسي حتى لو كنتي عايشة معاه
انك تكوني نفسك يعني ايه كوني نفسك دي ؟ وازاي تكوني نفسك حقولك الاول يعني ايه كوني نفسك وبعدين حقولك ازاي تعملي دة بس خليكي معايا لاخر الحلقة
- كوني نفسك يعني ان مش مهم ان النرجسي يعرف انتي مين ولا ايه قيمتك ولا بتحسي بإيه ولا بتفكري في ايه مش مهم انه يحس بيكي او ميحسش لانه اصلا مش عارف يحس بنفسه ، النرجسي اصلا مش عارف هو مين ، حيعرف ازاي انتي مين وايه ؟
-كوني نفسك معناه انك مش مضطرة تبرري قراراتك ولا تصرفاتك ولا مشاعرك ولا افكارك
-كوني نفسك معناه انك مش مفروض تغيري نفسك وتكوني حد غير نفسك عشان تراضي حد (النرجسي ) لانه مش عايزك تكوني نفسك هو عايزك تكوني مسخ مشوه منه
-كوني نفسك يعني مهما حاول النرجسي يقلل منك بسبب اخطاء عملتيها فعلا زمان او اخطاء بتهمك بيها وانتي ملكيش علاقة بيها او عيوب فيكي فعلا ، لازم متهتميش بكلامه وتكوني فاهمة ان مفيش حد كامل وكلنا عندنا عيوب وكلنا عندنا اخطاد ومش من حق حد يحاسب حد على عيوبه واخطاؤه ربنا بس اللي بيحاسب ، ولازم تسامحي نفسك وتتقبلي نفسك
-كوني نفسك معناها ان تجاربك الحياتية تخصك لوحدك سواء كانت جيدة او سيئة ومش من حق حد يعايرك بيها ولا يسيء لكي بسببها (الزواجات السابقة او الخطوبات السابقة)
-كوني نفسك يعني لازم تكوني امينة مع نفسك وصريحة مع نفسك في ماتشعرين وما تفكرين ولازم تستمعس لمشاعرك وتعالجيها ومتكبتيهاش
-كوني نفسك يعني لما يحاول النرجسي يحطم خططك لازم تقاومي وتقفي وتمنعيه وتتمسكي بقراراتك وخططك ومتتنازليش عن نفسك عشان بيت اربع جدران او عشان اطفال وجودهم معاه حيمرضهم نفسيا او يطلعوا زيه او يتنازلوا عن نفسهم هم كمان ، لو خلعتي الخوف من جواكي حتقدري تعيشي معاه من غير ماتتنازلي عن نفسك ولو معجبوش ومشي وسابك فتأكدي انه كان حيمشي حتى لو مااتمسكتيش بنفسك وحياتك لانه خسيس وكدة كدة بايع وقدر ربنا واقع ، خليه يقع وانتي بكرامتك بدل مايقع وانتي مذلولة ومنهارة
-كوني نفسك يعني انتي اللي لازم تقرري مين وفين وامتى تكوني في صحبة اي حد ، قرري عايزة تعيشي ازاي ومع مين ، ارفضي تعيش مع حد مش زيك ومش فاهمك ومش سامعك (دة اذا كنتي لسة ع البر ) لكن ع الاقل قرري امتى تتواجدي معاه وامتى تكوني مع نفسك افرضي عليه رغباتك وحقوقك ومتخافيش، اللي ربنا كاتبه حيحصل ( بس مش تتلككي يعني)
-كوني نفسك يعني تعرفيها كويس وتقدريها وتعرفي قيمتها طيب ازاي تعملي دة ؟
حنعمل تمرين لطيف جدا
١-اكتبي لستة بالصفات والخصائص اللي تحبي تكوني معروفة بيها بحيث تكون حوالي من ١٥ ل ٢٠ صفة زي ايه ( عايزة اكون محترمة يعني الناس بتحترمني - صانعة قرار - صبورة - متفهمة - واثقة من نفسي - حازمة - ذكية - حكيمة - قوية الشخصية - حنونة - عطوفة - كريمة - متفوقة - …..) حاولي توصلي ل٢٠ صفة
٢- حددي حددي ٥ او ٦ سيناريوهات النرجسي بيحاول بيها يحكم قبضته عليكي ويحكم سيطرته عليكي ( مثلا متنزليش الشغل النهاردة - خدي اجازة طويلة - متزوريش مامتك ابدا - لازم كل يوم تفوتي على اهله - مرتبك يتحط كله في البيت - …..) وبعدين ارجعي بقى للستة الصفات اللي كتبتيها وشوفي لو الصفات دي موجودة فيكي كنتي حتتصرفي ازاي في السيناريوهات بتاعته دي ازاي حتتصرفي لو انتي نفسك الحقيقية اللي بتتصرفي اللي هي نفسك السليمة اللي كانت قبل ماتعرفي النرجسي لان الصفات اللي حتكتبيها في اللستة دي هي دي صفاتك اللي كانت فيكي فبل ماتعرفيه وهو سلبها منك عشان يحطك في القالب اللي هو عايزه
طيب دكتور كارتر مسبناش بقى نبص ع اللستة ونتحسر ونقول طيب نرجع اللي كان ازاي لا دة هو قال لنا طريقة لطيفة جدا لو عملناها حنرجع نفسنا الحقيقية تاني ، ايه هي بقى ؟
٣- انك تحققي الصفات دي في نفسك وانتي عايشة مع النرجسي بالرغم من ان ناس كتير حتقول مستحيل ، انا بقول لك مفيش حاجة مستحيلة غير اللي ربنا مش عايزه يحصل واكيد ربنا عايزك تكوني كويسة وتكوني مش مظلومة ولا مقهورة يبقى مش مستحيل ، طيب ازاي ؟ تختاري صفة وتبدأي تطبقيها ساعة واحدة في اليوم وطبعا الافضل يكون في وجود النرجسي يعني مثلا تختاري صفة الثقة بالنفس مثلا وتتمسكي بيها لمدة ساعة واحدة ، يعني ازاي يعني لو جه يقلل منك متهتميش انتي واثقة انك مش قليلة ومتتأثريش وتبقي نظرتك له فيها شفقة عليه لان عقله فيه خلل وبالتالي كلامه مش حيأثر فيكي ، وتمسكي بقى الصفة دي وتطبيها فترة طويلة يعني كل يوم تزودي ساعة النهاردة ساعة بكرة ساعتين وبعده ثلاثة وبعد ين بعد كدة حتكوني بتطبقيها في وجوده وعدم وجوده معاه ومع غيره لحد ماتتبرمجي عليها وترجعيها تاني جواكي ، وهكذا كل الصفات اللي كتبتيها ، جربي بالراحة وبدون اندفاع وحييجي يوم تلاقي نفسك رجعت لك تاني او ان النرجسي معجبوش ومشي وسابك وانتي الكسبانة في الحالتين وعلى« فكرة ساعتها حتكوني مش محتاجة له لانك حتكوني نجحتي ووقفتي على رجلك وبقى عندك مصدر دخل وحتنجي اللي تقدر تعيش مع النرجسي السنين دي تقدر تعمل اي حاجة في العالم ، الكلام دة حياخد شهور وممكن سنة واتنين بس حتوصلي وكدة كدة السنين بتمر خليها تمر وانتي محققة نفسك بدل ماتمر وانتي مسجونة جوة النرجسي ، صعب تكوني في سلام مع النرجسي لكن ممكن تكوني في سلام مع نفسك (د. كارتر)
اكونت الفيس بوك
profile.php?...
جروب ادرس عدوك النرجسي
/ kawthersanad11

