大野🐰小煮意🤩

大野🐰小煮意🤩#茶餐廳炒一丁#加強版
👍🏻👍🏻茶餐廳炒一丁加強版有回鍋肉再加埋五香肉丁，少油、麵乾身彈牙超好味！跟以下幾個步驟就炒到好味又乾身少油嘅茶餐廳炒一丁啦！😋😋
✨✨材料✨✨（3人份量）
出前一丁 3包
回鍋肉 1 罐
五香肉丁 1 罐
蒜蓉 2 茶匙
花椒辣油 適量
蔴油 （麵包裝內）
✨✨做法✨✨
1️⃣凍水落麵煮到開始滾用筷子鬆開到麵可以散開就要夾起用凍水冲到麵身凍咗然後隔乾水份備用。
2️⃣ 回鍋肉及五香肉丁己有油份不用落油將回鍋肉及五香肉丁炒香，再加入蒜蓉炒勻（可以用現成蒜蓉）然後將隔乾水麵放入炒勻，炒麵用筷子將麵鬆開比用鑊鏟更令麵炒得均勻。
3️⃣ 麵及材料炒勻後再加入適量煲仔飯豉油再炒勻令味道及賣相更好，熄火後再加入隨麵包裝內麻油及花椒辣油撈勻就完成。
💡大野🐰小貼士💡
✨✨如果滾水落麵外面滾淋咗入面仍會硬，所以要用凍水落麵令麵身吸收到水份到一滾麵身鬆開到就裝起及沖涷水後要隔乾水份會保持麵有彈性吾會太淋。
✨✨如喜歡食筍可以加些罐頭筍切片加蠔油炒香後再加回鍋肉及五香肉丁炒勻。
#茶餐廳 #回鍋肉 #五香肉丁 #出前一丁
#炒上前一丁 #少油 #麵彈牙 #加強版
#大野兔小煮意