Рет қаралды 9,076
For Enquiries Jayadev: 9633605205
*** Follow us on ***
Instagram: / travel_gunia
Facebook: / travelguniaamindfultra...
WhatsApp: wa.me/message/...
ഇങ്ങനൊരു ക്രൂരത എങ്ങനെ സംഭവിച്ചു? ആരാണ് ഇതിനുത്തരവാദി? സംഭവിക്കാൻ പാടില്ലായിരുന്നു. കൊച്ചി ഇന്നത്തെ കൊച്ചിയായത് ഈ വികസന പദ്ധതിയുടെ ചുവടുപിടിച്ചാണ്. ബ്രിടീഷ് നിർമ്മിതികൾ പലതും കാത്തുസൂക്ഷിക്കാൻ നമ്മുടെ നാട് കാണിച്ച ഉത്സാഹം എന്തുകൊണ്ട് ഈ നിർമ്മിതി സംരക്ഷിക്കുന്ന കാര്യത്തിൽ ഇല്ലാതെ പോയി?. കൊച്ചി രാജാവിന്റെ ദീർഘവീക്ഷണം വെറും നൂറ് വർഷം പോലും നിലനിർത്തി പരിപാലിക്കാൻ നമുക്ക് കഴിവില്ലാതെ പോയത് കഷ്ടമായി. അന്ന് വലിയ വെല്ലുവിളികളെ അതിജീവിച്ചു പണിത ഗംഭീരമായ ഈ വികസന പദ്ധതിക്ക് മൂലധനം കണ്ടെത്തിയത്, തൃപ്പൂണിത്തുറ പൂർണ്ണത്രയേശന്റെ തിടമ്പേട്ടിയിരുന്ന ആനകളുടെ സ്വർണ്ണ നെറ്റിപ്പട്ടം തൂക്കിവിറ്റിട്ടായിരുന്നു.നൂറു വര്ഷത്തോളം പഴക്കമുള്ള ഈ പാത മണ്ണിനടിയില് പുതഞ്ഞു കിടക്കുകയാണ്. മൊത്തത്തില് 42 ഏക്കറോളം വ്യാപ്തിയില് വ്യാപിച്ചു കിടക്കുകയാണ് എറണാകുളത്തെ ഈ പഴയ തീവണ്ടി സ്റ്റേഷന്. തുരുമ്പെടുത്ത് നശിക്കുന്ന ഈ സ്റ്റേഷന് പിന്നില് വലിയൊരു ചരിത്രമുണ്ട്. കൊച്ചി രാജാവായിരുന്ന രാമവര്മ്മ പതിനഞ്ചാമന് ആണ് 1902 ല് ഈ റെയില്വേ സ്റ്റേഷന് നിര്മ്മിക്കുന്നത്. മഹാത്മാഗാന്ധി, രവീന്ദ്രനാഥ ടാഗോർ വിവേകാനന്ദൻ, തുടങ്ങിയവരുടെ കേരള സന്ദര്ശന വേളയില് അവര്ക്ക് ആതിഥ്യമരുളിയതും ഈ സ്റ്റേഷന് തന്നെയായിരുന്നു. ഷൊർണ്ണൂരിനും കൊച്ചിക്കുമിടയിൽ വർഷങ്ങളോളം യാത്രകൾക്ക് ഉപയോഗിച്പോന്ന ഈ തീവണ്ടിപ്പാത ഇന്നൊരു ഓർമ്മമാത്രമായി ചുരുങ്ങിപ്പോയി. മറ്റേതെങ്കിലും രാജ്യത്തായിരുന്നെങ്കിൽ വിനോദ സഞ്ചാരികൾക്ക് നാടിന്റെ ചരിത്രം പറഞ്ഞുകൊടുക്കാൻ പാകത്തിന് ഇതുപോലുള്ള സ്ഥാപനങ്ങൾ എങ്ങനെ ഒരുക്കിയെടുക്കാം എന്ന് കണ്ടറിയാമായിരുന്നു. ഇനിയും പരിശ്രെമിച്ചാൽ വീണ്ടെടുക്കാവുന്ന നല്ലൊരു ചരിത്ര അവശേഷിപ്പ് എത്രയും പെട്ടന്നുതന്നെ ബന്ധപ്പെട്ടവർ ഇടപെട്ട് കാത്തുസൂക്ഷിക്കട്ടെ. എറണാകുളം നഗരഹൃദയത്തിൽ മംഗളവനത്തോട് ചേർന്ന് കിടക്കുന്ന ഈ പഴയ തീവണ്ടിത്താവളം ഭാവിയിൽ നല്ലൊരു വിനോദ സഞ്ചാര കേന്ദ്രമായി മാറട്ടെ എന്ന് ആശിച്ചുപോകും ഇതുകാണുന്ന ഓരോരുത്തരും.
#OldCochinCentralRailwayStation #TravelGunia