[@user-lt8ik7zj5g]

كوني نفسك كوني قوية ومستقلة مادية ماراح يقدر عليك أحد لا نرجسي ولا غيره الله ثم نفسك وبس👌

[@user-ur1mw6tp1p]

مزايا النرجسي.... هي التقرب إلي الله

[@kity75]

او البعد عن ربنا

[@douaebl8173]

نعم صدقت ربنا لا يريدنا ان نتعلق بأحد بل نتعلق به وحده

[@s.hakisahih9353]

عجبتني جدا عبارة (صعب تكوني في سلام مع النرجسي) والله اختصرت مئات الكلمات والأحاسيس التي بداخلي. جزاك الله خيرا.

[@Hebaalmaghrby]

عاملة فيديو عن كيفية التعامل مع النرجسي لتجنب المشاكل والصدمات لو مضطرة تعيشي معاه شوفيه هتستفيدى جدا منه لو حضرتك مش عندك مانع تدخلى عندى تلقي نظرة هتلاقي نوعين من المحتوى طبخ وحلويات هوايتى وتنمية بشرية لأنها دراستى إذا عجبتك انضمى اوإذا لم تعجبك فا لكى منى كل الاحترام والتقدير

[@QamarAlwan]

فعلا اختي كلامك صح

[@mariahayat3505]

فعلا صعب تعيشي بسلام مع النرجسي.. حتى و لو وصلت للسلام مع ذاتك... سيهتز ذلك السلام من الحين للآخر مادام النرجسي في حياتك

[@Hebaalmaghrby]

@@mariahayat3505 ماريا انا عاملة فيديو عن كيفية التعامل مع النرجسي لتجنب المشاكل والصدمات لو مضطرة تعيشي معاه شوفيه هتستفيدى جدا منه لو حضرتك مش عندك مانع تدخلى عندى تلقي نظرة هتلاقي نوعين من المحتوى طبخ وحلويات هوايتى وتنمية بشرية لأنها دراستى إذا عجبتك انضمى اوإذا لم تعجبك فا لكى منى كل الاحترام والتقدير

[@saharmohamed843]

الجمله دي حقيقي انا كنت بخاف من مكالمه التليفون انها تنتهي بدون خناق

[@abcabcsss8387]

