بنت المنهال - خيه زينب (حصرياً)2021

قصيده للسيده زينب عليها السلام عن لسان السيده أم كلثوم عليها السلام( خيه زينب )
خيه زينب ... لا تخليني حزينه
خيه زينب ... بعدج أشلون أحنه بينه
زينب أحتاجج .... شلي بفراگج
خيه زينب ... بعدج أشلون أحنه بينه
🏴🏴😭💔😭🏴🏴
شلي بفراگج يزينب ماأريده
يازماني الراح بفراحه أشيعيده
خيه أخيتج لا تخليها وحيده
فارگيتيني .... ماأجيتيني
خيه زينب ... بعدج أشلون أحنه بينه
🏴🏴😭💔😭🏴🏴
ليش ونيتي يزينب وأشيئذيج
فارگيتيني يخيه أوعيني تربيج
أختج أتعوفيها وأتلحگين أهاليج
لاحگه أخواني .... خيه چا وأني
خيه زينب ... بعدج أشلون أحنه بينه
🏴🏴😭💔😭🏴🏴
زينب أمتونچ زرگ سوتهه السياط
جرحج أشگبره ولا أيفيدله أخياط
عاشريتي الحزن عشره من الأگماط
أنه چلثومه .... أعليج مهضومه
خيه زينب ... بعدج أشلون أحنه بينه
🏴🏴😭💔😭🏴🏴
أشلون أشوفنه علي زينب يدفنج
خفت لا من اللحد ينلچم متنج
گضت يازينب گضت وأودعنج
بعد شيلمنه .... الوگت طشرنه
خيه زينب ... بعدج أشلون أحنه بينه
🏴🏴😭💔😭🏴🏴
گعدي يم طاهر يخيه أنه چلثوم
بالرمل نمتي ولا بفراشچ اليوم
وأبن أخونه أصيح عمه بسچ النوم
حيل مشتاگين .... يمنه أتگعدين
خيه زينب ... بعدج أشلون أحنه بينه
🏴🏴😭💔😭🏴🏴
تـــــمت والـــــ🤲ـــــحمد الله تعالى
بقلم✍خادمه آهل البيت عليهم السلام
الشاعره العلويه أيه البياتيه
( الملقبه ببضعه الزهراء عليها السلام )
*❌لايجوز شرعاً وغير مبرء الذمه كل من يسحب الكلمات ويتلاعب بالقصيده والأسم علماً ان القصيده قصد سجلت بدفتر الزهراء عليها السلام*❌