هذي وصية أب - فهد بن فصلا & بندر بن عوير | 2024

هذي وصية أب
كلمات معالي المستشار
سعود القحطاني
أداء
فهد بن فصلا
وبندر بن عوير
_________
هذي وصية أب تكتب وتنقال
من واحد خاض الحياة العنيده
وصية من قلب مخلص للأشبال
لخالد الغالي وساري عضيده
بمحمد أوصيكم على كل الأحوال
على الأخوما يحرص إلا الوليده
الأخ ما تلقى عوض له ولا أبدال
فقد الأخويا عيالي أكبر فقيده
وأوصيكم بجدتكم بكل الأشكال
أمي ليامن غبت صارت وحيده
صيروا يد وحدة ترى الفرقة إذلال
حيث الوحيد يعيش عيشة زهيده
إليا اختلفتم صار لإبليس مدخال
خلى الصدور من العداوة وقيده
تراحموا ما بينكم شيب وعيال
يا حظ من حط التراحم رصيده
ربو على الدين وعلى الستر الأنجال
ارجو ثواب الله وخافوا وعيده
أنتم نسبكم فوق بالمرقب العال
سعود أبوكم والأصل في عبيده
وانا طويل ذراع وحمولي ثقال
الراس شامخ والهقاوي بعيده
اتعبت رجليني على كل متوال
وحطيت لي بصمة وسيرة مجيده
المرقب العالي رقيته ولا زال
آثار خطواتي عليه الوحيده
احفظ وصاة أبوك يا معرب الخال
أوصيك بالتقوى وحفظ العقيده
في طاعة الله لا يجي عندك إهمال
اطلب رضا اللي كلبونا عبيده
وطاعة ولي الأمر ما تقبل جدال
جت في كتاب الله وسنة أكيـده
من خان إمامه يعتبر مفسد وضال
ويصير للعدوان وأبليس صيده
واحرص على الصدق وعلى بيض
الأفعال ازرع فعل طيب وتلقى حصيـده
من يتصف بالكذب ما هو برجال الويبني
من الكذب قصر ويشيده
واحذر تعامل بالثقة كل بطال
لا راح منك بشي ما تستعيده
وترى الفرج نهاية الصبر لو طال
عواقب الصبر الحقيقي مفيده
من لا صبر على المصاعب والأهوال
ما هو بلاقي له حياة رغيده
واحذر حقوق الناس بالنفس والمال
عليك في تقدير الأريا السديده
واحذر تصير لسامج الهرج نقال
هذي صفات أهل العقول البليده
ما كل ما تسمع من الناس ينقال
إن ما قصرت الشر بالك تزيده
ولا كل من يركب على الخيل خيال
ولا كل صيده للنشامى طريده
ترى الرجولة ما هي شماغ وعقال
ولا هي بشيلة تنكتب أو قصيده
حيث المراجل فعل ما هي بالأقوال
الهرج كل الناس تقدر تجيده
الرجل منطوق ومواقيف وخصال
والشاهد الله والخلايق شهيده
خلك طليق حجاج والبيت مدهال
خلك كريم شوفة الضيف عيده
وحذراك من صحبة رديين وأنذال
تحسب عليهم والفتى من قعيده
ولا تقبل العيله ولا تصير عيال
عواقب العيال دایم نگیده
والزم صلاح النية وحسن الأعمال
وخاو الرجال أهل العقول الرشيده
واقنع ترى الأيام راحل ونزال
محدن يحقق كل شيء يريده
وترى التغافل هو سبب راحة البال
تغافل وتصبح حياتك سعيده
والحر ما ينزل على كل منزال
ولا يهوي بكفه على كل صيده
والظلم يهدم أمه ويفني أجيال
ويضيع مجد أهل الفعول التليده
وترى الحيا هيبه وتقدير وإجلال
يفتح عليك أبواب خير عديده
والبخل عيب ونقص قيمة وغربال
راعيه ما يقنع بما تملك إيده
والدين بارقاب الرجال أثقل أغلال
ومن لا ثني المعروف ما فك قيده
دين الجمايل ما هي ديون الأموال
المال تحصيه الرجال وتبيده
وخلك على الصحبة سبور ومهال
ما كل يوم ويوم صحبة جديده
وفي غلطة الغالين خذ طبع الأطفال
ساعة وينسون الزعل والمكيده
وحذراك يا خالد على الناس تختال
من الكبر نفسك ما هي مستفيده
وخلك جمل لامن برك شال الأحمال
لو الحمول ثقال وزن وجهيده
وخلك ذرى ربعك ولاخوانك ظلال
سند لهم عند الظروف الشديده
ظلال يلقون الأهل فيه مقيال
خواتك وربعك وكل البديـده
واحذر يميل الراس لو الدهر مال
عن درب ربعك لا يجي فيك حيده
وترى حلاة البنت مستوره الحال
من طاعة الله والنبي مستزيده
والستر ما هو في عباية ولا شال
ولا هي نصايح تنكتب بالجريده
الستر حفظ الدين حل وترحال
دايم علاقتها مع الله وطيده
تحفظ وجيه رجال وتربي رجال
على المراجل والخصال الحميده
العمر يمضي والله أعلم بالأجال
ما راح من عمر الفتى ما يعيده
ورغم اعتلال الحال أنا كلي أمال
وأمني النفس يحياة مديده
بهرت لك من صافي الشعر فنجال
واحفظ وصاني لا قريت القصيده

