БРУСНИЧНЫЙ ПИРОГ 🥧🍒

ОТОННООХ минньигэс пирог
Бу пирогу бастакытын боруобалаан баран олох таптал буолбутум. Ол кэннэ дьиэ кэргэним минньигэс сиэн баҕардаҕына куруук астыыбын.
Биһиэхэ наада:
* ынах арыыта - 100 г;
* саахар - 100 г;
* ванилин - 1 г; (эбэтэр ванильный сахар 1 ост.нь);
* разрыхлитель- 1 ч. нь.;
* сымыыт - 1 уст;
* бурдук - 200 г;
* отон - 300г;
* кукурузаттан крахмал - 1 ост.нь.
Кремҥэ наада:
* сүөгэй 20-30% - 200 г;
* саахар - 100 г.
Бастатан тиэстэбитин оҥоробут. Ынах арыытын, саахары уонна ванилины холбоон илиибитинэн мэлийэбит, арыыбыт илиибит сылааһыгар ууллан биэрэр. Ол кэннэ табыллыбыт булкаспытыгар сымыыт кутан үчүгэйдик булкуйабыт. Бурдугу уонна разрыхлитель туспа иһиккэ иккиэннэрин холбоон булкуйан баран, биирдэ арыылаах булкаспытыгар кутан мэһийэбит.
Формаҕа 28см диаметрдаах уонна уһун соҕус бортиктаах иһит наада. Форманы ынах арыытынан сотобут уонна тиэстэбитин илиибитинэн тэнитэбит. Тиэстэ бэлэм буолбутун кэннэ начыынкатын оҥоруутугар киирэбит. Отоммутугар биир ньуоска кукурузаттан крахмал кутан булкуйабыт, оннукка отон уута сүүрбэт буолар. Отоммутун формаҕа уган тэнитэбит уонна эрдэттэн сылытыллыбыт духуопкаҕа 180 кыраадыска 25-30 мүнүүтэ астыыбыт.
Пирог астана турар бириэмэтигэр крем оҥорон бэлэмниибит. 30% сүөгэйгэ саахарбытын кутан булкуйабыт, крем бэлэм буолла.
Пирогпут буһан тахсыбытын кэннэ сылаас эрдэҕэ сүөгэйтэн кремы үрдүтүгэр кутан тэҥниибит. Ол кэннэ 1 чаас дьиэ иһинээҕи итиигэ турар, онтон холодильникка 3-4 чаас устата тоҥоро уурабыт. Отонноох пирог бэлэм буолла. Бу пирог өссө сарсыҥҥы күнүгэр өссө минньийэр.
Минньигэстик аһааҥ!

[@янапавлова-с1к]

Сахалыы блог баар буолбута эчи учугэйииин😍😍😍махтал Евдокия💐

[@ЛилианаПетухова-б4к]

Отон оннугар любой барыанньа кутан баран кремыгар суогэйи бэйэтинэн эрэ куттахха эмиэ оьуобай буолар эбиит 😍😋 Спасибо за рецепт 👏🏻

[@СахаайаЗахарова-у7о]

Аьыы буолбат да,отон ап аьыы ди

[@АкулинаБарабанова-и1ц]

Учугэйин ❤

[@ГалинаМихайлова-у3щ]

Махтаал! Наһаа үчүгэй!❤

[@аннабурнашева-х8т]

Баьыыба ❤

[@anisia-io5oj]

Сметана или сливки? Хайатай

[@Sardana-u8x]

Ханнык сметана учугэй болой?

[@sveta3695]

Су8гэй оннугар сметана туттуохха с8п, да? 😍

[@nameis1563]

Ынах арыытын оннугар сливочное масло туттуоххун сөп

[@zoiiiiia]

Сметана буолар 👍🏻 ити сахалыы суегэй диэн)

[@user-qo3hu4st3i]

Саната суох дии

[@user-qo3hu4st3i]

Кэллэээ

[@mariafedotova2822]

Наһаа үчүгэй сахалыы канал баар эбит дии

[@НюргуянаЗахарова-я3с]

Отон оннугар моонньоҕон буолуон сөп?

[@popovtar]

Да конечно👍🏻