Рет қаралды 500
Бірінші раунд, әдеттегідей, болжауға келмейтін сюжеттік шырғалаңға толы болды. Жас, тәжірибесі аз ойыншыларда оптимизм бар. Олар алпауыттармен күресуге бел буды. Тәжірибелі шахматшылар болса өздеріне қарсы отырғандардың кім екенін білмей қалады.
Бұл, әсіресе, халықаралық турнирлерде өзін көрсетіп үлгермеген спортшыларымызға қатысты.
Қыздар арасындағы турнирде осы құбылыс өзін айқын көрсетті. Ирен Сукандар (Индонезия) - Бауыржан Арнаш ойыны тең нәтижеге бара жатқан. Төртінші сағатта гроссмейстер Ирен Бауыржанның жүрісін жіберіп қойды. Қызықты оқиғалардан кейін Алуа Нұрманова мен турнирдің рейтингтік фавориті Мунгутуул (Моңғолия) тең ойнады. Еліміздің екі дүркін чемпионы Меруерт Камалиденоваға Сұлтанбек Зейнеп еш берілмей, ойын тең аяқталды. Тек ирандық Мобина Алинасаб өз ойынында сенімді жеңіске жетті.
Бірінші турдың толық нәтижелерін мына жерден табуға болады: chess-results.com/tnr767500.a...
Бірінші үстелге жайғасқан ерлер арасынан алматылық жас ойыншы Жәңгір Бижігітов лайықты ойнады Тек ол үнділік гроссмейстер Пранавты қапы қалдыра алмады. Ринат Жұмабаев қарсыласына еш мүмкіндік бермей, сенімді жеңіске жетті. Сингапурлық Тин Жин Чао біздің Мамедовты жаншуға тырысты. Бірақ жас шахматшы мүлде қорықпай, ойынды тең нәтижеге тіреді. Жалпы, жас шахматшыларымыз тәжірибелі шеберлер мен гроссмейстерлерден тайынбады.
Олар 5+ бағасына лайық.
Алайда фавориттердің көпшілігі жеңіске жетті. Олардың қатарында С.Сетураман (Үндістан), Ш.Вохидов (Өзбекстан), С.Мегаранто (Индонезия) және басқа да гроссмейстерлер бар. Турдың нәтижелері мына жерде: chess-results.com/tnr766715.a...
#AsiaChess