[@Sultan_alqahtani]

يا سلام.. كلمات رائعة من معالي أبوخالد وكأنها دستور بالتربية.. وأداء استثنائي من الرائعين بندر وفهد. متعة عظيمة..

[@mnalloveyara]

الله يطول بعمر الشاعر ابداع وانتقى ماشاءالله تبارك الله كلمات تدرس في اعلى درجات العلم مبدء وقيمه ودين الشاعر فتح الله عليه اهنيك يااخوي يارب يحفظك ويابخت صاحب الابيات بكرم القصيد 🌹🇸🇦

[@user-fy9nf5qk5l]

الله هذا الإبداع الحقيقي من فهد بن فيصلا وبندر 😍😍😍

[@yoneklale6912]

الله يطول في عمرك يا سعود 🤍🤍

[@mnalloveyara]

جاري نشر القصيدة 🇸🇦🇸🇦🇸🇦💯👍🏻

[@exz505]

لا اله الا الله وحده لاشريك له له الملك وله الحمد يحيي ويميت وهو على كل شيء قدير:سبحان الله وبحمده:سبحان الله العظيم - صلِّ علىٰ محمد.استغفرالله.

[@user-xz4ze9ul3w]

الله هذا الابداع الحقيقي الي عليه الكلام كلمات معالي المستشار سعود القحطاني درر واداء الاساطير فهد بن فصلا و بندر بن عوير الناتج شيله تاريخيه ❤❤

[@exz505]

سبحان الله والحمدلله ولا اله الا الله والله اكبر ولاحول ولا قوة الا بالله ولا اله الا انت سبحانك اني كنت من الظالمين واستغفر الله

[@user-dd6dq8hq3w]

لامستني وبكيت😢

[@user-ok6lf4uu1w]

ياسلام. إبداع والله ابداع

[@aburakanali3169]

ونعم بالشاعر والمنشدين . ابدعت مستشارنا الفالي ايما ابداع . الله يطول عمرك ويخليك لنا

[@user-gs5if6zz9q]

ولله خلاتني بكيت من فقدي الا امي

[@qu-15ra38]

سبحان الله وبحمده عدد خلقه ورضى نفسه وزنة عرشه ومداد كلماته

[@nagem_abidah]

دايما مبدع يابويعقوب 🔥

[@user-nb8ov1bh8i]

