Рет қаралды 48,197
Ekspert: Dr. Hidayət Məmmədzadə - Endokrinoloq
D vitamini ilə zəngin olan qidalar hansılardır?
Əslində Vitamin D-nin təbii qaynağı günəşdir.Orqanizm dəridə ultra bənövşəyi şüaların təsiri ilə 80-90% halda dermal olaraq, yəni dəri yolu ilə Vitamin D tələbatını təmin edir.Amma 10-20% hallarda ərzaqlarla, qida maddələri ilə Vitamin D həqiqətən vitamin kimi orqanizmə daxil olaraq Vitamin D-nin aktiv hala gəlməsinə bir hormon olaraq fəaliyyət göstərməsinə səbəb olur. Bu qida maddələrinə göbələk, kartof, cəfəri kimi bitkiləri misal göstərə bilərik.Əsasən, bitki Vitamin D-si erqokalsiferol deyilən maddə D2 Vitaminidir.
Vitamin D-nin 1-dən 5-ə qədər formaları vardır.Erqokalsiferol D2 bitki vitamin D-si kimi bilinməkdədir. Həkimlər üçün daha çox vacib olan D2 və D3 vitaminləridir. Heyvani mənşəli qidaların bir çoxunda Vitamin D vardır.Onların ən vacibi somon, qızıl balıq, skumbriya kimi yağlı balıqlar, balıq kürüsü, bundan başqa, yumurta, kərə yağı Vitamin D ilə çox zəngindir.
Qütblərə doğru getdikcə günəş şüasının təsirinə az məruz qalan ölkələrdə bəzi qida maddələrinin taxılların, süd məhsulları, yağların içərisi Vitamin D ilə zənginləşdirilir.Bu bir dövlət siyasəti olaraq əhalini Vitamin D yetərsizliyindən qorumaq üçün mühüm bir addımdır.