「站見」鐵路展．特別場 - 黃頭火車與樟樹灘走線的故事 | 與黃頭同行【4K 中文字幕】

[@waihotung2349]

0:32 蝴蝶燈 月台長俾關門訊號車長 車長就關門 東鐵獨有由月台長去決定關門

[@KayWong]

謝謝分享，我以前鍾意坐車尾，所以冇留意車頭發生乜事~~ 講起車長關門，以前車尾都有人，埋站時睇閂得門未，閂得就會打叮叮，記憶上好似係兩下叮叮，另外，入駕駛室隻門有片透明膠片/玻璃（要疏散就打爛然後開門），會見到行車時車尾車長冇嘢做，就會睇報紙。

[@KayWong]

咁究竟邊個開門就唔知，呢啲只係當年我觀察所得，但行車時車尾果位車長真係冇乜嘢要做，唔睇報紙唔通睇風景咩，當時又冇手機上網。 另外，例如大學站北行，頭尾車長都睇唔曬的話，月台中間仲有一個職員吹 bb。

[@KayWong]

我有朋友目標是先入港鐵，最終係揸高鐵！

[@KayWong]

第一步係揸地鐵先

[@gar_67]

@@KayWong無錯，車尾打鐘两聲，司機再回两聲鐘確認，跟住就開車。 我最鍾意坐車頭位置，聽住駕駛室嘅信號鐘聲，訊號燈綠色同黃色嘅聲響係有分別嘅。有一次火車停咗喺大埔滘一段時間，司機要落路軌嘅訊號燈嘅電話同控制室通話，佢會打五下鐘，跟住車尾再回五下鐘，司機跟住就落車。

[@nevilleyk]

我有去 其實一坐落張黃櫈度時我好感動 好似坐咗時光隧道咁 我記得我坐火車時 好鍾意用手指撩住座位啲坑位 兩個位中間 會有個鐵盒 係舊九鐵標誌 我都會鍾意撩 嗰日去睇展覽時我先知原來嗰個係放煙灰嘅 個鐵盒上面仲有塊鐵 係枱黎 我89年就搬離大埔 之後就好少坐

[@KayWong]

「鐵盒」正如你所講，係煙灰缸。91定92年之前，電氣化可以食嘢及食煙，之後唔得，所以煙灰缸及垃圾筒都封咗。 「鐵枱」響頭等先有，普通等冇枱~~

[@gar_67]

我一坐落張椅，熟悉嘅感覺番晒嚟。

[@KayWong]

最可惜係頭等冇得坐。想當年，我只坐過一兩次頭等。

[@manchunglee]

另外喺沙田站月台上面，有一個人"賣命"嘅，佢會嗌「要命嘅就嚟」，其實"命"即係"麵"，係賣齋麵筋，好好味的

[@KayWong]

沙田有麵賣我又唔記得~~

[@manchunglee]

​@@KayWong唔係真係一碗碗嘅麵，而係"齋鹵味" (即係麵筋)，所以少少鄉下音就變成"命根" ，諗諗下佢好似係嗌「愛命嘅就嚟」至啱

[@KayWong]

其實我細個（柴油年代）從未在沙田站落過車，但沙田畫坊就去過幾次，都係坐私家車去。

[@gar_67]

起初呢款車卡係貨卡，頭等，洗手間普通等，貨卡門同頭等之間嘅門係冇上鎖，亦沒有裝設扶手。 但係全線電氣心無幾耐幾耐之後，行李卡同頭等卡之間嘅門就上鎖，但係普通等嘅乘客仍然可以進入貨卡。 非繁忙時間，我喺貨卡坐地下。 普通等嘅椅係有兩款第一批車E1至E61係有粗粒面，E62至E118就係滑面。 羅湖快車每日一班北行，喺九龍站出境。

[@KayWong]

羅湖快車 - 我細個時坐過一次~~ 係中學年代，即是 85-90 年間，但唔記得幾時

[@mauwahtsang349]

全香港人都熱愛黃頭

[@KayWong]

坐過更熱愛啦！我回憶學生返學放學的時光

[@gar_67]

黃頭車，睇風境一流，尤其係未有吐露港公路同白石角填海之前。 同埋當年新界去市區，差不多只有火車呢樣公共交通工具有冷氣，無敵。

[@KayWong]

當時有好少部分巴士有冷氣，我都唔記得幾時開始新界路線先全冷氣。

[@nevilleyk]

有人話過 黃頭係最靚設計 但係乘搭上係最失敗 , 因為得三度門

[@KayWong]

果陣定位不是通勤嘛，對於城市人，去旅行先搭嘛！

[@manchunglee]

