Рет қаралды 3,567
လူကြီးရော ကလေးတွေပါကြိုက်တဲ့ ဝက်နံရိုးမှိုအချိုချက်လေးပါ။
ဝက်နံရိုးမှိုအချိုချက်လေးနဲ့ လိုက်ဖက်တဲ့ဟင်းအတွဲအစပ်ကတော့ ငပိရည်ရယ်...မုန်လာဥချဉ်ရည်လေးပါ။
ပထမဆုံး ဝယ်လာတဲ့ ဝက်နံရိုးကို တရေပြုတ်ပစ်ပါမယ်။ ဒယ်အိုးထဲ ရေထည့်။ ပါးပါးလှီးထားတဲ့ ချင်း(ဂျင်း) ၃ပြားလောက်ထည့်။ ဝက်နံရိုးထည့်။ မီးဖွင့်ပြီး ရေဆူလာတာနဲ့ ၃ မိနစ်လောက်တည်ပြီးရင် ဝက်နံရိုးတွေကို ဆယ်ထားပေးပါ။
အခုလို တရေပြုတ်ပေးခြင်းအားဖြင့် အသားညှီနံ့ကို သက်သာစေပါတယ်။
ဂျပန်ရှီတာကေမှိုခြောက်ကို ရေဆေးပြီးစိမ်ထားပေးပါ။ မှိုတွေက ပွပြီး ပျော့လာပြီဆိုမှ မှိုရဲ့ အညှာပိုင်းကို ညှပ်ထားပေးပါ။
ဒယ်အိုးထဲဆီထည့်ပြီး သကြား ၁ ဇွန်းထည့်ပြီး ဆီသတ်ပေးပါ။ မီးအားအလယ်အလတ်နဲ့ပတ် ဆီသတ်ပေးပါ။ သကြားတွေပျော်ပြီးနီညိုရောင်သန်းလာပြီဆိုရင် နာနတ်ပွင့် ၂ပွင့်။ ချင်း (ဂျင်း) ၄ ပြား။ ဓားပြားရိုက်ထားတဲ့ ကြက်သွန်ဖြူ ၇ မွှာလောက် ထည့်ပေးပါ။ ပြုတ်ထားတဲ့ ဝက်နံရိုးတွေထည့်တယ်။ ထည့်ပြီးတာနဲ့ ၆မိနစ်လောက်ကြော်ပေးပါ။ ဝက်နံရိုးတွေ တချို့နေရာက အရောင်စပြောင်းလာပြီဆိုရင် တရုတ်မဆလာ ဇွန်း တဝက်ထည့်ပါ။ ပဲငံပြာရည်အကြည် ၂ ဇွန်း။ ပဲငံပြာရည်အပျစ် ၁ ဇွန်းထည့်ပြီး နောက်ထပ် ၂ မိနစ်လောက်မွှေပေးပါ။ ပြီးမှ မှိုထည့်မယ်. မွှေးလာတဲ့အထိ မွှေပေးပါ။ ပြီးမှ အသားမြှုပ်ရုံ ရေထည့်ပြီး မီးအေးအေးနဲ့ ၄၅ မိနစ်လောက်ချက်ပေးပါ။ အသားတွေနူးအိသွားပြီဆိုရင် ရေကို တဝက်လောက်ခမ်းအောင် မီးအားပြင်းလိုက်ပြီးချက်လိုက်ရင် မွှေးပြီးစားကောင်းတဲ့ ဝက်နံရိုးမှိုအချိုချက်လေးကို သုံးဆောင်နိုင်ပြီဖြစ်ပါတယ်ခင်ဗျာ။
Cookfork1 ၏ အခြားသော လူမှုကွန်ယက်တွေဖြစ်တဲ့ ဖေ့စ်ဘုတ်။ အင်စတာဂရမ်။တစ်တော့ မှာလည်း မတူညီသော တင်ဆက်မှုများဖြင့် တင်ပေးထားပါတယ်ခင်ဗျာ။