تمام جزاك الله خير اخر خمس ابيات في الصميم

[@Alqahtani139]

ياسلام يا ابو يعقوب ❤❤❤

[@F-x62]

حظنا فيك ي سعود 🤍🤍

[@m1108jsjsjse]

ابداع يا اذا اجتمعو بندر بن عوير و فهد بن فصلا👏

[@user-gs5if6zz9q]

احب امي الغاليه❤❤

[@abunajedalkenani3628]

رووووعة خاصة من 2 مميزين 👍

[@talyami6319]

صححح لسانه في ذمتي

[@amiralfares9052]

❤❤❤

[@user-gn8vu7pw2g]

آخر بيتين قوي

[@Waleeed305]

ابداع

[@ameena9469]

قطعت قلبي خذلاان وقهرتيني اخوان

[@ncecn7190]

الله ثبتنه اجر عافية شرح اغاني مسموحه ال مو مسموحه❤

[@user-gs5if6zz9q]

امي حيتي❤

[@ahuveJdidid]

محبك من العراق❤️💚

[@ameena9469]

ربي يحميكم

[@user-gs5if6zz9q]

الاب ولم هم رمز الحيات بي نسبه لي

[@qu-15ra38]

ماشاء الله يالقصيده

[@user-gs5if6zz9q]

أكيد ولله حيك يا سيد اناس

[@user-wx1fw4yz6d]

فهد دوم مبدع

[@user-xz4ze9ul3w]

ملييونيه 🔥🔥

[@yhscvcc]

مبدع يا بو يعقوب ❤🎉

[@user-dq8te3kd6z]

صـح كلك , تحياتي لك

[@KingdomSaudiArabia229]

ررررررررررررووووووووعه

[@user-fc5uv9xp5h]

إبداع جميل

[@user-yl7jd1vl7t]

َصح لسانك

[@user-xt7ps8jw3q]

تدني في مستوى الالحان بشكل غريب

[@oqiwqowoowei]

حرام عليك

[@mnalloveyara]

اتحداك تجيب ربع من قصيده

[@meshalnafea5200]

بطل بطل

[@saudi__166]

#ابداع

[@character344]

❤❤❤❤

[@ksks5437]

منتهي

[@user-ri7ey4eb8r]

