Рет қаралды 5,892
ರಂಗನ ರಾಣಿಯೆ ಮಂಜುಳ ವೇಣಿಯೆ |
ಅಂಗನೆ ಗರ್ಭದ ಅಪೇಕ್ಷೆಗಳು ||ಪ||
ಕರಿವರದನೆ ನಿಮ್ಮ ಚರಣವ ಸ್ಮರಿಸುತ |
ಶರಧಿ ಸುತನ ಗರ್ಭ ಚರಿಸುವೆನು ||ಅ.ಪ||
ಪ್ರಥಮನೆ ತಿಂಗಳಲ್ಲಿಅತಿ ಬಳಲುತ ನಾರಿ |
ಮುಖವು ಕುಂದುತ ಬಾಡಿ ಬಳಲುತಲಿ ||
ಘೃತ ಕ್ಷೀರ ಪರಮಾನ್ನ ಹಿತವಾಗದು ತನ್ನ |
ಸುತನ ಬಯಕೆ ಕಾಟ ಕಾಡುತಲಿ ||೧||
ಎರಡನೆ ತಿಂಗಳಲ್ಲಿ ಎಳೆಯ ಹುಣಸಿಯ ನೆಲ್ಲಿ |
ಹುಳಿಯ ಮಾವಿನಕಾಯಿ ಬಳವಲವು ||
ಎಳೆಯ ನೀರಲಹಣ್ಣು ಸವಿಯುತ ವನದೊಳು |
ಕೆನೆ ಮೊಸರವಲಕ್ಕಿ ಬಯಸುವಳು ||೨||
ಮೂರನೆ ತಿಂಗಳಲ್ಲಿ ನಾರಿಗೆ ನಿಜವಾಗಿ |
ತೋರಿ ಬರಲು ತನ್ನ ತವರಿನಲಿ ||
ವಾರಿಗೆ ಗೆಳತೇರ ಕೂಡಾಡುತ ವನದೋಳು|
ಪಾರಿಜಾತದ ಕುಸುಮ ಮುಡಿಯ ಬಯಸುವಳು ||೩||
ನಾಲ್ಕನೆ ತಿಂಗಳಲ್ಲಿ ಪಾಕಿನೊಳೆದ್ದಿದ |
ಸೇತ ಜಿಲೇಬಿ ಬಾಸುಂದಿ ಪುರಿ ಖೀರು ||
ಬೇಸನ ಲಾಡು ಸಿಕಣಿ ಸಖೇದ ಉಂಡಿ |
ವಡಿ ದ್ವಾಸಿ ಸೀಕರಣಿ ಬಯಸುವಳು ||೪||
ಐದನೆ ತಿಂಗಳಲ್ಲಿ ಬಸಿವ ಸಂಪಿಗಿವನ |
ಕುಸುಮ ಮಲ್ಲಿಗೆ ಮೊಗ್ಗ ಹೆರಳು ಬಯಸುವಳು ||
ಹಸಿರು ಸೀರೆಯನುಟ್ಟು ಬಿಳಿಯ ಕುಪ್ಪಸ ತೊಟ್ಟು |
ತೋಳಿಗೆ ವಂಕಿ ಬಾಜುಬಂದ ಬಯಸುವಳು ||೫||
ಆರನೆ ತಿಂಗಳಲ್ಲಿ ಆರಿದನ್ನವು ಬ್ಯಾಳಿ |
ಸಾರು ಉಪ್ಪಿನಕಾಯಿ ಬಯಸುವಳು ||
ಹಾಗಲ ಹೀರೆ ಸವತೆ ಬಾಳೆ ಬದನೆ ಬಜ್ಜಿ |
ಖಾರದ ಹಪ್ಪಳ ಸಂಡಿಗೆ ಬಯಸುವಳು ||೬||
ಏಳನೆ ತಿಂಗಳಲ್ಲಿ ಹೋಳಿಗಿ ಎಣ್ಣೋರಿಗಿ |
ಬೆಣ್ಣೆಕಾಸಿದ ತುಪ್ಪ ಬಯಸುವಳು ||
ಸಣ್ಣ ಮಾಲತಿ ಗೌಲಿ ಚಿನರು ಬಟ್ಟದ ಪರಡಿ |
ಘನ್ನ ಮಾಲತಿ ಪರಮಾನ್ನ ಬಯಸುವಳು ||೭||
ಎಂಟನೆ ತಿಂಗಳಲ್ಲಿ ಕಂಠಿ ಪದಕದ ಸರ |
ಭಾರಿ ಮುತ್ತಿನ ಮುಖರೇ ಬುಲಾಕು ಬಯಸುವಳು||
ಹಸಿರು ಸೀರೆಯನುಟ್ಟು ಹಸಿರು ಕುಪ್ಪಸ ತೊಟ್ಟು |
ಗಿಳಿಗೆಜ್ಜೆ ಹೆರಳು ಬಂಗಾರ ಬಯಸುವಳು ||೮||
ಒಂಭತ್ತನೆ ತಿಂಗಳು ತುಂಬಲು ಅಂಗನೆಗೆ |
ಸಂದು ಸಂದಿಗೆ ಬೇನೆ ಸೂಲಗಳು ||
ಸಂದು ಬಿಗಿದು ಬಹಳ ಶ್ರಮವನೆ ಪಡುತಲಿ |
ಚಂದ್ರನ ಪೋಲುವ ಕಂದನ ಪಡೆದಳು ||೯||
Raṅgana rāṇiye man̄juḷa vēṇiye |
aṅgane garbhada apēkṣegaḷu ||pa||
karivaradane nim'ma caraṇava smarisuta |