18 سنة عشتها مع زوج نرجسي كانت حياتي عبارة عن سجن او معتقل كل شي اسويه بأمر منه حتى موعد نومي متى انام متى اصحى متى ازور اهلي متى ما ازورهم واحيان بالشهر يمنعني ازورهم مع انهم في نفس المدينة اللي اعيش فيها عشت 18 سنة مع زوج نرجسي مريض معتل انحرمت من كل شي في الحياة كل شي كان ممنوع لا خروج ولا احد يزورني ولا اعرف لا صديقات ولا جارات ولا لي علاقة بالكون كله حياتي كله تدور حول فلك هذا المريض الا ان قررت انفذ بجلدي واترك بيته دون رجعه و الآن اعيش بسلام و امان بعيد عنه ، الحياة مع النرجسي موت بطئ ، الحمد لله على كل شي

[@aichaayoub6254]

الحمد لله على سلامتك، الله يقويك أكثر واكثر

[@mrnourdin3564]

الطلاق من نرجسي يعني النجاة من الموت

[@fatimaali3384]

اي و الله يا اختي الحياة مع النرجسي موت بطيء

[@user-fz2qq8pt6b]

طيب والاولاد؟ ذهبو معك؟ وماردت فعل زوجك على الانفصال؟ هل لديك مصدر عيش؟

[@user-fl2vb5gx2g]

@@user-fz2qq8pt6b ربي بيرزق مش الزوج المريض

[@doudiyt889]

عاجزة عن شكرك سيدتي لقد تقويت بك وتفذت كلامك وانا الحمدلله في الطريق الصحيح وكلما احس انني سأضعف اذهب لاسمعكي بسرعة انت بلسم ياست الكل جعل الله كا ماتقدميه في ميزان حسناتك

[@QamarAlwan]

فعلا الكوتش كوثر عا سلامتها . في الكوتش سحر النادي وفي الكوتس علي موسى وكلهم خير وبركة ان بتابعهم وبستفيد منهم .

[@noga-ahmadu8nx4t]

فعلا بقالي كام يوم بسمعها وانهرده كنت حضعف رجعت سمعتها قويت

[@user-mu1gd5pz2u]

تمثليني ...

[@hananibrahemHH]

فيديو رائع شكرا لك.....النرجسى يحتاج للتجاهل وعدم الاكتراث لاتهاماته الكاذبه

[@zyadehab4515]

الحمد لله بفضلك بعد ربنا رجعت احب نفسي وحياتى واحس بثقتى فى نفسى جزاك الله كل خير دائما يردد الايه دى ربنا أفرغ علينا صبرا وثبت أقدامنا وانصرنا على القوم الكافرين اللهم امين

[@user-nh9fi6jw6h]

طيب ساعدينا

[@oomar9181]

@@user-nh9fi6jw6h اولا فكي التعلق به اسمعي لادهم المصري افظل واحد سمعته يتكلم عن خطورة التعلق وكيفية فكه وانا اسمع كنت ابكي من الندم ثانيا غيري حالك مع الله قربي من الله بالصلاة بتوبة بالدعاء بكثرة قول لا حول ولاقوة الا بالله ولا اله الا انت سبحانك اني كنت من الظالمين اكثري من الاستغفار والصلاة على النبي ثالثا قوي شخصيتك تخيلي انك بتتفرجي ع نفسك بعد الازمة ما تعدي وانت قوية وبكرامتك بتعدي وانت فخورة بنفسك لكن لو عدت الا زمة وانت خسرت لا قدر الله وانت كمان خسرت كرامتك ومرمطتي نفسك عشان واحد بايع مو شاري فالله يعينك ع الندم وجلد الذات

[@user-nh9fi6jw6h]

@@oomar9181 يارب مليش غيره بس عاوزه اقولك زوجي قريب من ربنا وبدات اغير كشاعرى من ناحيته خالص تجاهلته تماما حتي فالافراش اسفه للفظ بس حسسته بالبرود هو حاول بكل جهد انه يسعدني وبقي يحسسني بالحنان مش عارفه ومحتاره هو فعلا نرجسي لكته بيعشق صداقات الفيس مدمن مع اني الحمد لله جميله وتعبت تغيير فيه مفيش فايده عاوز يبقي الدنيا كلها مهتمه بيه مش بيكتفي بيه لوحدي لكنه لا بيمد ايده ولا بيشتمني الا لو واجهته بعلقاته وحاولت اعمله اكونت باسم واحده كذه مرة بيكلمني باحترام وبيشكر فبيته وزوجته مش عارفه انا محتاره رغم اني عندى ٣٧ سنه وبنتي مخطوبه خايفه ابعد عنه اخسره واستمرارى بيجرحني مع كتر صدقاته ارجوكي خليكي جمبي ٠١٠٠١٨٤٢٣٥٧

[@oomar9181]

