"Avtooyna" MCHJ Farg‘ona shahar Politexnika institutida talabalari bilan uchrashuv o'tkazdi

Avval xabar berilganidek, Avtooyna kompaniyasi kadrlar salohiyatini oshirish yo‘lida bir nechta oliy ta’lim muassasalari bilan jumladan Farg’ona politexnika instituti bilan yaqin hamkorlik aloqalarini yo‘lga qo‘ymoqda. 10.11.2023 ana shu hamkorlik doirasida, institut yuqori bosqich talabalari bilan uchrashuv tashkil etildi.
Uchrashuv avvalida ishtirokchilar Avtooyna korxonasi faoliyatiga bag’ishlangan videorolikni tomosha qilishdi
Talabalar bilan uchrashuv davomida ishlab chiqarish bo’yicha bosh direktor o’rinbosari Sanjarbek Muminov o’zining oddiy texnik hodimlikdan ishlab chiqarish raxbarligigacha bosib o’tgan yo’li va tizimning bilimli hodimlarni doim qo’llab quvvatlashi haqida hayotiy misollar bilan o’rtoqlshdi. Avtooynada amalga oshirilgan loyihalar, shuningdek xodimlar uchun taqdim etilgan kasbiy rivojlanish imkoniyatlari va boshqa ko‘p ma’lumotlar to‘g‘risida taqdimot o‘tkazdi. Ma’ruza asosida tayyorlangan taqdimot materialida avtomobilsozlik sanoati to‘g‘risidagi dolzarb fikrlar, ustuvor yo‘nalishlar, tahlillar, uning ijtimoiy-iqtisodiy ahamiyati to‘g‘risida tasavvur doirasini kengaytirishga qaratilgan amaliy taklif va tavsiyalarning mazmun-mohiyati haqida so‘z yuritildi.
Hodimlarni boshqarish va HR departamenti boshlig’i Oybek Abduxamidov esa talabalarni o’quv ishlab chiqarish va bitiruv oldi malakaviy amaliyotini sifatli va tizimli shaklda yo’lga qo’yish uchun alohida nizom ishlab chiqilayotgani haqida habar berdi.
Shuningdek, kompaniyada xodimlar uchun yaratilgan imkoniyatlar va qulayliklar to‘g‘risida ma’lumot berib o‘tib, Ko‘plab talabalar kompaniya faoliyatiga qiziqish bildirib, tizimdagi imkoniyatlarga oid bergan savollariga javob berib o’tdi.
Uchrashuv so‘nggida ishtirokchilarga Uzautocomponents tomonidan bitiruvchilarni tanlab olishni tizimlashtirish maqsadida tashkil etilgan telegram kanalga online anketa to’ldirishlari uchun QR kod taqdim etildi.
Shu bilan birga, korhona vakillari Farg’ona Politexnika Instituti qoshida tashkil etilgan zamonaviy Texnopark faoliyati bilan yaqindan tanishdilar.

[@ravshantoshxojayev8908]

🎉