Академиялық хордың жетекшісі не үшін канализацияда қызмет етіп жүр? | Тағдыр | ЕҢБЕК АДАМЫ #27

#НартайАралбайұлы #NartayNews #НартайНьюс #nartaynews #Еңбекадамы
🔹Спикер: Гүлбахрам АНИЕВА - канализация бөлімшесінің мастері.
Ассалаумағалейкум құмының құны құйма алтыннан қымбат қазақ елі. Алты алаштың ақсақалдарынан сөз қалған ба, соның бірінде «Еңбексіз өмір жоқ, ауырсыз жеңіл жоқ» деп қайырады. Расында қазір әлеуметтік желі әуселесін шығарған адамзат ауыр мен жеңіл тұрмақ еңбектің есебіне жете алмай қалды. Салдарынан Еңбек адамдарын қадірлеу, оларды құрметтеу деген қадірлі түсініктер түсініксіз тетіктердің тасасында қалды. Бүгінгі кейіпкеріміз Гүлбахрам Зейнеллақызы, кәріз желілері мен сорап станциясының қызметкері. Екінің бірі ентігіп енбейтін қызметке он жылдан астам уақыт бұрын келген, әлі де аянбай қызмет қылып жүр. Еңбектің қадірін білмейтін талайға үлгі. Интернеттің инесіне отырғандар бұл қызметтің адамзат үшін маңызын түсіне қоймас, бірақ Гүлбахрам ханым секілді мамандар болмағанда бүгінгі қалалық өмірдің өңі өзгеріп сала берер еді. Төрт бала тәрбиелеп отырған ардақты ана, немересіне тәлім беретін әже бүгінгі бу ұрған буынға үлгі. Үлгіні үлде мен бүлдеге оранғандардан іздейтін ұрпаққа қаратып айтайық, бүгінгі шығарылымды мұқият көріңіздер. Себебі мамандықтың маңызы туралы тіл қатқанда шын құрметке Еңбек адамы лайықты.
Һәкім Абай: «Адал еңбекпен мал іздемек - ол арлы адамның ісі» депті уағында. Қазір арамдықпен өзгеден дәулетін асырғанды, халықтың қазынасын қанап қоңданып алып қарапайым қарашаға қоқаңдағанды абырой көретін бос кеуделер қаптап барады. Оларға айтқан сөз шығын, себебі адамдық деген ақшаға сатылмайтын атақты арамтамақтыққа алмастырғандардың санасына сөзбен саңылау табу қиямет. Десе де, бүгінгі кейіпкеріміз Гүлбахрам Зейнеллақызы секілді мамандар көпке көп үлгі. Еңбек ету мен адамзатқа адалдық туралы жақ сауып айтқаннан гөрі оларды көрсету көпшіліктің көкейіндегі көп сұрақтың жауабын анық беретіні белгілі.
Қазақ «Қолы қимылдаған адамға, Кедейлік жоқ. Аяғы қимылдаған адамға, Алыстық жоқ» дейді. Қазір қоғамның кей еркелері кәстүм шалбар кимейтін, есік пен төрдей кеңседе отырмайтын жұмысты жұмысқа санамай сандырақтап жүр. Өзгеге билік жүргізуге мүмкіндік беретін қызметті ғана қанағат тұтатын жұқпалы дертке шалдыққандар аз емес. Олар дерттен демде айығып шыға алмайтыны анық. Дегенмен Еңбек адамдарын дәріптеу келесі ұрпақтың қарапайым қызметкерлерді құрметтеуіне септігін тигізсе мойнымыздағы бір жүктің түскені деп білеміз. Себебі Гүлбахрам Зейноллақызы секілді адамдар қандай құрметке болсын лайық. Себебі олар адал еңбек етіп, ырзығын адалынан тауып адамдықтан айнымаған жақсы жандар. Келесі кездескенше, көрермен.
“Еңбек адамы" елеусіз қалмасын! Биыл біз тұтас фильмдер сериясын жасауға бел будық. Басты қолдаушымыз AMANAT партиясы. Кейіпкерлеріміз қарапайым қызметкерлер, бірақ үлкен жүректі, еңбекқор, өмірге құштар адал адамдар. Бұған дейін экрандардан тек өнерпаздар мен шенеуніктерді көретін едік. Бұл дұрыс болмады, олқылықтың орнын толтыру керек. Біз соны мойнымызға алдық. Бұйыртса 40 фильм жарыққа шығады. Көріңіздер!
Интаграм: nartay_aralbayu...
Фейсбук: / nartai.sarsengaliyev

