Рет қаралды 8,152
§21 Металдардың жалпы сипаттамасы
1. Д. И. Менделеевтің периодтық кестесінде металдар қалай орналасқан? Металдар мен бейметалдар атомдары құрылысының ерекшелігі неде?
2. Атомының электрондық құрылысы: в) 2,8,18,8,1 болатын қай элементтің металдық қасиеті жоғары? Себебін түсіндіріңдер.
3. Мына металл атомдарының электрондық формулаларын жазыңдар: а) алюминий; ә) кальций; б) цезий.
4. Жеті ғаламшарға жеті металл атауы сәйкес келеді. Сол сәйкестікті табыңдар: Күн, Ай, Меркурий, Шолпан, Марс, Юпитер және Сатурн. Металдар: темір, сынап, алтын, күміс, қорғасын, қалайы және мыс.
5. Металдардың қандай ортақ физикалық қасиеттері бар? 6. Мына металдарды тотықсыздандырғыш қасиетінің өсу ретімен орналастырыңдар: Fe, Cu, Na, Zn, Mg.
7. Металдардың әр класқа жататын қосылыстарына бір мысалдан келтіріңдер және ол қосылыстардың класын атаңдар.
8. Мына реакциялардың теңдеулерін құрастырыңдар: а) мырыштың күкірт қышқылымен; ә) алюминийдің хлормен; б) магнийдің оттекпен; в) алюминийдің мыс сульфатымен.
9. Металдардың электрхимиялық кернеу қатарын және үлкен , кіші белгілерін пайдаланып, әр жұптағы химиялық белсенділігі жоғары металды көрсетіңдер: a) Mg Zn; ә) Pb Fe; б) Cu Cr; в) Na Al.
10. Мыс тақташа берілген тұз ерітінділеріне батырылған: a) MgSO 4 ; ә) FeCl 2 ; б) HgSO 4 ; в) AgNO 3 . Мыс қай тұз ерітінділерімен әрекеттеседі? Реакция теңдеулерін жазыңдар.
1. Массасы 6 г екі валентті металл сумен әрекеттескенде көлемі 3,36 л (қ.ж.) сутек түзілді. Сумен әрекеттескен металды анықтаңдар. Жауабы : кальций.
2. Массасы 2,4 г магний күкірт қышқылының 20%-дық 100 г ерітіндісімен әрекеттескенде неше литр (қ.ж.) сутек бөлінеді?
3. Массасы 20 г темір мен 8 г күкірт әрекеттескенде неше грамм темір (II) сульфиді түзіледі?
4. 15%-дық литий гидроксидінің ерітіндісін дайындау үшін 100 г суға литийдің қандай массасын қосу керек?
5. Fe мен FeO қоспасынан тұратын үлгі 3,36 л хлормен (қ.ж.) Cl2 әрекеттесті. Осындай үлгіні ерітуге құрамында 14,6 г HCl бар тұз қышқылының ерітіндісі жұмсалды. Үлгідегі FeO массасын есептеңдер.
#металдар #химия #9сынып #металл #металға #сипаттама #ерітінді #масса #атом #электрон