Рет қаралды 30,535
പാലക്കാട് ജില്ലയിലെ പട്ടാമ്പി ഫോറസ്റ്റ് റൈഞ്ചിനു കീഴിലുള്ള രാമഗിരി മല നിരകളിലാണു മൈസൂർ ഭരണ കാലത്തു നിർമ്മിക്കപ്പെട്ട രാമഗിരി (രാംഗേരി) കോട്ട സ്ഥിതി ചെയ്യുന്നത്. പട്ടാമ്പി പെരിന്തൽമണ്ണ റോഡിൽ നിന്ന് ആമയൂർ, കിഴക്കേക്കര, പൂവക്കോട് വഴി കോട്ടയിലേക്ക് എത്തിപ്പെടാനാകും. ഈ കോട്ടയെ പറ്റിയുള്ള ഒരു ചെറു പരാമർശം വില്യം ലോഗന്റെ മലബാർ മാന്വൽ എന്ന പുസ്തകത്തിൽ ഉണ്ട്. ഏകദേശം എ.ഡി 1750ൽ അന്നത്തെ മൈസൂർ രാജാവായിരുന്ന ഹൈദരാലി കോട്ട നിർമ്മിച്ചതായി കരുതപ്പെടുന്നു. മൈസൂർ സൈന്യം മുൻകൂട്ടി കണ്ടതു പോലെ പാലക്കാട് കോട്ടയ്ക്കു നേരെ ബ്രിട്ടീഷുകാർ അഴിച്ചുവിട്ട പല ആക്രമണങ്ങളേയും ധീരമായി ചെറുത്തു തോൽപ്പിക്കാൻ രാമഗിരി കോട്ട മൈസൂർ സൈന്യത്തെ സഹായിച്ചു. ഒരു കാലത്ത്, മലബാറിലെ മൈസൂർ ആധിപത്യത്തിൽ നിർണ്ണായക സ്ഥാനം വഹിച്ചിരുന്ന ഈ കോട്ട ഇന്ന് നാമാവശേഷമായിക്കൊണ്ടിരിക്കുന്നു. കാട്ടു പന്നികളും, പാമ്പിൻ കൂട്ടങ്ങളും കുറു നരികളും വിലസുന്ന ഈ കാട്ടിലൂടെ ഒരു സാഹസികയാത്ര.
#RamagiriKotta #RamagiriFortOngallur #Pattambi