@@user-nh9fi6jw6h من كلامك مش نرجسي بما انه بيخاف ربنا ولك معاه ٣٧ سنه فاعتقد لو تخوفيه من عقاب ربنا بقصص وهمية والله يسخره لك احنا كذا اولادنا كبروا وصار صعب علينا ننفصل عشانهم

[@divamaya205]

How did you do it

[@ghadahasan5622]

الحمد لله يا دكتورة بعد ٢٠ سنة جواز عرفت إن أنا بقيت قوية معاه و عرفت إنه جبان و بيخاف من الفضايح و الصوت العالي و مبقتش أسكت له و عرفت إنه فقد السيطرة عليا بس ده ميمنعش إنه بيعمل لي صمت عقابي طويل و ده بيريحني كتير

[@user-is2yy7cc3t]

انا لسه وصلت لربع لمرحله دي بعد ٢٠ سنه زواجج بداو اولادو لكبار الي من ضرتي وضرتي يفرضو سيطرتهم

[@basmaibrahimforlearningeng5106]

يا ريت تعملي حلقات عن ازاي نخلي تأثير الأب النرجسي قليل وغير مؤثر لأن احنا خلاص اتبهدلنا

[@user-qf4bn8un8y]

انتي فعلا انقاذ ... بارك الله فيكي وجزاكي الله خير فرقت الحياة كثير مع النصائح اللي منك لا تبخلي علينا بالمزيد من طرق التعايش مع النرجسي بكل التفاصيل لانه بجد افكارك ونصائحك قلبت موازين البيت والحياة

[@Hebaalmaghrby]

تميم ..انا عاملة فيديو عن كيفية التعامل مع النرجسي لتجنب المشاكل والصدمات لو مضطرة تعيشي معاه شوفيه هتستفيدى جدا منه لو حضرتك مش عندك مانع تدخلى عندى تلقي نظرة هتلاقي نوعين من المحتوى طبخ وحلويات هوايتى وتنمية بشرية لأنها دراستى إذا عجبتك انضمى اوإذا لم تعجبك فا لكى منى كل الاحترام والتقدير

[@saramostafa4899]

حضرتك بتقوينى جدا والله وبتدينى طاقه ايجابيه كل ما ابدا اضعف اسمعك بتدينى طاقه رهيبه ف مواجهته الله يباركلك

[@mahaalgammal2336]

المشكله فالاولاد بيقحمهم في كل المشاكل ويؤذي نفسيتهم وبالتالي بيطلبو من الام التضحيه لانهم في عذاب

[@mimilotfi7551]

صحيح اختي هو عندما يحس بالضعف ينتقم بالاود

[@user-pg9vd6dq3e]

والى متى سيظل النرجسي مشكلة في حياتنا اليومية

[@user-ff6bw3oz6s]

وهم صغرين فهميهم ان تعبان والتصرفات دي غلط ولما يكبر الاولاد عرفيهم حقيقة الوضع علشان ما يكونوا نرجسين مثله دايما النرجسي بيحضر الاولاد في اي مشكلة لإخضاع الجميع تحت السيطرة ماعندوش وقت دورك اعمل حد بين الاولاد ومشاكله معاكم ابعد الاولاد عن المشاكل درجة درجة عن نفسي خليت الاولاد يتهربو ويقولو انت وماما حرين احنا مش بنحب النكد

[@sarahsoriya804]

@@user-ff6bw3oz6s فكرة أنا راح أطبقها وان شاء الله تجيب نتيجة مع هتلر زوجي أنت رائعة شكرار🥰

[@user-ff6bw3oz6s]

Sarah soriya تسلمي ياحبيتي كوني قوية أمامه وبالتدريج مش هيقدر عليكي ولمي الاولاد حواليكي كني اخت لهم وصاحبيهم علشان تتعايشي معاه لابد تكوني صلبه وثقتك عالية كوني غامضة عن تجربة هيكلم نفسه عنك لانه بيخاف جدا بس اظهري قوتك درجة درجة تابعي الفيديوهات كلها وادرسيها كويس اهم حاجه ازيلي الخوف من داخلك ماتخافي الا من رب العالمين وطلبي منه العون النصر وربنا ينجيك من كل سؤ وعموم المسلمين امين

[@godywafaa7337]

في الخطوبه بيبقو ملاك

[@Om-ze8ro]

ي الله سمعته اكثر من 5مرات ،والعيشه صعبه معه نفسي ارتاح مع نفسي

[@olver_.5511]

طريق ربه

[@nuhaarbash9067]

بحبك اد الدنياااا يااطيب قلب ❤️بحب عطاءك وتعبك ❤️بحب حبك للخير الي بتقدميناااا ياه رب السما والارض يسعدك سعادة الدارين ❤️شكرا من القلب

[@alsabanjwm80]

اذا تذكرتي كل تصرفاته المؤذية..بتكرهيه..وتنفري منه..

