Рет қаралды 137,527
#bhagiskitchen #potato #toffee #newyearrecipe
අල ටොෆි රෙසිපිය
අල 500g
සුදු හෝ රතු සීනී 650g 700g
ලුණු කුඩු පින්චක්
වැනිලා තේ හැදි 1 1/2ක්
කරදමුංගු කරල් 5ක් විතර කුඩු කරලා
බටර් මේස හැදි 1 1/2
ෆෙෂ්මිල්ක් කෝප්ප 1/4
කහ කලරින් බිංදුවක් (කැමති නම් පමණක්)
ප්රධානතම දේ දෝසි වර්ග ටොෆි වර්ග හදනකොට ඉවසීමේ ගුණය හොදටම තියෙන්න ඔනා මොකද? ගොඩාක් වෙලා හැදි ගාන්න ඔන නිසා. එක දිගට හැදි ගානකොට අත රිදෙන්න ගන්නවා එපා වෙනවා. ඉතින් එක නිසා හැදිගාන එක නවත්වන්න හිතෙනවා. එහෙම උනාම තමා පදම වරදින්නෙ. ගොඩක් අයට මේ පදම එන්නෙ නෑ කියනවා. කැඩෙනවා කියනවා. හයි වෙන්නෙ නෑ කියනවා, ලස්සනට කෑලි කපන්න බෑ කියනවා. එහෙම වෙන්නෙ මේක හරි පදම එනකන් හැදි ගාන්නෙ නැති නිසයි. ඉතින් ඉවසීමෙන් ගොඩක් වෙලා හැදිගාන්න ඔනා.
ටිකක් හොදට ඉඩ තියෙන නන්ස්ටික් පෑන් එකක් මේ වැඩෙට ගන්න පුළුවන් නම් ගොඩාක් හොදයි. නැත්තම් අඩිය අලෙන්නෙ නැති මොකක් හරි භාජනයක් භාවිතා කරන්න.
ඔයාට රතු හෝ සුදු සිනි පාවිච්චි කරන්න පුළුවන්. රතු සිනි දැම්මාම අල ටොෆි එකෙ පාට වෙනස් වෙන්න පුළුවන් එච්චරයි පදමේ වෙනසක් වෙන්නෙ නම් නැ.
සිනි 650g සිට 700g දක්වා දාන්න පුළුවන්. සිනි පොඩ්ඩක් අඩු උනාම ටිකක් වැඩියෙන් හැදිගන්න වෙනවා. පොඩ්ඩක් මෙලෙක් ගතියට ගන්න පුළුවන්.
ගින්දර අඩුම කරලා දිගටම හැදිගාන්න. ඒ කියන්නේ මධ්යම මට්ටමට තියාගෙන වගේ හැදිගාන්න බලන්න ගොඩාක් වෙලා යනවා නමුත් පදම වරදින්නෙ නැතුව හදාගන්න නම් එහෙම කරන්න වෙනවා.
හැන්දෙන් ඉරක් ඇන්දම එකතු වෙන්න වෙලා යනවනම් හරි සුදු පාටට බුබුලු වගේ දානවනම් භාජනය වටේ පිරිසිදු වෙලා ඔක්කොම එක ගුලියකට වෙනවා නම් අල ටොෆි මිශ්රණය ඔක්කොම එකට එකතු වෙන පදමට ආවාම මිශ්රණය විසිරිලා යන ප්රමාණය අඩු නම් ඒ කියන්නේ දැන් ඔයාගේ අල ටොෆි එකෙ පදම හරි.
මේ අල ටොෆි මිශ්රණයට ලුණු චුට්ටක් දාන්න අමතක කරන්න එපා එකෙන් අල ටොෆි මිශ්රණයේ පැණි රස හොදට ඉස්මතු කරනවා.
අල ටොෆි තුනී කරන ට්රේ එකෙ පිහියේ හැන්දේ බටර් හෝ තෙල් ගලා ලැස්ති කරලා තියාගන්න. එතකොට ඇලෙන්නෙ නැතිවෙන්න ලස්සනට කැලි කපාගන්න පුළුවන්.
අඩු ගින්දරේ මේ අල ටොෆි හදනවා නම් පැයකට ආසන්න වෙලාවක් හැදිගන්න ඔනා.
ස්තූතියි!
Bhagi’s Kitchen By භාගී ගුණවර්ධන තෙන්නකොන්