BP Malayalam, BP മാറാൻ എളുപ്പവഴി , പ്രഷർ മരുന്നില്ലാതെ മാറ്റമോ

അമിത രക്തസമ്മർദ്ദം
ഒരു നിശ്ചിത പ്രായത്തിന് ശേഷം ഏതൊരു വ്യക്തിയിലും ഉണ്ടാകാൻ സാധ്യതയുള്ള ഒന്നാണ് ഉയർന്ന രക്തസമ്മർദ്ദം. സാധാരണ 35 വയസ്സിന് മുകളിൽ ഉള്ള ആളുകൾക്കാണ് ഇത്തരം അവസ്ഥകൾ കൂടുതലായി കണ്ടുവരുന്നതെങ്കിലും ഇന്നത്തെ മാറിയ ജീവിതശൈലിക്ക് അനുസൃതമായി ചെറുപ്പക്കാരിലും ഇന്നിത് കാണപ്പെടുന്നുണ്ട്. ഇതിൻ്റെ ലക്ഷണങ്ങൾ ആദ്യഘട്ടത്തിൽ തന്നെ തിരിച്ചറിയുന്നത് വഴി നിങ്ങൾക്ക് നേരത്തെ തന്നെ ഈയവസ്ഥയെ ചികിത്സിക്കാനാവും. കൃത്യസമയത്ത് ചികിത്സ നൽകിയില്ലെങ്കിൽ ഇത്തരമൊരവസ്ഥ നിരവധി രോഗങ്ങൾക്കും കാരണമായി മാറാൻ ഇടയാക്കിയേക്കും. പതിവായി പരിശോധനകൾ നടത്തി ഇതിന്റെ ലക്ഷണം ഉണ്ടോ എന്ന് സ്വയം തിരിച്ചറിയുക അത്യാവശ്യമാണ്.
നിങ്ങളുടെ രക്തസമ്മർദ്ദം സാധാരണ നിലയേക്കാൾ ഉയർന്നതാണെങ്കിൽ അതായത് രക്തസമ്മർദ്ദത്തിന്റെ അളവ് 120/80 നേക്കാൾ അധികമാണെങ്കിൽ ഇത് ശരീരത്തിൽ ദീർഘകാലാടിസ്ഥാനത്തിൽ, കടുത്ത ആരോഗ്യപ്രശ്നങ്ങൾ ഉണ്ടാക്കുകയും ഹൃദ്രോഗത്തിലേക്ക് നയിക്കുകയും ചെയ്യും. നിങ്ങളുടെ ഹൃദയ ധമനികളിലൂടെയുള്ള രക്തയോട്ടം അമിതമായി പമ്പ് ചെയ്യേണ്ടിവരുമ്പോൾ സമ്മർദ്ദം വർദ്ധിക്കുകയും ഇത് കൂടുതൽ ആരോഗ്യപ്രശ്നങ്ങളിലേക്ക് നയിക്കുകയും ചെയ്യുന്നു.
രക്തസമ്മർദ്ദം പതിവിലും കൂടുതലായി ഉയരുന്നതിൻ്റെ ചില സാധാരണ ലക്ഷണങ്ങൾ ഇവയെല്ലാമാണ്;
​തലവേദന
ഉയർന്ന രക്തസമ്മർദ്ദം ഉണ്ടാവുന്നതിൻ്റെ സാധാരണ ലക്ഷണങ്ങളിൽ ഒന്നാണ് തലവേദന. പല കാരണങ്ങളാൽ തലവേദന ഉണ്ടാകാമെങ്കിലും, നിരന്തരമായി അടുപ്പിച്ച് നിങ്ങൾക്ക് തലവേദന ഉണ്ടാകുന്നുണ്ടെങ്കിൽ ഇടയ്ക്കിടെ രക്തസമ്മർദ്ദ നില നിരീക്ഷിക്കുന്നത് നല്ലതാണ്. രക്താതിമർദ്ദവുമായി ബന്ധപ്പെട്ട തലവേദന തലയുടെ ഇരുവശളിലുമായി ഒരുപോലെ ഉണ്ടാവുമെന്ന് പഠനങ്ങൾ സൂചിപ്പിക്കുന്നു. രക്തസമ്മർദ്ദം മൂലം ഉണ്ടാവുന്ന തലവേദനയെ ഒരു വ്യക്തി അവഗണിക്കുകയാണെങ്കിൽ പലപ്പോഴുമിത് കൂടുതൽ വഷളാകാൻ കാരണമാകുന്നു.