[@user-ff6bw3oz6s]

ودا المطلوب انك تكرهيه كدا بداية التشافي مينفعش تحبيه هو بيكرهك ازاي تحبيه لو عايزة تتعايشي الوقود بالقطارة مش حنفية مفتوحة زي الاول

[@user-uo6br1hv3j]

@@user-ff6bw3oz6s بس بعدين مش هتقدري تديله حقه الشرعي وحتدخلي في تأنيب ضمير خاصة لو كان هو مش مقصر من الناحية دي (يمكن مش حبا فيك بس تلبية لرغباته وارضاء لرجولته)

[@miredmi9931]

@@user-uo6br1hv3j ولو عنده البديل هه

[@miredmi9931]

@@user-ff6bw3oz6s أنا مش بعرف اكره حد الحمد لله ولا بحقد على حد ممكن ادعى عليه واتحسبن بس

[@amlmohamed688]

جج ح ددددد

[@user-dk7be3lr6r]

ارجوكي وضحي اكثر مع الأمثلة انا عقلي مشوش ،انااسفة مش قادرة اعلق في كل حلقة لان بسمع الحلقات في السر ،لان هو مابيعرفش أن معي موبايل قديم بتاع اختي أنا بعملك لايك وبشكرك لأنك بتساعديني اكون انا بتاع زمان انا المتمردة والقوية ومبخافش من حد حتى في طفولتي

[@Hebaalmaghrby]

ام كنا ن عاملة فيديو عن كيفية التعامل مع النرجسي لتجنب المشاكل والصدمات لو مضطرة تعيشي معاه شوفيه هتستفيدى جدا منه لو حضرتك مش عندك مانع تدخلى عندى تلقي نظرة هتلاقي نوعين من المحتوى طبخ وحلويات هوايتى وتنمية بشرية لأنها دراستى إذا عجبتك انضمى اوإذا لم تعجبك فا لكى منى كل الاحترام والتقدير

[@QamarAlwan]

حبيبتي الكوتش كوثر كاتبه كل حلقاتها في صندوق الوصف تستطعين القرآة اكثر من مرة جزاها الله كل خير . ربنا معاكي اختي

[@QamarAlwan]

@@Hebaalmaghrby جزاكي الله خيرا

[@Hebaalmaghrby]

@@QamarAlwan وإياكم حبيبتى وربنا يخلصك من سجنه وعذابه وصلي وادعى كتير أن ربنا يخرجك من تحت سيطرته وخليكى قوية بربنا ولازم يوقف عند حده هانى حد كبير من أهلك يكون سند وعون لكى يحميكى منه

[@rosalina7843]

حبيبتي حاسة بيكي الله يفرج همك وهمي وينصرك عليه ويسخرهولك ويرد خادم في ايديك ويعوضك الالم والضرر لي شفتيه من ناحيته ، يا رب يا رب يا رب

[@rajiataljannah1799]

بحس معاكي بالامان جدا وكل ماتكون عندي مشكلة برجع لفيديوهاتك .. جزاكي الله كل الخير بحبك اوي❤

[@QamarAlwan]

استفدنا من الكوتش كوثر بجد

[@user-xt3rz4co7o]

عندك حق

[@user-jh4lj6nz3j]

ياريت يا دكتورة تركزي في الفيديو علي النقاط المهمة مع إعطاء مثال واحد فقط لكل نقطة بدون استطراد في الكلام وبدون ذكر المعني بكذا طريقة لان الأسلوب ده بيفقدنا التركيز ويجعلنا غير قادرين علي تجميع النقاط كلها .... الفيديوهات مفيدة جدا فيما عدا ما ذكرته اعلي

[@LillySky]

والله يا استاذة انت نعمة من عند ربنا ...اقتحمت لب المشاكل. مع نصائح نادرة و كنز ..جزاك الله كل خير في أعمالك يا رب

[@safyamohamed5626]

جزاكي الله خيرا وجعله في ميزان حسناتك..شكرا جزيلا لمجهودك القيم ⚘

[@user-kq1pj9yq8f]

اشكرك جدا جدا لانك فعلا داويتي قلوبنا و حياتنا. كله في ميزان حسناتك ان شاء الله.الله يباركلك

[@ghadamedhat5838]

والصفات الايجابية تعيديها على نفسك قبل النوم يوميا فعقلك الباطن يتعامل معاها على أنها حقيقية

[@user-jj4qs3hv7f]

ربنا يقوينا ونرجع أنفسنا المسلوبة بارك الله فيك ونفع بك وفتح عليك 🌹❤️😍

[@wafaaben4077]

شكرا شكرا شكرا لانك منحتنا فرصة للتامل والتغيير وتصحيح اخطاءنا لننقذ انفسنا من سيطرة النرجسي

[@user-kq1pj9yq8f]

اجمل شيء اني بقرأ الشرح وبسمع الكلام اللي بتقوليه بحس اني فهمت اكتر

[@manalkilany7634]

جزاك الله خيرا على تقويتك لنا يارب ♥️♥️♥️ مايحرمناش منك

[@DEVILYT-pp3ur]

إرشاداتك في القمة وتوجيهاتك العملية قل نظيرها أنت هدية الله لكل من تعاني من مأزق النرجسي بارك الله فيك وزادك علما وفهما.

