Рет қаралды 119,486
ಹರೇ ಶ್ರೀನಿವಾಸ,
ಸಕಲ ಸಂಪತ್ತನ್ನು ಕೊಡುವ ಅಷ್ಟೈಶ್ವರ್ಯ ರಂಗೋಲಿ ಹಾಕುವ ವಿಧಾನವನ್ನು ತಿಳಿಸಲಾಗಿದೆ.
ಸಂಕ್ಷಿಪ್ತ ಲಕ್ಷ್ಮೀಹೃದಯಸ್ತೋತ್ರಮ್
ಶ್ರೀದೇವಿ ಪ್ರಥಮಂ ನಾಮ ದ್ವಿತೀಯಮಮೃತೋದ್ಭವಾ | ತೃತೀಯಂ ಕಮಲಾ ಪ್ರೋಕ್ತಾ ಚತುರ್ಥ೦ ಚಂದ್ರಲೋಚನಾ Il 1 |I
ಸಂಪತ್ಪ್ರದಳಾದುದರಿಂದ 'ಶ್ರೀದೇವಿ' ಎನಿಸಿರುವಳು. ಅಮೃತಮಥನಕಾಲದಲ್ಲಿ ಪ್ರಾದುರ್ಭವಿಸಿದ ಕಾರಣ ಸಿರಿದೇವಿಗೆ 'ಅಮೃತೋದ್ಭವಾ' ಎಂಬುದು ಎರಡನೆಯ ಹೆಸರು. ಕಮಲದಲ್ಲಿ ಪ್ರಕಟಳಾದ ಕಾರಣ 'ಕಮಲಾ' ಎಂದು ಅವಳ ಮೂರನೆಯ ನಾಮಧೇಯ , ಚಂದ್ರನಂತೆ ತಾಪನೀಗಿಸುವ ಕಂಗಳಿರುವ ಕಾರಣ 'ಚಂದ್ರಲೋಚನಾ' ಎಂದು ಇವಳ ನಾಲ್ಕನೆಯ ನಾಮ.
ಪಂಚಮಂ ವಿಷ್ಣುಪತ್ನಿ ಚ ಷಷ್ಠಂ ಶ್ರೀವೈಷ್ಣವೀ ತಥಾ | ಸಪ್ತಮಂ ತು ವರಾರೋಪಾ ಹೈಷ್ಟಮಂ ಹರಿವಲ್ಲಭಾ
Il 2||
ಪರದೇವತೆಯಾದ ವಿಷ್ಣುವಿನ ಪತ್ನಿಯಾದುದರಿಂದ 'ವಿಷ್ಣುಪತ್ನೀ' ಎಂಬುದು ಇವಳ ಐದನಯ ಹೆಸರು. ಇವಳು ಕೇವಲ ವಿಷ್ಣುವಿನ ಅಂತರಂಗ ಭಕ್ತಳಾದುದರಿಂದ 'ಶ್ರೀವೈಷ್ಣವೀ' ಎನಿಸಿದ್ದಾಳೆ. ಏಳನೆಯ ನಾಮಧೇಯವು ಉತೃಷ್ಟಳಾದ ಸ್ತ್ರೀದೇವತೆಯಾದುದರಿಂದ 'ವರಾರೋಹಾ' ಎನಿಸಿದ್ದಾಳೆ. ಇವಳಷ್ಟು ಹರಿಗೆ ಪ್ರಿಯಳಾದವಳು ಮತ್ತೊಬ್ಬಳಿಲ್ಲದ ಕಾರಣ 'ಹರಿವಲ್ಲಭಾ' ಎನಿಸಿದ್ದಾಳೆ. ಇದು ಇವಳ ಎಂಟನಯ ನಾಮಧೇಯ.
ನವಮಂ ಶಾಙ್ಗಿರ್ಣೀ ಪ್ರೋಕ್ತಾ ದಶಮಂ ದೇವದೇವಿಕಾ | ಏಕಾದಶಂ ಮಹಾಲಕ್ಷ್ಮೀ: ದ್ವಾದಶಂ ಲೋಕಸುಂದರೀ
I 3 |I
ಶಾರ್ಙ್ಗಬಿಲ್ಲನ್ನು ಧರಿಸಿದ ಕಾರಣ ಇವಳು 'ಶಾಙ್ಗಿರ್ಣೀ' ಎನಿಸಿದ್ದಾಳೆ. ಕೇವಲ ನಾರಾಯಣನೊಂದಿಗೆ ಕ್ರೀಡಿಸುವ ಕಾರಣ 'ದೇವದೇವಿಕಾ' ಎನಿಸಿದ್ದಾಳೆ . ಅಪಾರ ಸಂಪತ್ತಿಯನ್ನು ಕರುಣಿಸುವ ಕಾರಣದಿಂದ ಇವಳನ್ನು 'ಮಹಾಲಕ್ಷ್ಮಿ ಎನ್ನುವರು. ಇದು ಇವಳ ಹನ್ನೊಂದನೆಯ ನಾಮಧೇಯವು. ಹದಿನಾಲ್ಕು ಲೋಕಗಳಲ್ಲಿ ಅದ್ವಿತೀಯ ಸುಂದರಿಯಾದ ಕಾರಣ 'ಲೋಕಸುಂದರೀ' ಎನಿಸಿದ್ದಾಳೆ.
