ازاي ترجعي حدودك اللي اخترقها النرجسي وهدمها بخطوات بسيطة

Рет қаралды 9,272

Күн бұрын

رقم واتس اب الحجز وشراء كتاب التشافي من العلاقة النرجسية 00971568496791
لينك الواتس اب wa.me/message/MKKOMJ3C77WMB1
حجز الاستشارات : kawtharsanad.com/ما عليك سوى الانتساب إلى هذه القناة للاستفادة من المزايا:
/ @user-id-kawthers-sanad
أول حاجة بيعملها النرجسي فيكي مجرد ما يبدأ يدخل حياتك بعد اللافبمبينج والحياة الوردية إنه يخترق حدودك أي نرجسي بيدخل حياتك أو بيكون موجود أصلا في حياتك بيكون شغله الشاغل إنه يخترق حدودك برغم من إنه النرجسي بيكون حاطط حدود في منتهى القوة ممنوع تلمسي حاجته ممنوع تمسكي موبايله عامل باسوردات على كل حاجة إلا القليل منهم كمان مينفعش تسأليه رايح فين وجاي منين و حتتأخر ولا حتجي بدري ولو اتأخر مايقولكيش بيخبي فلوسه مايعرفكيش معاه ايه الا اذا بتحطي فلوسك معاه ويمكن كمان يكدب ومايعرفكيش اللي معاه برضه المهم إن هو عامل لنفسه حدود قوية جدا فرضها عليكي في حين إن هو بيبذل مجهود رهيب في إنه يقضي على كل حدودك والأسوأ من كده بقى إن أولاده لما بيشوفوا تصرفاته معاكي ويشوفوا حدودك قد إيه ضعيفة سواء الأولاد كانوا أسوياء أو نرجسيين فهم كمان بيخترقوا حدودك وإنتي بدافع الحب بتقبلي ده في حين ان لما الأولاد يبقو نرجسيين الحدود بتكون مهمة جدا جدا أكثر من لو كان الزوج نرجسي طيب خلينا نشوف موضوع الحدود ده إيه سببه ليه حدودك ضعيفة الناس إللي حدودها ضعيفة ثمانية أنواع من الأشخاص سبعة منهم ضحايا للنوع التامن
المتعاطف المفرط ، الشخصية الاعتمادية العاطفية الشخص إللي ثقته بنفسه منخفضة ، الشخص إللي بيخاف من الرفض والهجر والأشخاص إللي تربو في بيئة ما فيهاش حدود بيئة مش بتحترم الحدود الشخصية والأشخاص إللي بتخاف من المواجهات والخناقات وبتفضل إنها تكون مسالمة جدا لدرجة إن هي ترضخ وتخضع لأي حد علشان تتجنب المواجهات والمعارك ،دول سبع أنواع ودول بيكونوا غالبا ضحايا للمستغلين والشخصيات السامة
اما الثامن فده بقى النرجسيين واي شخصية سامة ، النرجسي بيحط حدوده الخاصة بشكل صارم أما حدودك إنت فهو زي ما قلنا بيجتهد إنه يخترقها
طيب ليه الشخص المتعاطف مش بيعرف يحط حدود لإنه دايما حاسس إنه محتاج يساعد الناس حتى على حساب نفسه فده هيحط حدود إزاي إذا كان بيساعد مش قادر وبيضغط على نفسه وبيتعدى حدود نفسه بنفسه ، هنا ناخد معنى مهم للحدود معنى الحدود إن أنا عندي قدرة وإمكانية محدودة فلازم أنا شخصيا ما اتعداها ش أنا أقدر أشيل شنطة وزنها ٥ كيلو دي حدود قدرتي لو أنا تعديت حدود قدرتي وحدود جسدي وشلت فوق ال٥ كيلو سبعة مثلا أنا كده بتعدى حدودي مع نفسي ومع جسدي بأذى جسدي بما إن أنا شخص متعاطف مفرط فلما ألاقي حد محتاج إني أشيل عنه ٧ كيلو هتعدى حدودي وهشيل ال٧ كيلو فلما هو يشوفني شايلة ال٧ كيلو هيعمل إيه المرة الجاية حشيلني ٧ كيلو تاني او اكتر فأنا علمته إزاي يتعدى حدودي و حدود قدراتي ، فأول خطوة عشان تحط حدود إنك تعرف