[@nuhamahmood3192]

روحي ياشيخه الله يسعدك سعادة الدارين يارب ويحفظكم من كل مكروه

[@3olaqutb489]

الله يجازيكي خير عننا ❤

[@Carlo_1236]

شكرا لك لانك خليني اعيش بسلام داخلي بميزان حسناتك هاي المعلومات ندعو لك بظهر الغيب

[@abcabcsss8387]

ممكن من فضلك تتكلمين عن الاب النرجسي و كيف ممكن البنت تستقل برأيها و تخرج من تحت سيطرة ابوها على كل شي في حياتها ارجوا الرد و شكراً مقدماً ♥️

[@nehadamber8932]

الاب ده ملوش حل غير انك تنشغلي في حاجة ،اشتغلي أو ادرسي

[@nenuphar2880]

بطمنينا الله يسعد قلبك و يحفظك حقا ممكن وكنت احسبه مستحيل و المحاولة ممتعة

[@HuaweiHuawei-ur1cl]

جزاك االله. كل خير. ربي يوفقك عل كل حرف كتبتيه. تساعدينا فيه. يارب

[@sawsanabdulaziz1642]

الله يسامحه ويغفر لي ويغفر له لاني ظلمت نفسي للما استحملت.ومشتكتش لحد لا إله إلا أنت سبحانك إني كنت من الظالمين

[@shimaashosho6403]

جزاكى الله خيراً وبارك الله فيك ويحفظك ويسعدك ويفرح قلبگ

[@cherrygamil8006]

شكرا ليكي يا دكتورة يا جميلة على تعبك وتعليمك لينا حاجات وبحس ان من قلبك بتدينا طوق النجاة

[@marwanmahmoud2570]

جزاكى ربي الجنه ونعيمها والله استفدنا منكر كثيرا

[@verginia9535]

بحبك أوي ربنا يباركلك ويجازيكي عنا خير

[@rodyhema6403]

بتاخدينا وحدة وحدة وحسا بينا أوي ربنا يرزقك فرحة من حيث لا تحتسبي

[@fatimahamdoune6212]

الله يعزك كلامك كله صحيح جزاك الله خيرا ❤❤❤❤❤

[@user-vu3xz5tg3u]

شكراً جزاكي الله الف خير من الان اطبق الساعة شكراً💜💜

[@gamilaesmael5955]

الحمد لله قدرت ابعد عنه بعد عذاب ٢٢ سنة بس للاسف دمر نفسية البنت الكبيرة والولد طلع زيه بالظبط والولدين الصغيرين هما الي مشيوا معايه حسبي الله ونعم الوكيل فيه وسامحيني يا دكتورة بعد ما سبته مابقدرش اسمع فيديوهات حضرتك مع اني كنت دايما بسمعها وانا معاه وكانت طوق النجاة بعد ربنا بس دلوقتي والله ربنا الي عالم الفديوهات دي بتعصر قلبي وبحزن وبفتكر كل حاجة بحس ان قلبي بيبكي علي عمري الي ضاع وياه يارب الصبر والعوض من عندك لكي مني كل التحية والتقدير والاحترام وبنصح اي واحده عايشة مع نرجسي لو عندك شغل يغنيكي عنه اهربي وما تبصيش وراكي ابدا اليوم الواحد بعيد عنه عمر تاني ادعولي اني ارجع زي ما كنت وحشتني نفسي القديمة المبتسمة الطموحة الراضية وحشني السلام الداخلي وتصالحي مع نفسي وحشوني اهلي واصحابي كأني كنت في قبر وخرجت منه هو كان فعلا دايما يقولي هحطك في قبر عشان ما يكنش عندك اي حد محتاجة دعم نفسي كبير ياااااارب 😭😭😭

[@nuhaarbash9067]

اولاً الحمدلله انك خلصتي منو ثانياً افتحي صفحة جديدة مع حالك واسمعي الفيديوهات وقوي نفسي الي فات ماات وانت بنت ليوم اطلبي من الله انو يقويكي وابدي من الصفر مشان تعيشي الباقي من عمرك برضى وربي مارح يتركك رح يساعدك بس انت توكلي على الله وابدي اااابدي وقولي يارب ❤️

[@gamilaesmael5955]

@@nuhaarbash9067 شكرا حبيبتي لاهتمامك تسلمي يارب ربنا يفك كرب المكروبين يارب 🤲❤

[@theladybugarabic1889]

الف الف مبروك دعواتك حبيبتي

[@azizaben1356]

أسأل الله العلي العظيم ان يثبتك ويرزقك من حيث لا تحتسبين وان يفرج عنك وعني وعن كل مظلوم، بقليل من الصبر حتلاقي نفسك اختي عليك بالدعاء ثم الدعاء

