ДЕСЕРТ «ПАВЛОВА» 😍

Меренгаҕа ингредиенэ:
• сымыыт үрүҥэ - 3 уст.;
• саахар - 240 г;
• кукурузнай крахмал - 30 г;
• лимоннай кислота - 1 кымаах.
Лимоннай курд ингредиенэ:
• лимон утаҕа - 50 мл (лимонный сок);
• уоһах - 3 уст.; •саахар-40г;
• ынах арыыта - 50 г; • 1 лимон хаҕа.
Кремҥэ:
• творожнай сыыр - 200 г;
• 33%-наах холбуйуу сүөгэй - 150 г;
• саахар - 40 г.
Меренгабытын астыыбыт. Туох баар ингредиеннэрин бэлэмниибит.
Кичэллээхтик туттан сымыыппыт үрүҥнэрин уоһахтарыттан араарталыыбыт. Сымыыттары туспа иһиккэ арааран кутаргыт ордук. Манныгы саҥа оҥорор буоллаххытына хайаан да оннук туспа гыныҥ. Биир да уоһах биир да үрүҥҥэ кыра да хааппыла барсыа суохтаах. Оннук буолар түгэнигэр сатаан көбүтэн эрийтэриэххит суоҕа. Онтон саахар кутабыт, сымыыт үрүҥүн маассатыттан икки төгүл элбэх буолуохтаах.
Итиини уйар миискэҕэ сымыыт үрүҥүн, саахары бүттүү уонна лимоннай кислотаны кутабыт. Паардаах бааннаҕа уурабыт, уу кыратык оргуйуохтаах, насадкам аата - «открытая звезда». Эһиэхэ оннук суох буоллаҕына,
мөһөөччүк муннугун кырыйаарыҥ, эбэтэр ханнык баҕарар улахан насадка барсыаҕа.
Пергаменнаах духуопка лииһигэр бэйэ-бэйэлэриттэн арыттаах соҕустук кутаталыыбыт. Бастаан түгэҕин оҥоруҥ, онтон төгүрүччү тахсан иһиҥ. Аныгыскы эрээккэ кытыытыттан кутан саҕалаан корзиночка форматын оҥоробут. Маныаха силиконовай пергамент эбэтэр тефлоновай көбүөр ордук барсар. Пергамеҥҥа меренга сыстан хаалыаҕа.
Эрдэ 90 кыраадыска диэри сылытыллыбыт духуопкаҕа буһара уурабыт. Үөһэ-аллара режимҥэ, 1,5-2 чаас буһарабыт. Бэлэм буолбут безе көбүөртэн начаас тууллан кэлэр, арыый да ыйааһыннаах буолар. Таһа
кытаанах, иһэ суфле. Безебитин толору сойутабыт.
Лимоннаах курд оҥоробут. Ингредиеннэрин бэлэмниибит. Лимон тас өттүн (цедра) терка көмөтүнэн хахтыыбыт. Утаҕын (лимонный сок) ыгабыт. Биир лимон утаҕа 50 г курдук буолар. Манныкка лимону остуолга
төттөрү-таары баттыы-баттыы сүүрдэр ордук. Лимоммут да сымныыр, утаҕа да элбэх буолар. Уоһахха лимон утаҕын, саахары, лимон хаҕын холбуубут.
Кыра сотейнигы орто уокка туруорабыт, хойдуор диэри тэптэрэбит. Маасса оргуйуо суохтаах. Бэлэм буолбутун ньуосканан таарыйан көрөбүт: кытыыта тэйэр буоллаҕына сөп буолбут. Итии курдка ынах арыытын кутабыт, биир маасса буолуор диэри булкуйабыт.
Кондитерскай мөһөөччүккэ курдпутун кутабыт уонна холодильникка сойута уурабыт. Кыратык хойдуохтаах.
Креммитин оҥоробут уонна «Павловабытын» бэлэмниэхпит. Кремҥэ туттуллар бородуукталар тымныы буолалларын хонтуруоллаарыҥ. Биир иһиккэ сыыр, сүөгэй уонна саахар кутан булкуйабыт, миксербитин түргэтэтэн иһэбит. Көбдөркөй, хойуу соҕус маасса буолуохтаах. Креми насадкалаах кондитерскай мөһөөччүккэ 1 кутабыт. Мин меренгаҕа туттубут насадкабын туһанным.
Хас биирдии меренгабыт хайаҕаһыгар лимоннаах курд кутан уурабыт, быһа холоон биир чайнай ньуоска курдугу. Үөһэ өттүгэр крем кутабыт уонна хайдах сөбүлүүргүтүнэн киэргэтэбит. Мин, холобура, безе бэйэтэ минньигэс амтаннаах буолан, аһыы отоннорунан киэргэтэрбин ордоробун. Санаабар амтанын тэҥнээн биэрэр курдук.
Маннык десерт күннээҕи даҕаны, бырааһынньыктааҕы даҕаны сандалыгытын бэркэ диэн киэргэтиэҕэ эрэнэбин.

[@user-lh8qf7gm5j]

Красота👍