粉紅富豪洪永時 愛妻愛犬愛車清一色

澳門「路易十三酒店」老闆洪永時一向品味出眾，無論揀衫褲、揀車、揀老婆都係。
洪永時出名「愛妻號」，成日都傍實老婆四圍去，早前就喺擺花街見到佢哋兩公婆，仲有愛犬。打扮不嬲惹人注目嘅洪生，呢日明顯低調咗好多，唯獨對藍色鞋加紅色包包搶眼少少。至於省鏡老婆就貫徹個人喜好，唔只自己要做迷人pink lady，連狗狗都一樣。雖然洪永時係愛妻號，但呢日見到佢哋無咩兩句，老婆仲要企到離行離迾，匿埋一二邊撳咗好耐電話，搞到洪生都忍唔住，走埋去𥄫吓老婆搞邊科。
查實佢哋兩人一狗企喺度做咩呢？之唔係等緊司機揸洪生送俾老婆嗰部──全球唯一嘅粉紅色勞斯萊斯嚟接囉。
壹週Plus : nextplus.hk/
即 like 壹週Plus fb : nextmagazinefansclub