[@gamilaesmael5955]

@@theladybugarabic1889 ربنا يبارك في عمرك ويسعدك يارب

[@omiba5537]

شكرا على كل مجهودات يا دكتورة

[@mahaalbetar3572]

فيديو هام جدا رائع جزاك الله كل خير

[@hayatsonapiktach5467]

الله اجازيك عنا احسن الجزاء .شكرا من القلب

[@laylaisa2219]

شكرا على الحلقة 🍃🌸🍃احسن شي عمله النرجسي انه عوفني في الريايل كل من جفت لي ولّا صادفت لي ريال قلت ( اعوذ بالله من الشيطان الرجيم )

[@sama1631]

😂شدعوى وايد رجال فيهم خير

[@hassanadel5150]

ماشالله تبارك الله كلام جميل وواقعي

[@docternaima9302]

جزاك الله خيرا وبارك الله فيك

[@sawsanabdulaziz1642]

دا انا قعدت سنتين اتعالج من الي شفته والله لله الأمر من قبل ومن بعد

[@mahmoudalomda2072]

افضل حد شرح تفاصيل النرجسي عاليوتيوب حضرتك يادكتورة

[@mahasa3561]

جزاك الله خير 💗

[@omamine567]

شكرا سيدتي الكريمة وجزاك الله خيرا .

[@ahlemmadhi6993]

تبارك الله عليك والله تحكي ع الشخصيه النرجسية بضبط بكل تفاصيلها وكل حرف تقولو صادق جدا

[@alihussin1882]

السلام عليك ياست كوثر سند لك منا الاحترام . بما تدخلين في النفوس من السلام بؤام .أنت درة ولا مبالغة كنقاء روحك االنابض بالسلام الداخلي مدخل في روح من يسمعك بمحاضراتك. بارك الله فيك ونفع بك بني آدم قاطبة . استمري بالإرشادات الناجحة مزيلة ماعلق من سموم في نفوس من ينهمك في تبسيط تعليماتك. وتواضعك بالهدؤ الرصين ذي الوقار منطقا . فانت الإيجاب لكل من لديك في سلم توجيهاتك .احسن الله إليك وإلى والديك آمين .

[@EmanMohamed-dj2nt]

ربنا يقويك ويديكي الصحة❤❤❤

[@storybook6480]

جزاك الله خيرا حضرتك كلامك زي امهاتنا أو اخواتنا بجد ربنا ما يحرمنا من حضرتك وياريت عرفت حضرتك من زمان كنت استفدت كتير من علمك ربنا يعطيكي العافية 🌹

[@osamanassar9048]

حضرتك ممتازه جدا جدا ربنا يبارك فيكي

[@MsSalah23]

ربنا يعطيك ااصحة🥰🤣🤣👏♥️🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿🇩🇿

[@robilaessadok4779]

ايه والله صح كلامك كله شكرا لك دكترة سند

[@user-mb2ch4dx9y]

ربنا يبارك فيكي ويحفظك ويجعل عملك في ميزان حسناتك

[@amiraal-youssef676]

بحبك أوي والله جزاك الله كل خير يا حبيبتي

[@aminaahmed1276]

حبيبتي استفادت منك كتير

[@hendk4396]

بحبك اوى يا دكتورة ربنا يديكى الصحة والعافية

[@user-gb1dk6nb6z]

ربنا يبارك في عمرك يا رب العالمين ويسعدك ويفرح قلبك ويرزقك كل خير ويوفقك

[@pretty.doll3114]

صح حبيبتي النرجسي رسالة من ربنا لحتى نتغير ونغير ضعفنا وخوفنا

[@asmaamoneer7220]

جزاكم الله خيرا 💐

[@user-wb5gi2gc1d]

جزاكى الله كل خير انى احبك فى الله ❤️

[@DREAM-hx1vu]

الحمدلله انا طبقت كلامك من زمان وفعلا بقيت قويه جدا جدا

[@hood737]

فيديو راءع انا سعيده بتكوين ذاتي رغم تواجد النرجسي بحياتي اذا عجبني شي اعبر مايعجبني ارفض اصمت ابتسم التعامل معه كشخص مرفوع القلم.