śaradhi sutana garbha carisuvenu ||a.Pa||
prathamane tiṅgaḷalli'ati baḷaluta nāri |
mukhavu kunduta bāḍi baḷalutali ||
ghr̥ta kṣīra paramānna hitavāgadu tanna |
sutana bayake kāṭa kāḍutali ||1||
eraḍane tiṅgaḷalli eḷeya huṇasiya nelli |
huḷiya māvinakāyi baḷavalavu ||
eḷeya nīralahaṇṇu saviyuta vanadoḷu |
kene mosaravalakki bayasuvaḷu ||2||
Mūrane tiṅgaḷalli nārige nijavāgi |
tōri baralu tanna tavarinali ||
vārige geḷatēra kūḍāḍuta vanadōḷu|
pārijātada kusuma muḍiya bayasuvaḷu ||3||
nālkane tiṅgaḷalli pākinoḷeddida |
sēta jilēbi bāsundi puri khīru ||
bēsana lāḍu sikaṇi sakhēda uṇḍi |
vaḍi dvāsi sīkaraṇi bayasuvaḷu ||4||
Aidane tiṅgaḷalli basiva sampigivana |
kusuma mallige mogga heraḷu bayasuvaḷu ||
hasiru sīreyanuṭṭu biḷiya kuppasa toṭṭu |
tōḷige vaṅki bājubanda bayasuvaḷu ||5||
ārane tiṅgaḷalli āridannavu byāḷi |
sāru uppinakāyi bayasuvaḷu ||
hāgala hīre savate bāḷe badane bajji |
khārada happaḷa saṇḍige bayasuvaḷu ||6||
Ēḷane tiṅgaḷalli hōḷigi eṇṇōrigi |
beṇṇekāsida tuppa bayasuvaḷu ||
saṇṇa mālati gauli cinaru baṭṭada paraḍi |
ghanna mālati paramānna bayasuvaḷu ||7||
eṇṭane tiṅgaḷalli kaṇṭhi padakada sara |
bhāri muttina mukharē bulāku bayasuvaḷu||
hasiru sīreyanuṭṭu hasiru kuppasa toṭṭu |
giḷigejje heraḷu baṅgāra bayasuvaḷu ||8||
ombhattane tiṅgaḷu tumbalu aṅganege |
sandu sandige bēne sūlagaḷu ||
sandu bigidu bahaḷa śramavane paḍutali |
candrana pōluva kandana paḍedaḷu ||9||