Рет қаралды 207,829
എല്ലാ ഭക്തരിലേക്കും ഷെയർ ചെയ്യൂ ഏവരും ജപിക്കട്ടെ
പാവന മന്ത്രം
ചൊല്ലുക ചൊല്ലുക പാവന മന്ത്രം -
ഓം നമ:ശിവായ
അല്ലലകറ്റിടും ഉത്തമ മന്ത്രം - ഓം ..
ചൊല്ലന്നോരെ ഉയർത്തും മന്ത്രം ,,
വില്വദളത്തിനു പുളകിത മന്ത്രം ,,
പഞ്ചാക്ഷരിയെന്നറിയും മന്ത്രം
പഞ്ചാമൃതവും തോൽക്കും മന്ത്രം
സന്താപത്തെ മുടിയ്ക്കും മന്ത്രം
അന്തർ ദൃക്കിനു സുലഭം മന്ത്രം
കേശവനോതിടുമൽഭുത മന്ത്രം
കാശിയിലെങ്ങും കേൾക്കും മന്ത്രം
മാമുനിമാരുടെ രക്ഷാ മന്ത്രം
മായാശക്തിയെ വെല്ലും മന്ത്രം
സദ്ഗുരു ചെവിയിൽ പറയും മന്ത്രം
സദ്ജനഹൃത്തിലുദിയ്ക്കും മന്ത്രം
ഭഗവാനകമേ വാഴും മന്ത്രം
ഭഗവതി ഉരുവിട്ടീടും മന്ത്രം
ഭക്തർക്കഭയം നൽകും മന്ത്രം
മുക്തൻമാരുമുരയ്ക്കും മന്ത്രം
കാമൻ പേടിച്ചോടും മന്ത്രം
കാലനെ ഓടിച്ചീടും മന്ത്രം
പശുവെ പശുപതിയാക്കും മന്ത്രം
അശുഭം പോക്കി കാക്കും മന്ത്രം
മന്ത്രങ്ങളിൽവെച്ചൊന്നാം മന്ത്രം
തന്ത്രം കൊണ്ട് ലഭിക്കാ മന്ത്രം
സംഗമശേഷമൊടുക്കും മന്ത്രം
സംസൃതി വൃക്ഷം വീഴ്തും മന്ത്രം
രോഗങ്ങൾക്കു മരുന്നാം മന്ത്രം
ഭോഗാസക്തി ഉടയ്ക്കും മന്ത്രം
ഗംഗാവീചികൾ മുരളും മന്ത്രം
ഗൗരീദേവിയ്ക്കുയിരാം മന്ത്രം
കൈവല്യാമൃതമരുളും മന്ത്രം
കൈലാസത്തിൽ മുഴങ്ങും മന്ത്രം
അംഗജനാർത്തി വളർത്തും മന്ത്രം
അന്തകനും വിറ ചേർക്കും മന്ത്രം
നിറയെ നിരയ്ക്കെരി തീയാം മന്ത്രം
നരക ദ്വാരമടയ്ക്കും മന്ത്രം
സങ്കടമൊക്കെ ഹനിക്കും മന്ത്രം
സംസാരാഗ്നി കെടുത്തും മന്ത്രം
വിദ്വാൻമാരുടെ വിദ്യാ മന്ത്രം
വിണ്ണോരൊക്കെ ജപിയ്ക്കും മന്ത്രം
സന്ധ്യയ്ക്കാരണരോതും മന്ത്രം
ഇന്ദ്രിയദാസന് ദുർലഭ മന്ത്രം
ജീവനെ ശിവനായ് മാറ്റും മന്ത്രം
രാവണനും കൈക്കൊണ്ടൊരു മന്ത്രം
ബ്രഹ്മാനന്ദമണയ്ക്കും മന്ത്രം
ബ്രഹ്മാണ്ഡത്തിനു താങ്ങാം മന്ത്രം
നഞ്ഞിനെയും സുധയാക്കും മന്ത്രം
മഞ്ജുളമായിടുമാദിമ മന്ത്രം
പ്രണവം ചേർന്ന മഹത്താം മന്ത്രം
പ്രണതരെ രക്ഷിച്ചീടും മന്ത്രം
കർമ്മക്കെട്ട് മുറിയ്ക്കും മന്ത്രം
