Zaharinka Milosavjevic i Car Samuil - Stariot fener

Стариот фенер
Под старите кули, в' меана една
песни мераклиски ечат.
Тамбури свират, виолината плаче,
боемите рани си лечат.
Стариот фенер згаснува,
се губи трепетниот сјај,
уморни тамбурашите
свират фајронт за крај.
Кранфили бели, црвени рози
продава младата дама.
Заматен поглед, убавица млада,
сонува тажна и сама.
Стариот фенер згаснува,
се губи трепетниот сјај,
уморни тамбурашите
свират фајронт за крај.
Во мугра се капе езерото сино,
последна тура се плаќа.
Чашите горе и здравица една
за новиот ден што се раѓа.
Стариот фенер згаснува,
се губи трепетниот сјај,
уморни тамбурашите
свират фајронт за крај.