ಶ್ರೀ ಪದ್ಮಾ ಕಮಲಾ ಮುಕುಂದಮಹಿಷೀ ಲಕ್ಷ್ಮೀಸ್ತ್ರೀಲೋಕೇಶ್ವರೀ I
ಮಾ ಕ್ಷೀರಾಬ್ದಿಸುತಾ ವಿರಿಂಚಜನನೀ ವಿದ್ಯಾ ಸರೋಜಾನನಾ |I
ಸರ್ವಾಭೀಷ್ಟಫಲಪ್ರದೇತಿ ಸತತಂ ನಾಮಾನಿ ಯೇ ದ್ವಾದಶ I
ಪ್ರಾತಃ ಶುದ್ದತರಾ ಪಠಂತ್ಯಭಿಮತಾನ್ ಸರ್ವಾನ್ ಲಭಂತೇ ಗುಣಾನ್ || 4 ||
ಇದಲ್ಲದೆ ಶ್ರೀ-ಪದ್ಮಾ-ಕಮಲಾ-ಮುಕುಂದಮಹಿಷಿ(ಕೃಷ್ಣನ ಮಡದಿ)- ಲಕ್ಷ್ಮೀ
ತ್ರಿಲೋಕೆಶ್ವರಿ-ಮಾ-ಕ್ಷೀರಾಬ್ದಿಸುತಾ (ಕ್ಷೀರಸಾಗರದಲ್ಲಿ ಪ್ರಕಟಗೊಂಡವಳು)
ವಿರಂಚ ಜಪನಿ(ಚತುರ್ಮುಖ ಬ್ರಹ್ಮನ ತಾಯಿ)-ವಿದ್ಯಾ-ಸರೋಜಾನನಾ(ಕಮಲದಂತ ಮುಖವುಳ್ಳವಳು)-ಸರ್ವಾಭೀಷ್ಟಫಲಪ್ರದಾ(ಎಲ್ಲ ಇಷ್ಟಾರ್ಥವನ್ನು ಪೂರೈಸುವವಳು) ಎಂಬುದಾಗಿ ಲಕುಮೀ ದೇವಿಯ ಹನ್ನೆರಡು ನಾಮಗಳು ಪ್ರಸಿದ್ಧವಾಗಿದ್ದಾವೆ . ಯಾರು ಬೆಳಗುಜಾವದಲ್ಲಿ ಶುದ್ಧ ಮನಸ್ಸಿನಿಂದ ಈ ನಾಮಗಳನ್ನು ಪಠಿಸುವರೋ ಅವರು ಸಿರಿದೇವಿಯ ಕೃಪೆಯಿಂದ ಮಂಗಳಗುಣಗಳ ಅಭಿವ್ಯಕ್ತಿಯನ್ನು ಹೊಂದುವರು.
ಶ್ರೀಲಕ್ಷ್ಮೀವೃದಯಂ ಚೈತನ್ನಾಮದ್ವಾದಶಯುಗ್ಮಕಮ್ | ತ್ರಿವಾರಂ ಪಠತೇ ಯಸ್ತು ಸರ್ವೈಶ್ವರ್ಯಮವಾಪ್ನುಯಾತ್ II 5 I I
ಹನ್ನರಡು ನಾಮಗಳಿಂದ ಕೂಡಿದ ಲಕ್ಷ್ಮೀಹೃದಯವನ್ನು ಮೂರುಬಾರಿ ಪರಿಸುವವರು, ಎಲ್ಲ ಬಗೆಯ ಐಶ್ವರ್ಯವನ್ನು ಹೊಂದುವರು.
|| ಇತಿ ಸಂಕ್ಷಿಪ್ತ ಲಕ್ಷ್ಮೀಹೃದಯಸ್ತೋತ್ರಮ್ ||
11 ಶ್ರೀ ಕೃಷ್ಣಾರ್ಪಣಮಸ್ತು ||