Cruz Vermella Española: 160 anos de Humanidade

Son Humanidade. Algúns din que teño 200.000 anos. Non estamos seguros. Só recordo que, hai xa 160 anos , xusto o 6 de xullo de 1864. ocorreume algo moi especial: coñecín a Cruz Vermella Española. E desde entón, desde ese momento, volvémonos inseparables. Xuntas, enfrontamos o sufrimento humano. A nosa misión sempre foi a mesma: protexer a vida e a dignidade de todas as persoas.
Estivemos presentes nos momentos máis críticos da historia. Dende guerras devastadoras ata crises humanitarias.
Xuntas fixemos fronte ao sufrimento humano en todas as súas formas. O de nenos e nenas enfermos, adolescentes que sofren acoso, persoas que se senten soas. Tamén o daqueles que se atopan en situación de extrema vulnerabilidade, persoas sen fogar, con enfermidades crónicas ou o das mulleres vítimas de violencia.
A Cruz Vermella e eu sempre estivemos aí, e seguimos estando, aliviando a dor e dignificando a vida.
A nosa viaxe xuntas transcorreu entre luces e sombras. Visitamos o país das feridas invisibles, un lugar solitario e escuro no que axudamos a escapar a moitas persoas, ou o país dos namorados do medio ambiente, onde hai moito que protexer. Tamén traballamos no país dos hábitos saudables, no da sensibilización e no das oportunidades que cambian vidas.
Pero durante este camiño non estivemos soas. Tivemos e seguimos tendo ao noso lado unha axuda indispensable: ao resto das miñas irmás: Imparcialidade, Independencia, Neutralidade, Unidade, Universalidade e Carácter Voluntario. Xuntas, por principio, guiamos cada paso que Cruz Vermella Española deu. Sempre estamos aí para axudar.
Nestes 160 anos, construímos un legado de solidariedade e humanidade. Curamos as feridas do corpo e da alma. Tecemos redes de apoio, devolvemos esperanza e transformamos vidas. Alí onde imos, promovemos o benestar en comunidades enteiras.
Cada acción, cada xesto, deixou unha pegada imborrable.
Xuntas, cambiamos o mundo, e seguiremos facéndoo.
160 anos de Humanidade . Cruz Vermella Española