Рет қаралды 4,136
Тиэстэҕэ наада:
бурдук - 200 г.
творог - 200 г. (кефир, сүөгэй да буолуон син, оччого бурдуккутун эбэн биэрээрин)
сымнаабыт арыы - 100 г.
сымыыт - 1 уст.
разрыхлитель- 0,5 ч. ньуоска
туус
Начыынкатыгар:
фарш - 300 г.
сыыр - 150 г.
луук - 150 г.
сымыыт - 2 уст.
туус, биэрэс
укроп
Ыһаарылыырга:
мас арыыта эбэтэр буспут арыы
Үрдүгэр:
сымыыт
кунжут
Бастатан туран тиэстэттэн саҕалыыбыт. Творогы сиидэ нөҥүө аһардабыт уонна куб гына кырбаммыт ирбит мас арыытын кытта булкуйабыт. Туспа бурдугу, разрыхлительы уонна тууһу холбоон бэлэмниибит. Творогтаах булкааспытыгар сымыыт уонна эрдэттэн бэлэмнээбит сухой ингредиэннэрбитиҥ кутан булкуйабыт. Тиэстэни илиибитинэн мэһийэн төгүрүмтэ оҥоробут, холодильникка начыынка оҥоһуллар бириэмэтигэр сынньата уурабыт.
Начыынкабытыгар киирэбит. Хобордоохпутугар ынах арыытын сылытабыт. Кыра гына кырбаммыт луук сымныар диэри ыһаарыланар. Фаршпытын кутабыт уонна лопатканан фарш хомуоктарын алдьата-алдьата бэлэм буолуор диэри ыһаарылыыбыт. Туус, биэрэс кутуллар. Начыынкабытын уоттан ылан тёркаламмыт сыыры уонна кыра гына кырбастаммыт укуруобу кытары холбуубут. Начыынкабыт бэлэм буолла.
Бөрүөкпутун оҥорорго тиэстэбит 2:1 гына кээмэйдээн араарабыт. Улахан өлүтүн ылан тэнитэбит, бу основа буолар уонна формаҕа көһөрөбүт, буортугар тисэтэни учуоттаан тэнитээрин. Начыынкатын кутан ньуоскунан тэнниибит. Хаалбыт кыра тиэстэни тэнитэн бөрүөкпүт үрдүтүн оҥоробут. Аллараа тиэстэни кытары кытыыларын холбуубут. Үрдүтүн сымыытынан сотобут уонна быһах көмөтүнэн бөрүөк ортотугар паара тахсарын гына кириэс быһыынан хайытабыт. Бүтэһигэр кунжуут сиэмэтин кутуохха сөп. Эрдэттэн 180 кыраадыска сылытыллыбыт духуопкаҕа 30-40 мүнүүтэ буһара уурабыт. Эттээх бөрүөк бэлэм буолла.
Минньигэстик аһааҥ!