【專隊系列👨🏻‍🚒👩🏻‍🚒危害物質專隊】

最近喺演習相片成日見到著上保護袍嘅消防人員，其實佢哋係做咩架❓
通常涉及危害物質嘅事故⚠️就會調派危害物質專隊到場，為現場總指揮官提供行動策略、應對方法同埋安全措施。專隊隊員亦會監察同埋評估現場情況，採取適當嘅緩解措施，例如架設洗消設施為受污染人士清洗、偵測危害物質同埋處理危險品，以盡量減低呢啲物質對公眾同埋環境嘅影響。
為咗提升處理化生輻核☢️事故嘅應變能力，危害物質專隊近年購置咗多項先進嘅危害物質偵測器材，包括「配置多種氣體檢測儀無人機」、「便攜式氣相色譜/質譜儀」、「放射性同位素鑑別儀」等，亦參與多個跨部門反恐演習，喺唔同重大基建上進行操練，以進一步加強部門之間嘅溝通同協作能力。一齊睇吓啲演習花絮 👀▶️