[@NartayAralbyuli]

Қарапайым еңбек адамын қолдайық! Көріңіздер, таратыңыздар!

[@user-gk3bo8in2k]

Патермен колдайык!!!!

[@user-gk3bo8in2k]

Енбеккор Адам гой!!!

[@user-kr5xd2qe9i]

Халықтың арқасында бвйып алған атқа мінерлер халықты менсінбей адамсынбай тұрады

[@user-he8yx7qy4e]

Өнер адамының бұндай жерде істегені қиын екен

[@user-eu9pj7vl8n]

Бұл жұмыста өте қажеттілік

[@user-eu9pj7vl8n]

Өте қажетті жұмыс сол жерде әйел адам аянбай еңбектенуі мықтылық

[@karligahmahan486]

Нартай жарайсыз сөздеріңіз қандай жақсы.

[@user-eu9pj7vl8n]

Еңбек адамы фильмі бұл жанның да еңбеген елге көрсетті алла разы болсын

[@AidosKuandyk-du2ub]

Жарайсың Нартай

[@user-rx3sc7du1h]

Жақсының аты өшпейді халықтың жүрегінде болады Нартай жарайсың

[@user-eu9pj7vl8n]

Ер адамның жұмысын меңгерген қайратты жан

[@user-eu9pj7vl8n]

Өнер адамы сондай жан

[@user-eu9pj7vl8n]

Ұжымдағы жақсы пікір білдірушілер сыйластық керемет

[@user-eu9pj7vl8n]

Еңбектің ең мықты қызы қадірлісің

[@user-eu9pj7vl8n]

Ораза айт қабыл болсын

[@karligahmahan486]

Жарайсыз қай жерде болса да жұмысты алып кету көп адамның қолынан келмейді.

[@AidosKuandyk-du2ub]

Еңбегің жана берсін

[@doktorali7395]

👍👍👍👍👍

[@sssr4951]

Не болыпты екі қолға бір күрек деген

[@armanahmetov3239]

😢😢😢

[@user-gk3bo8in2k]

Бул кисинин журеги улкен , кен Адам !!!! Каншама киындыктар болса да, постоянно на позитиве!!!Балалары да акылды!!!Укимет осындай енбеккор адамдарга , мемлекет корынан патер сыйлыкка берсе гой, улкен ЫРЫС болатын еди!!!Баскаларга да улги болатын еди!!

[@user-eu9pj7vl8n]

Аяулы ана ардақты әже

[@aizatrahmanova9868]

Коммуналдық саланың мамандарын қолдау керек, еңбектері адал жандар

[@user-tb4td1by8g]

Ия, Бриллиант тар көкте емес жерде ,көргенге көрінеді .

[@user-xm9jy5fg7v]

канализация басқалар жүру керек деген сөз бе бұл

[@AidosKuandyk-du2ub]

Еңбек етсең ерінбей тояды қарның тіленбей

[@abylai9050]

Уран өндіру қиын жұмыс қой

[@user-eu9pj7vl8n]

Канелезасия жұмысы өте ауыр мықтысың

[@user-he8yx7qy4e]

Мен біріші

[@nurikkuralov4202]

қазақ тилин , ана тилді қадирлемегендері өкиништі, қашан өркениетті , бир тилді ел болады екенбиз , аралас тилди эфирге неге шығарасыздар , жастар корип осылай сөйлеп гибрит болатын болады..

[@user-eu9pj7vl8n]

Балалары да анасын тыңдай білген ұрпақ