Харангын Лхагвасүрэн - Азийн цагаан дагинын мишээл бую

Дуулал. Зава Дамдин Ренбүчи Лувсан Даржаа
Аялгуу. МУГЖ Х. Лхагвасүрэн
Хөгжмийн найруулга Г. Онон
Хобис, Гитар Ц. Алтангэрэл
Бичлэг Г. Онон /Bros records/
Mixing Г. Онон
Mastering С. Гантөр
Агуужим тэнгэр мэт амирлангуй мэлмийтэй
Азийн цагаан дагина аргал түүх нь гайхамшигтай
Ааруултай цайгаа уугаад мишээн суух нь үзэсгэлэнтэй
Арга билиг хоёрыг араг савартаа багтаасан байх юмаа
Тэнгэрийн цагаан дагина газар буусан нь их л сонихон
Тэртээ түмэн оноос Монголыг сахисан нь гайхамшигтай
Тэнүүн их говь хангайдаа хослон суусан нь үзэсгэлэнтэй
Тэрэг тэмээ хоёртоо тэнгэр газрыг холбосон байх юмаа
Дахилт:
Ээрэм хээр талдаа эрдэнийн цагаан дагина
Эрхэт дээдсийн сүлдийг элэг зүрхэндээ хадгалсан байна
Эрхэм бодийг хүртлээ энхрий хүүгээ тэврээрэй
Эрин галбыг хүртлээ өлмий батдан суугаарай
Хөр цасан хаялсан хүйтэн сэрүүн нутаг дор
Хүслийн цагаан дагина хүүгээ санан суух юм даа
Хөх Монголын голомтыг нь хүйгээ холбон сахисан байна
Хүрэл тулгандаа амгалан хоосныг багтаасан нь гайхамшигтай
Будалын орноос хувилсан бодлын цагаахан дагина
Буурал өвгөдийн шүтээнийг зүрхэндээ нандигнасан байна
Бурханы хутгыг олох хүртлээ бумбатай сүүг нь зооглоно доо
Буман галбыг хүртлээ өлмий батдан суугаарай
Дахилт:
Ээрэм хээр талдаа эрдэнийн цагаан дагина
Эрхэт дээдсийн сүлдийг элэг зүрхэндээ хадгалсан байна
Эрхэм бодийг хүртлээ энхрий хүүгээ тэврээрэй
Эрин галбыг хүртлээ өлмий батдан өлмий батдан суугаарай

[@寵物旅遊頻道]

i like it

[@oyunchimegbayasgalan3654]

анх удаа сонслоо.гоё дуу юмаа

[@janjuntumurt8230]

Монголчуудаа гэж...............

[@jaagiserjkhuu1621]

Saihan dyylal mendeljee