قدراتك وإمكانياتك وبعدين تحترمها إنت الأول تلتزم بيها وتقف عندها وبكده بتجبر الآخرين إنهم يحترموها لما حد يقول لك شيل حاجة فوق طاقتك هتعرف تقول إيه لأ ما قدرش أتعدى حدود جسدي ما قدرش أتعدى حدود نفسي ،طيب ازاي انتي حتعرفي حدود نفسك ازاي حتعرفي قدراتك وامكاناتك ازاي وانتي أصلا شبه منفصلة عن نفسك ومخاصماها ، لازم تشوفي الحلقة اللي فاتت عشان تعرفي ازاي تفهمي نفسك وتقربي منها عشان تعرفي حدودك منها
تاني حاجة اقعدي كدة فكري وافتكري امتى اخر مرة اتضايقتي من تجاوزات الاخر أيا كان النرجسي او غيره وحددي انتي ليه ماقدرتيش تمنعي التجاوز دة ليه صاحبتك او اختك جت لك من غير موعد هل انتي بتعملي كدة معاها ولا انتي قلتي لها تشرفيني في أي وقت من غير ماتكملي جملة بس ياريت تديني خبر قبلها عشان أكون موجودة او عشان ارتب وقتي هل انتي من الأصل بتقولي للاخر انك متاحة طول الوقت وبالتالي حدودي جاهزة للاختراق؟ هل مامتك او حماتك طول الوقت عايزة تعرف تفاصيل حياتك وعلاقتك مع زوجك وانتي بتضطري تحكي كل حاجة عشان خايفة تزعل منك ومش بتقولي لها الكلام في الخصوصيات حرام ، او تهربي من الكلام أصلا وتفهميها ان هنا في خط احمر ماينفعش تتجاوزه بأدب واحترام طبعا ، طيب ليه مش بتعملي دة لازم تفهمي انك خايفة تزعليهم وهم مش خايفين عليكي أصلا وانك خايفة تفقديهم وخايفة يرفضوكي وخايفة مايقفوش جنبك لما تحتاجيهم وفي النهاية كل دة بيحصل برضه لانهم أصلا متعودين انك راضية عن الحدود المفتوحة ومش فاهمين ان انتي فاتحاها لهم عشان مخاوفك دي
طيب قلنا الحلقة اللي فاتت ازاي تفهمي نفسك وتحبيها ولما تحبيها حتقدريها ولما تتقبليها حتعرفي ان لها قيمة وقدر واحترام ولازم الكل يلتزم بالاحترام دة ، لما تحبي نفسك حتحسي انك تستحقي هذا الاحترام وتستحقي انك تتحبي وتستحقي تتعاملي معاملة جيدة زي انتي مابتعاملي الكل بحب واحترام الإحساس دة لما يتجذر جواكي بيكون محرك لتصرفاتك وردود افعالك على اختراق حدودك بشكل تلقائي ومتزن وبدون اندفاعية ،
طبعا طبعا الكلمة العظيمة لاااااا كلمة لا اللي مش بتعرفي ولا بتقدري تقوليها لازم تتدربي عليها مع الناس القريبين وتختبري ردود افعالهم وتشوفي منهم ان كلمة لا مش بتزعل ولا بتقهر ، انتي بس اللي بتحسيها لان بيتترجم عندك على انها رفض لشخصك مش لطلبك ودة طبعا في حال انك اعتمادية عاطفيا ، تأكدي ان كلمة لا مش بتجرح ولا هي رفض للشخص ولكن هي حق من حقوقك ولازم تحافظي على كل حقوقك عشان تقدري تبني حدود صحية
اخر حاجة في خطوات وضع الحدود هي الوضوح والتواصل الواضح والصريح مع الجميع لازم تكوني واضحة ومفهمة اللي حواليكي انتي مش بتحبي ايه ومش بتقبلي ايه بمنتهى ..
.... الباقي في اول تعليق
0:00-0:31 المقدمة
0:31-1:41 حدود النرجسى و تعديه لحدودك
1:41-3:16 الشخصيات ضعيفة الحدود
3:16-4:09 معنى الحدود
4:09-5:05 أول خطوة لتقوية الحدود
5:05-6:37 ثانى خطوة
6:37-11:07 خطوات اخرى
11:07-11:30 الخاتمة
#صحةـنفسية #القوة #الاكتئاب #النرجسي #النرجسية

