ഇനി നമുക്കൊരുമിച്ചൊരോർമ്മതൻ നോവിൽ ...

കവിത
അനഘ
ഇനി നമുക്കൊരുമിച്ചൊ-
രോർമ്മതൻ നോവിൽ
കരളിന്റെ താളിലൊരു
കഥ എഴുതി മായ്ക്കാം...
എഴുതുവാൻ കഴിയാതെ
പോയൊരീ താളിൽ
ഒരുവേള നിൻ വിരൽ
പാടുകൾ കാണാം...
മിഴികളിൽ മഴവില്ലി-
നഴകേഴുമായെൻ
അരികിൽ വിലോലയായ്
നീ വരും നേരം...
നിനവിൽ തുടിക്കുന്നൊ-
രീറനാം മോഹം
ഒരുനാളിലെങ്ങോ
മറന്നൊരാ സ്വപ്നം...
അറിയാതെ ആർദ്രമാം
അനുരാഗമായെൻ
അകതാരിലനഘേ
ഒരോർമയായിന്നും-
തെളിയുന്നു നിൻ മുഖം
തിങ്കളേ പോലെ തെളിവാർന്നൊരോണ-
നിലാക്കീറു പോലെ...
നിറമാർന്ന നിനവുകൾ
നിനയാതെ ഏതോ
നിയതിയ്ക്ക് കീഴ്പ്പെട്ട-
തെന്തിനാലാവാം...
ശിഥിലമാം ആ മോഹ-
മൊരുനാൾ തളിർക്കാം
മിഴിനീരകന്നു നാം
ഒരുനാളുയിർക്കാം...
പ്രണയമേ നീ വരൂ
നനവാർന്ന തൂവൽ
ചിറകടിച്ചെന്നിലെ
ചൂടേറ്റുറങ്ങാൻ...
തരളമാം നിറവായ്
നിറങ്ങളായെന്നിൽ
പടരുമെന്നാർദ്രം
കിനാവു കണ്ടിന്നും-
ഒറ്റ മന്ദാരം
ഇറുത്തെടുത്തിന്നെൻ
ചോരയിൽ മുക്കി
ചുവപ്പിച്ചിരിപ്പൂ...
വെയിലേറ്റലിഞ്ഞന്നൊ-
രായുസ്സിൻ നോവായ്
നീഹാരമായ് നീ
പൊഴിഞ്ഞതിൽ പിന്നേ-
ഇന്നോളമെഴുതിയിട്ടി-
ല്ലൊറ്റ വാക്കും
നിന്നാർദ്ര ഹൃദയ-
ത്തുടിപ്പതില്ലാതേ...
poem
malayalam
anagha
lyrics
Shiju K Parangodan
Music
Orchestration
Vocal
Johns Jose
This content is Right to Shiju K Parangodan.Any Unauthorised Reproduction, Redistribution or Re-upload Is strictly Prohibited of this meterial .Legal action willbe taken against those who violatethe copyright of the following meterial presented
send reviews
/ @shijukparangodan9773
Facebook
Shiju K Parangodan
WhatsApp [phone]
#kavitha
#malayalamkavitha
#malayalamkavithakal
#malayalamsongs
#malayalamsong
നരവീണ സന്ധ്യകൾ
തിരികെയാ നാളിൻ
അരുണാഭയൊക്കെയും
ചാർത്തി വന്നെത്തും -
തൂമഞ്ഞു ചൂടും
ഇലച്ചാർത്തിനുള്ളിൽ
ഒരു നോവു പാട്ടിൻ
വിരൽപാടു തേടാം....
ഷിജു കെ പറങ്ങോടൻ