القصيدة هذي وصية أب تكتب وتنقال من واحد خاض الحياة العنيده وصية من قلب مخلص للأشبال لخالد الغالي وساري عضيده بمحمد أوصيكم على كل الأحوال على الأخوما يحرص إلا الوليده الأخ ما تلقى عوض له ولا أبدال فقد الأخويا عيالي أكبر فقيده وأوصيكم بجدتكم بكل الأشكال أمي ليامن غبت صارت وحيده صيروا يد وحدة ترى الفرقة إذلال حيث الوحيد يعيش عيشة زهيده إليا اختلفتم صار لإبليس مدخال خلى الصدور من العداوة وقيده تراحموا ما بينكم شيب وعيال يا حظ من حط التراحم رصيده ربو على الدين وعلى الستر الأنجال ارجو ثواب الله وخافوا وعيده أنتم نسبكم فوق بالمرقب العال سعود أبوكم والأصل في عبيده وانا طويل ذراع وحمولي ثقال الراس شامخ والهقاوي بعيده اتعبت رجليني على كل متوال وحطيت لي بصمة وسيرة مجيده المرقب العالي رقيته ولا زال آثار خطواتي عليه الوحيده احفظ وصاة أبوك يا معرب الخال أوصيك بالتقوى وحفظ العقيده في طاعة الله لا يجي عندك إهمال اطلب رضا اللي كلبونا عبيده وطاعة ولي الأمر ما تقبل جدال جت في كتاب الله وسنة أكيـده من خان إمامه يعتبر مفسد وضال ويصير للعدوان وأبليس صيده واحرص على الصدق وعلى بيض الأفعال ازرع فعل طيب وتلقى حصيـده من يتصف بالكذب ما هو برجال الويبني من الكذب قصر ويشيده واحذر تعامل بالثقة كل بطال لا راح منك بشي ما تستعيده وترى الفرج نهاية الصبر لو طال عواقب الصبر الحقيقي مفيده من لا صبر على المصاعب والأهوال ما هو بلاقي له حياة رغيده واحذر حقوق الناس بالنفس والمال عليك في تقدير الأريا السديده واحذر تصير لسامج الهرج نقال هذي صفات أهل العقول البليده ما كل ما تسمع من الناس ينقال إن ما قصرت الشر بالك تزيده ولا كل من يركب على الخيل خيال ولا كل صيده للنشامى طريده ترى الرجولة ما هي شماغ وعقال ولا هي بشيلة تنكتب أو قصيده حيث المراجل فعل ما هي بالأقوال الهرج كل الناس تقدر تجيده الرجل منطوق ومواقيف وخصال والشاهد الله والخلايق شهيده خلك طليق حجاج والبيت مدهال خلك كريم شوفة الضيف عيده وحذراك من صحبة رديين وأنذال تحسب عليهم والفتى من قعيده ولا تقبل العيله ولا تصير عيال عواقب العيال دایم نگیده والزم صلاح النية وحسن الأعمال وخاو الرجال أهل العقول الرشيده واقنع ترى الأيام راحل ونزال محدن يحقق كل شيء يريده وترى التغافل هو سبب راحة البال تغافل وتصبح حياتك سعيده والحر ما ينزل على كل منزال ولا يهوي بكفه على كل صيده والظلم يهدم أمه ويفني أجيال ويضيع مجد أهل الفعول التليده وترى الحيا هيبه وتقدير وإجلال يفتح عليك أبواب خير عديده والبخل عيب ونقص قيمة وغربال راعيه ما يقنع بما تملك إيده والدين بارقاب الرجال أثقل أغلال ومن لا ثني المعروف ما فك قيده دين الجمايل ما هي ديون الأموال المال تحصيه الرجال وتبيده وخلك على الصحبة سبور ومهال ما كل يوم ويوم صحبة جديده وفي غلطة الغالين خذ طبع الأطفال ساعة وينسون الزعل والمكيده وحذراك يا خالد على الناس تختال من الكبر نفسك ما هي مستفيده وخلك جمل لامن برك شال الأحمال لو الحمول ثقال وزن وجهيده وخلك ذرى ربعك ولاخوانك ظلال سند لهم عند الظروف الشديده ظلال يلقون الأهل فيه مقيال خواتك وربعك وكل البديـده واحذر يميل الراس لو الدهر مال عن درب ربعك لا يجي فيك حيده وترى حلاة البنت مستوره الحال من طاعة الله والنبي مستزيده والستر ما هو في عباية ولا شال ولا هي نصايح تنكتب بالجريده الستر حفظ الدين حل وترحال دايم علاقتها مع الله وطيده تحفظ وجيه رجال وتربي رجال على المراجل والخصال الحميده العمر يمضي والله أعلم بالأجال ما راح من عمر الفتى ما يعيده ورغم اعتلال الحال أنا كلي أمال وأمني النفس يحياة مديده بهرت لك من صافي الشعر فنجال واحفظ وصاني لا قريت القصيده

[@rakanx5842]

سعود ابوكم والاصل في عبيدة .. اشهد انه جمعها حاضر وماضي ومستقبل

[@vs2003]

القصيدة مسمومة

[@almhadiealhadi]

اللي يبي المدحه يقول وش سوا يقول ونذر علينا نكرمه ونفرحه 🔥

[@exz505]

لا اله الا الله وحده لاشريك له له الملك وله الحمد يحيي ويميت وهو على كل شيء قدير:سبحان الله وبحمده:سبحان الله العظيم:استغفر الله:لاحول ولا قوة الا بالله: صلِّ علىٰ محمد.