«Չենք պատրաստվում լքել գյուղը». ներքին խնձորեսկցի

Ներքին Խնձորեսկ գյուղը գտնվում է անմիջապես Ադրբեջանի սահմանի հարևանությամբ: Այստեղ մարդիկ ապրում են առանց գազի, ինտերնետը և հեռախոսակապը թույլ է, ասում են, որ այդ ամենին նպաստել է գյուղի սահմանամերձ դառնալը:
Բնակիչները մտահոգությամբ են խոսում գյուղի խնդիրների մասին, ամենաառաջնայինը համարում են ճանապարհների հիմնանորոգումը: Ասում են, որ մեկ տարի է, ինչ հաստատված է բարեկարգման ծրագիրը, բայց դեռևս շինարարությունը չի սկսվել, ոմանք անգամ թերահավատ են, թե երբևէ այն կբարեկարգվի։
Գյուղի մարդիկ ասում են, որ չնայած անվտանգային առումով անհանգիստ են, այնուամենայնիվ հնարավորություններ կան գյուղատնտեսությամբ զբաղվելու, միայն թե ճանապարհը բարեկարգվի։ Պատմում են, որ գյուղում բնակարանաշինարարություն է իրականացվում։
2021 թվականին «Սահման» ՀԿ-ն որպես սահմանամերձ գյուղում բնակվող՝ Հերմինե Առաքելյանին տրամադրել է ջերմոց, որը լավ եկամուտ է բերել ընտանիքին:
Հունվարին շատ ուժեղ քամիների պատճառով ջերմոցը փլվել է, բայց արդեն միջոցներ չունի, որ նորը կառուցի։
Վախ միշտ կա չգիտենք հաջորդ վարկյանին ինչ կլինի, բայց օրվա հետ ապրում ենք, ընտանիքս մտադրություն չունի լքելու գյուղը մեր տունը, ամեն ինչը էստեղ է ու չենք կարող թողնել ու գնալ,-ասում է Հերմինեն:

[@lidaghazaryan1325]

Էս ինչ ալիք է ու ինչու է պանիկա տարածում? Խնձորեսկցին ինչո՞ւ պիտի լքի իր գյուղը։ ԱԱԾ, էլի քնած ես????