भाग ४५ | राष्ट्रसंत तुकडोजी महाराज भजन| निवडक भजन | BHAJAN SANGRAH |

२२१.
भावना दुखवू नका हो कुणी !
बोलली भारत - माता झणीं ! ! ।।धृ0।।
सुपुत्र सगळे माझ्या उदरी ।
जन्मा आले बहु नर नारी ।
उद्योगास्तव भिन्न वाटली ।।
कुणि नच नीच - ऊंच यातुनी ।।१।।
प्रदेश-भाषा ओळखि पुरती ।
परि राष्ट्राला ती ना पुरती ।।
म्हणुनि हिंदला हिंदिचि शोभे -
पावली हा अनुभव घेउनी ! ।।२।।
भारत - पुत्रे अम्हा म्हणाया ।
कमीपणा वाटो न कुणाया ।
तुकड्यादास म्हणे, राष्ट्रीयता -
एकता, पाडू नका खंडुनी ! ।।३।।
२२२.
घेतो धर्माची आण, मनी नाही ईमान ।
धर्म अशानं कळायचा नाही रे !
धर्म पोरांचा पोयखेळ नाही रे ! ।।धृ0।।
तीर्थक्षेत्री गेले, नाही एवढाच धर्म ।
व्रत-जप केले, नाही एवढाच धर्म ।।
दानपुण्य चाले, नाही एवढाच धर्म ।
माळा-भस्म-टिळे,नाही एवढाच धर्म ।।
ही तो धर्माची उपांग भाई रे ! ।
धर्म पोरांचा पोरखेळ नाही रे ! 0।।१।।
तत्त्वाचा विचार, तोच खरा धर्म ।
सत्याचा आचार, तोच खरा धर्म ।।
न्यायाचा व्यवहार, तोच खरा धर्म ।
करुणा अन्‌ उपकार, तोच खरा धर्म ।।
वर्म धर्माच समतेत राही रे ! ।
धर्म पोरांचा पोरखेळ नाही रे ! 0।।२।।
माझा धर्म न्याय अन तुझा धर्म न्यारा ।
करी भांडाभांडी हा अधर्मचि सारा ।।
मानवता ठेवा अन्‌ मग चर्चा करा ।
तुकड्या म्हणे जगाची धारणा सुधारा ।।
बोलण्या चालण्यात ताळमेळ पाही रे ! ।
धर्म पोरांचा पोरखेळ नाही रे ! 0।।३।।
२२३.
घाबराला का तरुण गड्यारे ! तुझा पुढारी आला,
पुढारी आला, पुढारी आला ।।धृ0।।
सावध हो, चल ये मैदानी ।
निज कर्तव्याला जागोनी ।
उभाच बंसरिवाला, बंसरिवाला, बंसरिवाला ।।१।।
गरुडावरती स्वारि करोनी ।
उतरत जणु तो दिसे विमानी ।
चक्र सुदर्शनवाला,सुदर्शनवाला,सुदर्शनवाला ।।२।।
दुष्ट जनांना ठार कराया ।
साधु सज्जन हृदयी धराया ।
तुकड्या म्हणे धावला, म्हणे धावला, म्हणे धावला ।।३।।
२२४.
अरे ! रिकामा कशाला फिरतं ?
तुझं गावच नाही का तीर्थ ? ।।धृ०।।
गावी राहती गरीब उपवासी ।
अन्नसत्र लावितोसि काशी ।
हे दान नव्हे का अर्थ ? ।। तुझं0।।१।।
तुझ्या गावाची शाळा ही मोडली ।
धर्मशाळा तू शहरी का जोडली ?
याने निघतो का जीवनात अर्थ ? तुझ0।।२।।
गावी गरिबांची घरटी ही मोडली ।
तू तीर्थासि मंदिरे ही जोडली ।
गाव - गुंड करीती अनर्थ ।। तुझं0।।३।।
आपुल्या गावाची सेवा जो करतो ।
तोचि कीर्तीने, मानाने तरतो ।
दास तुकड्या म्हणे होई सार्थ ।। तुझं0 ।।४।।
२२५.
मानवा ! का चिंता वाहतो ?
होणारे ते चुके न केव्हा, प्रभु सगळे पाहतो ! ।।धृ0।।
नर जन्माला आला जेव्हा ?
तू कधि केले होते कामा ? ?
परी तुझ्या पोटाची कळकळ, जन्मताचि वाहतो ! ।।१।।
अजगर पडला पडुनी राही ।
चालतसे मुंगीच्या पायी ! !
अचूक त्याची खळगी भरण्या, जागिच कुणि दाहतो ! ।।२।।
पोपट - मैना मारि भरारी ।
कुठले त्यांना स्थान नोकरी ?
परी चरुनिया, रोजची येती,मन्मनि उत्साहतो ! ।।३।।
म्हणुनि सांगतो स्मर तू हरिला ।
विसरु नको रे सहकार्याला ?
तुकड्यादासा,अनुभव ऐसा,घडि-घडि मज राहतो ! ।।४।।

[@RashtrasantVichar]

सर्व भजनांचे बोल ( lyrics ) discription box मधे दिलेले आहेत | सभी भजनों के बोल ( lyrics ) discription box me दिए हुए हैं | जय गुरु !!

[@arvindraokadu6579]

खूप सुंदर भजन आपण गायन करणाऱ्या आणि महाराजांच्या भजनाचा प्रचार करणाऱ्या गुरुदेव भक्तांचा केवढे मोठे उपकार आ हे जनतेवर एवढी सुंदर आवाज ऐकायला मिळत आहे

[@rahulmohurle-bn2rv]

जय गुरुदेव 🙏

[@ganeshkude635]

खूप छान

[@dhanajibiradar6894]

जय गुरुदेव!!जय सेवा संघ!!काय सुंदर भजन !!!

[@tejaskatkar4546]

Very nice. I'm 20 yrs old I just loved all this bhajans. Proper singing, deeply relateble lyrics , good music. Please upload more bhajans. 🙏🏻

[@RashtrasantVichar]

Sure We will, Thanks....... Spirituality is a great thing.....but deeply entering into it.....your Desires die....one feels earning money is Useless.......which should not happen..... There should be a balance..... Thanks for Appreciation ❤️

[@nandacharthad5042]

Jay guru 🙏

[@komalingle9406]

Ag Mira kay Tula aavdla gopal bhjan

[@Rajeshtaktode-ih6cj]

Grate

[@komalingle9406]

Vo Bajan post kro aap

[@Fire-zg7nx]

जय गुरुदेव 🙏