​നെഞ്ച് വേദന
നിങ്ങളുടെ ഹൃദയത്തിലൂടെ രക്തം പമ്പ് ചെയ്യുന്നതിൽ ക്ഷീണം അനുഭവപ്പെടുന്നുണ്ടെങ്കിൽ, നിങ്ങൾക്ക് നെഞ്ചുവേദന അനുഭവപ്പെടാനുള്ള സാധ്യതയുണ്ട്. മിക്ക ആളുകളും നേരിയ നെഞ്ചുവേദനയെ അവഗണിക്കുന്നതും ഇതിനെ തള്ളിക്കളയുകയും ചെയ്യുക പതിവാണെങ്കിലും കുറച്ച് ദിവസങ്ങൾ ഇത് തുടർന്നാൽ ശ്രദ്ധിക്കുന്നത് നല്ലതാണ്. വേദന സാധാരണയായി നെഞ്ചിൽ നിന്ന് പുറത്തേക്ക് അനുഭവപ്പെടുന്നതായി തോന്നും. പേശികളുമായി ബന്ധപ്പെട്ടുകൊണ്ടും വേദന ഉണ്ടാകാമെങ്കിലും പ്രശ്നത്തിന്റെ മൂലകാരണം തേടുന്നത് നല്ലതാണ്. ഗ്യാസ്ട്രിക് പ്രശ്നങ്ങൾ മൂലവും പലപ്പോഴും നെഞ്ചുവേദന ഉണ്ടാകാനുള്ള സാധ്യതയുണ്ട്. ഇത് യഥാർത്ഥത്തിൽ എന്തുമായി ബന്ധപ്പെട്ടിരിക്കുന്നു എന്നതിനെക്കുറിച്ച് നിങ്ങൾ തിരിച്ചറിയേണ്ടതുണ്ട്.
​തലകറക്കം
തലകറക്കം ഉയർന്ന രക്തസമ്മർദ്ദത്തിന്റെ പ്രത്യേക ലക്ഷണമല്ലെങ്കിലും, മറ്റ് ലക്ഷണങ്ങളോടൊപ്പം ഇതും ഉണ്ടാകുന്നുണ്ടെങ്കിൽ ഇതിനെ സൂക്ഷിക്കണം. കാരണം ഇത്തരത്തിലുണ്ടാകുന്ന ഒരു തലകറക്കം എപ്പോൾ വേണമെങ്കിലും ശരീരത്തിൻ്റെ ബാലൻസും, ഏകോപനവും നഷ്ടപ്പെടുത്താനും ഒരു സ്ട്രോക്കിലേക്ക് നയിക്കാനും ഒക്കെ കാരണമായേക്കാം. ഹൃദയാഘാതത്തിന് വഴിയൊരുക്കുന്നതിൽ ഒരു പ്രധാന കാരണമാണ് ഉയർന്ന രക്തസമ്മർദ്ദം. രക്തസമ്മർദ്ദം ഉള്ള ആളാണ് നിങ്ങളെങ്കിൽ തലകറക്കം അനുഭവപ്പെടുമ്പോൾ ആരെയെങ്കിലും അടിയന്തിര പിന്തുണയ്ക്കായി വിളിക്കണം. ഇരിക്കാൻ ഒരു സ്ഥലം കണ്ടെത്തിയതിനെ തുടർന്ന് സഹായം തേടുക. ഈയൊരവസ്ഥയിൽ പഞ്ചസാര ചേർത്ത് കലക്കിയ വെള്ളം ഉടനടി കഴിക്കുന്നത് ഹൃദയാഘാതത്തിൽ നിന്ന് ഉടനടി രക്ഷനേടാൻ സഹായിക്കും.
​ശ്വാസതടസ്സം
