Alalá nº 202 "Che de Luaña" - TVG

Canle Temático de Alalá: alala.crtvg.es
Alalá nº 202 "Che de Luaña" - TVG
Emisión en Televisión de Galicia: 05/05/2012
Lugar de gravación: Brión
Che da Luaña é constructor de trompas. Dun curiosísimo instrumento que se conservou a duras penas na Fonsagrada pero que hai anos soaba por toda Galicia. Cando Che comezou a facer trompas os vellos artesáns xa abandoaran o oficio. Tivo que aprender só, discurrindo e probando unha e mil veces. E non só aprendeu a facelas ata converterse nun mestre, senón que acadou algo que ata entón ninguén fixera: fabricalas en moitas tonalidades para que afinasen con outros instrumentos e poder así tocar con elas en distintas formacións musicais. Para logralo tivo que darlle moitas voltas á cabeciña, pero iso é o que lle gusta facer a este home que é labrego, gandeiro, músico, artesán dos instrumentos máis diversos e que anda sémpre na procura de acadar o seu obxectivo: a trompa perfecta.
Grazas ó traballo de Che, que tén trompas feitas por el repartidas por todo o mundo, evitouse a perda no esquecemento dun instrumento antiquísimo, que probablemente naceu en Asia e que con distintos nomes e formas se toca en moitísimos lugares do mundo.

[@sidneib.2342]

Incrível! Saudações do Brasil!

[@manuelfidalgofernandez3487]

Grandessss