هم قلبي اداء |

همّ قلبي ، جيت ابحكيه بقصيدي
لا تسوي سكيب لين اخر عبااره
إسمع جديديّ و خلك مستفيدي
إنت حر والحر تكفيه الاشارة
*
دينٍ اخذته و أكبر من رصيدي
لجل مشروعٍ معه ذقت الخسارة
ثالث العيدين اني جبت عيدي
و عشت بين الأكشنة وبين الاثارة
*
اخذت لي ، دين همّه في وريدي
ماتدور افكاري الا في مداره
واللي كافلني وحط ايده بايدي
توّقفت خدماته و ذاق المرارة
*
ابغرد بالتويتر عن جديدي
لجل يحذر كل من بيده قراره
رتوتوا لي يمكن الرتويت يجيدي
ويستفيد اللي يفكر بالتجارة
*
احذروا من الدين أكرر و أعيدي
جنبوا الغلطات من باب الشطاره
و لو بغيته بالتجارة لك يفيدي
شاور اهل التجربة و صل استخارة
*
و اختر اللي وقفته وقفة عضيدي
الأمير اللي بلا بشت الإماره
و جنّب اللي لو عطى ريالٍ حديدي
يفرح بدينك و يطلبه بحقاره
من يفرج همي اللي مثل قيدي
فرّج الله همّه و وّقاه ناره
ومن يكون بعون اخوه ومايحيدي
كان ربي بعونه ويسّر مساره
#خرابيش_عبدالله_العبودي2
مونتاج ريان عبدالله النقيدان