ഓരോ തവണ പടികൾ ചവിട്ടി കയറുമ്പോഴും നിങ്ങൾക്ക് ശ്വസിക്കാൻ ബുദ്ധിമുട്ടുള്ളതായി അനുഭവപ്പെടാറുണ്ടോ? എങ്കിൽ ഉടൻ തന്നെ നിങ്ങളുടെ രക്തസമ്മർദ്ദം പരിശോധിക്കുക. ഇങ്ങനെ ഉണ്ടാവുന്നതിന് നിരവധി കാരണങ്ങളുണ്ടാകാം. ഉയർന്ന രക്താതിമർദ്ദം അതിനൊരു പ്രധാന കാരണമാകാം. ഈ അവസ്ഥയെക്കുറിച്ചുള്ള നിഗമനങ്ങളിലേക്ക് സ്വയം എത്തിച്ചേരുന്നതിന് മുൻപ് ശ്വാസതടസവുമായി ബന്ധപ്പെട്ട നിങ്ങളുടെ അവസ്ഥകളെ കുറച്ച് ഡോക്ടറോട് സംസാരിക്കുക. നിങ്ങളുടെ അവസ്ഥ മെച്ചപ്പെടുത്തുന്നതിനായി എല്ലാ ദിവസവും രാവിലെ കുറച്ച് നല്ല ശ്വസന വ്യായാമങ്ങളിൽ ഏർപ്പെടുക.
​ക്ഷീണവും ബലക്ഷയവും
ഒരാൾക്ക് ക്ഷീണവും ബലഹീനതയും ഉണ്ടാകാൻ പല കാരണങ്ങളുണ്ട്. അതിൽ ഏറ്റവും പ്രധാന കാരണം ചിലപ്പോൾ ഉയർന്ന രക്തസമ്മർദ്ദത്തിന്റെ സൂചകമായിരിക്കാം എന്നതാണ്. ശരീരത്തിലെ സുപ്രധാന അവയവമായ ഹൃദയം അമിതമായ അളവിൽ പ്രവർത്തിക്കേണ്ടി വരുമ്പോൾ രക്താതിമർദ്ദം ഉണ്ടാവുകയും ഇത് ശരീരത്തിൻ്റെ തളർച്ചയ്ക്ക് കാരണമാകുകയും ചെയ്യുന്നു. നിങ്ങളുടെ പ്രായവും ഉയരവും ഭാരവും ഒക്കെയനുസരിച്ച് ആരോഗ്യകരമായ ശരീര ഭാരം നിലനിർത്താൻ ശ്രമിക്കുന്നതിലൂടെ നിങ്ങൾക്ക് ഈ ക്ഷീണത്തെ ഒരു പരിധിവരെ നേരിടാൻ കഴിയും. അധിക കിലോ ഭാരം വഹിക്കുന്നത് നിങ്ങൾക്ക് വേഗത്തിൽ ക്ഷീണമുണ്ടാക്കും. അമിത ഭാരം ഉയർന്ന രക്തസമ്മർദ്ദത്തിന് കാരണമാവുകയും ഹൃദ്രോഗം വരാനുള്ള സാധ്യത വർദ്ധിപ്പിക്കുകയും ചെയ്യും. അതിനാൽ സജീവമായി തുടരുക, ആരോഗ്യത്തോടെ ഭക്ഷണം കഴിക്കുക. ദിവസവും വ്യായാമങ്ങളിൽ ഏർപ്പെടുക.
​മങ്ങിയ കാഴ്ച

[@jollyjohn8312]

I am 58 yrs old having my BP is 150/100.taking cilacar 1bd. My BP is steady since 3 yrs. What should I do to control

[@ArogyaPadam]

Pls consult doctor

[@ArogyaPadam]

Please consult doctor

[@jollyjohn8312]

@@ArogyaPadam ok