Рет қаралды 40,168
Heyya the NEW VIDEO IS OUT. MERI PYARI MATASHRI... You will totally relate specially if you live away from home in some other city.
Mother's day special, how to make you mom feel special,
#HappyMothersDay #MothersDay #MothersDayPoem #TharkiLadki #PoojaSachdeva #Mom #MothersLove
Bahut mehange padh rahe hain sapne mujhko
Inki keemat aapke pyar se chukka rahi hun
Ghar toh aapke paas hi chhod aaaye
Ab har shaam ek khaali makaan me jaa rahi hun
Ab raat der se lautun
Toh koi intejaar nahi karta
Bhuke pet bhi so jaun
Toh kisi ko fark nahi padta
In gaddo par ab bas aaraam kar lete hain
Sukoon ki need toh teri god me chhod aaye
Head spa, head massage ke chonchle bahut
Par teri champi wala itevaar ab kahan se laayen
School ke imtehaano me, Tera hi toh saath tha
Raat ko har ghante bhar jaata, Doodh paani ka glaas tha
Exams the mere par raaten kaali tune bhi ki
Report card pe mere - teri parvarish A grade hi rahi
Ab zindagi ke mushkil imtehaan
Akele hi diyen ja rahi hun
Bahut mehange padh rahe hain sapne mujhko
Inki keemat maa ke pyaar se chukka rahi hun
Khud ki thaali khaali, Par meri thaal me daal hai
Kya cheez banaai hai bhagwaan ne, Ye maa bhi na kamaal hai
I love you ko toh, bekar me chhadha rakha hai
Maa ke ‘khana khaya’ me hi asli pyar chuppa hai
Mere kandhe par baste ka bojh rakhne ke liye
Khud ke kandhe par na jaane tune kitne bojh liye
Chappal, belt, kanghi, chaped, aapke hath se sab khaya
Phir ek ghante baad ussi hath ne mujhe khana bhi khiliya
Badaam cheel kar khilati thi jo tu
Ke yaadash meri tez rahe
Kar rahe kamaal ab wo badaam ke daane
Teri yaadon se na ab koi Gurez rahe
Phir se jee kare, Andhere kamre me band ho jaun
Teri nanhi sazayen milen, Teri maar khaun
Tu ghar se nikaale gusse me mujhe
Main thodi der chupu, Phir wapis laut aaun
Mere sapno ko teri aankho ki taar par latakte dekha hai
Main English bolun toh teri aankho ko chamakte dekha hai
Periods ke dard me, bimari wali raato me
Sham ki chai me, aaloo ke paraantho me
Teri yaad ke tukde rehte hain
Ab pyaar se ‘mera raju’ koi nahi bulata
Ghar bhi bikra sa rehta hai, kuch ham bhi bikre rehte hain
Follow Slam Poet Pooja Sachdeva
FB - / poojasachdeva.poet
Insta - @poojasachdeva_poet
Digitally Powered by One Digital Entertainment [ / onedigitalentertainment ]
[www.onedigitale...] Connect with me here...let's chat -
FB - / poojasachdeva.poet
Insta - www.instagram....
Twitter - po...
Digitally Powered by One Digital Entertainment [ / onedigitalentertainment ]
[www.onedigitale...]