БҚО: Жас ұстаздар табысқа апарар жолды бірге саралады⠀⁣⁣⠀

Орал қаласындағы NIS-те Педагогикалық шеберлік орталығы филиалының ұйымдастырушылық қатысуымен «Жас ұстаз: Табысқа апарар жол» аймақтық форумы өтті. Еңбек жолын жаңадан бастап жатқан Батыс Қазақстан облысының 130 педагогінің біліктілігін арттыруға бағытталған форум -«Назарбаев Зияткерлік мектептері» дербес білім беру ұйымының тамыз айында ұйымдастырған жас мұғалімдердің республикалық форумының заңды жалғасы.⁣⁣⠀
⁣⁣⠀
Форум архитектоникасы оқыту мәселелерін талқылау бойынша тақырыптық алаңдар, Зияткерлік мектептің жас ұстаздарының шеберлік сағаттары, команда құру мен эмоционалды интеллектті дамытуға арналған тренинг, мотивациялық спикерлердің табыс жолы, арт терапия, педагогикалық батлдан құралған. ⁣⁣⠀
⁣⁣⠀
- Аймақтық форум - бұл «Жас ұстаз: табысқа апарар жол»⠀аймақтық клубының ресми ашылуы.⠀Бізді бір ауқымды мақсат біріктіреді - мұғалім мамандығының табыс жолын көрсету, үнемі білім алуға және дамуға ынталандыру, - деп форумды Педагогикалық шеберлік орталығы филиалының директоры Лариса Обыденкина ашты.⁣⁣⠀
⁣⁣⠀
Жастармен кездесуге арнайы шақырылған Рио-де-Жанейродағы олимпиада ойындарының қола жүлдегері Екатерина Ларионова, Х.Бөкеева атындағы облыстық қазақ драма театрының актері Райымбек Ермек, мүмкіндігі шектеулі балалар мен олардың ата-аналарына арналған «Мейірім» қоғамдық бірлестігінің төрайымы Элеонора Бекқазиева қатысушыларға кішкентай істер арқылы әлемді жақсартуға,⠀табысты, дені сау, сертіне адал азамат, мақсатқа жетуде табанды болуға шабыт берді.⁣⁣⠀