ശർമ്മം പൂക്കും വൈദിക മന്ത്രം
മൃത്യുഭയത്തെയകറ്റും മന്ത്രം
അത്യുത്സാഹം പകരും മന്ത്രം
സത്യത്തിൻ തുടികൊട്ടും മന്ത്രം
നിത്യവുമോതീടേണ്ടും മന്ത്രം
ജീവിത ദുഃഖം നീക്കും മന്ത്രം
ശിവലിംഗത്തിനു ഹർഷദ മന്ത്രം
നാൻമുഖനെപ്പൊഴുമോർക്കും മന്ത്രം
ആത്മവിചാരമുണർത്തും മന്ത്രം
മർത്യനൊരേയൊരു തുണയാം മന്ത്രം
മുക്തിയിലേക്ക് നയിക്കും മന്ത്രം
അഭ്യുതയക്കനി കായ്ക്കും മന്ത്രം
അഷ്ടൈശ്വര്യപ്രദമാം മന്ത്രം
നക്കിനു ശുദ്ധിയണയ്ക്കും മന്ത്രം
വാക്കിനു സിദ്ധി വരുത്തും മന്ത്രം
അറിവിൻ കതിരുകൾ വീശും മന്ത്രം
കുറവുകളൊക്കെ നികത്തും മന്ത്രം
ആനന്ദത്തിൻ തികവാം മന്ത്രം
ആയുർ നാശം തടയും മന്ത്രം
ശോകമരത്തിനു മഴുവാം മന്ത്രം
നാകം മന്നിനു തന്നൊരു മന്ത്രം
വിശ്വാചാര്യനുമോതിയ മന്ത്രം
വിജയനു വിജയം നൽകിയ മന്ത്രം
ശ്രേയോമാർഗ്ഗം കാട്ടും മന്ത്രം
ശ്രേഷ്ടർ ജപിയ്ക്കും മംഗള മന്ത്രം
സത്വഗുണത്തെ വളർത്തും മന്ത്രം
ചിത്തം നിർമ്മലമാക്കും മന്ത്രം
സാധുവിനാശ്രയമേകും മന്ത്രം
സാധകരെന്നും ചൊല്ലും മന്ത്രം
സംസാരമയ ഭേഷജ മന്ത്രം
സത്യാനന്ദ ചിതാത്മക മന്ത്രം
ആർത്ര ത്രാണപരായണ മന്ത്രം
ആധിവ്യാധി വിനാശന മന്ത്രം
ആശാ പാശഛേദന മന്ത്രം
ആർത്തിഹരോജ്വല മോഹന മന്ത്രം
സത്യാനന്ദ വിധായക മന്ത്രം
നിശ്രേയ സന്ദായക മന്ത്രം
ജനിമൃതി സാഗര ശോഷണ മന്ത്രം
മുനിജന ചിത്താഹ്ലാദക മന്ത്രം
സീതാരാഘവ ജീവന മന്ത്രം
രാധാമാധവ മാനിത മന്ത്രം
പാപാരണ്യ ദവാനല മന്ത്രം
താപ പ്രശമന ശീതള മന്ത്രം
സർവ്വാനർത്ഥ നിവാരണ മന്ത്രം
സർവ്വാനുഗ്രഹ കാരണ മന്ത്രം
മാനാതീത മനോഹര മന്ത്രം
ജ്ഞാനോപാസക ലാളിത മന്ത്രം
വിദ്യാനന്ദ സുസേവിത മന്ത്രം
വിത്താരോഗ്യ വിവർദ്ദന മന്ത്രം
മുരുക ഗണേശ മുഖസ്ഥിത മന്ത്രം
വരുണ സുരേന്ദ്ര സമാദൃശ മന്ത്രം
സിന്ദൂരാരുണ ശാശ്വത മന്ത്രം
സീമാതീത ശുഭംകര മന്ത്രം
സംസാരാർത്തി വിഭഞ്ജന മന്ത്രം
സംഗീതാത്മക സുന്ദര മന്ത്രം
ഘോര ഭവാർണവ താരക മന്ത്രം
പരമ സുമംഗള മോക്ഷദ മന്ത്രം