嗰張黃頭櫈背脊嗰個「目」字型圖案，充滿童年回憶，我每次都會企圖用手指一筆過行完嗰個「目」字，最終未能成功😂

[@KayWong]

你今次展覽任你搞啦

[@nevilleyk]

我都係 好鍾意用手指係咁撩條坑黎寫個字

[@chankingking7823]

@@manchunglee 因為「目」字符合唔到一筆畫嘅條件

[@heung1gong2yan4]

book唔到🥲樟樹灘個位幾年前睇你條片先知，估唔到港鐵公司終於整左個牌介紹，嗰個位唔係住附近都好少人識

[@KayWong]

唔係港鐵做，個牌係渠務署做，同埋佢將 19 號橋下面條河叫「樟樹灘水道」。

[@waikeungwong9400]

九龍車站去羅湖的直通快車、每天只在早上有2班的、雖然在九龍站辨理出境手續、但係實際比普通站站停又不是快很多、我記得嗰時直達快車常常在中途慢行或停車、只是快5分鐘都無到羅湖、只是快了出境時間、所以行了不知幾年就取消了

[@Tonylui61]

以前坐過黃頭行樟樹灘個彎道，記得轉彎係較為大聲。 印象中88年6月4日九鐵發生過單貨卡出軌就響果度。 行李卡我當年仲入過去企，當年火車會開放行李車畀乘客入去。

[@KayWong]

根據一啲九鐵內部說法，因為呢單貨卡意外，所以將樟樹灘拉直，因此九鐵官方叫拉直工程為「Automatic Train Protection Project, Pak Shek Kok Track Realignment」，詳細資料可睇我文章。

[@KayWong]

我係入貨卡坐地下，當時好多學生坐地下，地盤佬就坐底飲啤酒

[@Tonylui61]

@@KayWong 以前住粉嶺,其實粉嶺對我係幾深刻印象,成長都響果度. 所以搭黃頭經歷係好多,北區人甚少搭巴士,巴士實在太兜.例如70X咁,兜晒成個上水粉嶺加大窩西支路先上公路. 當年我未去到入貨卡席地而坐.通常都係企響貨卡.但個窗果幾支鐵,果陣諗好似入去坐監咁樣. 以前頭等係一分為三,普通等+頭等+貨卡.以前頭等飛好難買,要去售票處度買.但偶爾九鐵賣大包當頭等係普通等(以前一列六卡有兩卡頭等).第一次搭頭等係九龍塘-粉嶺. 果陣頭等都係皮椅,但顏色唔同,係橙色再加張茶几. 後來變晒成卡頭等先轉綠色.

[@Tonylui61]

@@KayWong 果陣如果有埋雞脾加啤酒搭火車,人生係一大樂事😅

[@KayWong]

我都住粉嶺，記憶上好似真係冇搭過巴士出九龍。 頭等有新舊，舊果種是有廁所，廁所屬普通等，一卡車廂頭等普通等各佔一半（我有張平面圖，但冇合適的文章可分享），後來改裝，拆咗廁所，頭等佔差不多一卡，滕出少少位做貨卡。 如果你去睇展覽，留意頭等車卡，從外面睇，中間位置（窗口下面）有個小門掩，就係廁所的「排污口」。

[@manchunglee]

嗰陣火車上面係有個人賣雞髀，佢叫賣嘅方法好特別我仲記得：「雞髀阿雞髀，汽水阿雞髀，(重複)」

[@KayWong]

你係見到黃頭上有雞髀賣，定柴油火車？我兩樣都見過，不過電氣化有雞髀賣只出現非常短時間。

[@manchunglee]

@@KayWong 柴油火車

[@KayWong]

我記得仲有紅豆雪條

[@benchan1952]

請問預約完後可不可以遲一些入場？是不是那段時間都能進入？

[@KayWong]

我到依家都未成功預約到…

[@batho9394]

有一批黃頭係設有洗手間

[@KayWong]

最初全部都有洗手間，後來拆咗，加大頭等面積及加行李區。如果你去睇展覽，留意頭等車卡中間位置（從外面看），窗口下方有一個小掩門，就係洗手間的「排污口」。

[@gar_67]

行李卡區域應該無改動過。有頭等車廂嘅三卡車就一定有廁所。如果只有普通等嘅三卡車就無。原有計劃分近郊線同遠郊線，沙田以北就屬遠郊線，近郊線不設頭等。

[@KayWong]

我住粉嶺，所以一定有洗手間~~~ 初代以沙田為總站的黃頭坐過 - 從粉嶺搭柴油到沙田，當年貪新鮮，就會過對面月台轉黃頭~

[@gar_67]

我都係搭到去沙田轉黃頭，黃頭停三號月台，柴油車停四號月台，一到沙田，啲客就會衝晒過上電氣化火車。當柴油客車時日無多，我就會唔落車，坐到紅磡。回程就特登坐電動客車去紅磡坐柴油車回粉嶺。

[@KayWong]

對，當時十個有九個會去貪新鮮 + 貪有冷氣（雖然柴油頭等都有冷氣），果陣新界人對柴油冇乜「集體回憶」，冇就冇，最，好快啲有電氣化，唔駛一個鐘一班車。

[@MrLawhangyinken]

我搭過一次紅磡羅湖直通車.好早時間開.