Пікірлер: 42

@user-id-kawthers-sanad Ай бұрын

منتهى الصراحة ، انا مبحبش حد يزورني من غير ميعاد ، انا مش بحب الهزار بالايد ، انا مش بحب الكلام البذيء ولا اسمعه أصلا ولو كان بعيد عني ، انا بحب التزم بمواعيدي فمحدش يتأخر عليا ، انا احتاج مساحة شخصية ، انا احتاج وقت لنفسي ، انا احتاج أكون لوحدي . قائمتين اقعدي اكتبيهم انا احتاج وانا لا احب او لا اسمح ، وضحي حدودك عشان ماحدش يقول ماكنتش اعرف او هي مالها بقت عدوانية كدة ليه دي كانت كيوت وجميلة ، طبعا مع النرجسي بتعملي الكلام دة بالتدريج وببطء شديد عشان تتجنبي الانفجارات ، ولما تنجحي في انك تحطي حدودك لازم في كل مرة تكافئي نفسك عشان تقدري تستمري في دة

@duhaa.abdullah1562 Ай бұрын

يااااااه ...مهم جدا ...اتحطمنا لعدم وجود هذه الاشياء !! تصوري ابسط الحقوق ..باسأل نفسي حرام ولا حلال !!! ياترى ..ليه بفكر كدة ؟؟

@salsabelmohamed7256 Ай бұрын

❤❤❤❤❤❤

@user-cb3ci7qq9r Ай бұрын

يا ست انتي انا بحبك حبك ما يتوصفش انتي فعلا امي التانيه انتي شيلتي الغبار من ع دماغي انا وامي وكان هيطول ولادي كمان الغبار الا سبب فيه ابويا وجوزي كان عايز يكمل المسيره بشكل اسوء

@NM-wu8gh Ай бұрын

❤❤❤❤❤❤ روعاتك د. كوثر مستنياكى

@user-tl8my1ml2d Ай бұрын

صعبة انك تجرحي اللي حواليكي الموضوع صعب علياجدا

@wagihsaad6358 Ай бұрын

التمسك بحبل الله المتين والاستعانه به سبحانه وتعالى هى الملاذ الامن ان معية الله تجعلك صلبا فلا تقهرك الايام ولا يكسرك البشر

@omanas2526 Ай бұрын

عآآجل انطلقت سـفينة الصلاة على النبي محمدﷺ فاركب معنا ولا تكن من الغافلين

@Hadjer327 Ай бұрын

🌸اللهم صّل وسلم وبارك على نبينا محمد🌸

@user-fm9nt4ht6n Ай бұрын

انا والله لم اتنبه الى أنه واضع لنفسه حدود وانا ممنوع اخترقها الا الان

@fatimaali3384 Ай бұрын

اكثر شيء متعبني هو تدخل الاهل في خصوصيات مينفعش اي حد يتدخل فيها .مثلا ليه انتِ حامل ؟ ليه مغيرتيش العفش؟ متى تطلقي ؟ ليه سكته و مستحمله كل هذا الوضع ؟ و ياريت بعد كل هذا التدخل في كلمة حب،نصح،مساعدة بنشعر بعدها اننا فعلا مهمين عندهم

@hendedrees8192 Ай бұрын

جزاكي الله عنا كل الخير فيديوهات حضرتك بتساندنا كتير وبنستفيد منها بشكل كبير انا مبحبش اسمع لحد بيكلم عن النرجسيه لكن اسلوب حضرتك مختلف وعلمي ومحايد بدون مبالغه فالكره او شخصنه❤❤❤

@user-ud9vp4uz6f Ай бұрын

عندك مليوووون حق يا دكتوره فعلا محدش ينفع يتجاوز حدود حد لسه حاصل معايا قريب كانت تبعتلي ولادها يوميا بدون ميعاد ومكسوفه اتكلم لتزعل ولما بعت ابني عندها يوم طردته وكرشته وادي اخره اللي يخاف علي زعل اللي قدامه ويراضي الناس كلها علي حساب نفسه 🎉🎉🎉🎉

@LoomyLoomy-bw8rr Ай бұрын

اختي النرجسيه حاطه لنفسها حدود واذا حطيت حدود تقعد تشتمني وتغلط علي انتي شايفتني مهزله عندك 😂اعطيك موعد وماتجين وانا اكون ناسيه الموعد اصلا اعتذر منها وماتقبل الاعتذار

@arwaaams1317 Ай бұрын

تسلمي على هذه المحاظره فعلا بدأت من فتره فيها وكانت صعبة على نفسي بالبدايه الان قلت الصعوبه للنص تقريبا اقول لا وابدي انزعاجي من الامور لكن لا اتكلم صامته طول الوقت بنفسيه مرتاحه نوعا ما

@HILDAGAHWICH-yh9si Ай бұрын

ياريت لو تعملي حلقه عن اعتداء جنسي لضحيه ويتجاوز حدو

@tymaaalhariri9649 Ай бұрын

شكرا أ. كوثر ❤❤ الله يجزيك عنا كل خير

@faizaait-ykhlef2718 Ай бұрын

بارك الله فيك دكتورة،محتوى قيم ،رب يوفقنا جميعا.