[@hamssaakram7994]

الف شكر عالمعلومات

[@solafamasarwa3310]

بارك الله فيكي

[@missmira5625]

لا يضحكون عليكم، حل واحد للتعامل مع النرجيسي، الهروب، الإبتعاد عنه قدر الإمكان لأنه مدمر، ولا يمكن ابدا ان تكوني نفسك ولا غيرو

[@nehadamber8932]

تهربي اه بس تقدري تكوني نفسك لازم تعافري

[@muirystars3652]

لا حول ولا قوة الا بالله جزاكى الله خيرا يا دكتورة علي المعلومات القيمه

[@joanasamer6726]

شكرا الك سيدتي 🙏🏻

[@miredmi9931]

حلقة رائعة ربنا يبارك فيكي

[@Hebaalmaghrby]

عاملة فيديو عن كيفية التعامل مع النرجسي لتجنب المشاكل والصدمات لو مضطرة تعيشي معاه شوفيه هتستفيدى جدا منه لو حضرتك مش عندك مانع تدخلى عندى تلقي نظرة هتلاقي نوعين من المحتوى طبخ وحلويات وايضا تنمية بشرية اذا عجبتك انضمى اوإذا لم تعجبك فا لكى منى كل الاحترام والتقدير

[@eman_stories]

ربنا يكرمك ..باستفيد منك كتير

[@hajaralmasri1603]

كلامك كله صح وعن تجربة شخصية

[@faizaalenezi5043]

تحية لج من بنت بالكويت واتعلم من كلامج تبارك الله😎🇰🇼

[@mamanona2724]

انتي جميله ومحترمه جدا جدا وبحب٠٠٠٠٠٠٠٠٠٠٠٠٠٠٠٠٠٠ك غيرتي حياتي ربنا يكرمك

[@samiramad9891]

جزاك الله خيرا

[@maramabdallah1859]

جزاك الله خيرا 🤲♥️

[@faizaalenezi5043]

حبيت كلامج حيل وووايد حلو بصراحة 🌚

[@zoubidakhraimeche7660]

الله ابارك فيك دكتورة كوثر صحيح لما قرأت فيديوهاتك أصبحت عندي شخصية جد قوية واصبحت استطيع اتحكم في مشاعري العاطفية التي كانت مصدر ضعفي لكنه حت اليوم ١٣ ١٢ ٢٠٢١ لا يزال يمارس عقابه الصمتي لكن الشدة في الله

[@user-zr1ci6he3p]

يسعد صباحك يا احلى دكتوره ويسلمو كتير على الموضوع هاذ النرجسي بيعملوا نفس ما اتكلمتي عنه ميه بالميه

[@elsayedbadr2965]

الخوف من الفشل ..الهروب من أصابع الاتهام .. بيخلينا كل مرة نستسلم حتى لو على أعتاب باب النجاة

[@blblbkbk9774]

علي فكرة الصفات النرجسية في أغلب الرجال لكن مش موضوع التعايش والتحايل أو العلاج هو الحل لا المعاملة بالمثل أو أكثر من المثل لان الرجال ما تعيش وتعمر وتكون كويسة غير مع الحرمة القوية اللي تعاملهم أكرمكم الله بالشبشب هل سمعتو عن حرمة قوية أو ظالمة تطلقت أو انضربت أو زوجها مش مدلعها .... ابدددددداً ..إلا لو كان الرجل فلته خارج من القاعدة 😂

[@nehadamber8932]

هههههههههههه

[@asmaahaddad8462]

بالعكس يا دكتورة استفذنا منك كثير

[@user-fc4ip2ir2k]

شكرا لك يا دكتور ♥️♥️♥️♥️👍🏼👍🏼👍🏼👍🏼

[@sarahkamal9899]

ربنا يباركلك يارب ❤🌷

[@nadialotfy2318]

والله حضرتك جميله وكلامك جميل بس ده مينفعش غير ربنا ياخده أخذ عزيز مقتدر

[@user-vq5mg4xw8z]

فيديوهاتك حلوه اوي اوي بترجعلي ثقتي بنفسي بحبك اوي

[@user-ur1mw6tp1p]

صعب تكوني في سلام مع النرجسي بس مش صعب تكوني في سلام مع نفسك

[@abeermostafa1133]

جزاكي الله خيرا

[@user-jn2sm4bn7n]

حبيبتي جزاك الله خير انت انقذتيني من الهم التفكير اللي كنت عايشته كنت ضايعه وصلت مرحله اتسائل ليه انا كذا لماذا حياتي وصلت للمرحله هذه ...

[@QamarAlwan]

الله المستعان

[@baraa8482]

كيف وصلتي لهذا المرحلة شو عملتي

[@zobidazobida5364]

لقد تقويت بك الله ينصرك

[@hebaibrahim3553]

السلام عليكوا ورحمة الله وبركاته شكرا جزاك الله خير كلامك كله قوى ودعم وصوتك حنون ومعبر انت انسانه محترمه وقويه ومثقفه واسلوبك جميل سهل مبسط شرح

[@AbdoAbdo-yo9ts]

ربنا يسترها معاك يا طيبة انا بحبك قوي

[@user-ff6bw3oz6s]

الاستاذة كوثر تستاهل كل خير دعوتنا لها جميعا

[@atika5601]

شكرا اختي كوثر

[@hamada.ah149]

انا معاكى جدا وبأكد على كلامك.. دة مش مستحيل انا عملت كدة🤗😂

[@fatmakaram3569]

كلامك مقنع وجميل يا رب يا رب يا رب يا رب يا رب الله المستعان

[@user-fk5yx2sc1o]

نشكركم علئ هذه المعلومات