[@KayWong]

我都坐過，但唔記得邊…你記得邊年嗎？

[@henryyu231]

@@KayWong 88年搭過，好早開車。嗰陣去贛州旅行團包埋。印像中不是慳好多時間。

[@KayWong]

我唔記得細個時邊年搭過，只搭過一次，當時宣傳話約半小時左右從紅磡到羅湖。

[@chankingking7823]

我想問以前黃頭火車行走嘅時候是不是將4列3卡車駁埋一齊呢？即係3+3+3+3 =12卡？

[@KayWong]

12卡是後期了，最初是3卡（沙田，馬場）、6卡（沙田、大埔），後期多咗好多人搬入新界，逐漸轉成9卡（冇乜6卡，真情冇埋3卡），12卡係好後期先有。

[@chankingking7823]

@@KayWong 咁當時6卡車咪兩列三卡車駁埋一齊、9卡車咪3列3卡車駁埋一齊lo

[@KayWong]

6 卡車有兩種，前期是3+3,後期是6卡一列；9卡是3+3+3；12卡是6+6（如果有錯請指出）

[@山海一線]

82年間中仲有柴油行駛，之後就全面電氣化。

[@KayWong]

我當年（細個時）就係響沙田站轉車

[@mauwahtsang349]

樟樹灘，蒸汽，柴油和黃頭行過，烏蠅頭就已經拉直了所以無行過

[@KayWong]

對，不過我年紀唔算大，冇坐過蒸汽，黃頭最多，以前返學放學都搭。

[@mauwahtsang349]

@@KayWong 我住屯門，我小時候住過青衣小時候要坐地鐵到九龍塘轉黃頭火車返大陸

[@Tonylui61]

我係book到，應該會返嚟睇… 其實係幾順利book到，只係預約時間唔太理想。原本想book星期六11點果節，但book晒，改到最早九點幾果節book到。

[@KayWong]

七月會有平日場，到時應該容易 book好多啦

[@Tonylui61]

@@KayWong 七月我都返番LA 我Book係下個星期六,即係5/18.其實仲有日係5月15日,但諗唔到果日係星期三,咩嘢假期可以畀人Book,只諗到太平清醮(長洲搶包山)

[@KayWong]

星期三係佛誕。你都算好彩，搶到飛，可能係你身處外國，時差關係，容易坐響電腦前搶啦~~

[@Tonylui61]

@@KayWong 果個時間係夜晚食飯，如果香港時間朝早十點，即係LA時間夜晚七點，都係一個原因比較容易。 不過我Book完後五分鐘已經Full晒。 有時間我返嚟的話可以約出嚟見面交流👋 大約留一個禮拜

[@KayWong]

好呀，有乜精采嘢？

[@chikinli1944]

現今直通巴士取代火車！

[@KayWong]

應該係高鐵取代火車，依家連直通車都冇，直通巴士只去到廣東省內有限地方，遠啲一定搭高鐵或飛機

[@mauwahtsang349]

@@KayWong 直通車大陸那邊叫準高速列車

[@HD多媒体动画作者日常]

下次試下講啟德機場

[@KayWong]

呢個唔熟喎~

[@waiwong3205]

師兄你有無在“和謙小學及通德幼稚園”讀過書？😅

[@KayWong]

冇……做乜咁問？其實我有幾篇關於鐵路（及一篇非鐵路）文章有提過我響邊度讀書㗎~

[@henryyu231]

送呢個 MV 俾你睇，當時正直新舊火車交替過渡期 kzbin.info/www/bejne/foWZi6V5msZmmqssi=HQlwJmbuj_YUS4sC

[@KayWong]

呢個 MV 我有睇過呀，不過，其實歌曲及環境唔知有乜關係，睇落九唔搭八。

[@henryyu231]

@@KayWong 睇歷史片段為住😀

[@KayWong]

係！MTV年代係電氣化通到大埔站年代，我當時（其實好細個😃）從粉嶺上車（柴油），可以響大埔轉電氣化，記得呢段時期好短，好快就全線電氣化了。

[@paulchu753]

超難預約

[@KayWong]

本來話七月有平日場，未見有。

[@kgx3f6]

我都認為超難預約，有時間便預約，都要待至9月先可以去