@user-uj9oe2xe5r Ай бұрын

للاسف مهما بحط حدود حد ورا حد يفاجئني مره واحده يكسر كل الحدود دى اتعب وانهار وارجع ابدا من الاول حاسه حياتى كلها صراعات ويتعمد يخترق الحدود دى رغم انو عارف انى بضايق من التصرفات والكلام ده بس يتعمد يعصبني وينكد علينا حسبي الله ونعم الوكيل فيهم

@user-ys6eg7ms1o Ай бұрын

النرجسي لي معايا فاتح حدودو مع الجميع ماعندة خصوصات ويخترق خوصياتي عندو عادي* ولما احط حدودي مع الجميع يستغلوها اتجاهي عرفو شنو اضوج منة ويضوجوني بي 😢 معانات

@walaaali3427 Ай бұрын

جزاك الله خيرا❤❤❤

@user-bg5zg7dl2h Ай бұрын

كيف أوقفه عند حده لما يسب ويشتم؟وكذلك يحاول يمنعني من الخروج من البيت مشان ادرس،بس كل المهام اللي لازم هو يقوم فيها يردها لإلي ويلزمني فيها(مثل توصيل الاولاد عالمدرسة..وجلب مستلزمات البيت)بالله عليك تردي علي يادكتورة؟!

@rehamyousef1203 Ай бұрын

محتاجين نضيف الحلقه الي قايمه تشغيل ازاي تبني حدودك

@esraaabuel-kheir1342 Ай бұрын

يا دكتور اخد حق الاولاد بعد الطلاق ازاي من غير محاكم لان المحاكم بتجيب جزء وفي اجزاء مش بتكون عن طريق المحكمة زي فلوس الرياضة او الكتب الخارجية وحاجات تانية صغيرة بس بتلم فلوس

@user-wr1hh2bu2domalregal Ай бұрын

أرفع قواضى بالحاجات دى المحامى عارف بيقدمها ازاى .اعرف واحدة كانت لتاخد من المحكمه فلوس للالعاب للطفل

@monabushra3421 Ай бұрын

طيب نعمل ايه لو حطينا الحدود لكن مش بيلتزم بيها كلمة لا مش بتكون كفاية

@ZAbdelaziz Ай бұрын

السلام عليكم عايزه استشارة ضرورى احجزها ازى

@kyyy359 Ай бұрын

اوف من لما حطيت حدود بالتدريج تغيرت حياتي بالعكس حلو عني😂😂

@omtote6585 Ай бұрын

ارجوك كيف؟؟

@kyyy359 Ай бұрын

@@omtote6585 احضري حلقة الحدود هون

@duhaa.abdullah1562 Ай бұрын

دخنا بنتعرض للابتزاز العاطفي ..يقعدو يعيطو ..لحد مانراضيهم ..ويرجعوا يخترقوا ...لانوم ..ولا أكل ..وضياع الاوقات !! او بالتخويف يصرخو ..عشان يعرفو بنفكر في ايه !!

@AliAli55-ex6vs Ай бұрын

❤❤

@nohamody431 Ай бұрын

ازاي احط حدود بعد ١٤ سنه منهم ضرب واهانه

@user-wf3hl9mx6y Ай бұрын

حدودك هي تتجنبي كل مايؤدي الى ضربك ادرسي كل موقف انظربتي بيه وصححي ردود افعالك لاتسمحي له يجد سبب لضربك وتجاهلي الشتيمة واعملي نفسك مسامعه وكلو في ميزان حسانتك وربنا معاكي يقويكي ويسترك

@user-wr1hh2bu2domalregal Ай бұрын

موضوع الضرب دا حله انه يخاف منك ويعرف انك مش هتسكتردى اعمليله محضر او جلسة عرفيه وقوليله مش هسكتلك تانى لازم يحس انك قوية وطبعا انتى عارفه طباعه وعارفه ايه ينفع معاه متعمليش محضر الالو عارفه انه هيخاف لكن انه يزيد لا حاولى تشوفى ايه الىي يخوفه ولازم يشوغك قوية وتدافعى عن نفسك

@user-hs2do4xg7d Ай бұрын

حبيبتي اكثري من الصلاة على الرسول تحل مشاكلك

@user-hs2do4xg7d Ай бұрын

عن تجربة

@Hadjer327 Ай бұрын

اكثري من حسيا الله ونعمه الوكيل وأصلحي ما ستطعتي من نفسك و سوف ترينى قيه عجب العجاب.

@Sun-flower3120 Ай бұрын

😂😂😂 انتي عايشه معانا يا دكتوره تقريبا لسه اليوم تحديدا اليوم بيقولي ملكيش دعوه معايا ولا لا بعد ما كان قاعد من شغله بكيفه وانا الي بشتغل وبصرف علي البيت كل حاجه كم سنه ورا بعض دبوقت بقي مليش دعوه بحاجه ومليش فيه ومسالش 😂😂😂 كان قبل كده عادي عشان كنت بعمل كل حاجه ومش بشتكي يلا حسبنا الله

@user-hs2do4xg7d Ай бұрын

هادا مااحاول فعله في بداية انفصالي عن النرجسي وبدات اقول للمقربين انو اللي مايحترمنيش مايلزمني واعطلي لهم مثلا عن النرجسي اللذي اخرجته من حياتي واللذي مزال لحد الان يوظف القرود الطاىرة لاسترجاعي